"မိတ်ဆွေ သူငယ်ချင်းများအားလုံးကို မင်္ဂလာပါလို့ နှုတ်ခွန်းဆက်သရင်း ဒီစာမျက်နှာလေးမှ နွေးထွေးစွာကြိုဆိုလိုက်ပါတယ်"

Saturday, November 19, 2011

အိမ်အပြန်

အိမ်အပြန်

ထက်မြက်။ နိုဝင်ဘာ ၁၉ ၊ ၂၀၁၁ (ပြန်လည်ဆန်းသစ်ခြင်း)


လူတိုင်းအဖို့ အိမ်အပြန်မှာ ၀မ်းသာဖို့အကောင်းဆုံး အပျော်ရွှင်ဆုံးအချိန်ဖြစ်ပါသည်။ စစ်မြေပြင် မှ မသေ မပျောက် ဘဲ အိမ်ပြန်လာရသည့်စစ်သား။ နှစ်ပေါင်းများစွာ နိုင်ငံခြားအလုပ်သွားလုပ်နေရာမှ အိမ်ပြန် လာသောသူ။ ထောင်ထဲတွင် အချိန်ကြာမြင့်စွာ အကျဉ်းကျခံရနေရပြီး မှ လွတ်မြောက်လာကာ အိမ်ပြန် သည့်လူတို့မှာ အပျော်ဆုံး လူသားများဟု သူတို့ကိုယ်သူတို့ မှတ်ယူကြသည်။ လူတစ်ယောက် ၏ အတွယ်တာဆုံး နေရာမှာ အိမ်ဖြစ်သည်။

ဆင်းရဲ ချမ်းသာမရွေး အိမ်ကို ခင်မင် တွယ်တာကြသည်ချည်းပင်။ တစ်နေ့တာ အလုပ်သွား ကျောင်းတက် ကြသော်လည်း အချိန်တန်လျှင် အိမ်ကို ပြန်လိုကြသည်။ အိမ်မှာ အနားယူ အပန်းဖြေလို ကြသည်။ ခရီးသွားရင် အလွန်ကျယ်ဝန်းသည့် ဟိုတယ်ခန်းကြီး၌ ဇိမ်ကျကျ နေရသည့်တိုင် မိမိ၏ ခပ်စုတ်စုတ် အိပ်ခန်းကျဉ်းလေးသို့ ပြန်လိုကြပါသည်။ ထိုကြောင့် အိမ်အပြန် မှာ လူတစ်ယောက်အဖို့ အကြည်နူး ဆုံး အချိန်ဖြစ်လေသည်။

လူတိုင်း အိမ်အပြန်ကို ကြုံခဲ့ကြသလို ကျွန်တော်တို့အဖို့ ယခုထက်တိုင် အမေ့မပျောက်နိုင်သော အိမ်အပြန် အချိန်တချိန်ရှိခဲ့ပါသည်။ ထိုအိမ်ပြန်ချိန်မှာ ထောင်နှင့် ကျွန်း တွင် ၅ နှစ် ၆နှစ်ခန့် အကျဉ်းခံ ဘ၀ဖြင့် နေခဲ့ရပြီး အိမ်ပြန်ခွင့်ရသည့်အချိန်ဖြစ်ပါသည်။

ကျွန်တော် ထောင်ထဲနေခဲ့ရသည့် ကာလမှာ ယခုထက်ပိုမို ခက်ခဲကြပ်တည်းပါသည်။ နိုင်ငံရေး အကျဉ်းသားအဖြစ် ပုဒ်မ ၅ဖြင့် ဖမ်းဆီးထိန်းသိမ်းထားသည် ဆိုသော်လည်း ထောင်ဝင်စာမတွေ့ရပါ။ အိမ်မှ မိသားစု မျာကို မမြင်မတွေ့ရပါ။ ၆ နှစ်တာကာလအတွင်း ဇနီး သားသမီး မိဘ ညီအစ်ကို မောင်နှမ များကို လုံးဝ မတွေ့ခဲ့ရပေ။ သာကြောင်း မာကြောင်း ကျန်းမာရေး စီးပွားရေး ပညာရေး အကြောင်းကို တစ်လတစ်ကြိမ်ရေးခွင့်ရသော စာတိုလေးမျှသာ ဖတ်ရှုသိရှိရပါသည်။ ဇနီးသည်က ကိုယ်ဝန်နှစ်လဖြင့် သမီး ၂ယောက် ကို ထိန်းကာ ရုန်းကန်ခဲ့ရသည်။ အမေကလည်း ကျန်းမာရေး ကောင်းလှသည် မဟုတ် ပေ။

အင်းစိန်ထောင်တွင် ရှိစဉ်က တစ်လ တစ်ကြိမ် အိမ်ကို စာရေးရသည်မှာ ပုံမှန်နီးပါး ရှိသော်လည်း အဆောင်မှ နေ တိုက်အပို့ခံရပြီး တိုက်ထဲ၌ လပေါင်းများစွာ နေရချိန်တွင် စာ အဆက်အသွယ် ဖြတ် ထားပါသည်။ ထိုကာလ၌ အိမ်အကြောင်းဘာမှ မသိရသလို ကျွန်တော့်ကျန်းမာရေးကိုလည်း အိမ်က သိခွင့် မရတော့ပါ။
နောက် ကိုကိုကျွန်း ပို့လိုက်သည်တွင် အိမ်နှင့် အဆက်အသွယ်ပြတ်သွားတော့သည်။ ကျွန်းပို့ခါနီး၌လည်း အိမ်ကို စာရေးခွင့် ရပ်ထားသလို အိမ်မှ ရေးသော စာများကိုလည်း ဖတ်ခွင့်မရပေ။ ကိုကိုးကျွန်း၌ ၃ နှစ် နီးပါး နေရချိန် တွင် စာ ၃စောင် လောက်ပင် ရေးခွင့် ဖတ်ခွင့်ရသည်ထင်ပါသည်။ ကျွန်း ရောက် နေကြောင်း ရေးလိုက်သည့်စာများကို ပို့မပေးကြောင်း သိရသည်။


ထိုကြောင့် မိသားစုကို မျှော်လင့်ချက်မထားချင်တော့ပေ။ မိမိကိုယ်ကိုလည်း အသက်ရှင်လျှက် အိမ်ပြန်လာရလိမ့်မည်ဟု မထင်တော့ပေ။ အဖမ်းခံရသည့် အချိန်က အသက် ၂၆နှစ်ကျော်သာရှိသေးပြီး ဇနီးမှာလည်း ၂၃ နှစ်ကျော် ငယ်ရွယ်သူ ဖြစ်၍ အိမ်ထောင်သစ်ထူနိုင်ခွင့်ရှိသည်ဟု ခွင့်လွတ် ထားခဲ့ ပါသည်။ အမေကလည်း ကျန်းမာရေး မကောင်းသဖြင့် အမေ့မျက်နှာကို အိမ်အပြန်တွင် တွေ့တော့မည် ဟု မထင်ပေ။ အထူးသဖြင့် ကိုကိုးကျွန်းအကျဉ်းထောင်တွင် ၃နှစ် နီးပါး နေခဲ့ရသည့် အချိန်က အိမ်နှင့် အဆက်အသွယ်ပြတ်သလောက်ဖြစ်ခဲ့ရသည်။ ကျွန်တော်တို့ ထောင်ပြောင်းသွားသည်။

ကိုကိုးကျွန်းရောက်သွားသည်ကို အိမ်က မသိသလို ကျွန်တော်တို့ကလည်း စာရေးပြီး အသိပေးလို့မရပါ။ ထို့အပြင် ကိုကိုးကျွန်း နှင့် ပြည်မကြား အဓိက အဆက်အသွယ်မှာ ရေလမ်းမှ သွားရသော သင်္ဘောသာဖြစ်သည်။ မုန်တိုင်းထန်သော ဘင်္ဂလားပင်လယ်အော်အတွင်းမှ ကျွန်းဖြစ်၍ မိုးရာသီဆိုလျှင် အဆက်အသွယ် အလွန်ကျဲသည်။

ထိုကြောင့် ကျွန်တော်တို့ရေးသော စာများလည်း အိမ်မရောက်။ အိမ်မှရေးသော စာများလည်း ကျွန်တော့်ထံမရောက်။ ကျွန်တော့်မိသားစုဆိုလျှင် ကျွန်တော့် မိဘအိမ်တွင် နေတော့မည်ဟု မထင်ပေ။ အမေ့ကိုလည်း ဤလောကတွင် ရှိတော့မည်ဟု မထင်ပေ။ စာအဆက်အသွယ်ရတုန်းက အမေနေမကောင်းဟု သိရသဖြင့် နှစ်ကြာပြီး အဆက်အသွယ်မရေသောကြောင့် အမေနှင့်တွေ့ဖို့ မျှော်လင့်ချက်ကို စွန့်လွတ်ခဲ့ခြင်းဖြစ်ပါသည်။

အင်းစိန်ထောင်သို့ ပြန်ခေါ်ပြီးသော်လည်း အိမ်နှင့်အဆက်အသွယ် မရသေးပါ။ (အမှန်မှာ ကျွန်တော် တို့လွတ်တော့မည်ဖြစ်၍ အဆက်အသွယ် မပေးခြင်းလည်း ဖြစ်ပါလိမ့်မည်။) ဤသို့ဖြင့် ကျွန်းမှာပြန်လာပြီး ၄လခန့်အကြာ နံနက်စာ စားအပြီး နေ့ခင်းဘက် တစ်ရေးတစ်မော ကုတင်ပေါ် အိပ် နေချိန် တွင် အပြင်မှ သော့ဖွင့် သံများ ရုတ်တရက်ကြားလိုက်ရသည်။

နောက်အခန်းတံခါးကြီးကို ၀ုန်းခနဲ့ ဆွဲဖွင့်လိုက်ကာ ထောင်မှုး ဦးကျော်မင်းနှင့် အမှု ထမ်းများ ဖိနပ်သံ တဖြောင်းဖြောင်း နှင့် အခန်းထဲ ၀င်လာကြလေသည်။ ပုံစံထိုင် ခိုင်းလိုက်သဖြင့် ကျွန်တော်တို့အားလုံး ကုတင်ပေါ်တွင် ပုံစံထိုင်နေကြရပါသည်။
ထောင်မှုးက နာမည်ခေါ်တဲ့သူ အဖေနာမည်ကိုပြော ရှေ့မှာလာရပ်


ဇော်လွင်
ရှိ အဖေနာမည် ဦး……

တင်ဝင်း
ရှိ အဖေနာမည် ဦး…..

