"မိတ်ဆွေ သူငယ်ချင်းများအားလုံးကို မင်္ဂလာပါလို့ နှုတ်ခွန်းဆက်သရင်း ဒီစာမျက်နှာလေးမှ နွေးထွေးစွာကြိုဆိုလိုက်ပါတယ်"

Thursday, January 19, 2012

နှစ်သက်မိသော ကဗျာလေးတစ်ချို့

အမေစု ၏ စာကဗျာ

ဘ၀ဟူသည်
တိုတောင်းလှပေစွ
ကန်ရေပြင်၌ တက်သောေ
ရပွက်မျှသာ ဖြစ်တယ်။
ကွေးသောလက်များ ဆန့်မသွားမီ
မတည်သော အသက် ခန္ဓာ ဟူသည်
ဇာတိ ဇရာ မရဏ
သောက ပရိဒေ၀ အနိစ္စ
အမြဲမှန်ကန်သော အရာ
မမြဲခြင်းသာ ဖြစ်တယ်။
ဘုရားရှင်သော်မှ မလွှဲနိုင်တဲ့တရား
အနိစ္စ သေဆုံးခြင်း၏တရား။

တနေ့ တချိန်
လေမှာလွင့်သော....ပွင့်ချပ်ငယ်နှယ်
ကျွန်မ သေဆုံးပါလိမ့်မယ်။

ကျွန်မ အသက် လူကြီးအရွယ်
သွားရမဲ့လမ်း ပြင်ဆင်ခဲ့ပါတယ်။
ကျွန်မ ကိုယ် ကျွန်မ
ဖေဖေလို
အာဇာနည်လို့ မယူဆပါဘူး
အမှန်တရားနဲ့ တရားဥပဒေသာ
မြတ်နိုးပါတဲ့ သာမန်လူ
မြန်မာအမျိုး ကောင်းစားရေးကို
ရှေးရူသူသာဖြစ်တယ်။

အကယ်၍ ကျွန်မသေလွန်တဲ့အခါ
မငိုပါနဲ့ မပူဆွေးကြပါနဲ့
ကြီးကြီးကျယ်ကျယ် ဈာပနပွဲ
မလုပ်ကြပါနဲ့။
ကျွန်မကို ချစ်သူ မချစ်သူ
မည်သူမဆို လာရှုနိုင်တယ်
ပုပ်ပွ ဖူးယောင် လူသေကောင်၏
မျက်မြင် မုချ အသုဘ ကမ္မဋ္ဌန်း
အိုနာ သေခြင်း၏ မမြဲသောလမ်း။
ကျွန်မသေဆုံးပြီးနောက်
ချန်ထားခဲ့ပါရစေ။

ကျွန်မ၏ အထွဋ်မြတ်သော ဆံပင်
ရွှေတိဂုံ ဆံတော်ရှင်သို့ လှူဒါန်းပါ။
ကျွန်မ၏ မျက်ကြည်လွှာ.....
အလင်းမရသူကို လှူဒါန်းပေးပါ။
ကျွန်မ၏ နှလုံးသား...ကျောက်ကပ်
အသည်းကလီဇာများ
ကောင်းသေးပါက
လိုအပ်သူများအား လှူဒါန်းပေးပါ။

မသာတခေါက်
ကျောင်းဆယ်ခေါက်
နာရေး ကူညီသော စေတနာရှင်
စင်ကြယ်သော ကုသိုလ်နဲ့ ကိုကျော်သူ
ကျွန်မ အသက်မဲ့ ခန္ဓာကို
လှူပါတယ်။
ဖုတ်ကျည်းသဂြိုလ်ပေးပါ။
ပုပ်ပွလာမဲ့ ခန္ဓာအား
မီးသဂြိုလ်ပြီး....
ရလာသော ခန္ဓာ၏ ပြာမြေဇာ
အပင်တို့အတွက်
မြေသြဇာ ကြွေးပေးပါ။

နောင်လာနောက်သားများအတွက်
ကျွန်မ၏ နေအိမ် (သို့)
ကျမ၏ အကျဉ်းထောင်
အင်းစိန်ထောင်ခွဲ
အမှတ် ၅၄ တက္ကသိုလ်ရိပ်သာလမ်း
အောင်ဆန်းစုကြည်၏ ခြံတိုက်အဖြစ်
ကျွန်မ၏ အသုံးအဆောင် ...စာအုပ်
တီးသူမဲ့သော စန္ဒယား
ကျွန်မရဲ့ မြန်မာ အ၀တ်အစား
ရိုးသားသော
မြန်မာအမျိုးသမီးများ၏ တန်ဖိုးများ
နောင်လာနောင်သားများ ရှုမြင်စေ။

ကျွန်မ၏ ကျန်ရစ်သော
ဘဏ်ငွေသားအနည်းငယ်။။
ကျွန်မ၏ ဈာပနစရိတ်နှင့်
ဆင်းရဲသော သံဃာအိုများ အတွက်
ကျန်းမာရေး ဇီဝိတဒါန ဆေးအလှူ
ကွယ်လွန်သူ မိဘများ အမှူးထား၍
ကျွန်မနှင့် ကွယ်လွန်သော
ခင်ပွန်းအတွက်
သားများမှ ရေစက်ချ....အမျှဝေစေချင်ပါတယ်။

ကျွန်မရသော ငြိမ်းချမ်းရေး
နိုဘယ်ဆုငွေသား
$1.3 million အား
ကိုယ်ကျိုးအတွက် မသုံးစွဲ
တပြားမချန်
မြန်မာပြည်သူများအတွက်
ကျန်းမာရေးနှင့် ပညာရေး ရန်ပုံငွေ
လှူဒါန်းခဲ့ပါတယ်။
ကိုယ်စိတ်နှစ်ဖြာ ကျန်းမာ
ချမ်းသာကြပါစေ။
ကြား...ကြားသမျှ အမျှ အမျှ အမျှ
ယူတော်မူ။

အမျိုးအတွက် ထားတဲ့
အမေ့ရဲ့ စေတနာကို
နားလည် ပါရမီ ဖြည့်ပေးသူ သားများ
အမေ့ဘ၀မှာ မွေးရကျိုးနပ်ပါတယ်။
ဘုရားပေးသော ဆုလာဘ်
ဒီသားများသာ ဖြစ်ပါတယ်။
သားများအတွက်......
အမေ မွေးခဲ့သောဇီဝိတ အသက်
အဖေပေးခဲ့သော ပညာမှ တပါး
အခြားပေးရန် စည်းစိမ် အမွေ မရှိ။
စိတ်ဓါတ်နှင့် ကြံ့ခိုငသော မျိုးရိုးအမွေ
အောင်ဆန်းမျိုးရိုး....ဆက်ကျန်နေပါစေ။

အတူနေ မမဒေါ်ခင်ဝင်းနှင့် သမီးများ
ကျွန်မအား
စောင့်ရှောက်သော ကျေးဇူး
အထူးမမေ့ပါ။ ကျေးဇူးတင်ပါတယ်။
ဆေးဝါးကုသပေးသော
မောင်ငယ် ဒေါက်တာမျိုးဝင်း
သမားစိတ်ရင်းကြောင့် ကျမ
အသက်ရှည်....
ကျေးဇူးဆပ်စရာ ပစ္စည်းမဲ့သူ ကျမ
ဦးချပြီး ဆပ်ပါရစေ။

ပြည်တွင်းပြည်ပ....
ကျွန်မကို ချစ်ခင်ကြသော
ကျွန်မကို အားပေးကြသော
မိတ်ဆွေသင်္ဂဟ
သိသူ မသိသူမှန်သမျှ
ကျွန်မ ပြုသော ကုသိုလ် အဖို့ဘာဂ
ဝေမျှပါတယ်။
ရွှင်လန်းကြပါစေ။

ကျွန်မ၏ တစ်ဦးတည်းသော
ချစ်ရသော အစ်ကိုကြီး
သွေးသားစပ်သူ ဦးအောင်ဆန်းဦး
အတွက်......
ကျွန်မ အဖေ၏ ပန်းချီကားတချပ်....
သူမသေခင်.....ခေါင်းရင်းမှာ
ချိပ်ဖို့ ပေးအပ်ခဲ့တယ်။

အနှစ် ၂၀
သက်တမ်းအရ သက်တော်ရှည်
အဝေးရောက် ၀န်ကြီးချုပ်
ကျွန်မ၏ တ၀မ်းကွဲမောင်
ဒေါက်တာစိန်ဝင်း
ကျွန်မရဲ့ အနှစ် (၂၀)
အချုပ်ကာလအတွင်
ကျွန်မ ရတဲ့ ဆုတွေ လက်ခံတဲ့အခါ
စင်ပေါ်တက်
မျက်နှာပြ ဖော်ရပေးတာ
အထူးကျေးဇူးတင်ပါတယ်။

ဖေဖေ့မျက်နှာနဲ့
ကျွန်မအပေါ် ......မရှိတဲ့
အပြစ်ကိုတင်.....အကွက်ဆင်
အတင်းထောင်ချ....သပ်သျှိုပြန်ကယ်ပြတဲ့
အတုယူ ချီးမွမ်းထိုက်ပါသော
မှူးကြီးသန်းရွှေရဲ့ မေတ္တာ စေတနာ
မှတ်ကျောက်စာထိုးခဲ့ပါတယ်။
ကလိမ်ခြုံ နအဖ၏
ကျွန်မ မခေါ်ဘဲ
အလည်လာတဲ့ ဧည့်သည်
ကျွန်မ အသက်ဘေးအတွက် သူစိုးရိမ်တယ်။
မောပမ်း မေ့လဲနေသော
ဆီးချိုလူနာသည်သူ
ပုထုဇ္ဇနော ဥမ္မာတကော အဆိုရှိ
တကယ်မှန်မှန်.....မမှန်မှန်...
ဟုတ်သော်ရှိ မဟုတ်သော်ရှိ
ခမြာ....စေတနာ
သတိပေးကြောင့်ကြတဲ့အတွက်
သူ၏ ထားရှိသော ဂရုဏာ စေတနာ
ကျေးဇူးတင်ထိုက်ပါတယ်။

ကျွန်မသွားတဲ့အခါ
တရားသံဝေဂ
မျက်ရည် မကျကြပါနဲ့။
မပြီးဆုံးတဲ့ ကျွန်မရဲ့ဝတ္တရား
ကျရာ နေရာ ကူညီပါဝင်
ဖြည့်ဆည်းပေးကြပါ။
ကျွန်မအတွက် ထားတဲ့ ချစ်မေတ္တာ
တိုင်းပြည်အမျိုးအတွက်
လက်ဆင့်ကမ်းကြိုးစားပေးပါ။

အဖေပေးခဲ့တဲ့ လွတ်လပ်ရေး
ကျွန်မ လက်ထက်မှ မရသေးခင်
ကျွန်မသေလွန်ခဲ့ပါလျှင်
ကျွန်မကိုယ်စား
တာဝန် ဆက်ယူနိုင်ပါစေ
တနေ့မှာ......ဒေါင်းမျိုးနွယ်ဆက်
ပြန်ခေါင်းထောင်ထကြပါစေ
ဒို့ မြန်မာအမျိုး...သိက္ခာ မျိုးနွယ်ဆွေ။
အာဏာရှင် စနစ် ပြုတ်ကျပါစေ။

(အမေစု ကိုယ်တိုင်ရေး ဟုတ်မဟုတ် မသေချာပေမယ့် အီးမေးလ်မှတစ်ဆင့် သူငယ်ချင်းတစ်ယောက်ပေးပို့တာလေး လက်ခံရမိတော့ ဖတ်လိုက်တာ ရင်ကို တဲ့တဲ့ထိမှန်သွားခဲ့ပါတယ်
အမေစု သက်တော်ရာကျော်ရှည်ပါစေ ...)
အီဟွာသူ
မတ်လ ၁၃ ရက်၊ ၂၀၁၂

ဒီအမေစု စာကဗျာဆိုတာလေးက ၂၀၀၉ ခုနှစ်ကတည်းက အိုးဝေသတင်းမဂ္ဂဇင်းမှာ မသဒ္ဒါဆိုတဲ့ ကလောင်ရှင်ကရေးတာတဲ့။ အခုမှ လူအများကြားပြန့်ခွင့်ရတာကိုး။ ဘာပဲဖြစ်ဖြစ်ရေးတဲ့သူ တော်ပါတယ်နော် စာဖတ်သူ နှလုံးကို သိမ်းကျုံးယူသွားတယ်ဆိုတာ ဒါမျိုးထင်ပါ့
အီဟွာသူ
မတ်လ ၂၂ ရက်၊ ၂၀၁၂

အမေနှင့် အောင်နိမိတ်များ
(ကဗျာရှင် နေရဲနီ)

အမေ နေထိုင်တာ
ပါဝါ (၅၄)
တြင်းကြေ န၀င်းကြေ
ဘာနဲ့မှချေလို့မကြေ
ကတ်ကင်းနဲ့ ဓာတ်ရိုက်ဓာတ်ဆင်ဒဏ်ကို
နှစ်ပေါင်းနှစ်ဆယ်ကျော်ခံလာတာ
စိန်သားလိုမာပြီး
စိန်ရောင်လိုတဖျက်ဖျက်တလက်လက်
ယနေ့ထက်တိုင်အပြုံးမပျက်။

အမေ ဝင်ပြိုင်မှာ
ကော့မှူးမြို့နယ်
အာဏာ ပါဝါနဲ့ ကိုယ့်ကိုယ်ကိုအမွှန်းတင်
မှူး ဆိုတဲ့စကားလုံးကို
အသက်လိုခင်တွယ်ပြီး
တသက်လုံးဖက်ထားချင်သူများ
ကျော ကော့ အောင်သာခံဘို့ရာ
ပြင်ထားကြပေတော့။

အမေ သန်းခေါင်စာရင်းသွင်းတာ
ဝါးသင်္ခရွာ။
ပြည်သူ့ဘဏ္ဍာကို
မတော်မတရား ဝါး ထားတဲ့သူတွေလည်း
သင်္ခါရ ဥပဒေတရားနဲ့သာရွေ့ကြပေတော့။

