"မိတ်ဆွေ သူငယ်ချင်းများအားလုံးကို မင်္ဂလာပါလို့ နှုတ်ခွန်းဆက်သရင်း ဒီစာမျက်နှာလေးမှ နွေးထွေးစွာကြိုဆိုလိုက်ပါတယ်"

Wednesday, March 23, 2011

ဓုတင်ဆရာတော်၏ သြ၀ါဒကထာ

ဒီနေ့ရောက်လာတဲ့ forward mail လေးထဲက အရမ်းကိုအဖိုးတန်တဲ့စာသားလေးမို့ ဘလော့မှာ ပြန်မျှဝေပေးလိုက်ပါတယ်။ စကားအပြောအဆို ဆင်ခြင်ကြရတာပေါ့...

==================
တစ်နေ့သ၌ စာရေးသူသည် နောင်တော်ကြီး ဓုတင်ဆရာတော်ထံ သွားရောက်ဖူးမြင်ခဲ့ရာ မေတ္တာဂရုဏာတရား ကြီးမားလှသော နောင်တော်မထေရ်မြတ်မှ လွန်စွာမှတ်သားဖွယ်ကောင်း၍ လေးနက်လှသော သြ၀ါဒတော်ကို ဤသို့ မိန့်ကြားတော်မူခဲ့ပါသည် ။
"အလိမ္မာကြီး -သန္တကာယော , သန္တ၀ါစော , သန္တမနော - တဲ့ " ကိုယ်ကိုအေးအောင်ထား ၊ နှုတ်ကိုအေးအောင်ထား ၊ စိတ်ကိုအေးအောင်ထား ။ အလုပ်မလောနဲ့ ၊ အပြောမလောနဲ့ ၊ စိတ်မမြန်နဲ့ ၊ကိုယ်နှုတ်စိတ် သိမ်မွေ့ပါစေ ။ မျက်စိနဲ့စူးစမ်း ၊ နားနဲ့စနည်းနာ ၊ စိတ်နဲ့ဆင်ခြင်ပြီး အရာရာကို သတိရှိပါ ။ ဘာလုပ်လုပ် သုံးသပ်ချက်မှန်မှ ဆုံးဖြတ်ချက်မှန်မယ် ။ ဒါကြောင့် ဆင်ခြင်တုံတရား ရှိပါ ။ စကားပြောလောမကြီးနဲ့ ၊ ငါ့စကားနွားရမလုပ်လေနဲ့ ၊ ဒဏ်သင့်တတ်တယ် ။ စကားပြောမယ်ဆိုရင် ပြောထုံး ၊ လုပ်ထုံး ဆယ်လုံးနှစ်လုံးစီသုံးပါ ။ မြဲမြဲမှတ်သားထား ။

ဖန် ၊ မြေ ၊ ကြွေ ၊ ကော် ၊ ကြောက် ၊ ဘုန်းမတောက် ၊
သံ ၊ သွပ် ၊ ဒါန် ၊ ခဲ ၊ ကြီး ၊ ဘုန်းမကြီးတဲ့ ။

ဖန် - ဆိုတာက ဖန်တီးလုပ်ကြံပြီး ပြောတဲ့စကားမျိုး ၊
မြေ - ဆိုတာက မြေခံရလောက်အောင် ကျိန်တွယ်ပြောတဲ့ စကားမျိုး ၊
ကြွေ - ဆိုတာက အထိမခံ ကြွေပန်းကန်ဆိုသလို ဆက်ဆက်ထိမခံ နှုတ်ခမ်းတလန် ပန်းတလန်စကားမျိုး ၊
ကော် - ဆိုတာက ကော်ကပ်ပြီး ငါ့စကားနွားရပြောတဲ့စကားမျိုး ၊
ကြောက် - ဆိုတာက ကြောက်ကန်ကန်ပြီး နှုတ်လှန်ထိုးပြောစကားမျိုးတွေကို မပြောမိစေနဲ့ ။ ဘယ်တော့မှ ဘုန်းမကြီး ကံမကောင်းဘူး ။