ကျော်နိုင်
ရှိ အဖေနာမည် ဦးဘိုးသီ


ကျွန်တော့်နာမည် ခေါ်၍သာ အဖေနာမည်ပြောပြီး အမှုထမ်းများရှေ့သို့ သွားရပ်ရသည်။ ဘာကြောင့် ခေါ်မှန်း မသိပါ။ အခန်းပြောင်းမှာလား။ အဆောင်ရွေ့မှာလား။ တိုက်ပို့မှာလား။ ရင်တထိတ်ထိတ်နှင့် ပုံစံရပ်နေလိုက်ပါသည်။ နာမည်ခေါ်ခံရသည့် အခန်းတွင်းမှ အဖော်တော်တော်များ မှာလည်း ဝေခွဲမရသော မျက်လုံးများဖြင့် တန်းစီရပ်နေကြည်ပါသည်။

လာ….လိုက်လာခဲ့ကြ ထောင်မှုး ဦးကျော်မင်းက ပြောပြီး ရှေ့မှ ထွက်သွားသည်။ ကျွန်တော်တို့လည်း ထောင်မှုး နောက်မှ တန်းစီလိုက်ခဲ့ကြ၏။ ကျွန်တော်တို့ ဘေး တစ်ဖက် တစ်ချက် ဆီမှ အမှုထမ်းများ ကလည်း လိုက်ပါလာခဲ့ကြသည်။ အလွန် ထူးခြားသည်မှာ ကျွန်တော်တို့ကို စောင့်ဖြင့် အုပ်ပြီး ခေါ် မလာခြင်း ဖြစ်ပါသည်။ ကျွန်တော်တို့သည် ဟိုသည်ကြည့်ပြီးလိုက်လာခဲ့သည်။ အံ့သြရပါသည်။ နောက်ဆုံး ထောင်ဗူးဝသို့ ရောက်လာပါတော့သည်။

ဗူးအတွင်းပိုင်းကွက်လပ်တခုလုံး နိုင်ငံရေး အကျဉ်းသား အများအပြားကို တွေ့ရသည်။ ၁၉၇၂ ခုနှစ် ဖေဖော်ဝါရီ လဖြစ်သည်။ လွတ်လွတ်လပ်လပ် စကားပြောနေကြသဖြင့် ထောင်ပြောင်းခြင်းတော့ မဟုတ်နိုင် ဘဲ ကျွန်တော်တို့ကို လွှတ်လိမ့်မည် ဟု ထင်ရပါသည်။

ကိုကိုးကျွန်းတွင် အတူနေခဲ့ရသည့် ရဲဘော်များကို ယခုမှ နောက်ထပ်ပြန်ဆုံရသည်။ ထောင်မှုး ဦးကျော်မင်း က ကျွန်တော်တို့ကို လွှတ်တော့မည်ဖြစ်ကြောင်း ပြောသည်။
ရန်ကုန်တွင် နေသူများကို လိုက်ပို့ပေးမည့်ကားများ ထောင်ဗူးအပြင်တွင် ရပ်ထားကြောင်း နယ်မှလူများ သူ့ထံတွင် ခရီးစရိတ်လာထုတ်ယူစေ လိုကြောင်း ပြောပါသည်။ ထောင်မှုး တစ်ယောက်ကလည်း စားပွဲ တစ်လုံးတွင် စာရင်းစာအုပ်များဖြင့် ပစ္စည်းများထုတ်ပေးနေသည်။

ကျွန်တော်တို့ထောင်ရောက်စဉ်က ဗူးဝတွင် စာရင်းဖြင့်သိမ်းထားသော လွယ်အိတ် နာရီ လက်စွပ် ငွေ စသည့် ပစ္စည်းများအား စာရင်းအတိုင်း ပြန်ထုတ်ပေးပါသည်။ အချိန်မှာ ညနေစောင်းသွားပြီ။ သတင်းစာ ရှင်းလင်းပွဲလုပ်ခြင်း၊ လူစာရင်းများ စစ်ခြင်း၊ ပစ္စည်းများ ပြန်ပေးခြင်းဖြင့် လူရာပေါင်းများစွာကို စစ်ဆေးနေရသောကြောင့် အချိန်ကုန်သွားလေသည်။ ဗန်းမော်တင်အောင်၊ သခင်ခင်အောင်၊ ဆရာ ရာဂျန် စသော လူကြီးများအပြင် ဘဖူးညွှန့် ခင်မောင်ဇော် ချိုကြီး အောင်ငြိမ်းစသည့် လူငယ်များလည်း လွတ်စာရင်း တွင် ပါလာသောကြောင့် ၀မ်းသာခဲ့ရပါသည်။

သင်္ကန်းကျွန်း၊ သာကေတ တောင်ဥက္ကလာ ပုဇွန်တောင် စသဖြင့် လိုက်ပို့ပါသည်။ သင်္ကန်းကျွန်း တွင်နေသော ကျွန်တော့်မှာ နောက်ဆုံးဖြစ်သွားသည်။ အိမ်တိုင်ရာ ရောက် တစ်အိမ်ချင်းလိုက်ပို့သဖြင့် အချိန် ကြာသွားရသည်။
တောင်ဥက္ကလာကို ပတ်ပြီး သင်္ကန်းကျွန်းဝင်သောအခါ မိုးစုန်းစုန်းချုပ်သွားပြီ။ ည၈နာရီခန့် ရှိလိမ့်မည်ထင်သည်။ ဖေဖော်ဝါရီလဖြစ်၍ အေးလည်း အေးလာ၏။ ထောင်ပုံစံ အင်္ကျီ အဖြူလက်တိုဖြင့် လိုက်လာရ သောကြောင့် တော်တော်အေးနေပါသည်။ နံနက်ပိုင်းက ခေါင်းညှပ်ထားသလို ရေမချိုးရ သေးသဖြင့် တစ်ကိုယ်လုံး ယားယံနေသည်။ ရဲစခန်းရှေ့မှ ဖြတ်ပြီး လမ်းအတိုင်း မောင်းဝင်ခဲ့ပါသည်။ ကျွန်တော် က ရှေ့ခန်းတွင် ဒုတပ်ကြပ်တစ်ဦး ကားမောင်းသူ ရဲဘော်တစ်ဦး တို့နှင့် အတူ ထိုင်လိုက် လာပါသည်။

ကျွန်တော့်ကို ဖမ်းခေါ်သွားစဉ်က ကျွန်တော်တို့လမ်းမှာ ခပ်ခြောက်ခြောက်ဖြစ်သော်လည်း ယခုမူ ဈေးဆိုင် များဖြင့် ကြပ်သိပ်နေပေပြီ။ နှစ်ချီကြာမြင့်သဖြင့် ကျွန်တော်အိမ်ကို မမှတ်မိတော့ပါ။ ကားမောင်းသမား ရဲဘော်ကို ဈေးဆိုင်လေးတစ်ဆိုင်ရှေ့ ရပ်ခိုင်းလိုက်သည်။ ဒုတပ်ကြပ် က ခင်ဗျား အိမ် အပေါ်ထိ လိုက်မယ်နော် မိသားစုလက်ထဲ ခင်ဗျားကို အပ်ပြီးမှ ပြန်မယ်ဗျာ ဟု အားပါးတရ ပြောနေသည်။

ကျွန်တော် ကားပေါ်မှ ဆင်းပြီး ကျွန်တော့်အိမ်ကို မေးဖို့ လမ်းသွားလမ်းလာ တစ်ယောက်ယောက်ကို လိုက်ကြည့်ရာ ဈေးဆိုင်ခုံပေါ် ထိုင်နေကြသော မိသားစု တစ်စုကို တွေ့လိုက်ရသည်။

မိန်းမက ကလေးတစ်ယောက်ကို ချီထားသည်။ မျက်မှန်နှင့် ယောက်ကျားက ကလေးတစ်ယောက်ကို ပေါင်ပေါ် တင်ထားလေသည်။ ဒီမှာ ဒေါ်သိန်းတင်တို့အိမ်က ဘယ်နားမှာလဲ မျက်မှန်နှင့်လူက ကလေးကို ကောက်ချီပြီး ထိုင်ရာမှ ထလိုက်သည်။ ဓါတ်တိုင်မှ မီးရောင်သည် ကျွန်တော်တို့အပေါ်ထိုးကျနေသည်။ သူက ကျွန်တော့်မျက်နှာကို စူးစူးဝါးဝါး စိုက်ကြည့်ပြီးနောက် အစ်ကို……အစ်ကို ၊ကျွန်တော်လေ အစ်ကို့ ညီလေ… သူက ကျွန်တော့် မိန်းမ သူတို့က သမီးတွေလေ ကျွန်တော့်ညီ အငယ်ဆုံးဖြစ်သည်။ ကျွန်တော် အဖမ်းမခံရခင်က သူက ၁၀တန်းကျောင်းသား။ ယခု ကလေး နှစ်ယောက် အဖေ ရုံးစာရေး။ ဘွဲ့လည်း ရနေပေပြီ။ ကျွန်တော့်လက်ကို တင်းတင်းဆုပ်ကိုင်ထားရင်းက နောက်ဘက်လှည့်ကာ အမေရေ…….. အစ်ကို ပြန်လာပြီ ဟု လှမ်းအော်လိုက်ပါသည်။