အမေ ထားဝယ်သွားတုန်းက
အမေ ချီလာတဲ့လမ်းကြောင်းပေါ်မှာ
ဆင်စီးလာတဲ့ ရှင်ဘုရင်တောင်
လမ်းဘေး ဆင်းရှောင်ပေးခဲ့ရတယ်။
ဘုရင်ရူးရူးနေတဲ့သူတွေလည်း
ကိုယ့်အကြောင်းကိုယ်သိရင်
ခုကတည်းက တော်ရာကို
ကြိုတင်ကာ ရှောင်ရှားကြပေတော့။

အတိတ်နိမိတ်တွေကတော့ပြနေပြီ
မကြာခင်မှာ
အာဏာရှင်တွေ ရင်ထိတ်ပြီး
ပြည်သူတွေဘ၀ စိတ်အေးချမ်းရတော့မယ်။

နေရဲနီ

http://www.demowaiyan.co.cc/2012/02/blog-post_09.html

==================================

အမေနှင့် သူ၏ ပြည်သူများ
(ကဗျာရှင် နေရဲနီ)


ပန်းမြတ်တော်ဝင်
ပန်းသဇင်လည်း
အမေ့ခေါင်းမှာပန်ခဲ့ပြီ။

ရဲ့ရင့်တည်ကြည်
နှင်းဆီနီလည်း
အမေ့ရင်ဝယ်ပွေ့ခဲ့ပြီ။

ပြည်သူကမ်းလင့်
အောင်ပွဲကိုကြို
သပြေညိုလည်း
အမေ့လက်သို့ရောက်ခဲ့ပြိ။

ချိုသာမိန့်ကြား
အမေ့စကားလည်း
ပြည်သူ့နားသို့ဝင်ခဲ့ပြိ။

အမေ့ဟန်ပန်
ညှိုးရော်ပြန်လည်း
အမေ့အသံ အားမာန်အပြည့်။
အာဏာရှင်ခေတ်
ဒုက္ခနွံနစ်
ဆင်းရဲတွင်းထက်
ရုန်းထွက်ဖို့ရာ
အမေ့စကား
ခွန်းချိုပျားသို့
ပြည်သူ့အတွက်
အားဆေးတစ်ခွက်။

စိတ်အားသန်သန်
ဇွဲမာန်မလျှော့
အရိုးကြေကြေ
အရေခမ်းခမ်း
ဖိနှိပ်မှုဒဏ်
အမေတွန်းလှန်ခဲ့။

ဘယ်လိုပမ်းပမ်း
ဘယ်လိုနွမ်းနွမ်း
ပြည်သူ့ရှေ့မှောက်
အမေရောက်သော်
အမေ့မျက်နှာ အပြုံးမပျက်။
အမေသည်ကား
ပြည်သူ့ရှေ့ဆောင်
ဗိုလ်မင်းရောင်မြေး
အောင်ဆန်းသွေးမို့
အာဇာနည်မျိုး သေရိုးမရှိ။

အမေ့ပီတိ ပြည်သူ့ပီတိ
အမေ့အပြုံး ပြည်သူ့အပြုံးတည့်။

ပြည်သူ့မျက်ရည် အမေ့မျက်ရည်
ပြည်သူ့ဒုက္ခ အမေ့ဒုက္ခတည့်။

အမေသည်ကား ပြည်သူ့အသက်
ပြည်သူသည်ကား အမေ့အတွက်။

နေရဲနီ

http://www.demowaiyan.co.cc/2012/02/blog-post_5015.html

==============================

ကိုမင်းကိုနိုင်ဟာ လေစားလောက်တဲ့ အားကိုးလောက်တဲ့ တိုင်းပြည်အနာဂတ်သားကောင်းတစ်ဦးဖြစ်တဲ့အပြင် ကဗျာဆရာ အနုပညာသမားတစ်ဦးလည်းဖြစ်တယ်ဆိုတာ ကြားဘူးပေမယ့် သူ့ ကဗျာလေးတွေ ဒီနေ့မှ အီးမေးလ် ထဲရောက်လာလို့ ဖတ်ဖူးခဲ့တာပါ။ Internet မှာ သိမ်းထားချင်လို့ ခွင့်ပြုပါ ...

သစ္စာ

အမျိုးသားရေးအတွက်
အသက်ပေးသွားသော ရဲဘော်များအား
တိုင်တည်သစ္စာပြုပါ၏။

မပြီးပြတ်သေး တော်လှန်ရေးတွင်
ကျွန်ုပ်၏သွေး မနီသေးလျှင်
အသင်တို့ သွေးပက်ဖြန်းပေး၍
ရဲဆေးတင်ပေးကြပါလေ။

မပြီးပြတ်သေး တော်လှန်ရေးတွင်
ကျွန်ုပ်ဝိညာဉ် ကြောက်စိတ်ဝင်၍
မချင့်မရဲ သတ္တိနည်းလျှင်
သင်တို့ ဝိညာဉ်ပူးကပ်ဝင်၍
ကျွန်ုပ်အားထိန်းချုပ်သွားပါလေ။

မပြီးပြတ်သေး တော်လှန်ရေးတွင်
ကျွန်ုပ်သည်ကား အမျိုးဂုဏ်မောက် သစ္စာဖောက်ဟု
မထောက်မညှာပြုမိပါလျှင်
အသင်တို့၏ မညွတ်ပျောင်းသော
ခွပ်ဒေါင်းလက်ဖြင့်
ဝိုင်းညှပ်အပြစ်ပေးကြပါလေ။

မပြီးပြတ်သေး တော်လှန်ရေးအတွက်
ကျွန်ုပ်အသက်လမ်းတဝက်မှ ပေးဆပ်ရလည်း
လူဘုံလမ်းခွဲ ဝမ်းမနည်းဘဲ
တာဝန်တရပ်ကျေပြွန်မှတ်၍
ထပ်ဆင့်ပျော်ဝင် ကျွန်ုပ်ဝိညာဉ်သည်
ဒေါင်းအလံကိုဆွဲ လေတွင်ဝဲ၍
သင်တို့ ရှိရာ ကျွန်ုပ်လာမည်
ရင်ဖွင့် ကြိုကြပါလေ။

မင်းကိုနိုင်


မက်စရာအိပ်မက်လည်းမရှိဘူး

ကန္တာရမှာ စက်ပျက်ကြာခဲ့ယာဉ်တစ်စင်းလို
ရှုခင်းသာမှာ လီဗာတစ်ဆုံးနင်းရတယ်
နောက်ကျနေပြီ အသိကညှင်း
ဘိန်းစားဘိန်းပြတ်သလို
ကဗျာငတ်ခဲ့ပါတယ်
စာငတ်ခဲ့ပါတယ်
အမြတ်တနိုးနဲ့
မစားရက် မသောက်ရက်ခဲ့သမျှ
လက်တကမ်းဖွင့်ပြ တစ်ချက်နမ်းခွင့်မရ
ဒဏ်ချိုချို ဘဝတိုတို သွားရည်ယို ငေးကောင်းတုန်း
ပဉ္စလက်ဆရာလက်ကြားက ဖော့တုံးလို
ဖျောက်ပြမှာကို သိနေလည်း
ကြည့်နေရတာပါပဲ (မသက်မသာကြည့်နေရတာပါပဲ)။

ဟော-ယကွင်းဆွဲကြီး ချမ်းကနဲခုတ်လိုက်ပေါ့
မျက်လှည့်ပွဲ ပြီးတော့မယ်
ပြန်စရာကလည်း အိမ်မရှိဘူး
မက်စရာအိပ်မက်လည်းမရှိဘူး
အိတ်ထဲလက်နှိုက်တော့
မနေ့ည နောက်ဆုံးရထားလက်မှတ်
အထက်တန်း အိပ်ခန်းတွဲနှစ်စောင်။

မင်းကိုနိုင်
(စစ်တွေထောင်တွင်းစပ် ကဗျာ)


ကြယ်ကြွေသတို့သား

သူငယ်ချင်း
မင်းဟာ ယုံကြည်ရာကို
ရင်သွေးလိုလည်း မွေးခဲ့တယ်။

သူငယ်ချင်း
မင်းဟာ ဒဏ်ရာတွေကို
ဆီမီးလိုလည်း ထွန်းခဲ့တယ်။

သူငယ်ချင်း
မင်းဟာ ကိုယ့်အနာ
ကိုယ့်လျှာနဲ့ ပြန်သပ်
ရှင်တတ်ခဲ့ပြီးပြီပဲ။

သူငယ်ချင်း
မင်းဟာ
ကိုယ့်အရေပြား ကိုယ်လွှာ
ကိုယ့်အရိုးကို အပ်လိုသွေး
ကိုယ့်ဝတ်စုံ ကိုယ်ချုပ်လို့
ကျကျနန လှခဲ့ပြီးပြီပဲ။

သူငယ်ချင်း
သွားနှင့် သူငယ်ချင်း
ကြယ်အစင်းစင်း ကြွေတဲ့
ဟောဒီကမ္ဘာမြေရဲ့ အနာတရတွေကို
စွမ်းသမျှ ကုစားဖို့
ငါတို့ နေရစ်ခဲ့ဦးမယ်။

သွားနှင့် သူငယ်ချင်း
နေအစင်းစင်းပူတဲ့
ကမ္ဘာမြေရဲ့ ဒဏ်ရာတွေကို
လက်ဖဝါးတွေနဲ့ ကာကွယ်ဖို့
ငါတို့ နေရစ်ခဲ့ဦးမယ်။

သွားနှင့် သူငယ်ချင်း
ကမ္ဘာမြေရဲ့ ကြေကွဲခြင်းဓာတ်ပြားထဲ
မင်းရဲ့ ကဗျာတွေ
မာတိကာစီဖို့
ငါတို့ နေရစ်ခဲ့ဦးမယ်။

သွားနှင့် သူငယ်ချင်း
ကျောင်းနံရံတဝိုက်
ဒေါင်းအလံ ပြန်စိုက်တဲ့တစ်နေ့
ငါတို့ .......... ။

မင်းကိုနိုင်
(၂၀ဝ၇ ဩဂုတ်လ ၇ ရက်နေ့က တာရာမင်းဝေရဲ့ ဈာပနမှာ
၈၈ မျိုးဆက်ကျောင်းသားများ ကိုယ်စား မင်းကိုနိုင် ရေးဖွဲ့ ရွတ်ဆိုတဲ့ကဗျာ)


"... ... ... ... "

တိုက်ပိတ်လို့ 
ဝစီပိတ်ခဲ့ရ
အဲဒီနှုတ်ခမ်းနဲ့ ဖွဲ့ကြည့်တဲ့ဂီတ
အံ မ ကျ ဘူး ...

ဆယ်နှစ်ဆယ်မိုး ခေါက်ရိုးကျိုး
အဖြူရောင်ကသိုဏ်းရှုခဲ့ရ
အဲဒီ့ မျက်လုံးတွေနဲ့ 
ဖန်တီးချင်တဲ့ရောင်စုံရှုခင်းအလှ
အံ မ ကျ ဘူး ...

လောကဓံကထိုးလိုက်တဲ့
မေးရိုးအကျိုးကြီးနဲ့
လောကကို ပြန်ပြုံးပြနေရတာကိုက
အံ မ ကျ ဘူး ...

မင်းကိုနိုင်
(Q မှတဆင့်)


ကံခေသူ

မြတ်နိုးသမျှ ဆုံးရှုံးသူဟာ ကံဆိုးသမား (- ဆိုရင်)
ကျနော် အချစ်ရေးမှာ ကံခေသူ

ဆုံးရှုံးမှ တန်ဖိုးသိသူဟာ လူမိုက် (- ဆိုရင်)
မိသားစုဘဝမှာ ကျနော် မလိမ္မာခဲ့

လူမိုက်ဟာ ကံကောင်းနေမှန်း မသိလို့ မခံစားပေမဲ့
လူလိမ္မာဟာ ကံဆိုးနေမှန်းသိလို့ ခံစားရပေတယ်။

လူမိုက်ကံဆိုးတော့ ကြုံပြီးပြီ။
လူလိမ္မာကံကောင်း ဇာတ်ပေါင်းခန်းတော့ မျှော်ရီရီ။

မင်းကိုနိုင်
စစ်တွေထောင်တွင်းစပ်ကဗျာ ပေးပို့သူ နိုင်နိုင် (ALD)


မရှိခဏ

မြွေကြီးလို့သာ နဂါးဖြစ်လာတာ
ထောင်ပြစရာ အမောက်ကမရှိဖူး

လက်ဖဝါးမို့သာ အရေးအကြောင်းပါလာ
မာန်တက်စရာ ထီးရိုးမရှိဖူး

ကိုယ်စီခတ်ကွင်းပြင် မြစ်ထဲတော့ဝင်လာကြတာပဲ
ရေတံခွန်ကြီး ဘွားကနဲမြင်တော့မှ

အစုန်သမားက လန့်အော်
အဆန်သမားက ဆက်မလှော်နိုင်တော့ဖူး

နှစ်ကူးလို့သာ ဂဏန်းကြီးလာတာ
တကယ်ပြစရာ အသက်လဲမရှိဖူး

လှုပ်ရှားနေလို့သာ ဘဝလို့ခေါ်တာ
ဖေါ်ပြစရာ အဓိပ္ပာယ်လည်းမရှိဖူး

မင်းကိုနိုင်
စစ်တွေထောင်တွင်းစပ်ကဗျာ


ဘောလုံးသမား သူငယ်ချင်းများ

ပိုးကုန် အချိန်ကုန်
စောင်းတီးသင်ဖို့ အခွင့်မကြုံသမျှ
ငါတို့လက်တွေ
မိုးစက်တွေကို ဆုပ်ကိုင်
ကျောင်းခေါင်းလောင်းကို လှုပ်ယမ်းစေနိုင်ခဲ့။
ဂိုးအသွင်းမခံရဖို့
အနိုင်ဂိုးဖိသွင်းဖို့ 
ဘောလုံးကွင်းမရှိသေးတော့အတူ
အပြေးပဲ ကျင့်ခဲ့ကြပေါ့။