နောက် သံ ၊ သွပ် ၊ ဒါန် ၊ ခဲ ၊ ကြီး ဆိုတာက -
သံ - ဆိုတာ တစ်ယူသန် ၊ တဇောက်ကန်း ၊ ကပ်တီးကပ်ဖဲ့ပြောတာမျိုး ၊
သွပ် - ဆိုတာက ပေါ့သွပ်သွပ် ရူးနှမ်းနှမ်း ပေါက်ပန်းလေးဆယ်ပြောတဲ့စကားမျိုး ၊
ဒါန် - ဆိုတာက မောက်မောက်မာမာ ခက်ခက်ထန်ထန် ရိုင်းရိုင်းပျပျနဲ့ ဒဏ်သင့်လောက်တဲ့စကားမျိုး ၊
ခဲ - ဆိုတာက စောင်မဲနရွဲ အံခဲပြီး မထီမဲ့မြင်ပြောတဲ့စကားမျိုး ၊
ကြီး - ဆိုတာက ဘ၀င်မြင့် မာန်မာနထောင်လွှားပြီး လေကြီးမိုးကြီးပြောတဲ့စကားမျိုးတွေကို ရှောင်ကြရမယ် ။

မှတ်သား လိုက်နာ ဆောင်ထားရမှာက ဘော်သာခွာ ငွေဆင်ဖြူစင် အဖိုးမှန် သိင်္ဂီနိက်ရွှေစင်သန့်စင် အဖိုးတန်သတဲ့ ။ အပြစ်အနာအဆာ အညစ်အကြေးကင်းတဲ့ ဘော်သာခွာ ငွေစင်ဟာ အဖိုးမှန် တန်ဖိုးရှိသလို သန့်စင်တဲ့ သိင်္ဂီနိက်ရွှေစင်ဟာလည်း အဖိုးထိုက်တန်တယ် ။ ဒါကြောင့် ကောင်းမြတ်မှန်ကန်တဲ့စကားမျိုး ၊ သန့်စင် ဟုတ်မှန် အကျိုးဖြစ်စေတဲ့စကားမျိုးပြော ။ စကားပြောတဲ့အခါ ချိုချိုသာသာပြော ၊ လေးလေးနက်နက် ပြော ၊ မှန်မှန်ကန်ကန်ပြော ။ ဒါမှ အဖိုးတန်မယ် အလိမ္မာကြီးရေ ။

ပြီးတော့ စကားကြောမရှည်နဲ့ ၊ စကားနိုင်မလုနဲ့ ၊ အငြင်းမသန်နဲ့ ။ အငြင်းပွားလွန်းရင် အမှန်တရားကွယ် တတ်တယ် ။ လူချင်းအလဲမခံရစေနဲ့ ၊ ဘ၀ချင်းအလဲမခံရစေနဲ့ ၊ ဒုက္ခချင်းအလဲမခံရစေနဲ့ ။ မာနက လူချင်း လဲတယ် ၊ တဏှာက ဘ၀ချင်းလဲတယ် ၊ ဒိဋ္ဌိက ဒုက္ခချင်းလဲတယ် ၊ ကြပ်ကြပ်သတိထား ။

ဒီတော့ သိ , ရဲ , ပြေ တည်ထောင်ကြရမယ် ။
သိ - ဆိုတာ အကြောင်းအကျိုး ၊ အကောင်း အဆိုးကို နှိုင်းချိန်သိရှိရမယ် ။
ရဲ - ဆိုတာက မှန်ကန်အကျိုးရှိတဲ့စကားမျိုးကို ရဲရဲဝံ့ဝံ့ ပြောဆိုရမယ် ။
ပြေ - ဆိုတာက ပြေပြေပြစ်ပြစ် ချိုချိုသာသာ သူတစ်ပါး နားဝင်အောင် ပြောဆိုရမယ် ။

ပြီးတော့ ဘုရားရှင်အလိုတော်ကျ ယထ၀ါဒီတထကာရီ ပြောတဲ့အတိုင်းလုပ် ၊ လုပ်တဲ့အတိုင်းပြော ၊ မကြွားနဲ့ ။ ဌာနာဌာနကောသလ္လ္ကဉာဏ်ရှိရမယ် ။ သူ့နေရာနဲ့သူ အံဝင်ခွင်ကျပြောတတ်နေတတ်ရမယ် ။ ထေ့ , ငေါက် , ထောက် , ကပ် ပြီးမပြောရဘူး ။ အငြင်းအခုန်များရင် အမှန်တရားနဲ့ကွာပြီး ချော်သွားတက်တယ် ။ အမှားကြာရင်လည်း အမှန်ထင်သွားတတ်တယ် ။