ကျွန်တော်ဘက်ပြန်လှည့်ကာ အမေ နေမကောင်းတာ ကြာပြီ၊ အခု အိပ်ယာပေါ်မှာ လမ်း သိပ်မလျှောက် နိုင်ဘူး ဟု ဆက်ပြော၏။ ကျွန်တော်အိမ်ဘက်သို့လျှောက်ခဲ့ရာ သူတို့မိသားစုရော လိုက်ပို့သည့် တပ်မတော် သား များရော နောက်မှ လိုက်လာကြပါသည်။

အိမ်ရှေ့လှေကားရင်း ရောက်သည့်အခါ အိမ်ပေါ်မှ ဆင်းလာသည့် အမေ့ကို တွေ့လိုက်ရသည်။ အမေမှာ တော်တော် အိုမင်းသွားပေပြီ။ ကိုယ်လုံးမှာလည်း ငှက်မွှေးလေးလို ပါးပါးလေးသာရှိသည်။

အမေက ထမင်းလဲ သိပ်မစားဘူး။ လှေကားဆင်းဖို့ နေနေသာသာ လမ်းလျှောက်ရင်တောင် လူတွဲ သွားရတာ။ အခု အစ်ကိုလွတ်လာတော့ အံ့သြဖို့ကောင်းလိုက် တာ။ လှေကား ကို မကိုင်ဘဲ အလွတ် ဆင်း လာနိုင်တယ်။

ကျွန်တော့်ညီက ၀မ်းသာအားရ ပြောပြနေပါသည်။ အမေ့ပုခုံးကို ဖက်ပြီး အိမ်ပေါ်သို့တက်လာခဲ့ပါသည်။ အိမ်ပေါ် တွင် လူကြီး တစ်ယောက်မှ မရှိဘဲ ကလေးငယ် တစ်ယောက်သာ ကစားနေသည်။ အမေက မျက်တောင် မခပ်ဘဲ စိုက်ကြည့်နေ၏။ မျက်လုံးများထဲတွင် မျက်ရည်စများ ၀ဲနေပါသည်။

သားရယ်…..အံ့သြဖို့ကောင်းလိုက်တာ မသေကောင်းမပျောက်ကောင်း ပြန်တွေ့ရတယ်နော်…ဟု ကျွန်တော့် ကို ပြောနေသည်။ အမေမရှိတော့ဟု အမေ့အသက်ကို မမျှော်လင့်ခဲ့သော ကျွန်တော့်မှာ ယခု လို အမေ့ကို တွေ့ရသဖြင့် အလွန်ပျော်သွားပါသည်။

ထိုအချိန်၌ ကစားနေသော ကလေးက အမေ့ပေါင်ပေါ်လာထိုင်ပြီး ကျွန်တော့်မျက်နှာကို ကြည့်နေသည်။ ယောက်ကျား လေးဖြစ်ပြီး ငါးနှစ်လောက်ရှိပေလိမ့်မည်။ အမေက ကလေးကို ကျွန်တော့်ပေါင်ပေါ် တင် ပေး၏။ ကျွန်တော်ကလည်း အသာအယာပင် ပွေ့ဖက်ထားလိုက်ပါသည်။ ကျွန်တော့်ညီ၏ ကလေးဟုပင် ထင်ပါသည်။ ကလေးမှာ တအောင့်သာ ပေါင်ပေါ်ထိုင်ပြီး အမေ့ပေါင်ပေါ် အတင်းသွားထိုင်သည်။

ဖွားဖွား ဒီဦးဦးက ဘယ်သူလဲ ဟု မေးလိုက်သံကို ကျွန်တော်ကြားလိုက်ရသည်။ အမေက ကျွန်တော့်ကို ကြည့်ကာ သား ဒီကလေးကို သိလား မသိဘူး လေ အမေရဲ့ ဟိုကောင့်သား မဟုတ်လား ကျွန်တော့်အဖြေကို ကြားသောအခါ အမေသည် မျက်ရည်များ ကျဆင်းပြီး ၀မ်းနည်းပက်လက် ငိုပါ တော့ သည်။

ကျွန်တော်လည်း ခြေမကိုင်မိ လက်မကိုင်မိဖြစ်သွားသည်။ ကလေးကလည်း သူ့အဖွားငိုသည်နှင့် လိုက် ငို သည်။ ကျွန်တော့်ညီနှင့် ခယ်မမှာလည်း မျက်ရည်များ ကျနေကြပါသည်။

ဒီကလေးက နင့်သားလေ ထောင်ထဲကနေ နင်နာမည်ပေးလိုက်တဲ့သားလေ ဟု အမေက ရှိုက်ရင်း ပြော နေပါသည်။ ကျွန်တော်က ကလေးကို တအံ့တသြ ကြည့် လိုက်ပါ သည်။ သားလေး မွေးသည့် အကြောင်း ကျန်းမာကြောင်းတို့ကို အကေလးမွေးပြီး တစ်နှစ်လောက်အကြာ စာရေးခွင့်ရမှ ကျွန်တော် သိရ ပါသည်။
သားဓါတ်ပုံကိုလည်း ထည့်ပေးလိုက်ပါသည်။ သားနာမည်ပေးသည့်နေ့က တစ်ခန်းလုံးကို ပဲလှော် ဘီစကစ် နှင့် ရေနွေးကြမ်းတိုက်ပြီး ကင်မွန်းတပ်ပွဲ ကျင်းပခဲ့သေး သည်။

သားကိုကြည့်ပြီးနောက် ကျွန်တော်ချီလိုက်သည်။ အဖေနှင့်သား မမှတ်မိပါလား။ ကျွန်တော် ထောင်ထဲ ၀င်စဉ်က ကိုယ်ဝန် ၂လ လောက်နှင့် ကျန်ခဲ့သော သားလေးမှ ယခု ၅ နှစ်နီးပါးရှိခဲ့ပြီ။ ဒီအတိုင်းဆိုလျှင် ကျွန်တော့် သမီးကြီး မှာ ၁၀နှစ်သမီးလောက်ရှိပြီး သမီးလတ်မှာ ၈နှစ်လောက်ရှိပေရော့မည်။ မိန်းမကို တစ်မျိုး ခံစားရပြီး သမီးများကို မြင်တွေ့လိုစိတ်ဖြင့် ၀မ်းနည်းသွားပါသည်။

ထိုအချိန်တွင် လှေကားမှ ဆူဆူညံညံ အသံများ ကြားရကာ အိမ်ခေါင်းရင်းမှ အိမ်နီးချင်းများ ရောက် လာကြ သလို ကလေးနှစ်ယောက်နှင့် ကျွန်တော့်မိန်းမမှာလည်း ဆွဲခြင်းတစ်လုံးဖြင့် အိမ်ပေါ် ရောက်လာ ကြပါသည်။
မိန်းမက ကျွန်တော့်မျက်နှာကို တအံ့တသြ စိုက်ကြည့်နေပါသည်။ သမီး ၂ယောက်ကမူ မျက်နှာစိမ်း တစ်ယောက်လို မျက်နှာစိမ်းတယောက်လို စူးစမ်းသည့်အကြည့်ဖြင့် အဖေကို ကြည့်နေကြသည်။

အိမ်အပြန်လမ်းမှာ မျှော်လင့်ချက်များ လုံးဝ ဆိတ်သုဉ်းခဲ့ရသည့်လမ်းမျိုးမဟုတ်ပေ။ သို့သော်ကြေကွဲမှု ကြည်နှုး မှု မျှော်လင့်ချက် ရောင်ခြည် တောက်ပလာမှု စသော ခံစားမှုပေါင်းစုံဖြင့် ရောထွေးခဲ့ရပါသည်။

ကျွန်တော့်ဘ၀တွင် မိသားစုနှင့် ချီကာ ခွဲခွာ၍ အကျဉ်းထောင်ထဲတွင် ဘ၀ တစ်စိတ်တစ်ပိုင်း ကုန်ဆုံး ခဲ့ ရသော ပထမဆုံး အတွေ့အကြုံ ဖြစ်ပါသည်။ နောင် ဒုတိယ တတိယ စတုတ္ထ စသည့်  အတွေ့ အကြုံ များ အိမ်အပြန်ခရီး များ ထပ်ခါ ထပ်ခါ မကြုံခင် ရှေ့ပြေးအိမ်ပြန်ခရီးအဖြစ် ရင်ထဲတွင် မှတ်မှတ်ရရ စွဲထင် ကျန်ရစ် နေခဲ့ပါတော့သည်။

စာရေးသူ – ထက်မြက်

The Real Lives, Real Stories

Volume 4, August 2011

(သည်စာမူကို ဆရာမောင်စွမ်းရည်က ညွှန်းပါတယ်)

(ရွှေစင်ဦးဘလောဂ့်က ယူပါတယ်)

Saturday, October 29, 2011

"ပန်းတိုင်ရှိရာ"

ဒူးမတုန်နဲ့ကလေး
ဒီလိုထရပ်လိုက်တာကိုက
ခြေလှမ်းတွေ စနိုင်ဖို့ အတွက်ပါပဲ။
ရပ်နိုင်တော့မှ
မင်းဘ၀ရဲ့ ပထမခြေလှမ်း
မင်းစပြီးလှမ်းရမှာ..။
ကြောက်စိတ်မ၀င်နဲ့ ကလေး
ပထမခြေလှမ်းမှာ ယိုင်လဲ
ဒူးပြဲချင် ပြဲမယ်
လဲရင်ပြန်ရပ်
နောက်ထပ် ခြေလှမ်းတွေစမယ်..။
လေးဘက်သွားရင်းကျေနပ်
ထပြီးမရပ်ဘဲနေမယ့်အစား
ရပ်စမ်း ကဲစမ်း
ရဲရဲလှမ်း ကလေး..
(ပြီးရင် )
ပြေးလှမ်းပေါ်တက်ရအောင်...။

မောင်စိန်ဝင်း(ပုတီးကုန်း)

Thursday, October 20, 2011

ဆရာများသို့ ...