လေသွင်း လေထုတ်
အလုပ်နှစ်ခုပညာ
ပယောဂ မပါပဲ တတ်ခါစ...
တစ်ယောက်ဒဏ်ရာတစ်ယောက် လျှာနဲ့ လျှက်ပေးကြ
တစ်ယောက်ကွေးရင် တစ်ယောက် ထုရိုက်ဖြောင့်ပေးကြ
တကယ်ပါ ဒါတွေဟာ
ငါတို့ လျော်နိုင်လို့ အထိုးခံဝံ့တဲ့
လောင်းကြေးတွေပါ။
"တစ်သက် ထာဝရ သတိရနေမယ်"
အဲဒါတွေက
ငါတို့ လုသောက်နေကြ အုန်းမှုတ်ခွက်ကို
"ရွှေခွက်" လို့ လာရေးတဲ့ အက္ခရာတွေပါ။
တွေ့ဆုံခွဲခွာ
မျက်နှာနှစ်ဘက်ပါတဲ့ အသပြာ တစ်ချပ်
ကိုယ်ကြိုက်ရာ ဝယ်စားတတ်ပြီးတဲ့အခါ
ချိုချဉ်ဖန်ခါး အသားတစ်ဆုပ် အရွက်တစ်ရာ
စားမြုံ့ ပြန်မယ်လုပ်ခါမှ
မှန်ထဲမှာငါ့ကိုယ်နဲ့ ဘယ်သူ့ မျက်နှာလဲ...
အလီတွေရွတ် ချွတ်ကြည့်လည်းမရ
ဂါထာတွေရွတ် ချွတ်ကြည့်လည်းမရ
ဘယ်သူ့ ပယောဂ လည်းဟေ့...
မဟုတ်ဘူး
ငါတို့ အတတ်ကြူး စွပ်ခဲ့ကြတာ။
ချွတ်မရတော့တဲ့ မျက်နှာဖုံးတွေအောက်
တစ်ယောက်မျက်နှာ တစ်ယောက်မမြင်
ခုတော့
တစ်ယောက်ဂိုးပေါက်ပဲ တစ်ယောက်မြင်
ရွှေဂိုးတွေ တစ်ဒိုင်းဒိုင်း ကန်သွင်းချင်နေကြတယ်။

မင်းကိုနိုင်


မျှော်လင့်ခြင်း

ဆန္ဒနဲ့ဘဝ
တထပ်ထဲကျဖို့ဆိုတာက
ကူပွန်လေးတစောင်ထဲကိုင်ပြီး
ကံစမ်းမဲ ပထမဆုကို စောင့်မျှော်နေတာပါ။
ငါတို့တွေကိုက
တိုက်ဆင်တွေလို အရေထူဖို့ကြိုးစားနေရတာ
တိုက်ပွဲကြမ်းကဒဏ်ရာ အောင်ပွဲမှာပြကြေးကိုး။
ဓာတ်စာအမျိုးမျိုးကို
အိပ်ရာထဲက ပူစာနေတဲ့
လူမမာနဲ့တူနေပြီမှန်းလဲ သိပါရဲ့။
အမေခွံ့ကျွေးသမျှ
(တကျိကျိအော်ပြီး) ပါးစပ်လိုက်ဟ
ငှက်ပေါက်ကလေးဘဝက
ငါလဲ ကျော်ဖြတ်ချင်လှပါပြီဟာ။
လောင်ဂျီကျု မျဉ်းတကြောင်းထဲအပေါ် မနေနိုင်ကြပေ
နေ့ညတွေ မတူကြ
ငါ့အိပ်မက်တွေ ပြောပြမဲ့ မနက်တွေမှာ
နင်က အိပ်မောကျခါစ။
"နှင်း" သီချင်းထဲကလိုပေါ့
"ခုတော့ပင်လယ်ပဲရှိတယ်" ဆိုတဲ့ အပိုဒ်
ငါကျော့ဆိုနေလိုက်မယ်။
တနေ့မှာတော့
ငါကောက်ထားသမျှ ခရုခွံတွေနဲ့
အရုပ်ကလေးတွေ လုပ်ပြဦးမယ်။
မျောက်ကလေးတွေ သန်းရှာနေတဲ့ အရုပ်လဲပါ။

မင်းကိုနိုင်
(စစ်တွေထောင်တွင် အကျဉ်းကျခံနေရစဉ်အတွင်း ရေးဖွဲ့သည်။)


ရှစ်လေးလုံး

တိုင်းတပါးကျွန်
စစ်တပ်ကျွန်
ဘယ်ကျွန်မှမခံ
ဒေါင်းအလံဟေ့
ကျောင်းနံရံတဝိုက်
ဒေါင်းအလံပြန်စိုက်မယ်။

မင်းကိုနိုင်

လင်းလက်နေမယ့် ကြယ်

by Nay Phone Latt on Tuesday, October 18, 2011 at 9:08pm

“ကျွန်တော် မင်းကိုနိုင်ပါ…”

သံတိုင်တွေကြားထဲကနေ

ကမ်းပေးလာတဲ့လက်ကို

ဖျစ်ညှစ်ဆုပ်ကိုင်လိုက်မိချိန်မှာပဲ

ကျွန်တော့်ရဲ့ သွေးကြောတွေထဲ

အားအင်တွေ ပြင်းအားတစ်ခုနဲ့စီးဝင်လာ

“အစ်ကို… ငါတို့နဲ့အတူ ရှိနေတယ်” ဆိုတဲ့စိတ်နဲ့

အရာရာကို ရင်ဆိုင်ရဲခဲ့ပါတယ်။

သွေးသားမတော်စပ်ပေမယ့်

ကျွန်တော်တို့တွေ ရင်ဘတ်ချင်း နီးကပ်ခဲ့ကြ

အစ်ကို… ပါးစပ်နဲ့ရေးပြတဲ့ ၀တ္ထုတိုတွေ

ကျွန်တော် နားနဲ့ဖတ်ခဲ့ရဖူးတယ်

ည ည ရွတ်တဲ့ အစ်ကို့ရဲ့ကဗျာတွေကို

အိပ်ယာဝင်ပုံပြင်တွေလို ကျွန်တော် နားထောင်အိပ်စက်ခဲ့ဖူးတယ်

အစ်ကိုက… နှလုံးသားနဲ့ သီချင်းတွေဆိုပြတော့လဲ

ကျွန်တော် မျက်ရည်စက်လက်နဲ့ ခံစားနာကျင်ခဲ့ရ

“ကောင်းကျိုးအထွေထွေ ချွန်စေမြစေ

ဒေါင်းအိုးဝေ တွန်စေ က,စေ

တို့အဘိုးရဲ့ ရိုးရာလက်ရာအမွေ

ကျောင်းအနှံ့ ဒေါင်းအလံစိုက်ကာပေ…”

အစ်ကို မျှော်လင့်တဲ့အချိန်ကာလ

ကျွန်တော်တို့ တွန်ရင်း က,ရင်း ဆက်လျှောက်ကြရဦးမယ်။

“ရေခဲသေတ္တာထဲ နေရသလိုပဲ…” တဲ့

အစ်ကိုပြောလိုက်တဲ့စကား တဆင့်ပြန်ကြားရတော့

ကျွန်တော့်ဒုက္ခတွေကို မေ့သွားတယ်

အစ်ကို ရင်းနှီးခဲ့ရတဲ့

ဆယ်စုနှစ် နှစ်ခုစာကာလ

ပျိုမြစ်စိမ်းလန်းသော လူငယ်ဘ၀

ခက်ခဲကြမ်းတမ်းလွန်းလှတဲ့

သမိုင်းရဲ့စာမျက်နှာ အပိုင်းအစတွေထဲမှာ

အစ်ကိုတောင် ပြုံးနေနိုင်သေးရင်

ကျွန်တော်က ဘာလို့ စိတ်ဓါတ်ကျရမလဲ

အဲဒီလို… အဲဒီလို

အစ်ကို့ရဲ့ အရှိတရားသက်သက်က

ကျွန်တော့်ကို အားတက်စေခဲ့တယ်။

ကျေးဇူးပါ… အစ်ကို

မနက်လင်းချိန်တိုင်း ကြားခဲ့ရဖူးတဲ့

မင်္ဂလာပါ ဆိုတဲ့ အစ်ကို့အသံအတွက်

ကျေးဇူးပါ… အစ်ကို

ရံဖန်ရံခါ မြင်ခဲ့ရဖူးတဲ့

ရိုးသားရဲရင့်သော အပြုံးသန့်သန့်တွေအတွက်

ကျေးဇူးပါ… အစ်ကို

အစ်ကို နယ်ဖတ်ကျွေးခဲ့ဖူးတဲ့

စုံစီနဖာအသုတ်စုံဟင်းလျာအတွက်

ကျေးဇူးပါ… အစ်ကို

ညီတွေအားလုံးကို တစ်ယောက်မှ မလပ်စေခဲ့တဲ့

အစ်ကို့ရဲ့ ဂရုစိုက်ဖြည့်စွက်ပေးမှုတွေအတွက်

အထူးသဖြင့်…

အစ်ကို ဘ၀နဲ့ရင်းပြီး နားလည်စေခဲ့တဲ့

ယုံကြည်ချက်အတွက်

အဆုံးစွန်ဆုံးအထိ ရဲရင့်ရမယ် ဆိုတဲ့

အသိတရားတစ်ခုအတွက်

လေးလေးနက်နက်

ကျေးဇူးတင်လျက်ပါ… အစ်ကို။

လောကဓံရဲ့ရိုက်ချက်တွေ ဘယ်လောက်ကြမ်းကြမ်း

အစ်ကို လိပ်ပြာသန့်သန့်နဲ့ ဖြတ်သန်းနေမယ်ဆိုတာ

ကျွန်တော်… ယုံပါတယ်

အခက်အခဲ အတားအဆီးတွေများစွာအတွက်

ဆင်ခြေဆင်လက်တွေ လိုက်ရှာမနေဘဲ

အစ်ကို… လုပ်စရာရှိတာတွေ ဆက်လုပ်နေမှာကိုလဲ

ကျွန်တော်… နားလည်တယ်

အချိန်ကာလနဲ့ နေရာဒေသရဲ့ အကန့်အသတ်ကို

စိတ်ဓါတ်ခွန်အားနဲ့ ကျော်ဖြတ်

“မင်းကိုနိုင်” ဆိုတဲ့ အမှတ်လက္ခဏာတစ်ခုကို

ဘယ်လိုအရာမျိုးကမှ

တွန်းဖြိုချေဖျက်လို့ မရနိုင်ဘူးလို့လဲ

ကျွန်တော်… ယုံကြည်တယ်

သူရဲကောင်းတို့ရဲ့ နှလုံးသားဟာ

ခေတ်အဆက်ဆက်

ကူးစပ်တည်မြဲပါတယ်

အစ်ကိုလျှောက်ခဲ့တဲ့လမ်းကို

အစ်ကို့လို ပွင့်ရဲတဲ့ပန်းတွေ

မျိုးဆက်တစ်ခုချင်းစီ လက်ဆင့်ကမ်း

အစဉ်ထာဝရ လျှောက်လှမ်းနေကြဦးမယ်ဆိုတာ

မလွဲနိုင်တဲ့… သေချာမှုတစ်ခုပါ အစ်ကို။

အစ်ကို တာဝန်ကျေခဲ့ပါတယ်

ကျွန်တော်တို့ တာဝန်ကျေရဦးမယ်

မျိုးဆက်သစ်တွေ တာဝန်ကျေကြပါလိမ့်မယ်

လူငယ်ဆိုတာ…

သမိုင်းရဲ့ အချိုးအကွေ့တွေတိုင်းမှာ

ဘယ်သောအခါမှ မတွေဝေ မတုံ့ဆိုင်းခဲ့တဲ့သူ

လူငယ်ဆိုတာ…

ခေတ်ရဲ့ အဆိုးအကောင်းတွေထဲမှာ

ဘယ်တော့မှ ယိမ်းယိုင်ပြောင်းလဲမသွားတတ်တဲ့သူ

လူငယ်ဆိုတာ…

လိုအပ်ရင် လိုအပ်တဲ့ အချိန်တွေတိုင်းအတွက်

အမြဲအဆင်သင့်ရှိနေတတ်တဲ့သူ

ကြယ်တွေအစင်းစင်း ကြွေခဲ့ကြဖူးပေမယ့်

ကြယ်တွေအစင်းစင်း ဝေမြဲဝေဆဲ… ကောင်းကင်

လူငယ်ဆိုတာ…

အမှောင်ထုတိုင်းကို အန်တုဆန့်ကျင်မယ့်

ခေတ်တိုင်းရဲ့ အလင်းစွမ်းအင်ဖြစ်တယ်။

အစ်ကို့ရဲ့ မွေးနေ့တွေတိုင်းမှာ

အစ်ကို့ရဲ့ ညီတွေညီမတွေအားလုံးက

သူတို့ကိုယ်သူတို့

အလင်းလက်ဆုံး ထွန်းညှိပြကြရင်း

သူတို့ကိုယ်တိုင်ကိုက

အစ်ကို့အတွက် လက်ဆောင်တွေဖြစ်နေကြလိမ့်မယ်

အဲဒီအခါ… အစ်ကိုကလည်း

ချမ်းမြေ့စွာ တောက်ပခက်ဖြာနေရင်း

ကြည်နူးကျေနပ်နေဦးမှာ

ကျွန်တော်… သိပါတယ်။

ချစ်ခင်လေးစားစွာဖြင့်

နေဘုန်းလတ်

29.09.2011 (Thursday)

16:00

18.10.2011 (Tuesday) မှာ ကျရောက်သော ကိုပေါ့်ရဲ့ (၄၉) နှစ်ပြည့် မွေးနေ့အမှတ်တရ...

ဘားအံအကျဉ်းထောင်မှ ရေးသားပေးပို့သည်။

Nay Phone Latt FB မှ ကူးယူဖော်ပြပါသည်။


Love

Love is real, real is love ...

Love is feeling, feeling is love ...

Love is wanting to be loved.

Love is touch, touch is love ...

Love is reaching, reaching is love ...

Love is asking ... to be loved.

Love is you ... you and me

Love is knowing ... we can be.

Love is free, free is love ...

Love is living, living is love ...

Love is needing to be loved.