လောက၀စနံ သစ္စံ နသစ္စံ -တဲ့ ။ လောကစကားဟာ မှန်တာလည်းရှိတယ် ၊ မှားတာလည်းရှိတယ် ။ ဆင်ခြင်သုံးသပ်ပြီးမှပြော ။ အကျိုးမရှိတဲ့ စကားကို ပြောတာထက် ဆိတ်ဆိတ်နေတာကောင်းတယ် ။ လုပြောတာ ၊ လောကြီးပြောတာ ၊အစွန်းမလွတ်မျိုး မပြောရဘူး ။

ဒိပြင် -
လောကညူ - လောကအကြောင်းသိရမယ် ။
ခေတ္တညူ - ခေတ်ကာလအကြောင်းသိရမယ် ။
ဒေသညူ - နေရာဒေသအကြောင်းသိရမယ် ။
ကာလညူ - အချိန်အခါကိုသိရမယ် ။
ဌာနညူ - နေရာဌာနအကြောင်းသိရမယ် ။
ဓမ္မညူ - တရားနည်းလမ်းကျသိရမယ် ။
ပုဂ္ဂလညူ - ပုဂ္ဂိုလ်အကြောင်းသိရမယ် ။

ဒါကို ထပ်မှတ်လိုက်ဦး ။ ဇမ္ဗူဒိပ်ကျွန်းမှာ ပြောဆိုကြတဲ့စကား ( ၆ ) ခွန်းမှာ အမာဝသိ လကွယ်သလို အမှောင်ဖုံးတဲ့ စကားမျိုးကို မပြောမိစေဘဲ ပုဏ္ဏမစန္ဒရ လပြည့်သဖွယ် ပြည့်ဖြိုးတင့်တယ်တဲ့ စကားမျိုး ပြောဆိုရမယ် ။ မဟုတ်မမှန် အကျိုးမရှိ ၊ သူမနှစ်သက်တဲ့ စကားမျိုး ။ ဟုတ်မှန် အကျိုးမရှိ ၊ သူမနှစ်သက်တဲ့ စကားမျိုး ။ မဟုတ် မမှန် အကျိုးမရှိ ၊ သူနှစ်သက်တဲ့ စကားမျိုး ။ ဟုတ်မှန် အကျိုးမရှိ ၊ သူနှစ်သက်တဲ့ စကားမျိုး အဲဒီလေးမျိုးကို ရှောင်ကြဉ်ပြီး - ဟုတ်မှန်အကျိုးရှိ ၊ သူမနှစ်သက်တဲ့ စကားမျိုး ။ ဟုတ်မှန်အကျိုးရှိ ၊ သူနှစ်သက်တဲ့ စကားမျိုး ။ ဒီ ( ၂ ) မျိုးကိုပြောရမယ် ။

ပြီးတော့ တစ်ဦးနဲ့တစ်ဦး မသင့်မြတ်တဲ့အကြောင်းကို မပြောနဲ့ ။ ကိုယ်ပါအကုသိုလ် ကူးစက်တတ်တယ် ။ သူတစ်ပါး ဒုက္ခရောက်နေတာကို ကိုယ်နဲ့မသင့်တင့်သူလို့ ၀မ်းမသာနဲ့ ။ မကြာမှီ မိမိကိုယ်တိုင် ဒုက္ခတွေ့ရတတ် တယ် ။ သီလ , သမာဓိ , ပညာ ရှိသူတို့ရဲ့ ဂုဏ်ကျေးဇူးကို ဟုတ်မှန်အတိုင်း ပြောဆိုပါက မိမိဂုဏ်အလိုလိုပြည့် လာတတ်တယ် ။ ကတိတည်ပါ ၊ ပြတ်သားပါ ၊ မူမှန်ပါ ။ မူပျက်လျှင် လူပျက်တတ်တယ် ။ မူကောင်းလျှင် လူကောင်းတယ် ။ ဒေါသဟာ ဂုဏ်ပျက်တယ် ၊ ခန္တီဟာ ဂုဏ်တက်တယ် ။ သည်းခံခြင်းတရားနဲ့ ကိုယ်ချင်းစာ စိတ်ထား ။