မိမာတာနဲ့ တစ်ဂိုဏ်းတည်းဝင် အို အာစရိယအရှင်

ဦးတင်သလျက်

လွန်တာရှိခဲ့လျှင် ၀န္ဒာမိပါ

သမုဒ္ဒရာ၊ ရေမျက်နှာထက်၊

ခဏတက်သည့်၊ ရေပွက်ပမာ၊ တသက်လျာတည်း

အဲလို ဘ၀အတိုကလေးမှာ

ဆရာမရှိ လိုချင်မိ၍

မိမိဘာသာ မိမိဟာ ကို

စေရာဆိုထား စည်းတစ်ခြားနှင့်

ဝါးထားရှေ့ နောက် ရောက်ရာရောက်၍

ထောက်ကောက်လေ့လာ တတ်ကာ ရှာတော့

လူပေါင်းဂုဏ်ရှိန် စိတ်ကြီးဝင်၍

စုံလင်ပြသ တတ်သိလှသည့်

ဆရာမွန်နဲ့ တွဲကာယှဉ်လျှင်

ငါပင် အရူးဖြစ်လိမ့်မယ်

အာစရိယ ၀ါဒ ပုဒ်ကို အကြိမ်ကြိမ်ရေရွတ်

ကာယ ၀စီ မနောချီလျက်

လက်ဆယ်လီထိပ်မှာ သ လို့  ရှိခိုးကော်ရော်

ပူဇော်အကျွန်၊ ပန်ခဲ့တုံ၏

အကျွန့် အမှားအား ခွင့်လွှတ်ပါရန် တောင်းပန်သရင်း

ဆုတောင်းမေတ္တာ ပို့ သပါသည်… ဣရိယာ ပထ္တ မျှစေသား….

မျိုးသန်းထွန်း (ရေဆင်း)

အောက်တိုဘာ ၂၁၊ ၂၀၁၁

Monday, October 17, 2011

ချစ်သူများသို့

ချစ်ခဲ့ဖူးသူတွေရှိတယ်
ကိုယ့်ချစ်သူကို ကိုကို ကိုကိုလို့ခေါ်တာ
ခေတ်စားတဲ့ ကလေးဘ၀တုန်းကပေါ့
ကိုယ့်ချစ်သူကလည်း ကိုကို
ကိုကိုက ဆေးကျောင်းသား
ကိုကို့ရယ်သံ သြရှရှ
စွဲမက်လို့မဆုံးခဲ့ပါ
ဒါပေမယ့် ကိုကိုကတော့ ကိုယ့်ကို
ကလေးတစ်ယောက်ထက်ပိုပြီး
အသိအမှတ်မပြုခဲ့ပါဘူး။

နောက်ချစ်သူတစ်ယောက်
သီချင်းတွေ ကဗျာတွေမြတ်နိုးတတ်တဲ့ ကိုယ့်အတွက်
ချစ်သူက ဂီတသမား
ဂီတာတီးတတ်တယ်
ကျောင်းကပွဲမှာ ကိုယ့်အတွက်
ကိုယ့်နံမည်ပါတဲ့ သီချင်းတစ်ပုဒ်ရွေးဆိုပေးခဲ့ဘူးတယ်
နောက် သူက မြို့နယ်ဂုဏ်ဆောင် ဘောလုံးသမား
အရပ်မြင့်မြင့်နဲ့ သိပ်ခန့်ငြားတဲ့သူပေါ့
ဒါပေမယ့် အတန်းထဲမှာ ကိုယ်က အဆင့်တစ်ဆိုရင်
သူ့နောက်မှာ စာမေးပွဲဝင်မဖြေတဲ့သူတစ်ယောက်ပဲကျန်တယ် ...

နောက်တစ်ယောက်က အင်ဂျင်နီယာ
အိမ်လှလှလေးတွေ စိတ်ကူးယဉ်ချစ်တတ်သူအတွက်
ချစ်သူက စိတ်ကူးယဉ်စရာလေးတွေပိုစေခဲ့တယ်
နေတာက တမြို့စီမို့ သတိရလို့ဖုန်းဆက်လိုက်တိုင်း
ဖုန်းလာဖြေတဲ့ သူ့သူငယ်ချင်းဆိုသူလေးက ပိုင်စိုး ပိုင်နင်းရှိလွန်းတယ် ...

ငယ်ငယ်က သူငယ်ချင်းတစ်ယောက်ပြန်တွေ့တယ်
တည်ငြိမ်ရင့်ကျက်လို့ပေါ့
ခန့်ငြားတဲ့သူ့အသွင်ကတော့ မပြောင်းလဲဘူး
ဒီဇိုင်နာလုပ်နေတယ်တဲ့
ကိုယ့်အတွက် ကိုယ်တိုင်ဆွဲထားတဲ့ ဒီဇိုင်းနဲ့ အကျီ င်္လေး လက်ဆောင်ပေးတယ်
နင်ငါ့ကို သူများတွေအတွက် မဟုတ်ပဲ ငါ့တစ်ယောက်တည်းအတွက်
သီးသန့်ဒီဇိုင်းတွေ အမြဲဆွဲပေးရမယ်နော်ဆိုတော့
အင်း ... တဲ့
ဒါပေမယ့် ရှေးရိုးဆန်တဲ့ မိဘတွေ လက်မခံနိုင်တဲ့အချက်တွေကြောင့်
မိဘတွေစိတ်ချမ်းသာဖို့ အဓိပါပဲလို့ နှစ်ယောက်လုံးက လက်ခံပေးခဲ့ကြတယ်

နောက် - ရှိသေးတယ်
ကိုယ့်ရယ်သံကို သဘောကျလိုက်တာလို့ပြောတဲ့သူပေါင်းများစွာရှိတဲ့အထဲကမှ
ကိုယ်ရယ်လိုက်တိုင်း အကျယ်ကြီးမရယ်နဲ့လေလို့ ဟန့်တတ်တဲ့သူတစ်ယောက်ပေါ့
ဟဲ့ ငယ်ငယ်ကတည်းက ရယ်ရယ် မောမောနဲ့ကြီးပြင်းလာတာ
ရယ်ချင်တာ အောင့်ထားရရင်သေသွားမှာပေါ့လို့ ပြန်ပြောရင်း
ကိုယ့်မွေးရာပါအခွင့်အရေးကို အဆုံးရှုံးမခံခဲ့ဘူး

တစ်နေ့က ဦးဏှောက်ရဲ့လုပ်ဆောင်ချက်များဆိုတဲ့
စာပေဟောပြောပွဲတစ်ခုသွားနားထောင်ခဲ့တယ်
ရယ်မောခြင်းဟာ ကင်ဆာဆဲလ်တွေကိုတောင် သတ်ပြစ်နိုင်လို့
တစ်နေ့များများရယ်ပေးလေ ကောင်းလေပါပဲတဲ့

ဟူး ... ကျေးဇူးတင်ပါတယ် ဘုရားသခင်
လွပ်လပ်စွာ ရယ်ရယ်မောမော ပေါ့ပေါ့ပါးပါး
ဆက်လက်ကြီးပြင်းခွင့်ပေးခဲ့တဲ့အတွက်ပါ
ကံသီလို့ အမှားကြီးမှားတော့မလို့ပါ
ဒါပေမယ့် ချစ်သူများကိုလည်း ကျေးဇူးတင်ပါတယ်
အမှတ်တရ ကဗျာလေးတစ်ပုဒ် မွေးဖွားခွင့်ပေးခဲ့လို့ပါ။

အီဟွာသူ
အောက်တိုဘာ ၁၈၊ ၂၀၁၁

သီတင်းကျွတ်လပြည့်နေ့ တရားအလှူ (တောင်ကိုရီးယားမှာ မြေအလှူရေစက်ချတရားတော်)