(John Lennon)

such a lovely lyric ^.^

ဒေါင်းမျိုး ဒေါင်းနွယ်

နိုင်ဦးညို
ဇန်န၀ါရီ ၂၆၊ ၂၀၁၂

အမှန်အကန် ဒေါင်းတွေ တဖြတ်ဖြတ် ပျံသန်းနေဆဲမှာ
အကြံအဖန်ဒေါင်းတွေ တ၀ုန်းဝုန်း ပြေးလွှားနေကြတယ်
ဒေါင်းအမှန်တွေ လမ်းခုလတ်မှာ ထိခိုက် ကျိုးကျေခဲ့ပေမယ့်
ဒေါင်းအကြံတွေတော့ ပန်းပန်နေဆဲပေါ့ …။

အကြံအဖန် ဒေါင်း
အမှန်အကန် ဒေါင်း
အတွင်းထဲက ဒေါင်း
ပြည်ပရောက် ဒေါင်း
ပြည်တော်ပြန် ဒေါင်း
အသွင်းပြောင်းတဲ့ ဒေါင်း
အယူသည်းတဲ့ ဒေါင်း
အပူမီးနဲ့ ဒေါင်း
ခါတော်မှီ ဒေါင်း
စည်းစိမ်ရစ်နေတဲ့ ဒေါင်း
လမ်းဘေးရောက်နေတဲ့ ဒေါင်း
အနားယူသွားတဲ့ ဒေါင်း
ဆက်သွားနေတဲ့ ဒေါင်း
ကတဲ့ ဒေါင်း
ခွပ်တဲ့ ဒေါင်း
အမြီးပြတ်သွားတဲ့ ဒေါင်း
ကျီးဖြစ်သွားတဲ့ ဒေါင်း
အမတ်ဖြစ်သွားတဲ့ ဒေါင်း
ဒေါင်းတကာဒေါင်းတွေ ဒေါင်းတကာဒေါင်းတွေ
ဘယ်ဒေါင်းယူမလဲ ကြိုက်တာရွေးယူ
ငွေပေါ် လျှော့ဈေးလည်း ရှိရဲ့
ကြိုက်ဈေးခေါ်သူလည်း ရှိရဲ့
အရှက်တကွဲ အကျိုးနည်းတဲ့သူလည်း ရှိရဲ့
အသက်နဲ့ လဲမယ့်သူလည်း ရှိရဲ့
အသက်နဲ့ လဲမယ့်သူလည်း ရှိရဲ့
အသက်နဲ့ လဲမယ့်သူလည်း ရှိရဲ့ …။
ကျန်ကောင်း ကျန်ပါသေးရဲ့ …။

=====================

မင်းကိုနိုင်၊ ဖေဖော်ဝါရီ ၁၄၊ ၂၀၁၂
ခဲတံချွန်ပြီးပြီ
ကျောင်းသင်္ခန်းပုံ ဆွဲချင်ဆွဲ
ဝစ်လစ်စလစ်ပုံ ဆွဲချင်ဆွဲ
သဘောပဲလေ
ဒီမြေမှာ
ဓါးလှံတွေ ကြဲချင်ကြဲ
ချိုးငှက်တွေ ၀ဲလိုဝဲ
သဘောပဲလေ
စိတ်ချ ကလေးရေ
စစ်တိုက်ခန်းတွေ မကြိုက်လို့
ထိုးကြိတ်ခန်းတွေ မကြည့်လို့
သူရဲဘောကြောင်တယ် မစွပ်စွဲဘူး
ဒါပေမယ့် ကလေးရေ
ကိုယ်ဆွဲရာ ကိုယ့်ကားချပ်
ကိုယ့်လက်မှတ်တော့ ထိုးရမယ်
(ဖေဖော်ဝါရီ ၁၃၊ ၂၀၁၂)

http://moemaka.com/2012/02/min-ko-naing-poem/


Sunday, January 15, 2012

သွေးမကြောင်သူ ခွပ်ဒေါင်းများသို့
ပေးဆပ်သူနှလုံးသားဆိုတာ မုသားမှမဟုတ်ခဲ့တာ

အဓိပတိလမ်းမပေါ်က ဘွဲ့နှင်းသဘင်သိဆဲပါ
သိပ္ပံမြက်ခင်းပြင်က သစ်ပုတ်ပင်ရှိဆဲအခါ
ဂျက်ဆင်က သက်သေခံလို့ အင်းယားကန်ကြီးတည်ဆဲပါ…
မရှိတော့တာ အုတ်ခုံပြင်ထက်က တစ်ချိန်က တို့သမဂ္ဂ...
OK - ဆိုစကားတစ်လုံးနောက်မှာ ပြာပုံအဖြစ်အတိလဲကျ…
ဒေါင်းငှက်တွေမီးသင့်လို့ကျူးရင့်လို့အော်မြည်သံ သမိုင်းထက်မှ မတင်ကျန်လဲ
နှလုံးသားထက်ခိုနေပြန် ကြည့်တတ်ရင် မြင်နှိုင်ပါတယ် ယုဒဿန်ကငိုနေဆဲ……..
ကန်ရေပြင်အင်းယားက မကြည်လင်ဘူး နီနေမြဲ…. ကမ္ဘာမကြေဘူးဟေ့
ဥဒါန်းအကြွေးတင်နေဆဲ…..
ခွပ်
ဒေါင်းကစတဲ့ဇာတ်ကို ခွပ်ဒေါင်းမှ ခရာတွင်ခဲ့
ဥဒေတယံ ဂါထာကျူးပြီး ဥဒေါင်းမင်းလိုသဘောလည်းမကောင်း….
တရုတ်ကြိုက်ကတဲ့ဒေါင်းက ဖင်ဟောင်းလောင်းနဲ့ကြည့်လည်းမကောင်း
နေဝန်းနီရှေ့အရပ်မှ မြန်မာပြည်တစ်ခေတ်ပြောင်းမဲ့ဒေါင်း
အချုပ်ကျရန်ဟန်တွေပြလည်း သွေးမကြောင်တတ်တာ ငါတို့ခွပ်ဒေါင်း.....

(PS...
လွတ်မြောက်ကျောင်းသားခေါင်းဆောင်များအားကြိုဆိုဂုဏ်ပြုလျက်....KGK)
Jan 13, 2011 လွတ်ငြိမ်းချမ်းသာခွင့်ကြောင့်လွတ်မြောက်လာသူတွေကို ကြိုဆိုပြီးစပ်ဆိုထားတဲ့ ကဗျာလေးပါ။ EMG ရဲ့ Facebook က comment တစ်ခုမှာတွေ့လို့ ကူးလာပါတယ်။ စာလုံးပေါင်းမှားနေတာလေးတွေပဲ ပြင်ပြီး အမှတ်တရ သိမ်းထားလိုက်တာပါ ...)

Saturday, November 19, 2011

ကျောင်းစိမ်းတစ်ထည်၏ အတ္ထုပ္ပတ္တိ

ကျောင်းစိမ်းတစ်ထည်၏ အတ္ထုပ္ပတ္တိ

(၁)

စားပွဲပေါ်မှာ အထပ်လိုက်ရှိနေသည့် ပုဆိုးပုံကိုကြည့်ပြီး အဖြစ်အပျက်တို့ကို စဉ်းစားနေမိသည်။ ခုချိန်က သီတင်းကျွတ်လည်းမဟုတ်၊ တန်ဆောင်တိုင်လည်းမဟုတ်၊ အခါကြီးရက်ကြီးလည်းမဟုတ်။

" အင်း...မဟုတ်မှလွဲရော... ဟိုဆရာမပဲဖြစ်မယ်"

" ဒါဆိုရင်တော့...... အင်း..."

ကျနော် ချွေးပြန်ခဲ့ရသည့်နေ့၊ ထိုနေ့ကို ကျနော် မှတ်မှတ်ရရ ဖြစ်နေမိသည်။

ညနေကျောင်းဆင်းအပြီး အိမ်မှာတစ်ယောက်ထဲ အေးအေးဆေးဆေး စာထိုင်ဖတ်နေသည်၊ မိန်းမက ညနေစာထမင်းတစ်အိုး ချက်ထားခဲ့ပြီး ဟင်းချိုခပ်ရန် အရွက်ရှာမည်ဆိုကာ ရွာထဲ ထွက်သွားလေသည်။ ကျနော်နေသည့်အိမ်က ကျောင်းဝင်းအတွင်းမှာပင်ရှိသည်။ စာသင်ကျောင်းဆောင်နှစ်ခုအကြားတွင် လမ်းကလေးရှိသည်။ ထိုလမ်းကလေးထိပ်ဆုံးတွင် သွပ်မိုး ပျဉ်ကာ အုပ်ညှပ် လုံးချင်းအိမ်ကလေးသဖွယ် အဆောက်အအုံကလေးရှိ်သည်။ အိမ်လည်းဟုတ်သည်၊ ရုံးခန်းဆိုလည်းမမှား၊ ကျောင်းချိန်တွင် ကျောင်းအုပ်ကြီး ရုံးခန်းဖြစ်သည်၊ ဆရာ/ဆရာမများနှင့် အစည်းဝေးလုပ်သည့်စားပွဲသည် ကျနော်တို့ လင်မယား၏ ထမင်းစားပွဲလည်းဖြစ်သည်။

ကျနော်သည် ယခုလက်ရှိကျောင်းကို ၁၉၉၀ခုနှစ်၊ ဇွန်လတွင် ရောက်ရှိခဲ့ပါသည်။ ဤရွာသို့ အလယ်တန်းကျောင်းအုပ်အဖြစ် ရောက်လာကတည်းက ရွာထဲတွင် စုံစမ်းပြီးချေပြီ။ ရွာထဲတွင် ရန်ကုန်နှင့် အခြားမြို့များမှ တာဝန်ကျသည့် ဆရာဆရာမများ အချင်းချင်း နှစ်ယောက်တစ်တွဲ သုံးယောက်တစ်တွဲဆိုသလို စုပေါင်းပြီး အိမ်ငှားနေကြရသည်။

အိမ်တစ်လုံးငှားခကလည်းမသေး၊ နှစ်ရာ့ငါးဆယ် သုံးရာရှိသည်၊ ကျနော်မငှားနိုင်ပါ။ ကျနော်၏ အလယ်တန်း ကျောင်းအုပ်လစာက တစ်လ (၁၂၅၀) ကျပ်။ ဝန်ထမ်းဆန်ဘိုး ဆီဘိုး သက်သာကြေး ငွေစုငွေချေးသမ စသဖြင့် ဖြတ်တောက်ပြီးပါက (၈၀၀)ကျပ် ပျော့ပျော့သာ ကျန်သည်။

ကျနော့်သမီးကြီးက ဒီနှစ်ဆယ်တန်း၊ သားအငယ်က ကိုးတန်းတက်နေသည်။ သူတို့ရှေ့ရေးအတွက် နယ်စပ်ဒေသမှာ တာဝန်ထမ်းဆောင်ရာက ရန်ကုန်မြို့သို့ ပြောင်းရွှေ့ခွင့်တင်ခဲ့ရာ ရန်ကုန်တိုင်းတော့ ရောက်ပါသည်။ ရန်ကုန်တိုင်း ကော့မှုးမြို့နယ်အပိုင် ရွာလေးတစ်ရွာသို့ ရောက်ခဲ့ရလေသည်။

ခုမှခက်ချေပြီ၊ ရွာမှာ အထက်တန်းကျောင်းမရှိ၊ ကော့မှုးမြို့ပေါ်သို့ သွားရောက်ထားပါက ရနိုင်သော်လည်း ဆွေမရှိမျိုးမရှိသဖြင့် အိမ်ငှားနေရမည်၊ မတတ်နိုင်ပါ။ နောက်ဆုံး ရန်ကုန်ကန်တော်ကလေးရှိ အမအပျိုကြီးများထံ ပို့ထားရလေသည်။ ကြီးတော်များက ကလေးများကို ချစ်ခင်၍ သေသေချာချာ စောင့်ရှောက် ကျွေးမွေးထားသဖြင့် တော်ပါသေးသည်။

ကျနော်ပို့ပေးသော တစ်လ (၅၀၀)ကျပ်သည် ကလေးများ၏မုန့်ဘိုး စာအုပ်စာတမ်းကြေး စသည်ဖြင့် ကျောင်းစရိတ်အတွက် ကာမိရုံသာ။ အစ်မနှစ်ယောက်ကို ကျေးဇူးတင်ရသည်၊ ကျန်ငွေ (၃၀၀) ကျပ်ကို ကျနော်တို့လင်မယားနှစ်ယောက်

ခြိုးခြံစားသောက်ပြီး ကလေးတွေထံ တစ်လတစ်ခါ သွားသည့် လမ်းစရိတ်အဖြစ် လောက်ငအောင်သုံးရသည်။ ငါးပိရည်ကျို တို့စရာနှင့် ဟင်းချိုသည် ကျနော်တို့လင်မယားအတွက် နတ်သုဒ္ဓါပင်၊ အဝတ်အစား ဝယ်ဝတ်ဖို့ဟူသည် အိမ်မက်ပင် မမက်ရဲ၊ ဝယ်လျှင်လည်း ငွေစုငွေချေးမှ ချေး၍ရသည့်အချိန်မှ သမီးနှင့်သားအတွက် လိုတာဝယ်ပေးရသည်။

အဝတ်အစားသည် ကျနော့်အတွက် မလိုအပ်ပါ။ ကျောင်းတက်လျှင် ကျောင်းဝတ်စုံ အဖြူနှင့်အစိမ်းကို ဝတ်သည်။ အိမ်ပြန်ရောက်ပါက နေကလေးပြ လေသလပ်ခံပြီး နောက်တစ်နေ့ပြန်ဝတ် သည်လိုဖြင့် တနင်္လာမှ သောကြာအထိ အဆင်ပြေသည်။ ဒီကြားထဲ ရွာထဲက အလှုလေးအတန်းလေး ဖိတ်လာလျှင် ဒီအဖြူအစိမ်းတစ်စုံဖြင့် ပြီးသည်။

ချည်ပုဆိုးတစ်ထည်ကတော့ ကော့မှုးမှ ရန်ကုန်က အမအိမ်သွားလျှင် ဝတ်ရသည်၊ ကျောင်းစိမ်းဝတ်စုံဖြင့် သွားမိလျှင် "မင်းမှာ ဒါဘဲရှိသလား" ဟု ခဏခဏမေးတတ်၍ ဖြစ်သည်။ ကလေးတွေကို ကြည့်ပေးထားသည်နှင့်ပင် တော်ပါပြီ၊ ထပ်၍ဝန်မပိစေချင်တော့ပါ။