ပြီးတော့ ဒေါသ , မာန်မာန ထောင်လွှားပြီး လှူခြင်း ၊ ဂုဏ်တုဂုဏ်ပြိုင် မလုပ်လေနဲ့ ။ မပြိုင်ထိုက်တဲ့ ကိုယ့်ထက်သာတဲ့ပုဂ္ဂိုလ်နဲ့ ပြိုင်မိရင် ဘ၀နေ၀င်တတ်တယ် ။ ကိုယ်နဲ့ တန်းတူချင်း ပြိုင်မိရင်လည်း ဥသျှစ်သီးနှစ်လုံးဆိုင်ထုသလို ကြေမွသွားတတ်တယ် ။ ကိုယ့်ထက်နိမ့်တဲ့ ပုဂ္ဂိုလ်နဲ့ပြိုင်မိရင်လည်း လူကို ခွေးသတ်သလို ခံစားရတတ်တယ် ။ သူများအပြစ်ကိုမရှုနဲ့ ။ ကိုယ့်ကိုယ်ကိုယ်ကောင်းအောင်လုပ် ။ သူ့အပြစ်ကိုရှုခြင်းမှာ မျက်စိမရှိသလို ကျင့်ရမယ် ။ သူ့အပြစ်ကိုဆိုခြင်းမှာ လျှာမရှိသလို ကျင့်ရမယ် ။ သူ့ကိုပြစ်မှားခြင်းမှာ စိတ်မရှိသလို ကျင့်ရမယ် ။ အလိမ္မာကြီးရေ ကိုယ် , နှုတ် , စိတ် ကိုသတိအမြဲထားပါ ။ ကြမ်းတမ်းတဲ့ကိုယ်အမူအရာဟာ ကြမ်းတမ်းတဲ့နေရာကို ရမယ် ။ ကြမ်းတမ်းတဲ့နှုတ်အမူအရာဟာ ကြမ်းတမ်းတဲ့ အသံကို ကြားရမယ် ။ ကြမ်းတမ်းတဲ့စိတ်မိုက်ဟာ ကြမ်းတမ်းတဲ့တရားကို တွေ့ရမယ် ။ ကြမ်းတမ်းတဲ့တရား ဆိုတာက ဘ၀ပျက်မယ် ၊ မီးလောင်ပြာကျသလို လောင်ကျွမ်းခံရမယ် ။ အစိတ်စိတ်အမြွာမြွာဆုံးရှုံးမယ် ။ ကံဆိုးမိုးမှောင်ကျမယ် ။ ဒါကြောင့် ကိုယ် , နှုတ်မကြမ်းနဲ့ ။ သိမ်မွေ့တဲ့ ကိုယ်အမူအရာဟာ သိမ်မွေ့တဲ့ နေရာကိုရမယ် ။ သိမ်မွေ့တဲ့နှုတ်အမူအရာဟာ သိမ်မွေ့တဲ့အသံကို ကြားရမယ် ။ သိမ်မွေ့တဲ့ စိတ်ကောင်း စိတ်မြတ်က သိမ်မွေ့တဲ့တရားကို တွေ့ရတယ် ။ ဒါကြောင့် သိမ်မွေ့ပါစေ ။

ဒါကြောင့် အချုပ်သြ၀ါဒဆိုရရင် အချောင်လိုက်တာ ၊ အခွင့်အရေးယူတာ ၊ မသင့်မတင့်နှလုံးသွင်းတာတွေ ဟာ အကုသိုလ်ဖြစ်ဖို့နီးလို့ သတိထား ရှောင်ကြဉ်ရမယ် ။ အလိမ္မာကြီးရေ - ဒီသြ၀ါဒတွေကို ရိုရိုသေသေ လေးလေးနက်နက် လိုက်နာမှတ်သား ကျင့်ကြံနေထိုင်ပေတော့ ။