တောင်ကိုရီးယားနိုင်ငံမှာ နီပေါ ဘင်္ဂလားဒေ့ရှ် စတဲ့နိုင်ငံများကပင် မြေကွက်များဝယ်ယူပြီး ထေရ၀ါဒ ဗုဒ္ဓသာသနာ ပြန့်ပွားရေးဆောင်ရွက်နေကြတာမို့ မြန်မာတွေလည်း ယခုရှိနေတဲ့ ယာယီဘုန်းတော်ကြီးကျောင်းများအပြင် ထာဝရ ကုသိုလ်အဖြစ် မြေကွက်ဝယ်ယူကာ အဲဒီသာသနာ့မြေပေါ်မှာ မြန်မာ့ဗုဒ္ဓဘာသာယဉ်ကျေးမှုနဲ့ အညီ ဘုရား ကျောင်း ဓမ္မာရုံ ယောဂီဆောင် စသည်ဖြင့်ဆောက်လုပ်ပြီး သာသနာပြုကြမယ်လို့ ဓမ္မဒူတဆရာတော် ဒေါက်တာဆေကိန္ဒ ကိုရီးယားကိုကြွလာစဉ် September 11, 2011 ရက်နေ့တရားပွဲမှာ ကြားလိုက်ရပါတယ်။ ဆရာတော်က ကိုရီးယားမြေတိုင်းယူနစ်ဖြစ်တဲ့ ဖျောင်း (၆ပေ ပတ်လည်ကို တစ်ဖျောင်းပါ) နဲ့ဆို တစ်ဖျောင်း ၀မ်သုံးသိန်းလောက် တန်မယ့်နေရာကို ရှာနေပါကြောင်းနဲ့ ဆရာတော်က ဖျောင်း 100 ကို ကမကထပြုပြီး အခြားကုသိုလ်ရှင်အသီးသီးက ဖျောင်းငါးဆယ်စီနဲ့က သုံးဦး ဆယ်ဖျောင်းစီက နှစ်ဦးစသည်ဖြင့် ဂေါပကအဖွဲ့က တရားပွဲမစမှီလျှောက်ထားလိုက်တာ ကြားလိုက်ကတည်းက ငါလည်း တစ်ဖျောင်းလောက်လှူနိုင်ချင်လိုက်တာ တစ်ဖျောင်းဖိုးမတတ်နိုင်တောင် မြေ၀ယ်ဖို့လှူရဦးမယ်လို့စိတ်ထဲ တေးမှတ်ထားခဲ့ပါတယ်။ နောက်တော့ စိတ်ကူးကောင်းလေးရလာတာက ကိုရီးယားရောက် YAU ဘွဲ့ရများဆိုပြီး Mail group လေးဖွဲ့ထားတော့ group mail လေးကနေတစ်ဆင့် အဖွဲ့သားတွေကို မြေလှူကြဦးမလား မေးမြန်းတိုက်တွန်းမိရာကနေ အဖွဲ့ဝင် ၂၂ ယောက်က၀မ်းသာအားရ ကိုယ်နိုင်သလောက် စုလိုက်ကြတာ မထင်မှတ်ထားတဲ့ ပမာဏဖြစ်တဲ့ ၀မ် ၁၈ သိန်းပြည့်သွားပြီး အဲဒီ မြေကြီး ၆ဖျောင်းစာ အလှူငွေကို အောက်တိုဘာ ၉ ရက်နေ့မှာ အဖွဲ့ဝင် ၇ဦးတက်ရောက်ပြီး အဖွဲ့ကိုယ်စား ဓမ္မဒူတကျောင်းမှာ သွားရောက်လှူတန်းဖြစ်ခဲ့ပါတယ်။

မြေအလှူ ရေစက်ချ တရားအကျဉ်းချုပ်လေးကို သူငယ်ချင်းမိတ်ဆွေများ ကြည်ညို သဒ္ဓါပွားရအောင် ဝေမျှလိုက်ပါတယ်။

အခမ်းအနားကိုစတော့ အရင်ဆုံး ဘုရားရှိခိုး ငါးပါးသီလယူပြီး ဘုရားဂုဏ်တော် တရားဂုဏ်တော် သံဃာဂုဏ်တော်တွေနဲ့တကွ မင်္ဂလသုတ်နဲ့ မေတ္တာသုတ်ကို အားလုံးရွတ်ဆိုကြပါတယ်။ နောက်တော့ ဆရာတော်က အလှူအနုမောဒနာတရားချီးမြှင့်ပါတယ်။ တရားပွဲပြီးတော့ ရေစက်ချပြီး ညစာသုံးဆောင်ပြီး ပြန်ခဲ့ကြပါတယ်။

အနုမောဒနာ တရားအကျဉ်းချုပ်ကတော့ -

လောကမှာပစ္စည်းလေးမျိုးရှိပါတယ်တဲ့

၁။ ထာဝရ ဥစ္စာ (အမြဲတည်တံ့တဲ့ ရွှေ့ပြောင်းမရတဲ့ အိမ်၊ မြေ၊ ဥယျာဉ်ခြံ စသည်တို့ဖြစ်ပါတယ်တဲ့။ ကိုယ်တစ်ဦးတည်းပိုင်ရှိသလို မိသားစုပိုင်ဖြစ်သလို ကိုယ်တခြားနေရာပြောင်းသွားရင်လည်း ယူသွားလို့မရပါဘူးတဲ့ ဘ၀တစ်ပါးကတော့ ပြောမနေနဲ့ပေါ့)

၂။ ဇင်္ဂမဥစ္စာ ( ဘီရို၊ ကြောင်အိမ်၊ ရေခဲသေတ္တာ၊ ရုပ်မြင်သံကြားစက် စသည့်ပစ္စည်းတွေအတိုင်းဖြစ်ပြီး သူတို့တွေကိုတော့ သယ်သွားမယ်ဆို ခက်ခက်ခဲခဲ သယ်သွားဖို့ စီစဉ်နိုင်ပေမယ့် သဘောကတော့ ထာဝရဥစ္စာအတိုင်းဖြစ်ပါတယ်)

၃။ အင်္ဂါသမဥစ္စာ (မိမိရဲ့ ခြေ၊ လက်၊ အသဲ၊ နှလုံး စသည့်မိမိရဲ့ ကိုယ်အင်္ဂါအစိတ်အပိုင်းတွေပါတဲ့ အဲဒီကိုယ်အင်္ဂါအစိတ်အပိုင်းတွေကလည်း ကိုယ်ပိုင်လို့ထင်ရပေမယ့် ကိုယ်မပိုင်ဘူး သူဖြစ်ချင်ရာဖြစ်တာပါတဲ့ အသက်ကြီးလာတဲ့အခါ ကိုယ့်အလိုကို မလိုက်တာ ပိုသိသာပါတယ်တဲ့ မြန်မြန်သွားလိုက်ချင်ပေမယ့် ခြေထောက်တွေက မသန်တော့တာ၊ လက်မြှောက်လိုက်ချင်ပေမယ့် ငယ်တုန်းကလို ၀ုန်းကနဲ မမြှောက်နိုင်တော့တာ စသည်ဖြင့် ကိုယ်မပိုင်ပဲ ကိုယ့်ဥစ္စာလို့ထင်နေရတဲ့အမျိုးအစားပါတဲ့)

၎။ အနုဂါမိက ဥစ္စာ (အလှူဒါနကဲသို့ သာသနာနဲ့ဆိုင်တဲ့ စပ်တဲ့ ပစ္စည်းတွေပါတဲ့။ အနု+ဂါ+မိက ဆိုတဲ့ ပါဠိသုံးလုံးပေါင်းထားပြီး အနု=အစဉ်အမြဲ၊ ဂါ=သွားသည်၊ မိက= အရိပ်ပမာ ဆိုတော့ မိမိသွားရာသို့အစဉ်အမြဲလိုက်တဲ့ ဥစ္စာတွေပါတဲ့ မည်သူမှလည်း ခိုးယူ လုယူ တိုက်ယူလို့မရတဲ့ ကိုယ်ပိုင်ဥစ္စာစစ်စစ်တွေပါတဲ့)

အခုဆိုရင် အလှူရှင်တွေက မလှူမှီကလည်း ပုဗ္ဗစေတနာတွေဖြစ်နေခဲ့ကြတယ်၊ လှူတဲ့အခိုက်ကော လှူအပြီးပါ မုဉ္စစေတနာ၊ ပရ စေတနာတွေဖြစ်နေရင် ရွှေအိုးကြီးမြှုပ်တာ ရွှေပင်စိုက်တာနဲ့တူပါတယ်တဲ့။ သရက်ပင်စိုက်ရင် သရက်သီးသီးပြီး ရွှေပင်စိုက်ရင်ရွှေသီးသီးမှာပါတဲ့။

အကုသိုလ်တရားတွေဟာ ပြုသူနောက်ကို ၀န်ဆောင်နွားနောက်ကို လှည်းဘီးလိုက်သလို အစဉ်လိုက်သကဲ့ သို့လိုက်နေပြီး

ကုသိုလ်တရားတွေဟာ ပြုသူနောက်ကို အရိပ်ပမာ ပေါ့ပေါ့ပါးပါး မပင်မပန်း အေးချမ်းစွာလိုက်ပါတယ်တဲ့။

စောဒကတက်စရာက အရိပ်ညမှာမထွက်ဘူး အိပ်နေရင် အရိပ်မရှိဘူး စသည်ဖြင့်ပြောလည်းမှန်ပါတယ်တဲ့ ကုသိုလ်တရားတွေဟာ အရိပ်လိုဖြစ်တော့ ပေါ့ပါးပေမယ့် သူလည်း သင်္ခါရ သဘောတရားတွေ အတိုင်း ပျောက်တတ်ပျက်တတ်တဲ့သဘောကတော့ရှိပါတယ်တဲ့။ ဒါပေမယ့် သရက်စေ့ကိုစိုက်လိုက်လို့ သရက်ပင်ပေါက်လာတဲ့အခါ မူလသရက်စေ့ရှာမတွေ့တော့ သလိုဖြစ်ပြီး သရက်ပင်ကြီး ကြီးထွားနေစဉ်မှာလည်း ပင်စည် အကိုင်းအမြစ်စတာတွေမှာ သရက်သီးနဲ့တူတာ ဘာမှမတွေ့ပါဘူးတဲ့ ဒါပေမယ့်အချိန်တန်တော့ ပွင့်လာ သီးလာတဲ့အခါ သရက်သီးတွေဖြစ်လာတဲ့ဥပမာအတိုင်းပါပဲတဲ့ ကုသိုလ်တရားရဲ့ properties တွေဟာ အရိပ်ပမာ ပေါ့ပါးစွာ အစဉ်လိုက်ပြီး ကောင်းသောအကျိုးပေးပါတယ်တဲ့။