အိမ်မှာနေရင်ဖြင့် မနှစ်က ကျောင်းစိမ်း အဟောင်းလေးပဲဝတ်သည်။ သို့သော် ထိုပုဆိုး အစိမ်းကလေးမှာလည်း ရေလဲပိုင်းသာသာ ရှိတော့သည်၊ ရေစီးကြောင်းများလိုက်၍ အပေါက်အပြဲများက လှည့်၍ပင်မရ၊ ကိစ္စမရှိ။

ကျနော့်အိမ်သည် ရွာအစွန် ကျောင်းဝင်းအတွင်းမှာပင်၊ ညနေ ကျောင်းသားကျောင်းသူများ ကျောင်းဆင်းပြီးပါက ဖြတ်သွားဖြတ်လာပင်မရှိ။ ရွာအစွန်အဖျား သရဲခြောက်သည် နာမည်ကြီးသဖြင့် ညနေ နေဝင်ရီတရော မည်သူမှမလာရဲသည့်နေရာ။ သို့သော် တိုက်တိုက်ဆိုင်ဆိုင်ပင်၊ အိမ်မှာမိန်းမကလည်းမရှိ၊ ထိုအချိန်မှာမှ အရေးတကြီးကိစ္စဖြင့် ခွင့်ယူလို၍ဆိုကာ ဆရာမဒေါ်သီရိနွယ် ရောက်လာခဲ့သည်။ မိန်းမရှိနေရင်ဖြင့် အိမ်ဆီလျှောက်လာတာ မြင်ကတည်းက လုပ်စရာရှိတာ လုပ်ထား၍ရသည်။

အခုတော့ ထိုင်ရာမထ နှုတ်ဆက်ရလေသည်။ ညနေရွာသို့ မော်တော်ဆိုက်စဉ် ရန်ကုန်မှ လူကြုံနှင့်စာပါလာကြောင်း၊ ဆရာမ၏မိခင် ကျန်းမာရေးမကောင်းဖြစ်နေ၍ အမြန်လိုက်လာခဲ့ပါဟု မှာကြောင်းပြောသည်။ မနက်စောစောထွက်မည့် မော်တော်နှင့်လိုက်သွားလိုသဖြင့် ခွင့်တင်သွားလိုပါကြောင်း အကျိုးအကြောင်းပြောလေသည်။

ကျနော်လှုပ်၍ မရပါ။ တင်ပလ္လင်ခွေထိုင်ရင်း ချွှေးပျံနေသည်။ ဘာလုပ်ရမှန်းမသိ၍ လက်ထဲတွင် ကိုင်ထားသည့် ဖတ်လက်စစာအုပ်ကို စိုက်ကြည့်နေမိသည်။ စာလုံးများသည် ဝိုးတဝါး၊ ဆရာမမျက်နှာသည်လည်း ဝါးတားတား၊ မိန်းမပြန်လာရင်ကောင်းမည်။ ဆရာမ ဒေါ်သီရိနွယ်သည် ကျနော့်ကို စိတ်အလိုမကျစွာ လှမ်းကြည့်နေသည်၊ ခွင့်တိုင်သည့် ပုံစံစာရွက်ကို ထုတ်မပေးဘဲ စာဖတ်မပျက်သည့် ကျနော့်ကို အလိုမကျ ဖြစ်နေချေပြီ။

" မြင့်မြင့်... မြင့်မြင့် ပြန်လာရင်ကောင်းမယ်"

" ဒီမိန်းမ ရွာရိုးကိုးပေါက် လျှောက်သွားနေတယ်......" ဟု စိတ်တိုစွာတွေးမိပြီး

"အင်းလေ သူလည်း ရွာရိုးကိုးပေါက် ခြံစည်းရိုးက အရွက်တွေသွားခူးတာပဲ"ဟု စိတ်ဖြေရသည်။

"ဟာ...........ဆရာကြီးအိမ်က အချိန်အခါမဟုတ် စပယ်ပန်းတွေပွင့်နေပါလား၊ ကျမက စပယ်ပန်းသိပ်ကြိုက်တာ" ဟု ပြောပြောဆိုဆို အိမ်အပြင်ထွက်ပြီး ပန်းပင်ဆီထအသွားမှာတော့ ကျနော် လှစ်ခနဲ အိပ်ခန်းထဲ ဝင်ပြေးခွင့်ရလေတော့သည်။ တန်းပေါ်မှာ လွှားထားသည့် တစ်ထည်တည်းသော ကျောင်းစိမ်းပုဆိုးကို လဲဝတ်ပြီးတော့မှ အသက်ရှုချေင်လေတော့သည်။

ရုံးခန်းအဖြစ်ကာထားသော အခန်းဆီသို့ဝင်ကာ ဘီရိုထဲမှ ခွင့်တင်သည့် ပုံစံစာရွက်ကိုယူပြီး "ကဲ ဆရာမရေ ခွင့်စာလာယူချည်၊ ပြန်လာမှတင်ရင်တင်၊ ကျနော်လည်း အကျိုးအကြောင်း သိပြီပဲ" ဟု ပြောပြောဆိုဆို ပေးပြီး သတင်းမေးစကား ပြောရလေတော့သည်။

ထိုဆရာမ ရန်ကုန်တွင် ၃ ရက်နေပြီး ကျောင်းပြန်လာတက်သည့်နေ့တွင် ဆရာကြီးအတွက်ဆိုကာ မန္တလေးရှပ် လည်ကတုံးလက်ရှည်အဖြူတစ်ထည်နှင့် ကျောင်းစိမ်းပုဆိုးတစ်ထည် ကန်တော့လေသည်။ ဆရာ ဆရာမများသည် မချမ်းသာကြပါ။ တစ်ချို့ဆို တော်တော် ချို့တဲ့ကြပါသည်။ သူတို့လစာ (၈၇၅) ကျပ်သည် (၅၀၀) ကျပ်လောက်သာ အသားတင်ရကြရာ အိမ်ငှားခ၊ စားသောက်စရိတ်၊ လမ်းစရိတ်တို့ဖြင့် မနည်းလောက်ငအောင် သုံးနေကြရသည်သာ။

တို့သည်လည်း ရန်ကုန်မှာ မိဘများက ကျွှေးမွေးထား၍သာ လာရောက်လုပ်နိုင်ခြင်းဖြစ်သည်၊ မည်သူမှ ကျနော့်ကို လာမကန်တော့နိုင်ပါ၊ ကျနော် အားနာစွာငြင်းပါသေးသည်။ ဆရာမ၏ မိခင်ဖြစ်သူမှ ဝယ်ပေးလိုက်ခြင်းပါဆို၍ လက်ခံလိုက်ပါသည်။ ဒါအဆန်းတော့မဟုတ်ပါ။ သို့သော် တစ်ရက်ခြားလောက်မှာပင် ရွာခံဆရာမတစ်ယောက်က ကန်တော့ချင်ပါသည်ဆိုကာ ကျောင်းစိမ်းပုဆိုးတစ်ထည်နှင့် ချည်ချောပုဆိုးတစ်ထည် ရောက်လာပြန်သည်။

ထို့နောက်ရွာထဲမှ ကျောင်းအကျိုးတော်ဆောင် ရွာလူကြီးတစ်ဦးက လက်ဆောင်ဆိုကာ ရောက်လာပြန်သည်၊ ထိုမှ ထိုမှသည် ဆရာမနောက်ထပ်နှစ်ဦး၊ ဒါဆိုရင်တော့ သမရိုးကျ မဟုတ်တော့ချေ၊ ထိုနေ့က ဆရာမဒေါ်သီရိနွယ်တစ်ယောက် ကျနော့်အဖြစ်ကို သိရှိသွားလေချေပြီလား။

(၂)

စားပွဲပေါ်တွင် အထပ်လိုက်ရှိနေသည့် ပုဆိုးများထဲမှာ ကျောင်းစိမ်းပုဆိုး လေးထည် ပါသည်။ သားကို တစ်ထည်ပေးရမည်၊ ဒီနှစ် သားအတွက်လုံချည်ဝယ်မပေးရသေး၊ သမီးကိုသာဝယ်ပေးလိုက်ရသည်။ မိန်းကလေးဆိုတော့ ထည်လဲလိုသည်၊ သားကနားလည်၍ တော်သေးသည်။ ကိုချစ်အုန်းလည်းသနားစရာ။ သူ့မလည်း ကျောင်းစိမ်းတစ်စုံနှင့် အလှုသွားလည်းဒါ ကျောင်းတက်လည်းဒါ ဖြစ်နေသည်၊ တော်ပါသေးသည်၊ အဖြူ အစိမ်းဆိုတော့ ဒါချည်းပဲဝတ်နေသည်၊ ဒီတစ်စုံထဲရှိသည်ဟု မည်သူမှ မသိနိုင်ချေ။

ကိုချစ်အုန်းအတွက် ကျောင်းစိမ်းလုံချည်လေးတစ်ထည်လောက် ဝယ်ပေးချင်နေတာကြာပြီ။ ဝယ်ပေးရန်လည်း ကြံစည်သေးသည်၊ ရွာထဲက အထည်ရောင်းသည့် အမကြီးဆီမှာ မေးကြည့်တော့ ရွာမှာ တော်တော်များများက ကျောင်းစိမ်းတစ်ထည်ဝယ်ထားလျှင် နှစ်နှစ် သုံးနှစ် ထပ်မဝယ်တော့ပေ။ သို့ဖြင့် ဆိုင်မှာတင် မရောင်းပါ။ လိုချင်ပါက မြို့ပေါ်က မှာပေးမည်ဆိုသည်။ လပေးဆိုပါက အဆမတန်တင်ထားတတ်မှန်းသိသော်လည်း နှစ်လခွဲပေးမည် ဆိုသောအခါ အင်တင်တင်လုပ်နေ၍ မဝယ်ဖြစ်သေးချေ၊ သူကလည်း မြို့သို့မှာရန် မေ့နေသလို ဟန်ဆောင်နေသည့်အတွက် အံကိုက်ဖြစ်နေလေသည်။ ဆရာမဒေါ်သီရိနွယ်အမေ နေမကောင်းဖြစ်၍ ဆရာမ ရန်ကုန်အပြန်မှာ ဆရာမအမေက ကျေးဇူးတင်၍ ဝယ်ပေးလိုက်ဟန်တူသည်၊

" အင်း ဆရာမတွေကလည်း တစ်ယောက်နဲ့တစ်ယောက် ပြိုင်နေကြတာပဲဖြစ်မယ်၊ သီတင်းကျွတ်တုန်းကတောင် ဘယ်သူမှ ကန်တော့မယ့်သူမရှိ ၊ ခုကျတော့လည်း အချိန်အခါလည်းမဟုတ်၊ တစ်ယောက်ကန်တော့တာမြင်တော့ ကျန်တဲ့ဆရာမတွေကလည်း သူတို့ကို ဂရုစိုက်အောင် ဝိုင်းကန်တော့လိုက်ကြတာ"

ဘယ်လိုပဲဖြစ်ဖြစ် ကိုချစ်အုန်းအတွက် ဟန်ကျလေပြီ၊ အထည်ရောင်းသည့် အမကြီးထံသွားပြီး

"ကိုချစ်အုန်းကို ကန်တော့ထားတာတွေများနေလို့ ပုဆိုးမဝယ်ဖြစ်တော့ဘူး" လို့ ရင်ကော့ပြီး ပြောလိုက်တော့မည်။

(၃)

လုပ်ဖော်ကိုင်ဖက် ဆရာမများက ဆရာကြီးအတွက် ကျောင်းစိမ်းပုဆိုးနှင့် ချည်ပုဆိုးများ ကန်တော့သည်ကို တွေ့သဖြင့် ကျမရင်ထဲ ဝမ်းသာပီတိဖြစ်ရပါသည်။ ကျောင်းဆရာ ဆရာမများကို ဒါးသွေးကျောက်၊ ဖယောင်းတိုင် စသဖြင့် တင်စားကြသည့်အတိုင်း ဆရာ ဆရာမများသည် အနာဂတ်အတွက် ကလေးများကို အသိပညာ အတတ်ပညာများ သင်ကြားပေးရင်း မိမိတို့ဘဝမှာ ချို့တဲ့လှပါသည်။

မိမိကိုယ်တိုင် ချို့တဲ့လှပါသည်ဟု ထင်မှတ်ထားမှုသည် လုပ်သက်အနှစ်နှစ်ဆယ်ကျာ်ရှိ ကျောင်းအုပ်ဆရာကြီးကို မျက်ဝါးထင်ထင်တွေ့ရလေမှ စာဖွဲ့စရာမဟုတ်မှန်း သိလာရလေသည်။ ထိုဆရာကြီးကို ဘယ်အချိန်ကြည့်ကြည့် ကျောင်းဝတ်စုံနှင့်ပင်၊ မော်တော်နှင့် ရန်ကုန်သွားလျှင်ပင် တစ်ခါတရံ အဖြူအစိမ်းနှင့် တွေ့ရသည်။ သို့သော် ဆရာကြီးတွင် ကျောင်းဝတ်စုံ ထိုတစ်စုံသာရှိသည်ကိုတော့ တော်တော်လေးကြာမှ အမှတ်မထင် သိရှိခဲ့ရလေသည်။

ညနေကျောင်းဆင်းအပြီး အိမ်မှာနားနေခိုက် ရွာထိပ်တွင် မော်တော်ဆိုက်သံကြားလို့မှ မကြာ ဆရာမအတွက် ရန်ကုန်မှ စာပါတယ် ဆိုကာ ကလေးတစ်ယောက် စာလာပေးစဉ် ရင်ထဲထိပ်ကနဲ ဖြစ်မိသည်၊ ကျမ၏မေမေ သွေးတိုးနေသည်၊ သွေးပေါင်ချိန် တော်တော်နှင့် မကျသဖြင့် ခေတ္တပြန်လာခဲ့ဖို့မှာခြင်းဖြစ်သည်။ သွေးတိုးရောဂါသည် ကြောက်စရာ ကောင်းသည်။ အန္တရယ်လည်းရှိသဖြင့် ကျမ စိတ်ပူမိသည်။