ဤကား စာရေသူ၏နောင်တော်ကြီးဖြစ်သော ဓုတင်ဆရာတော်မှ စာရေးသူအား ဆုံးမ သွန်သင်တော်မူခဲ့သော သြ၀ါဒများဖြစ်ပါသည် ။ ထိုသြ၀ါဒတို့ကို စာရေးသူ အလုံးစုံပြည့်စုံအောင် မလိုက်နာနိုင်ငြားသော်လည်း တတ်နိုင်သမျှ သတိထားလိုက်နာမိခြင်းဖြင့်ပင် ကြီးကြီးမားမား ပြဿနာကင်း အမှားရှင်း၍ လူချင်းတူတူ သူချင်းမျှမျှ ဘ၀အခြေလှ၍ လူမူဆက်ဆံရေးနယ်ပယ်၌ ခွသမားဘ၀မှလွတ်မြောက်ကာ ပြေပြစ်သူအဖြစ် ပြောင်းလဲခဲရပါကြောင်း မေတ္တာ ဂရုဏာ ကြီးမားစွာ ဆုံးမသွန်သင် သြ၀ါဒပေးတော်မူခဲ့သော ကျေးဇူးတော်ရှင် နောင်တော်ကြီး ဓုတင်ဆရာတော်၏ သြ၀ါဒတော်တို့ကို ဦးထိပ်ပန်ဆင် ပူဇော် တင်ပြအပ်ပါသည် ။
( သစ္စာဝါဒီ - ဦးမြင့်အောင် )
- မျှဝေပါတယ် ခင်ဗျာ .. ငြိမ်းချမ်းပါစေ ၊

Friday, March 18, 2011

Supermoon Day အမှတ်တရ

အခုတလော သတင်းတွေမှာ Supermoon အမည်ရ လနှင့် ကမ္ဘာ နီးကပ်မှုသည် ၂၀၁၁ မတ်လ ၁၉ ရက်နေ့တွင် ဖြစ်ပေါ်သည့်အခါ မြန်မာအပါအဝင် ကမ္ဘာ့နိုင်ငံများတွင် ရေကြီးခြင်း၊ ငလျင်လှုပ်ခြင်း ဖြစ်နိုင်တယ်ဆိုပြီး မိုးလေဝသနှင့် ဇလဗေဒပညာရှင်အချို့ကခန့်မှန်းပြောဆိုသံတွေကြားနေရပါတယ်။ လဆိုတာ သူ့ပတ်လမ်းမှာ ဘဲဥပုံနဲ့ ပတ်နေတာမို့ ကမ္ဘာနဲ့ အနီးဆုံးတစ်ခါ အဝေးဆုံးတစ်ခါတော့ ၂နှစ် ၃နှစ်မှာ တစ်ကြိမ်လောက် ဖြစ်တတ်တယ်လို့ဆိုပါတယ်။ ၂၀၀၅ ဇန်န၀ါရီလလယ်လောက်တုန်းကလည်း Supermoon Phenomenon ဆိုပြီးဖြစ်ခဲ့ဘူးတာနဲ့ တိုက်ဆိုင်စွာပဲ အဲဒီဖြစ်စဉ်မတိုင်မှီက Asia Tsunami လို့ခေါ်ရလောက်အောင်ကြီး ကျယ်တဲ့ ဆူနာမီရေလှိုင်းလုံးကြီးတွေရဲ့ဖျက်ဆီးမှုကို ၂၀၀၄ ဒီဇင်ဘာ ၂၆ရက်နေ့မှာ ထိုင်း အင်ဒိုနီးရှားစတဲ့ နိုင်ငံတွေမှာခံစားခဲ့ကြရတဲ့နည်းတူ ယနေ့ ၂၀၁၁ မတ်လ ၁၉ရက်နေ့ Supermoon Day မတိုင်မှီ လွန်ခဲ့တဲ့ ၈ရက် ၂၀၁၁ မတ်လ ၁၁ ရက်နေ့ ဂျပန်ပြည်မှာ အင်အား 9.0 Ritchter scale ရှိတဲ့ ကမ္ဘာမှာ ပဉ္စမမြောက် အင်အားအကြီးဆုံးဖြစ်တဲ့ ငလျင်ကြီးလှုပ်အပြီး ချက်ခြင်းဆိုသလို ၁၀ မီတာ ၁၁ မီတာ (မြင်သာ အောင်ပြောရရင် ပေ ၃၀-၃၃ ပေ) ကျော်မြင့်တဲ့လှိုင်းလုံးကြီး တွေ တရိပ်ရိပ်တက်လာပြီး လူနေမြို့ရွာတွေ ပိုင်ဆိုင်မှုတွေကို ဖျက်ဆီးပြစ်လိုက်တာ အားလုံး အမြင်ပါပဲ။