မြတ်စွာဘုရားလက်ထက်တော်က မူလတုန်းက သာဝတ္ထိပြည်မှာ ကျောင်းမရှိခဲ့ပါဘူးတဲ့။ သာဝတ္ထိပြည်က သူဌေးကြီး အနာထပိဏ်ဟာ အတော်ဝေးတဲ့ တောင်ငါးလုံးပတ်နေတဲ့မြို့လို့ အဓိပ္ပါယ်ရတဲ့ ရာဇဂြိုလ်ပြည်က သူ့သူငယ်ချင်းသူဌေးကြီးဆီအလည်သွားတာ သူငယ်ချင်း သူဌေးကြီးက ခါတိုင်းလို ပျာပျာသလဲ ခရီးဦးကြို မပြုနိုင် တော့ထူးဆန်းနေတာနဲ့ ဘာလို့လဲဆို စုံစမ်းလိုက်တော့မြတ်စွာဘုရားနဲ့ ရဟန်းတော်တွေကို လုပ်ကြွေးပြုစုနေရလို့ဆိုတာ သိသွားပါတယ်တဲ့။ သူ့လိုလူကိုတောင်ပြစ်ထားပြီး ပြုစုနေ ရတဲ့မြတ်စွာဘုရားဆိုတာ ဘယ်လိုလူတုန်းသိချင်စိတ်အလွန်ပြင်းပြသွားပါတယ်တဲ့ မနက်ကြရင် မြတ်စွာဘုရားသီတင်းသုံးရာ ကိုသွားဖူးမယ် ဆိုတဲ့ စိတ်ဇောနဲ့အိပ်လိုက်တာ မိုးမလင်းသေးပဲ သူ့စိတ်ထဲ လင်းထင်းနေတော့ မနက်ရောက်ပြီထင်ပြီး ထသွားပါတယ်တဲ့။ အပြင်တကယ်ရောက်မှ မိုးမလင်းသေး ပဲ သူသွားရမယ့်နေရာကလည်း မြို့ပြင်ဖက်မှာမို့ သုသန်တစ်ခု ကိုဖြတ် တောတွေ တောင်တွေအနည်းငယ် ဖြတ်ရမှာမို့ ကြောက်သလိုဖြစ်သွားပြီး နည်းနည်းတွန့်သွားပါတယ်တဲ့။ အဲလိုတွန့်သွားတာကို နတ်တစ်ပါးက သူဌေးကြီး ဆက်သွားပါ မြတ်စွာဘုရားကိုဖူးတွေ့ဖို့ ကြိုးစားအားထုတ်ပြီးသွားနေတဲ့ သူဌေးကြီးရဲ့ခြေတစ်လှမ်းတန်ဖိုးကို ၁၆ပုံ ပုံလိုက်ရင် တစ်ပုံရဲ့ တန်ဘိုးဟာ ဟာ ဆင် ၁၀၀၊ မြင်း ၁၀၀၊ ပတ္တမြားလည်ဆွဲ ၁၀၀ တန်ဘိုး နဲ့ညီပါတယ်လို့ပြောပါတယ်တဲ့ (ဆိုလိုတာက ဘုရားဖူးဖို့သွားသူရဲ့ ခြေတစ်လှမ်းဟာ ဆင် ၁၆၀၀၊ မြင်း ၁၆၀၀၊ ပတ္တမြားလည်ဆွဲ ၁၆၀၀ တန်ဖိုး)။ အဲဒီတော့မှ သူဌေးကြီးလည်း အားတင်းပြီး ဆက်သွားတာ မြတ်စွာဘုရားဆီ အစောကြီးရောက်သွားပါတယ်တဲ့ မြတ်စွာဘုရားက အဲဒီနေ့ညမှာ မိနစ်သုံးဆယ်ခန့်သာ ကျိန်းစက်ပြီး နိုးနေခဲ့တာဖြစ်ပါတယ်တဲ့။ ပြီးတော့ သူဌေးကြီးရဲ့ ငယ်နံမည်ကိုသိနေပြီး သုဒတ္ထ လာလော့ဆိုခေါ်ပါတယ်တဲ့။ သူလည်း အံ့သြသွားပြီး မြတ်စွာဘုရား မကျိန်းဘူးလား ဘုရား ကောင်းကောင်းကျိန်းရပါရဲ့လားလို့ ပဋိသန္တာရစကားမေးပါတယ်တဲ့။

{မှတ်ချက်။ ။ လောကမှာ မအောင်မြင်တဲ့ ဘုန်းမကြီးတဲ့သူတွေဟာ ထမင်းတစ်မျိုးပဲစားပြီး အားမရှိဖြစ်နေကြပါတယ်။ နဲနဲလေးအလုပ်များရင် ကိုယ်လက်တွေ စိတ်တွေပင်ပန်းနေပါတယ်တဲ့ အောင်မြင်တဲ့ ဘုန်းကြီးတဲ့သူတွေမှာတော့ အာဟာရလေးမျိုးမှီဝဲနေတာကြောင့်သာမန်လူတွေလောက် အိပ်စရာမလို၊ ပေါ့ပါးကြည်လင် လန်းဆန်းနေတာ တရားထိုင်တဲ့သူတွေကို ကြည့်ရင်သိနိုင်ပါတယ်တဲ့။ အာဟာရလေးမျိုးဆိုတာကတော့ (မနောအာဟာရ၊ ကဗ္ဗလီအာဟာရ (မိမိတို့နေ့စဉ်စားသုံးနေသည်များ)၊ ဖသအာဟာရ နဲ့ ၀ိဥာဏ အာဟာရတို့ဖြစ်ပါတယ်တဲ့)}

ကိုးကွယ်ရာမဲ့သူများကိုထမင်းကျွေးသူလို့ အဓိပ္ပါယ်ရတဲ့ အနာထပိဏ်သူဌေးကြီးလည်းမြတ်စွာဘုရားကို ကိုယ်တိုင်ဖူးခဲ့ပြီး ကြည်ညိုသွားလိုက်တာ သာဝတ္ထိမှာလည်း ကျောင်းဆောက်လှူဒါန်းမယ်ဆိုပြီး သင့်တော်မယ့် မြေနေရာရှာလိုက်တာ ဇေတ မင်းသားရဲ့ဥယျာဉ် ကိုသွားတွေ့ ပါတယ်တဲ့။ ဇေတမင်းသားကလည်း ငွေလိုသူမဟုတ်တော့ သူဌေးကြီး ဘယ်လောက် ငွေတွေတိုးပေးပေမယ့်မရောင်းပါဘူး။ သူဌေးကြီးက တောင်းပန်လွန်းမက တောင်းပန်တော့လည်း နောက်ဆုံးမဖြစ်နိုင်တဲ့ဈေးဖြစ်တဲ့ သူ့ဥယျာဉ်မြေပေါ်မှာ ရွှေပြားတွေ စပ်ခင်းတောင် မရောင်းဘူးလို့ ပြောလိုက်ပါတယ်တဲ့။ ဒါနဲ့သူဌေးကြီးလည်း မတန်တဆဈေးဖြစ်တဲ့ ရွှေပြားတွေ စပ်ခင်းနိုင်ရင်တော့ ရောင်းချင်ရောင်းကောင်းရဲ့ဆိုပြီး အိမ်ပြန်ပြီး ရှိတဲ့ရွှေတွေယူပြီး စပ်စပ်ပြီးခင်းလိုက်တာ ဥယျာဉ်တစ်ခုလုံးအပြည့်နီးပါးဖြစ်သွားပါတယ်တဲ့။ သူဌေးကြီးရဲ့ ဇွဲကိုအားနာပြီး နောက်ဆုံးတော့ မင်းသားလည်း သူ့စကားကျွံထားတဲ့အတိုင်း ရောင်းလိုက်ရတာပေါ့ ဒါပေမယ့် ရွှေပြားစပ်ခင်းတာ မပြည့်တဲ့ မုခ်ဦးပိုင်းကိုတော့ သူလှူပါ့မယ်လေဆိုပြီး ဥယျာဉ်ကြီးတစ်ခုလုံး ကျောင်းဆောက်ဖို့မြေနေရာရသွားပြီး ကျောင်းဆောက်တော့လည်း ဇေတ၀န်ကျောင်းတော်လို့ အမည်တွင်ပါသတဲ့။

မြတ်စွာဘုရားဟာ ဇေတ၀န်ကျောင်းတော်မှာ အကြိမ်များစွာ ၀ါဆိုခဲ့ပြီး ကျောင်းကြီးအမှီပြုပြီး လူပုဂ္ဂိုလ်တွေလည်း သောတာပန်၊ သကဒါဂမ်၊ အနာဂမ်၊ ရဟန္တာ စသည်ဖြင့်လည်း မရေမတွက်နိုင်အောင်ဖြစ်ခွင့်ရသွားကြပါသတဲ့။ မြတ်စွာဘုရား မရှိတော့တဲ့ ယခုထိတိုင်ပင် အဲဒီဇေတ၀န်ကျောင်းတော်နေရာရောက်တဲ့ ဘုရားဖူးဧည့်သည်တွေဟာ မင်္ဂလသုတ် မေတ္တာသုတ်တွေ ကိုယ်တိုင်သိတဲ့လူကလည်း ရွတ်ဆိုကြ ရွတ်ရမှန်းမသိတဲ့သူတွေကိုလည်း ကျောင်းက လူတွေက တိုက်တွန်းမှုကြောင့်ရွတ်ဖြစ်ကြရင်း ယခုထိတိုင် ကုသိုလ်တွေပွားပေးနေရာဌာနကြီးဖြစ်နေပါတယ်တဲ့။