အတူနေဆရာမက ရေချိုး သနပ်ခါးလိမ်းသည်ကို မစောင့်တော့ဘဲ ဆရာကြီးထံခွင့်တိုင်ရန် ထွက်လာခဲ့သည်။ ကျမ အကျိုးအကြောင်းပြောနေသည်ကို နားထောင်ပြီး ဆရာကြီးသည် ထိုင်မလိုထမလိုလုပ်ကာ စာအုပ်ကို သဲသဲမဲမဲဖတ်နေလေသည်၊ ကျမစိတ်တိုမိချေပြီ၊ ဆရာကြီးကတော် မမမြင့်ကို အရိပ်အယောင်မျှပင် မတွေ့။

" ဒီလိုမှန်းသိ တလေးတစား ခွင့်လာမတိုင်ပါဘူး၊ မနက်စောစော မော်တော်နဲ့လိုက်သွားပြီး တစ်ယောက်ယောက်နဲ့ မှာခဲ့ပါတယ်" ဟုတွေးရင်း ထပြန်ရင်ကောင်းမလားတွေးမိသည်။ ဆရာကြီးကို လှမ်းကြည့်မိသည့်အခါ ဆရာကြီးသည် စာအုပ်ကို စိတ်ဝင်တစားဖတ်နေခြင်းမဟုတ်သည်ကို အကဲခတ်မိလေသည်။ ဆရာကြီး၏ ညိုသောမျက်နှာသည်နီရောင်ပြေးနေပြီး နဖူးတွင်ချွှေးများပင်စို့နေသည်ကို တွေ့ရပြန်သည်။

ကျမက ဆရာကြီးအမျိုးသမီးကို မေးရာ ရွာထဲသွားသည်ဟုဆိုသည်။ ကျမဇဝေဇဝါ ဖြင့်ဝေခွဲရဖြစ်နေစဉ် ဆရာကြီးသည် ထိုင်နေရာမှ ညောင်းလာသည်ထင့်။ အမှတ်တမဲ့လှုပ်ရှားလိုက်ရာ ကျမစိတ်ထဲ စိတ်ထိခိုက်ရမိပါတော့သည်။ အိမ်နေရင်းဝတ်ထားသည့် ကျောင်းစိမ်းပုဆိုးလေးသည် ရိပြဲလို့နေပါလား၊ ကျမသည် ယခုမှချက်ချင်း ထပြန်လို့လည်း မဖြစ်တော့ပေ။

" ဟာ......ဆရာကြီးအိမ်က အချိန်အခါမဟုတ် စပယ်တွေပွင့်လို့ပါလား၊ ကျမကစပယ်ပန်းသိပ်ကြိုက်" ဟု ပြောပြောဆိုဆို အပေါက်ဝထွက်၍ စပယ်ပင်ရှေ့အကြာကြီးရပ်ကာ အိမ်ကိုကျောခိုင်းနေလိုက်ပါသည်။ တစ်အောင့်နေ ဆရာကြီးထွက်လာတာ မြင်ရသည့်အခါ ကျမပိုလို့ပင် စိတ်မကောင်းဖြစ်ရပါသည်။ ကျောင်းတက်လျှင်ဝတ်သည့် ကျောင်းစိမ်းလုံချည်လေးလဲဝတ်ကာ ကျမအား ဖော်ရွာစွာဖြင့် စကားတွေဖောင်ဖွဲ့လျက် ကျမမိခင် ကျန်းမာရေးကို မေးမြန်းလေသည်။

ကျမမိခင်ကို ဆေးခန်းပြ ဆေးပုံမှန်စားရန်ကိစ္စများ လုပ်ကိုင်ပေးပြီး အခြေအနေကောင်းသည်နှင့် ကျောင်းသို့ပြန်ခဲ့လေသည်၊ ဆရာကြီးအတွက် ကျောင်းစိမ်းပုဆိုး တစ်ထည်ကို မဖြစ်မနေဝယ်အပြီး ကျမမိခင်မေးမြန်းရာက အင်္ကျီအဖြူတစ်ထည်ကို ဖြည့်ပီးဝယ်ပေးလိုက်ပါသည်။ ဆရာကြီးကိုကန်တော့ရန် ဆွဲခြင်းထဲတဲ့ယူလာသည့် ကျောင်းစိမ်းဝတ်စုံကို ရွာခံဆရာမ မမရီ တွေ့ရှိသွားရာမှ ထိုနေ့ကအဖြစ်ကို ကျမ ဇာတ်ကြောင်းပြန်မိလေသည်။

အာဇာနည်ခေါင်းဆောင်ကြီးများအကြောင်း ကလေးများကို သင်ကြားတိုင်း မျက်ရည်ကျအောင် ပြောတတ်သည့်ကျမသည် ဆရာမတစ်ချို့ကို မျက်ရည်ကျစေမိလေသည်။ ခွင့်ရ၍ကန်တော့သည် ကန်တော့၍ခွင့်ပေးသည်ဟု အခြားဆရာ ဆရာမများ သံသယမဖြစ်စေချင်ပါ။ မမရီက စောစောကသိရင် ဒီနေ့မော်တော်နဲ့မြို့ကို မှာလို့ရသည်၊ မနက်ဖြန်မှပဲ မှာရတော့မှာပဲဟု တသသ ပြောနေလေသည်။ ချက်ချင်းကို ပေးချင်နေသည်၊ မမရီမှတစ်ဆင့် သူ၏ဖခင်သိရှိကာ မမရီအဖေက ပုဆိုးတစ်ထည်။ နောက် အခြားသော ဆရာ ဆရာမများ ကန်တော့ကြလေသည်။

ထိုသီတင်းတစ်ပတ်အပြီး ကျောင်းပြန်တက်သည့်တစ်ရက်မှာတော့ မန္တလေးရှပ်အကျီအဖြူ ကျောင်းစိမ်းပုဆိုးအသစ်တို့ ဝတ်ဆင်လျက် ကျောင်းရုံးခန်းမှ စာသင်ဆောင်သို့အကူး ကျမစာသင်ခန်းရှေ့ အဖြတ်တွင်တော့ မျက်နှာရဲလျက် အိုးတိုးအန်းတန်းဖြစ်နေပုံရလေသည်၊ ကျမသည် ဆရာကြီး အနေမခက်စေရန် ထုံးစံအတိုင်း မမြင်ယောင်ဆောင်၍ ကျောခိုင်းလိုက်ပါတော့သည်။

ခိုင်ခိုင်စောလွင်

November 8, 2011 (Tuesday)

(Copied from Irrawaddy blog.)

အိမ်အပြန်

အိမ်အပြန်

ထက်မြက်။ နိုဝင်ဘာ ၁၉ ၊ ၂၀၁၁ (ပြန်လည်ဆန်းသစ်ခြင်း)


လူတိုင်းအဖို့ အိမ်အပြန်မှာ ၀မ်းသာဖို့အကောင်းဆုံး အပျော်ရွှင်ဆုံးအချိန်ဖြစ်ပါသည်။ စစ်မြေပြင် မှ မသေ မပျောက် ဘဲ အိမ်ပြန်လာရသည့်စစ်သား။ နှစ်ပေါင်းများစွာ နိုင်ငံခြားအလုပ်သွားလုပ်နေရာမှ အိမ်ပြန် လာသောသူ။ ထောင်ထဲတွင် အချိန်ကြာမြင့်စွာ အကျဉ်းကျခံရနေရပြီး မှ လွတ်မြောက်လာကာ အိမ်ပြန် သည့်လူတို့မှာ အပျော်ဆုံး လူသားများဟု သူတို့ကိုယ်သူတို့ မှတ်ယူကြသည်။ လူတစ်ယောက် ၏ အတွယ်တာဆုံး နေရာမှာ အိမ်ဖြစ်သည်။

ဆင်းရဲ ချမ်းသာမရွေး အိမ်ကို ခင်မင် တွယ်တာကြသည်ချည်းပင်။ တစ်နေ့တာ အလုပ်သွား ကျောင်းတက် ကြသော်လည်း အချိန်တန်လျှင် အိမ်ကို ပြန်လိုကြသည်။ အိမ်မှာ အနားယူ အပန်းဖြေလို ကြသည်။ ခရီးသွားရင် အလွန်ကျယ်ဝန်းသည့် ဟိုတယ်ခန်းကြီး၌ ဇိမ်ကျကျ နေရသည့်တိုင် မိမိ၏ ခပ်စုတ်စုတ် အိပ်ခန်းကျဉ်းလေးသို့ ပြန်လိုကြပါသည်။ ထိုကြောင့် အိမ်အပြန် မှာ လူတစ်ယောက်အဖို့ အကြည်နူး ဆုံး အချိန်ဖြစ်လေသည်။

လူတိုင်း အိမ်အပြန်ကို ကြုံခဲ့ကြသလို ကျွန်တော်တို့အဖို့ ယခုထက်တိုင် အမေ့မပျောက်နိုင်သော အိမ်အပြန် အချိန်တချိန်ရှိခဲ့ပါသည်။ ထိုအိမ်ပြန်ချိန်မှာ ထောင်နှင့် ကျွန်း တွင် ၅ နှစ် ၆နှစ်ခန့် အကျဉ်းခံ ဘ၀ဖြင့် နေခဲ့ရပြီး အိမ်ပြန်ခွင့်ရသည့်အချိန်ဖြစ်ပါသည်။

ကျွန်တော် ထောင်ထဲနေခဲ့ရသည့် ကာလမှာ ယခုထက်ပိုမို ခက်ခဲကြပ်တည်းပါသည်။ နိုင်ငံရေး အကျဉ်းသားအဖြစ် ပုဒ်မ ၅ဖြင့် ဖမ်းဆီးထိန်းသိမ်းထားသည် ဆိုသော်လည်း ထောင်ဝင်စာမတွေ့ရပါ။ အိမ်မှ မိသားစု မျာကို မမြင်မတွေ့ရပါ။ ၆ နှစ်တာကာလအတွင်း ဇနီး သားသမီး မိဘ ညီအစ်ကို မောင်နှမ များကို လုံးဝ မတွေ့ခဲ့ရပေ။ သာကြောင်း မာကြောင်း ကျန်းမာရေး စီးပွားရေး ပညာရေး အကြောင်းကို တစ်လတစ်ကြိမ်ရေးခွင့်ရသော စာတိုလေးမျှသာ ဖတ်ရှုသိရှိရပါသည်။ ဇနီးသည်က ကိုယ်ဝန်နှစ်လဖြင့် သမီး ၂ယောက် ကို ထိန်းကာ ရုန်းကန်ခဲ့ရသည်။ အမေကလည်း ကျန်းမာရေး ကောင်းလှသည် မဟုတ် ပေ။

အင်းစိန်ထောင်တွင် ရှိစဉ်က တစ်လ တစ်ကြိမ် အိမ်ကို စာရေးရသည်မှာ ပုံမှန်နီးပါး ရှိသော်လည်း အဆောင်မှ နေ တိုက်အပို့ခံရပြီး တိုက်ထဲ၌ လပေါင်းများစွာ နေရချိန်တွင် စာ အဆက်အသွယ် ဖြတ် ထားပါသည်။ ထိုကာလ၌ အိမ်အကြောင်းဘာမှ မသိရသလို ကျွန်တော့်ကျန်းမာရေးကိုလည်း အိမ်က သိခွင့် မရတော့ပါ။
နောက် ကိုကိုကျွန်း ပို့လိုက်သည်တွင် အိမ်နှင့် အဆက်အသွယ်ပြတ်သွားတော့သည်။ ကျွန်းပို့ခါနီး၌လည်း အိမ်ကို စာရေးခွင့် ရပ်ထားသလို အိမ်မှ ရေးသော စာများကိုလည်း ဖတ်ခွင့်မရပေ။ ကိုကိုးကျွန်း၌ ၃ နှစ် နီးပါး နေရချိန် တွင် စာ ၃စောင် လောက်ပင် ရေးခွင့် ဖတ်ခွင့်ရသည်ထင်ပါသည်။ ကျွန်း ရောက် နေကြောင်း ရေးလိုက်သည့်စာများကို ပို့မပေးကြောင်း သိရသည်။


ထိုကြောင့် မိသားစုကို မျှော်လင့်ချက်မထားချင်တော့ပေ။ မိမိကိုယ်ကိုလည်း အသက်ရှင်လျှက် အိမ်ပြန်လာရလိမ့်မည်ဟု မထင်တော့ပေ။ အဖမ်းခံရသည့် အချိန်က အသက် ၂၆နှစ်ကျော်သာရှိသေးပြီး ဇနီးမှာလည်း ၂၃ နှစ်ကျော် ငယ်ရွယ်သူ ဖြစ်၍ အိမ်ထောင်သစ်ထူနိုင်ခွင့်ရှိသည်ဟု ခွင့်လွတ် ထားခဲ့ ပါသည်။ အမေကလည်း ကျန်းမာရေး မကောင်းသဖြင့် အမေ့မျက်နှာကို အိမ်အပြန်တွင် တွေ့တော့မည် ဟု မထင်ပေ။ အထူးသဖြင့် ကိုကိုးကျွန်းအကျဉ်းထောင်တွင် ၃နှစ် နီးပါး နေခဲ့ရသည့် အချိန်က အိမ်နှင့် အဆက်အသွယ်ပြတ်သလောက်ဖြစ်ခဲ့ရသည်။ ကျွန်တော်တို့ ထောင်ပြောင်းသွားသည်။

ကိုကိုးကျွန်းရောက်သွားသည်ကို အိမ်က မသိသလို ကျွန်တော်တို့ကလည်း စာရေးပြီး အသိပေးလို့မရပါ။ ထို့အပြင် ကိုကိုးကျွန်း နှင့် ပြည်မကြား အဓိက အဆက်အသွယ်မှာ ရေလမ်းမှ သွားရသော သင်္ဘောသာဖြစ်သည်။ မုန်တိုင်းထန်သော ဘင်္ဂလားပင်လယ်အော်အတွင်းမှ ကျွန်းဖြစ်၍ မိုးရာသီဆိုလျှင် အဆက်အသွယ် အလွန်ကျဲသည်။

ထိုကြောင့် ကျွန်တော်တို့ရေးသော စာများလည်း အိမ်မရောက်။ အိမ်မှရေးသော စာများလည်း ကျွန်တော့်ထံမရောက်။ ကျွန်တော့်မိသားစုဆိုလျှင် ကျွန်တော့် မိဘအိမ်တွင် နေတော့မည်ဟု မထင်ပေ။ အမေ့ကိုလည်း ဤလောကတွင် ရှိတော့မည်ဟု မထင်ပေ။ စာအဆက်အသွယ်ရတုန်းက အမေနေမကောင်းဟု သိရသဖြင့် နှစ်ကြာပြီး အဆက်အသွယ်မရေသောကြောင့် အမေနှင့်တွေ့ဖို့ မျှော်လင့်ချက်ကို စွန့်လွတ်ခဲ့ခြင်းဖြစ်ပါသည်။

အင်းစိန်ထောင်သို့ ပြန်ခေါ်ပြီးသော်လည်း အိမ်နှင့်အဆက်အသွယ် မရသေးပါ။ (အမှန်မှာ ကျွန်တော် တို့လွတ်တော့မည်ဖြစ်၍ အဆက်အသွယ် မပေးခြင်းလည်း ဖြစ်ပါလိမ့်မည်။) ဤသို့ဖြင့် ကျွန်းမှာပြန်လာပြီး ၄လခန့်အကြာ နံနက်စာ စားအပြီး နေ့ခင်းဘက် တစ်ရေးတစ်မော ကုတင်ပေါ် အိပ် နေချိန် တွင် အပြင်မှ သော့ဖွင့် သံများ ရုတ်တရက်ကြားလိုက်ရသည်။

နောက်အခန်းတံခါးကြီးကို ၀ုန်းခနဲ့ ဆွဲဖွင့်လိုက်ကာ ထောင်မှုး ဦးကျော်မင်းနှင့် အမှု ထမ်းများ ဖိနပ်သံ တဖြောင်းဖြောင်း နှင့် အခန်းထဲ ၀င်လာကြလေသည်။ ပုံစံထိုင် ခိုင်းလိုက်သဖြင့် ကျွန်တော်တို့အားလုံး ကုတင်ပေါ်တွင် ပုံစံထိုင်နေကြရပါသည်။
ထောင်မှုးက နာမည်ခေါ်တဲ့သူ အဖေနာမည်ကိုပြော ရှေ့မှာလာရပ်


ဇော်လွင်
ရှိ အဖေနာမည် ဦး……

တင်ဝင်း
ရှိ အဖေနာမည် ဦး…..