ဒီသတင်းတွေနဲ့ဆက်စပ်စွာပဲ ယုံချင်ယုံ မယုံချင်နေဆိုပြီးပြောနေကြတာကတော့ ကမ္ဘာမှာ အလွန်ရှေးကျတဲ့ မိုင်ယာလူမျိုးစုတွေရဲ့ ပြက္ခဒိန်ကိစ္စပါပဲ။ အဲဒီပြက္ခဒိန်ဟာ နှစ်ပေါင်း ၅၀၀၀ ကျော်ကြာခဲ့ပြီး ၂၀၁၂ ဒီဇင်ဘာ ၂၁ ရက်နေ့အထိပဲရေးဆွဲခဲ့တဲ့အကြောင်းပါပဲ အဲဒါကိုကြည့်ပြီး ပညာရှင်အချို့က အဲဒီရက်စွဲက ကမ္ဘာမြေအတွက် နောက်ဆုံးနေ့ဖြစ်လေမလား တချို့ကလည်း မေယာလူမျိုးပညာရှင်တွေက ပြက္ခဒိန်ကို update မလုပ်ခဲ့တာနဲ့ အဲဒီနေ့က ကမ္ဘာမြေအတွက် နောက်ဆုံးနေ့ ဖြစ်ရတော့မှာလားဆိုပြီး ရယ်သွမ်းသွေးနေကြပါတယ်။ စာရေးသူတို့ကတော့ အဲဒီဘက်မှာ ပညာရှင်တွေမဟုတ်တာမို့ မှားတယ် မှန်တယ် ဝေဘန်နိုင်ဖို့ မတတ်နိုင် တော့လည်း ရေးသားပြောဆိုနေကြ တာတွေကို ဘက်ပေါင်းစုံက လိုက်ဖတ် လိုက်နားထောင်ကြရတာအပြင် ဘာမှသိပ်မတတ်နိုင်ပါဘူး။

သို့ပါသော်လည်း - အဲ - ဆိုသလိုပေါ့ ကမ္ဘာမှာ ရာသီဥတုတွေဖောက်ပြန်ပြီး သဘာဝဘေးအန္တာရယ်တွေ လူတွေ ကာကွယ်နိုင်တာထက်ပိုကြီးတဲ့ အန္တာရယ်ကြီးတွေလစဉ်ဆက်တိုက်ဆိုသလို ကမ္ဘာအနှံ့မှာ ဖြစ်နေတာတွေက အားလုံး မျက်မြင်ပါပဲ။ ပါကစ္စတန်ရေကြီးမှုတွေ၊ ဟေတီငလျင်ကြီး၊ အမေရိကန်မှာ နှင်းမုန်တိုင်းတွေ၊ သြစတြေးလျမှာ ရေတွေကြီးမှုတွေ မုန်တိုင်းကြီးတွေ (Yasi Cyclone)၊ နယူးဇီလန်မှာ ငလျင်ကြီး (ပြင်းအား ၇.၂)တွေ လှုပ်သွားတာမှ ပြောလို့ မဆုံးသေးခင် ယခုဂျပန်မှာ ပြင်းအား ၈.၉ သို့ ၉.၀ လို့ပြောနေကြတဲ့ ငလျင်ကြီးနဲ့အတူ ဆူနာမီလှိုင်းလုံးကြီးတွေ က ဖျက်ဆီးသွားလိုက်တာ ကြောက်ခမန်းလိလိပါပဲ။

ဖြစ်ပျက်နေတဲ့အဖြစ်အပျက်တွေကိုကြည့်ပြီး ရတနာသုံးပါးကို မမေ့မလျော့ကြဖို့ ကောင်းမှုကုသိုလ်တွေ တိုးလုပ် ကြဖို့ကိုပဲ ကိုယ့်ကိုကိုယ်လည်း သတိပေးတဲ့နည်းတူ စပ်မိစပ်ရာမိတ်ဆွေမှန်သမျှကို သတိပေးနေမိပါတယ်။ ဒီနေ့လည်း ကျောင်းလည်းပိတ်လို့ ဆူပါမွန်းလို့ခေါ်ရမယ့် တပေါင်းလပြည့်နေ့လည်းဖြစ်နေလို့ ဥပုသ်စောင့်ဖို့ ကြံစည်လိုက်မိပေမယ့် ၁၂နာရီမထိုးခင် မနက်စာစားဖို့ မစီစဉ်လိုက်နိုင်လို့ ဥပုသ်မစောင့်နိုင်တဲ့အတူတူ အမှတ်တရဆိုပြီး ဒီဆောင်းပါးလေးကို ထိုင်ရေးနေမိပါတယ်။