အခုဒို့တွေရဲ့အလှူကလည်း အထက်က ဇာတ်လမ်းလေးလိုပဲ အရင်ဆုံးကျောင်းတော် အတွက်မြေနေရာကိုမြေဈေးက ရွှေဈေးလောက်ကြီးတဲ့နိုင်ငံမှာ ကနဦးပြု လှူခွင့်ရကြတာမို့ နောင် ကိုယ်ပြန်သွားသည့်တိုင် မိမိမရှိတော့သည့်တိုင် ဒီမြေနေရာကို အမှီပြုပြီး သာသနာပြန့်ပွားနေသမျှကာလပတ်လုံး နောင်လာနောက်သားတွေက အော် ရှေးကလူတွေ အမျှော်အမြင်ရှိကြပါပေတယ်။ ဆိုပြီး နတ်လူသာဓုခေါ်နေကြမှာပါတဲ့။

အောက်တိုဘာ ၁၂၊ ၂၀၁၁ (ဗုဒ္ဓဟူးနေ့)


ထေရ၀ါဒ ဗုဒ္ဒဘာသာဝင်များ အထူး ပူဇော် ၊ လိုက်နာ ကျင့်သုံးနိုင်ရန် အလို့ငှာ ဤစည်းကမ်းဝိသေသ ( ၁၀ ) ချက်

ဗုဒ္ဓသာသနာ ပိုမို ထွန်းပြောင် ၊ တည်တံ့ စေခြင်းအလို့ငှာ တချိန်က ကမ္ဘာ က လေးစားလောက်အောင် အသိအမှတ်ပြုကြတဲ့ ၊ ချီးမွမ်းထောပနာပြုကြတဲ့ မန္တလေးမြို့ မဟာဂန္ဓာရုံကျောင်းတိုက် နဲ့ ကျောင်းတိုက်အား စည်းစနစ်တကျ ၊ ကမ္ဘာကပင် မျက်စိကျလောက်အောင် တည်ထောင်ခဲ့တဲ့ အမရပူရမဟာဂန္တာရုံဆရာတော် အရှင်ဇနကာဘိဝံသကိုပူဇော်လျက် ဆရာတော်ဘုရားရဲ့ချမှတ်ထားတဲ့ စည်းကမ်းဝိသေသများကို ထေရ၀ါဒ ဗုဒ္ဒဘာသာဝင်များ အထူးပူဇော်၊ လိုက်နာ ကျင့်သုံးနိုင်ရန် အလို့ငှာ ဤစည်းကမ်းဝိသေသ ( ၁၀ ) ချက်ကို ပူဇော် ရေသား တင်ပြလိုက်ရပါတယ် ။

( ၁ )းးး စိတ်ကောင်းရှိဖို့က ပထမ

ရှောင်ရန်စိတ်ထားများ

( က ) အကြီးက အငယ်ကိုနိုင် ၊ အငယ်က အကြီးကို မရိုသေ ဆိုတဲ့ စိတ်မျိုး ၊

( ခ ) ကိုယ့်ထက်သာသူကို မနာလိုတဲ့ စိတ်မျိုး ၊

( ဂ ) ဥာဏ် ၊ ၀ီရိယကောင်းသူကို တိုးတက်မှာစိုးတဲ့ စိတ်မျိုး ၊

( ဃ ) အလွန်သိသာ ထင်ရှားတဲ့ တဏှာရာဂ စိတ်မျိုး ၊

( င ) ဂုဏ် နဲ့ လာဘ်ကို အလွန် လိုလားတဲ့ လောဘ စိတ်မျိုး ၊

( စ ) ပြင်းထန်တဲ့ ဒေါသ စိတ်မျိုး ၊

( ဆ ) ပြင်းထန်တဲ့ မာန်မာန စိတ်မျိုး ... စတဲ့ စိတ်ယုတ်မာတွေပါ ။

လိုက်နာကျင့်သုံးအပ်တဲ့ စိတ်ထားများ

( က ) ဆရာပီပီ ၊ တပည့်ပီပီ ရိုသေ လေးစားတဲ့ မေတ္တာစိတ်မျိုး ၊

( ခ ) သူတပါး ပညာတတ်သည် ။ ချမ်းသာကြွယ်ဝလာစေသည်(လာဘ်ပေါသည်)

ကို ၀မ်းမြောက်တဲ့ မုဒိတာစိတ်မျိုး ၊

( ဂ ) ဘုရား ၊ ဘာသာ ၊ သာသနာ ၊ ကြီးသူတို့ရဲ့ ဝေယျာဝစ္စ ကို စိတ်ပါလက်ပါ ပြုလုပ်လိုတဲ့စိတ်မျိုး ၊

( ဃ ) သဒ္ဓါ တရားကောင်းတဲ့ စိတ်မျိုး ၊

( င ) ပျော့ပြောင်းနူးညံ့တဲ့ စိတ်မျိုး ၊

( စ ) အပါယ်လေးပါး ကြောက်တဲ့ စိတ်မျိုး ၊

( ဆ ) မဂ် ဖိုလ် နိဗ္ဗာန်ကို လိုလားတဲ့ စိတ်မျိုး ...စတဲ့ စိတ်သူတော်လေးတွေပါ ။

( ၂ )းးး စည်းကမ်း လေးစားဖို့က ဒုတိယ

ရဟန်းသာမဏေ မှန်လျှင် ဘုရားရှင်ရဲ့ ၀ိနည်းသိက္ခာတော်ကို လိုက်နာမှာသာ အပယ်လေးပါးက လွတ်ပြီး ၊ သာသနာတော် မကွယ်အောင်လဲ စောင့်ရှောက်နိုင်မှာပါ ။ သာသနာတော် တာရှည်တည်တံ့ဖို့ ဖြစ်တဲ့ အသက်ဟာ ၀ိနည်း သာဖြစ်ပါတယ် ။

ထို့အတူ တိုင်းပြည်တစ်ပြည် ၊ မြို့တစ်မြို့ ၊ အိမ်ထောင်တစ်စု ၊ ပုဂ္ဂိုလ် တစ်ဦးစီမှာလဲ စည်းကမ်းဟာ အသက်ပါဘဲ ။ စည်းကမ်းရှိမှ ၊ လူ့ကျင့်ဝတ် လေးစားမှ အရာရာ တည်တံ့ခိုင်မြဲပြီး ပျက်သုဉ်းခြင်း ကင်းဝေးမှာပါ ။

( ၃ )းးး ကျန်းမာဖို့က တတိယ

စိတ်ကောင်းရှိရုံ ၊ စည်းကမ်းလေးစားရုံနဲ့ မပြီးပါဘူး ။ ထိုနှစ်ပါးညီညွှတ်ပြီး ကျန်းမာနေဖို့ကလဲ အရေးကြီး ပါတယ် ။ နာမကျန်းဖြစ်နေရင် ဘာကိုမှ မလုပ်နိုင်တော့ပါဘူး ။

( ၄ )းးး သန့်ရှင်းဖို့က စတုတ္ထ

မကျန်းမာရတဲ့ အကြောင်းတွေထဲမှာ မသန့်ရှင်းမှုကလဲ အကြောင်းတစ်ခုပါဘဲ ။ ဥတုနဲ့ လျော်ညီအောင် ရေမှန်မှန် ချိုးလို့ ၊ တကိုယ်ရေ သန့်ရှင်းစေပြီး ၊ အ၀တ် ၊ အခန်း ၊ အိမ်ကျောင်း ပတ်ဝန်းကျင် ကိုသန်ရှင်း စေရပါမယ် ။ မိမိနေရာ တစ်ခုလုံး ၊ ခန္ဓာကိုယ် တစ်ခုလုံး သင်းပြန့် မွှေးကြိုင်စေပြီး၊ လုပ်ရည် ကိုင်ရည်လဲ တိုးလာမှာ ဖြစ်ပါတယ် ။ များသောအားဖြင့် သန့်ရှင်းခြင်းရဲ့ အကျိုးကို မသိလို့ သန့်ရှင်းအောင် မကြိုးစားကြတာပါ ။

( ၅ )းးး အ၀တ်နဲ့အစားတတ်ဖို့က ပဉ္စမ

ရဟန်းတော်များအနေနဲ့ သင်္ကန်းကို “ ရဟန္တာများရဲ့ တံခွန်အောင်လံ ” လို့ခေါ်ပါတယ် ။ မတို မရှည် ၊ ညီညီ ၀တ်တတ်ဖို့ လိုပါတယ် ။ အရောင်ရင့်ရင့် ဆိုးတဲ့သင်္ကန်းကို သိက္ခာပုဒ်တော်များနဲ့ အညီ ၀တ်တတ်ဖို့နဲ့ စည်းကမ်းတကျ အသံ တိတ်တိတ်ဆိတ် ဆွမ်းစား တတ်ဖို့လိုပါတယ် ။ လူပုဂ္ဂိုလ်များ အဖို့လဲ အ၀တ်ကို သူ့နေရာနဲ့သူ ၊ သန့်သန့်ရှင်းရှင်း သေသေသပ်သပ် ၀တ်တတ်ဖို့လိုပါတယ် ။ ဥတုနဲ့ လျော်ညီအောင် စနစ်တကျ စားတတ်ဖို့လိုပါတယ် ။

( ၆ )းးး အနေအထိုင်တတ်ဖို့က ဆဋ္ဌမ

အသင်အပြ မရှိရင် ၀ါကြီးသူ ။ ကိုယ့်ထက်ကြီးသူ ၊ ဆရာသမားတို့ရဲ့ အနီးမှာ လေးလေးစားစား နေနည်း ၊ ထိုင်နည်း မသိကြပါဘူး ။ မရကြပါဘူး ။ လက်ဦးဆရာ မိဘမှ အစပြုပြီး ဆရာသမားကောင်းတွေ လိုပါတယ် ။