ကျော်နိုင်
ရှိ အဖေနာမည် ဦးဘိုးသီ


ကျွန်တော့်နာမည် ခေါ်၍သာ အဖေနာမည်ပြောပြီး အမှုထမ်းများရှေ့သို့ သွားရပ်ရသည်။ ဘာကြောင့် ခေါ်မှန်း မသိပါ။ အခန်းပြောင်းမှာလား။ အဆောင်ရွေ့မှာလား။ တိုက်ပို့မှာလား။ ရင်တထိတ်ထိတ်နှင့် ပုံစံရပ်နေလိုက်ပါသည်။ နာမည်ခေါ်ခံရသည့် အခန်းတွင်းမှ အဖော်တော်တော်များ မှာလည်း ဝေခွဲမရသော မျက်လုံးများဖြင့် တန်းစီရပ်နေကြည်ပါသည်။

လာ….လိုက်လာခဲ့ကြ ထောင်မှုး ဦးကျော်မင်းက ပြောပြီး ရှေ့မှ ထွက်သွားသည်။ ကျွန်တော်တို့လည်း ထောင်မှုး နောက်မှ တန်းစီလိုက်ခဲ့ကြ၏။ ကျွန်တော်တို့ ဘေး တစ်ဖက် တစ်ချက် ဆီမှ အမှုထမ်းများ ကလည်း လိုက်ပါလာခဲ့ကြသည်။ အလွန် ထူးခြားသည်မှာ ကျွန်တော်တို့ကို စောင့်ဖြင့် အုပ်ပြီး ခေါ် မလာခြင်း ဖြစ်ပါသည်။ ကျွန်တော်တို့သည် ဟိုသည်ကြည့်ပြီးလိုက်လာခဲ့သည်။ အံ့သြရပါသည်။ နောက်ဆုံး ထောင်ဗူးဝသို့ ရောက်လာပါတော့သည်။

ဗူးအတွင်းပိုင်းကွက်လပ်တခုလုံး နိုင်ငံရေး အကျဉ်းသား အများအပြားကို တွေ့ရသည်။ ၁၉၇၂ ခုနှစ် ဖေဖော်ဝါရီ လဖြစ်သည်။ လွတ်လွတ်လပ်လပ် စကားပြောနေကြသဖြင့် ထောင်ပြောင်းခြင်းတော့ မဟုတ်နိုင် ဘဲ ကျွန်တော်တို့ကို လွှတ်လိမ့်မည် ဟု ထင်ရပါသည်။

ကိုကိုးကျွန်းတွင် အတူနေခဲ့ရသည့် ရဲဘော်များကို ယခုမှ နောက်ထပ်ပြန်ဆုံရသည်။ ထောင်မှုး ဦးကျော်မင်း က ကျွန်တော်တို့ကို လွှတ်တော့မည်ဖြစ်ကြောင်း ပြောသည်။
ရန်ကုန်တွင် နေသူများကို လိုက်ပို့ပေးမည့်ကားများ ထောင်ဗူးအပြင်တွင် ရပ်ထားကြောင်း နယ်မှလူများ သူ့ထံတွင် ခရီးစရိတ်လာထုတ်ယူစေ လိုကြောင်း ပြောပါသည်။ ထောင်မှုး တစ်ယောက်ကလည်း စားပွဲ တစ်လုံးတွင် စာရင်းစာအုပ်များဖြင့် ပစ္စည်းများထုတ်ပေးနေသည်။

ကျွန်တော်တို့ထောင်ရောက်စဉ်က ဗူးဝတွင် စာရင်းဖြင့်သိမ်းထားသော လွယ်အိတ် နာရီ လက်စွပ် ငွေ စသည့် ပစ္စည်းများအား စာရင်းအတိုင်း ပြန်ထုတ်ပေးပါသည်။ အချိန်မှာ ညနေစောင်းသွားပြီ။ သတင်းစာ ရှင်းလင်းပွဲလုပ်ခြင်း၊ လူစာရင်းများ စစ်ခြင်း၊ ပစ္စည်းများ ပြန်ပေးခြင်းဖြင့် လူရာပေါင်းများစွာကို စစ်ဆေးနေရသောကြောင့် အချိန်ကုန်သွားလေသည်။ ဗန်းမော်တင်အောင်၊ သခင်ခင်အောင်၊ ဆရာ ရာဂျန် စသော လူကြီးများအပြင် ဘဖူးညွှန့် ခင်မောင်ဇော် ချိုကြီး အောင်ငြိမ်းစသည့် လူငယ်များလည်း လွတ်စာရင်း တွင် ပါလာသောကြောင့် ၀မ်းသာခဲ့ရပါသည်။

သင်္ကန်းကျွန်း၊ သာကေတ တောင်ဥက္ကလာ ပုဇွန်တောင် စသဖြင့် လိုက်ပို့ပါသည်။ သင်္ကန်းကျွန်း တွင်နေသော ကျွန်တော့်မှာ နောက်ဆုံးဖြစ်သွားသည်။ အိမ်တိုင်ရာ ရောက် တစ်အိမ်ချင်းလိုက်ပို့သဖြင့် အချိန် ကြာသွားရသည်။
တောင်ဥက္ကလာကို ပတ်ပြီး သင်္ကန်းကျွန်းဝင်သောအခါ မိုးစုန်းစုန်းချုပ်သွားပြီ။ ည၈နာရီခန့် ရှိလိမ့်မည်ထင်သည်။ ဖေဖော်ဝါရီလဖြစ်၍ အေးလည်း အေးလာ၏။ ထောင်ပုံစံ အင်္ကျီ အဖြူလက်တိုဖြင့် လိုက်လာရ သောကြောင့် တော်တော်အေးနေပါသည်။ နံနက်ပိုင်းက ခေါင်းညှပ်ထားသလို ရေမချိုးရ သေးသဖြင့် တစ်ကိုယ်လုံး ယားယံနေသည်။ ရဲစခန်းရှေ့မှ ဖြတ်ပြီး လမ်းအတိုင်း မောင်းဝင်ခဲ့ပါသည်။ ကျွန်တော် က ရှေ့ခန်းတွင် ဒုတပ်ကြပ်တစ်ဦး ကားမောင်းသူ ရဲဘော်တစ်ဦး တို့နှင့် အတူ ထိုင်လိုက် လာပါသည်။

ကျွန်တော့်ကို ဖမ်းခေါ်သွားစဉ်က ကျွန်တော်တို့လမ်းမှာ ခပ်ခြောက်ခြောက်ဖြစ်သော်လည်း ယခုမူ ဈေးဆိုင် များဖြင့် ကြပ်သိပ်နေပေပြီ။ နှစ်ချီကြာမြင့်သဖြင့် ကျွန်တော်အိမ်ကို မမှတ်မိတော့ပါ။ ကားမောင်းသမား ရဲဘော်ကို ဈေးဆိုင်လေးတစ်ဆိုင်ရှေ့ ရပ်ခိုင်းလိုက်သည်။ ဒုတပ်ကြပ် က ခင်ဗျား အိမ် အပေါ်ထိ လိုက်မယ်နော် မိသားစုလက်ထဲ ခင်ဗျားကို အပ်ပြီးမှ ပြန်မယ်ဗျာ ဟု အားပါးတရ ပြောနေသည်။

ကျွန်တော် ကားပေါ်မှ ဆင်းပြီး ကျွန်တော့်အိမ်ကို မေးဖို့ လမ်းသွားလမ်းလာ တစ်ယောက်ယောက်ကို လိုက်ကြည့်ရာ ဈေးဆိုင်ခုံပေါ် ထိုင်နေကြသော မိသားစု တစ်စုကို တွေ့လိုက်ရသည်။

မိန်းမက ကလေးတစ်ယောက်ကို ချီထားသည်။ မျက်မှန်နှင့် ယောက်ကျားက ကလေးတစ်ယောက်ကို ပေါင်ပေါ် တင်ထားလေသည်။ ဒီမှာ ဒေါ်သိန်းတင်တို့အိမ်က ဘယ်နားမှာလဲ မျက်မှန်နှင့်လူက ကလေးကို ကောက်ချီပြီး ထိုင်ရာမှ ထလိုက်သည်။ ဓါတ်တိုင်မှ မီးရောင်သည် ကျွန်တော်တို့အပေါ်ထိုးကျနေသည်။ သူက ကျွန်တော့်မျက်နှာကို စူးစူးဝါးဝါး စိုက်ကြည့်ပြီးနောက် အစ်ကို……အစ်ကို ၊ကျွန်တော်လေ အစ်ကို့ ညီလေ… သူက ကျွန်တော့် မိန်းမ သူတို့က သမီးတွေလေ ကျွန်တော့်ညီ အငယ်ဆုံးဖြစ်သည်။ ကျွန်တော် အဖမ်းမခံရခင်က သူက ၁၀တန်းကျောင်းသား။ ယခု ကလေး နှစ်ယောက် အဖေ ရုံးစာရေး။ ဘွဲ့လည်း ရနေပေပြီ။ ကျွန်တော့်လက်ကို တင်းတင်းဆုပ်ကိုင်ထားရင်းက နောက်ဘက်လှည့်ကာ အမေရေ…….. အစ်ကို ပြန်လာပြီ ဟု လှမ်းအော်လိုက်ပါသည်။

ကျွန်တော်ဘက်ပြန်လှည့်ကာ အမေ နေမကောင်းတာ ကြာပြီ၊ အခု အိပ်ယာပေါ်မှာ လမ်း သိပ်မလျှောက် နိုင်ဘူး ဟု ဆက်ပြော၏။ ကျွန်တော်အိမ်ဘက်သို့လျှောက်ခဲ့ရာ သူတို့မိသားစုရော လိုက်ပို့သည့် တပ်မတော် သား များရော နောက်မှ လိုက်လာကြပါသည်။

အိမ်ရှေ့လှေကားရင်း ရောက်သည့်အခါ အိမ်ပေါ်မှ ဆင်းလာသည့် အမေ့ကို တွေ့လိုက်ရသည်။ အမေမှာ တော်တော် အိုမင်းသွားပေပြီ။ ကိုယ်လုံးမှာလည်း ငှက်မွှေးလေးလို ပါးပါးလေးသာရှိသည်။

အမေက ထမင်းလဲ သိပ်မစားဘူး။ လှေကားဆင်းဖို့ နေနေသာသာ လမ်းလျှောက်ရင်တောင် လူတွဲ သွားရတာ။ အခု အစ်ကိုလွတ်လာတော့ အံ့သြဖို့ကောင်းလိုက် တာ။ လှေကား ကို မကိုင်ဘဲ အလွတ် ဆင်း လာနိုင်တယ်။

ကျွန်တော့်ညီက ၀မ်းသာအားရ ပြောပြနေပါသည်။ အမေ့ပုခုံးကို ဖက်ပြီး အိမ်ပေါ်သို့တက်လာခဲ့ပါသည်။ အိမ်ပေါ် တွင် လူကြီး တစ်ယောက်မှ မရှိဘဲ ကလေးငယ် တစ်ယောက်သာ ကစားနေသည်။ အမေက မျက်တောင် မခပ်ဘဲ စိုက်ကြည့်နေ၏။ မျက်လုံးများထဲတွင် မျက်ရည်စများ ၀ဲနေပါသည်။

သားရယ်…..အံ့သြဖို့ကောင်းလိုက်တာ မသေကောင်းမပျောက်ကောင်း ပြန်တွေ့ရတယ်နော်…ဟု ကျွန်တော့် ကို ပြောနေသည်။ အမေမရှိတော့ဟု အမေ့အသက်ကို မမျှော်လင့်ခဲ့သော ကျွန်တော့်မှာ ယခု လို အမေ့ကို တွေ့ရသဖြင့် အလွန်ပျော်သွားပါသည်။

ထိုအချိန်၌ ကစားနေသော ကလေးက အမေ့ပေါင်ပေါ်လာထိုင်ပြီး ကျွန်တော့်မျက်နှာကို ကြည့်နေသည်။ ယောက်ကျား လေးဖြစ်ပြီး ငါးနှစ်လောက်ရှိပေလိမ့်မည်။ အမေက ကလေးကို ကျွန်တော့်ပေါင်ပေါ် တင် ပေး၏။ ကျွန်တော်ကလည်း အသာအယာပင် ပွေ့ဖက်ထားလိုက်ပါသည်။ ကျွန်တော့်ညီ၏ ကလေးဟုပင် ထင်ပါသည်။ ကလေးမှာ တအောင့်သာ ပေါင်ပေါ်ထိုင်ပြီး အမေ့ပေါင်ပေါ် အတင်းသွားထိုင်သည်။