( ၇ )းးး အပြောအဆိုတတ်ဖို့က သတ္တမ

ရဟန်းတော်များ အနေနဲ့ ယခုအခါမှာ လူလူချင်းပြောကြသလို “ မင်းနဲ့ ငါနဲ့ ” ဆိုတာတွေ ပြည့်လျှံလို့ နေပါပြီ ။ရှောင်ကျဉ်ရပါမယ် ။ “တပည့်တော် ၊ အရှင်ဘုရား ၊ ကိုရင် ၊ ဦးဇင်း ၊ ဘုန်းကြီး ” စသဖြင့် ၀ါစဉ်အရ ယဉ်ယဉ်ကျေးကျေး သုံးရပါမယ် ။

လူပုဂ္ဂိုလ်များအနေနဲ့လဲ “ဟေ့ကောင် ၊ ဟိုကောင် ၊ ဒီကောင် ၊ မင်း ငါ” စတာတွေ အစား “ ဘကြီး ၊ ဦးကြီး ၊ အကိုကြီး ။ ညီလေး ၊ အဒေါ်ကြီး ၊ အဒေါ် ၊ အမကြီး ၊ ညီမလေး ” စသဖြင့် ယဉ်ကျေး ချစ်ခင် နှစ်လိုဖွယ် ပြောဆိုတတ်ရပါမယ် ။

( ၈ )းးး အသွားအလာတတ်ဖို့က အဋ္ဌမ

ယခုအခါ ရဟန်းတော်တွေ ဆွမ်းခံကြွရာမှာ တစ်ပါးနဲ့ တစ်ပါး ရင်ဘောင်တန်းလို့ ၊ စကားတွေပြောလို့ ၊ မျက်စိက ကျီးကန်းတောင်းမှောက်နဲ့ ကိုယ်အမူအယာတွေကလဲ လှုပ်ခါရမ်းပြီး အတော့ကို ကြည့်ရ ရုပ်ဆိုး နေပါပြီ ။ ကျမ်းစာများနဲ့အညီ ဘုရားရှင် မြို့ထဲ ကြွသည့် အလား ရှေ့နောက်တန်းလို့ ၊ သေသေသပ်သပ် ၀တ်လို့ ၊ တည်တည်ငြိမ်ငြိမ် စက္ခုကို ချလို့ သိက္ခာရှိရှိ ၊ လူရှင် ရိုသေအောင် သွားလာတတ်ရပါမယ် ။

လူပုဂ္ဂိုလ်များအဖို့လဲ ရဟန်း ၊ သာမဏေ ၊ လူကြီးသူမက အစ ကိုယ့်ထက်ဝါကြီးသူများ အနီးမှာ သော်၎င်း ၊ အဝေးမှာသော်၎င်း ရိုရိုသေသေ ၊ တည်တည်ငြိမ်ငြိမ် ၊ ရှပ်တီးရှပ်ပြာ မနေဘဲ သွားလာသင့်ပါတယ် ။

( ၉ )းးး စည်းကမ်းလိုက်နာဖို့က န၀မ

စည်းကမ်းတွေ လေးစားရုံနဲ့ မပြီးသေးပါဘူး ။ လိုက်နာ ကျင့်သုံး ကြရပါမယ် ။ ရှေး လူကြီးများ ၊ ဆရာသမားများရဲ့ ကောင်းတဲ့ စည်းကမ်း ထုံးစံ ဥပဒေတွေကို နောက်လူများက လိုက်နာဖို့ တာဝန်ရှိပါတယ် ။

သူ့စည်း သူ့ကမ်းနဲ့ မလိုက်နာနိုင်ရင် သူ့နေရာမှာ ရေရှည်နေဖို့ မလွယ်ပါဘူး ။ ဒါကြောင့် စည်းကမ်းလိုက်နာ တတ်ဖို့ကလဲ အရေးကြီးပါတယ် ။

( ၁၀ )းးး စာတတ်ဖို့က ဒသမ

အများ အယူအဆကတော့ စာတတ်ဖို့က ပထမ လို့ယူဆကြဟန်တူပါတယ် ။ ဒါပေမဲ့ စိတ်ကောင်းမရှိဘဲ စာတတ်လဲ အလကားပါဘဲ ။ စည်းကမ်းမရှိဘဲ စာတတ်လဲ အလကားပါဘဲ ။ထို့အတူ နာမကျန်းဖြစ်နေရင် ၊ ညစ်တီးညစ်ပတ် ဖြစ်နေရင် ၊ ၀တ်ပုံ စားပုံ မတတ်ရင် ၊ အနေအထိုင် မတတ်ရင် ၊ မပြောအဆို မတတ်ရင် ၊ အသွားအလာ မတတ်ရင် ၊ စာတွေ ဘယ်လောက်တော်တော် အလကားပါဘဲ ။ ကိုယ့်အကျိုး သူ့အကျိုး ဘာတစ်ခုမှ မပြုနိုင်ပါဘူး ။ စိတ်ကောင်းရှိမှု စသဖြင့် အားလုံးပြည့်စုံမှ စာတတ်ရကျိုး နပ်မှာပါ ။ ဒါကြောင့် စာတတ်ဖို့ကို နောက်ဆုံးမှာ ထားတာပါ ။

ကဲ - ဒီလောက်ဆို ဆရာတော်ရဲ့ အတုယူ ၊ လိုက်နာဖွယ် နည်းနာတွေ သိလောက်ပြီ ထင်ပါတယ် ။

ဒါနဲ့ ထပ်ပြောပါဦးမယ် ။ ဆရာတော်ရဲ့ အဆိုအရ “ စာမတတ်လို့ အပါယ်မကျပါဘူး ၊ စိတ်ကောင်းမရှိရင် ၊

ဝိနည်း စည်းကမ်း မလေးစားရင် အပါယ်ကျနိုင်ပါတယ် ။ဒါကြောင့် စာတတ်မှုဟာ စိတ်ကောင်းရှိမှုလောက်

အဖိုးမတန် ၊ အရေးမကြီးပါဘူး ” တဲ့ ။ မှတ်သားဖွယ် အင်မတန် ကောင်းပါတယ် ။

ရဟန်းသာမဏေ ၊ သူတော်စင် အပေါင်းနဲ့ ထေရ၀ါဒ ဗုဒ္ဒဘာသာဝင်အပေါင်းတို့ လေးသင်္ချေနဲ့

ကမ္ဘာ တစ်သိန်း ပါရမီ အဟုန်နဲ့ နောက်ဆုံးဘ၀မှာ အကောင်းတကာ့ ကောင်းဆုံး စင်္ကြာ ထိုက်လောက်တဲ့

လောကစည်းစိမ်ကို စွန့်ပြီး ၊ ဒုက္ခ ခံ ၊ အပင်ပန်း အဆင်းရဲခံ ခဲ့ပြီး ၊ လူတွေရဲ့ အကျိုး သတ္တ၀ါတွေရဲ့အကျိုး

( ၄၅ ) ၀ါ တိုင်တိုင် မနားမနေ ကြိုးစားအားထုတ်ခဲ့တဲ့ တည်ထောင်ခဲ့တဲ့ ထေရ၀ါဒ ဗုဒ္ဒသာသနာကို အရှည်

တည်တံ့ ပြန့်ပွား နိုင်စေရန်၊ စွမ်းစွမ်းတမံ ရွက်ဆောင်နိုင်ကြပါစေရန် ဆုမွန်ကောင်းတောင်းလိုက်ပါတော့တယ် ။

နှလုံးစိတ်ဝမ်း အေးချမ်းကြပါစေ .... ။


(မိတ်ဆွေတစ်ဦး၏ Facebook စာမျက်နှာတစ်ခုမှတစ်ဆင့် ကူးယူတင်ပြပါသည်။)

Thursday, August 4, 2011

မောင်စိန်ဝင်း (ပုတီးကုန်း) ရဲ့ ကဗျာတစ်ချို့

"အင်ခိုင်မွန် ရဲ့ ခြေရင်းမှာ"

မေခ နဲ့ မလိခ
ဆုံမိကြ သည်မှာ။

သံယောဇဉ် မြစ်ဆုံဖြစ်
ချစ်ကြသောအခါ၊

သမုဒယ မြစ်နှစ်စင်းရဲ့
ချစ်ခြင်းဖွဲ့အလင်္ကာ
ဧရာဝတီ ရယ်လို့ဖြစ်၊

ကမ္ဘာတည်သ၍
မြန်မာပြည်ဟေ့ ရယ်လို့ ကြွေးကြော်ပြီး
စီးနေမည့် မြစ်။ ။

"မြစ်ကော"

မြစ်မကောအောင်လို့
သစ်တောတို့ စိမ်းလန်းရပေမည်၊

ရေဝေတောတွေ ဆိုင်းစို့စို့
မှိုင်းညို့ညို့မှုံရီ၊

ချင်းတွင်း နဲ့ ဧရာဝတီ
ရေပြာကြည်သမျှ မြန်မာ့သွေးဟေ့၊

တတောလုံးပြောင်၊ တတောင်လုံးလင်း
မြစ်ကျဉ်းမှာ သောင်တွေပေါ်တော့
နောင်အရှည်မမျှော် မြန်မာပျောက်အောင်လို့
ကိုယ့်သွေးကို ကိုယ်ပြန်သောက်ပြီလား
စိုးကြောက်ဖွယ်အပျက်သဘောနဲ့
မြစ်ကောမည့် နေ့။ ။

မောင်စိန်ဝင်း (ပုတီးကုန်း)