ဖွားဖွား ဒီဦးဦးက ဘယ်သူလဲ ဟု မေးလိုက်သံကို ကျွန်တော်ကြားလိုက်ရသည်။ အမေက ကျွန်တော့်ကို ကြည့်ကာ သား ဒီကလေးကို သိလား မသိဘူး လေ အမေရဲ့ ဟိုကောင့်သား မဟုတ်လား ကျွန်တော့်အဖြေကို ကြားသောအခါ အမေသည် မျက်ရည်များ ကျဆင်းပြီး ၀မ်းနည်းပက်လက် ငိုပါ တော့ သည်။

ကျွန်တော်လည်း ခြေမကိုင်မိ လက်မကိုင်မိဖြစ်သွားသည်။ ကလေးကလည်း သူ့အဖွားငိုသည်နှင့် လိုက် ငို သည်။ ကျွန်တော့်ညီနှင့် ခယ်မမှာလည်း မျက်ရည်များ ကျနေကြပါသည်။

ဒီကလေးက နင့်သားလေ ထောင်ထဲကနေ နင်နာမည်ပေးလိုက်တဲ့သားလေ ဟု အမေက ရှိုက်ရင်း ပြော နေပါသည်။ ကျွန်တော်က ကလေးကို တအံ့တသြ ကြည့် လိုက်ပါ သည်။ သားလေး မွေးသည့် အကြောင်း ကျန်းမာကြောင်းတို့ကို အကေလးမွေးပြီး တစ်နှစ်လောက်အကြာ စာရေးခွင့်ရမှ ကျွန်တော် သိရ ပါသည်။
သားဓါတ်ပုံကိုလည်း ထည့်ပေးလိုက်ပါသည်။ သားနာမည်ပေးသည့်နေ့က တစ်ခန်းလုံးကို ပဲလှော် ဘီစကစ် နှင့် ရေနွေးကြမ်းတိုက်ပြီး ကင်မွန်းတပ်ပွဲ ကျင်းပခဲ့သေး သည်။

သားကိုကြည့်ပြီးနောက် ကျွန်တော်ချီလိုက်သည်။ အဖေနှင့်သား မမှတ်မိပါလား။ ကျွန်တော် ထောင်ထဲ ၀င်စဉ်က ကိုယ်ဝန် ၂လ လောက်နှင့် ကျန်ခဲ့သော သားလေးမှ ယခု ၅ နှစ်နီးပါးရှိခဲ့ပြီ။ ဒီအတိုင်းဆိုလျှင် ကျွန်တော့် သမီးကြီး မှာ ၁၀နှစ်သမီးလောက်ရှိပြီး သမီးလတ်မှာ ၈နှစ်လောက်ရှိပေရော့မည်။ မိန်းမကို တစ်မျိုး ခံစားရပြီး သမီးများကို မြင်တွေ့လိုစိတ်ဖြင့် ၀မ်းနည်းသွားပါသည်။

ထိုအချိန်တွင် လှေကားမှ ဆူဆူညံညံ အသံများ ကြားရကာ အိမ်ခေါင်းရင်းမှ အိမ်နီးချင်းများ ရောက် လာကြ သလို ကလေးနှစ်ယောက်နှင့် ကျွန်တော့်မိန်းမမှာလည်း ဆွဲခြင်းတစ်လုံးဖြင့် အိမ်ပေါ် ရောက်လာ ကြပါသည်။
မိန်းမက ကျွန်တော့်မျက်နှာကို တအံ့တသြ စိုက်ကြည့်နေပါသည်။ သမီး ၂ယောက်ကမူ မျက်နှာစိမ်း တစ်ယောက်လို မျက်နှာစိမ်းတယောက်လို စူးစမ်းသည့်အကြည့်ဖြင့် အဖေကို ကြည့်နေကြသည်။

အိမ်အပြန်လမ်းမှာ မျှော်လင့်ချက်များ လုံးဝ ဆိတ်သုဉ်းခဲ့ရသည့်လမ်းမျိုးမဟုတ်ပေ။ သို့သော်ကြေကွဲမှု ကြည်နှုး မှု မျှော်လင့်ချက် ရောင်ခြည် တောက်ပလာမှု စသော ခံစားမှုပေါင်းစုံဖြင့် ရောထွေးခဲ့ရပါသည်။

ကျွန်တော့်ဘ၀တွင် မိသားစုနှင့် ချီကာ ခွဲခွာ၍ အကျဉ်းထောင်ထဲတွင် ဘ၀ တစ်စိတ်တစ်ပိုင်း ကုန်ဆုံး ခဲ့ ရသော ပထမဆုံး အတွေ့အကြုံ ဖြစ်ပါသည်။ နောင် ဒုတိယ တတိယ စတုတ္ထ စသည့်  အတွေ့ အကြုံ များ အိမ်အပြန်ခရီး များ ထပ်ခါ ထပ်ခါ မကြုံခင် ရှေ့ပြေးအိမ်ပြန်ခရီးအဖြစ် ရင်ထဲတွင် မှတ်မှတ်ရရ စွဲထင် ကျန်ရစ် နေခဲ့ပါတော့သည်။

စာရေးသူ – ထက်မြက်

The Real Lives, Real Stories

Volume 4, August 2011

(သည်စာမူကို ဆရာမောင်စွမ်းရည်က ညွှန်းပါတယ်)

(ရွှေစင်ဦးဘလောဂ့်က ယူပါတယ်)

Saturday, October 29, 2011

"ပန်းတိုင်ရှိရာ"

ဒူးမတုန်နဲ့ကလေး
ဒီလိုထရပ်လိုက်တာကိုက
ခြေလှမ်းတွေ စနိုင်ဖို့ အတွက်ပါပဲ။
ရပ်နိုင်တော့မှ
မင်းဘ၀ရဲ့ ပထမခြေလှမ်း
မင်းစပြီးလှမ်းရမှာ..။
ကြောက်စိတ်မ၀င်နဲ့ ကလေး
ပထမခြေလှမ်းမှာ ယိုင်လဲ
ဒူးပြဲချင် ပြဲမယ်
လဲရင်ပြန်ရပ်
နောက်ထပ် ခြေလှမ်းတွေစမယ်..။
လေးဘက်သွားရင်းကျေနပ်
ထပြီးမရပ်ဘဲနေမယ့်အစား
ရပ်စမ်း ကဲစမ်း
ရဲရဲလှမ်း ကလေး..
(ပြီးရင် )
ပြေးလှမ်းပေါ်တက်ရအောင်...။

မောင်စိန်ဝင်း(ပုတီးကုန်း)

Thursday, October 20, 2011

ဆရာများသို့ ...

မိမာတာနဲ့ တစ်ဂိုဏ်းတည်းဝင် အို အာစရိယအရှင်

ဦးတင်သလျက်

လွန်တာရှိခဲ့လျှင် ၀န္ဒာမိပါ

သမုဒ္ဒရာ၊ ရေမျက်နှာထက်၊

ခဏတက်သည့်၊ ရေပွက်ပမာ၊ တသက်လျာတည်း

အဲလို ဘ၀အတိုကလေးမှာ

ဆရာမရှိ လိုချင်မိ၍

မိမိဘာသာ မိမိဟာ ကို

စေရာဆိုထား စည်းတစ်ခြားနှင့်

ဝါးထားရှေ့ နောက် ရောက်ရာရောက်၍

ထောက်ကောက်လေ့လာ တတ်ကာ ရှာတော့

လူပေါင်းဂုဏ်ရှိန် စိတ်ကြီးဝင်၍

စုံလင်ပြသ တတ်သိလှသည့်

ဆရာမွန်နဲ့ တွဲကာယှဉ်လျှင်

ငါပင် အရူးဖြစ်လိမ့်မယ်

အာစရိယ ၀ါဒ ပုဒ်ကို အကြိမ်ကြိမ်ရေရွတ်

ကာယ ၀စီ မနောချီလျက်

လက်ဆယ်လီထိပ်မှာ သ လို့  ရှိခိုးကော်ရော်

ပူဇော်အကျွန်၊ ပန်ခဲ့တုံ၏

အကျွန့် အမှားအား ခွင့်လွှတ်ပါရန် တောင်းပန်သရင်း

ဆုတောင်းမေတ္တာ ပို့ သပါသည်… ဣရိယာ ပထ္တ မျှစေသား….

မျိုးသန်းထွန်း (ရေဆင်း)

အောက်တိုဘာ ၂၁၊ ၂၀၁၁

Monday, October 17, 2011

ချစ်သူများသို့

ချစ်ခဲ့ဖူးသူတွေရှိတယ်
ကိုယ့်ချစ်သူကို ကိုကို ကိုကိုလို့ခေါ်တာ
ခေတ်စားတဲ့ ကလေးဘ၀တုန်းကပေါ့
ကိုယ့်ချစ်သူကလည်း ကိုကို
ကိုကိုက ဆေးကျောင်းသား
ကိုကို့ရယ်သံ သြရှရှ
စွဲမက်လို့မဆုံးခဲ့ပါ
ဒါပေမယ့် ကိုကိုကတော့ ကိုယ့်ကို
ကလေးတစ်ယောက်ထက်ပိုပြီး
အသိအမှတ်မပြုခဲ့ပါဘူး။

နောက်ချစ်သူတစ်ယောက်
သီချင်းတွေ ကဗျာတွေမြတ်နိုးတတ်တဲ့ ကိုယ့်အတွက်
ချစ်သူက ဂီတသမား
ဂီတာတီးတတ်တယ်
ကျောင်းကပွဲမှာ ကိုယ့်အတွက်
ကိုယ့်နံမည်ပါတဲ့ သီချင်းတစ်ပုဒ်ရွေးဆိုပေးခဲ့ဘူးတယ်
နောက် သူက မြို့နယ်ဂုဏ်ဆောင် ဘောလုံးသမား
အရပ်မြင့်မြင့်နဲ့ သိပ်ခန့်ငြားတဲ့သူပေါ့
ဒါပေမယ့် အတန်းထဲမှာ ကိုယ်က အဆင့်တစ်ဆိုရင်
သူ့နောက်မှာ စာမေးပွဲဝင်မဖြေတဲ့သူတစ်ယောက်ပဲကျန်တယ် ...

နောက်တစ်ယောက်က အင်ဂျင်နီယာ
အိမ်လှလှလေးတွေ စိတ်ကူးယဉ်ချစ်တတ်သူအတွက်
ချစ်သူက စိတ်ကူးယဉ်စရာလေးတွေပိုစေခဲ့တယ်
နေတာက တမြို့စီမို့ သတိရလို့ဖုန်းဆက်လိုက်တိုင်း
ဖုန်းလာဖြေတဲ့ သူ့သူငယ်ချင်းဆိုသူလေးက ပိုင်စိုး ပိုင်နင်းရှိလွန်းတယ် ...

ငယ်ငယ်က သူငယ်ချင်းတစ်ယောက်ပြန်တွေ့တယ်
တည်ငြိမ်ရင့်ကျက်လို့ပေါ့
ခန့်ငြားတဲ့သူ့အသွင်ကတော့ မပြောင်းလဲဘူး
ဒီဇိုင်နာလုပ်နေတယ်တဲ့
ကိုယ့်အတွက် ကိုယ်တိုင်ဆွဲထားတဲ့ ဒီဇိုင်းနဲ့ အကျီ င်္လေး လက်ဆောင်ပေးတယ်
နင်ငါ့ကို သူများတွေအတွက် မဟုတ်ပဲ ငါ့တစ်ယောက်တည်းအတွက်
သီးသန့်ဒီဇိုင်းတွေ အမြဲဆွဲပေးရမယ်နော်ဆိုတော့
အင်း ... တဲ့
ဒါပေမယ့် ရှေးရိုးဆန်တဲ့ မိဘတွေ လက်မခံနိုင်တဲ့အချက်တွေကြောင့်
မိဘတွေစိတ်ချမ်းသာဖို့ အဓိပါပဲလို့ နှစ်ယောက်လုံးက လက်ခံပေးခဲ့ကြတယ်

နောက် - ရှိသေးတယ်
ကိုယ့်ရယ်သံကို သဘောကျလိုက်တာလို့ပြောတဲ့သူပေါင်းများစွာရှိတဲ့အထဲကမှ
ကိုယ်ရယ်လိုက်တိုင်း အကျယ်ကြီးမရယ်နဲ့လေလို့ ဟန့်တတ်တဲ့သူတစ်ယောက်ပေါ့
ဟဲ့ ငယ်ငယ်ကတည်းက ရယ်ရယ် မောမောနဲ့ကြီးပြင်းလာတာ
ရယ်ချင်တာ အောင့်ထားရရင်သေသွားမှာပေါ့လို့ ပြန်ပြောရင်း
ကိုယ့်မွေးရာပါအခွင့်အရေးကို အဆုံးရှုံးမခံခဲ့ဘူး

တစ်နေ့က ဦးဏှောက်ရဲ့လုပ်ဆောင်ချက်များဆိုတဲ့
စာပေဟောပြောပွဲတစ်ခုသွားနားထောင်ခဲ့တယ်
ရယ်မောခြင်းဟာ ကင်ဆာဆဲလ်တွေကိုတောင် သတ်ပြစ်နိုင်လို့
တစ်နေ့များများရယ်ပေးလေ ကောင်းလေပါပဲတဲ့

ဟူး ... ကျေးဇူးတင်ပါတယ် ဘုရားသခင်
လွပ်လပ်စွာ ရယ်ရယ်မောမော ပေါ့ပေါ့ပါးပါး
ဆက်လက်ကြီးပြင်းခွင့်ပေးခဲ့တဲ့အတွက်ပါ
ကံသီလို့ အမှားကြီးမှားတော့မလို့ပါ
ဒါပေမယ့် ချစ်သူများကိုလည်း ကျေးဇူးတင်ပါတယ်
အမှတ်တရ ကဗျာလေးတစ်ပုဒ် မွေးဖွားခွင့်ပေးခဲ့လို့ပါ။

အီဟွာသူ
အောက်တိုဘာ ၁၈၊ ၂၀၁၁