ဆောင်းပါးလေးကို Natural Disaster တွေ ကမ္ဘာပျက်တော့မယ်ဆိုတဲ့နိမိတ်တွေနဲ့ စလိုက်ရပေမယ့် နဲနဲဖြစ် ဖြစ်တော့မောသွားမယ့် စိတ်လေးကို ပြန်အမောပြေသွားစေဖို့ မြန်မာ စာဆိုပညာရှိကြီးတွေဖွဲ့ဆိုခဲ့တဲ့ ရွတ်ဆိုခံစားကြည့်ရတာ အလွန်အရသာရှိလှတဲ့ ကဗျာလေး နှစ်ပုဒ်ကိုပြန်လည် ကူးယူဖော်ပြလိုက်ရပါတယ် ။

အင်းဝခေတ် ရဟန်းစာဆို ရှင်ဥတ္တမကျော်က သူ၏ တောလား ကဗျာကြီးမှာ တပေါင်းလရဲ့ တင့်တယ်သာယာ ပုံကို - 'လေခ မြေ သက်၊ ဈာန်ဝိတက်သို့၊ သစ်ရွက်ယော်ယီ၊ ဣန္ဒနီဝယ်၊ သိင်္ဂီတ ဝက်၊ ဖက်၍ဆေးစုံ၊ ခြယ်သောပုံသို့၊ ရဂုံမြိုင်တွင်း၊ တောလုံး လင်းသား'ဟု ချီးကျူးဖွဲ့ဆိုခဲ့တဲ့နည်းတူ

ကုန်ဘောင်ခေတ် ပြဇာတ်ဆရာကြီးဦးကြင်ဥ ကလည်း - 'ရှစ်ခွင်တိုင်း၊ မှုန်မှိုင်းတဲ့ပတ်လည်။ ။သဇင်ကြွင်းငယ် နှင့်၊ အင်ကြင်းသန္တာညွန့်ငယ်တို့၊ ဖူးကွန့်ကိုက်စည်။ ။ဘမရာ ရွှေပိတုန်းငယ်တို့၊ ချွေသုံးကြဝတ်ရည်၊ ဆွတ်ကြည်ဘွဲ့ ဖော်ကွဲ။ ။ယင်းသည့်နေ့ဆိုင်၊ ရသေ့သူတော်တိုင်မှ၊ ဉာဏ်မခိုင် ဈာန်ယိုင်လျှောရတယ်၊ ရာသီတွင်ခါညီပြောပေပ၊ ကြော၍သာ မြဲ။' လို့ တပေါင်းလရဲ့သာယာပုံ စာပန်းချီကို လေးတွေကို ရွတ်ဆိုခံစားကြည့်ရင်း ခေတ္တခနစိတ်အပန်းဖြေနိုင်ကြပါစေလို့ဆုမွန်ခြွေရင်း ဒီဆောင်းပါးလေးကို အဆုံးသတ် လိုက်ရပါတယ်။

အပမာဒေန သမ္ပာဒေထ
ဘုရားစကားလိုက်နာပွားတရားလက်မလွတ်ကြပါစေနှင့်

အီဟွာသူ
၁၉-၀၃-၂၀၁၁
တပေါင်းလပြည့်နေ့ (ဆူပါမွန်းနေ့)
နေ့လည် ၃း၂၀

(တပေါင်းလဘွဲ့ကဗျာများကို wikimyanmar မြန်မာ့စွယ်စုံကျမ်း၊ အတွဲ(၄) မှကူးယူဖော်ပြပါသည်။)

Thursday, February 24, 2011

မင်္ဂလာတရားတော်နဲ့အညီ နေထိုင်ကြပါစို့

ခုတစ်လော မင်္ဂလာ တရားတော်တွေအကြောင်းကို ထဲထဲဝင်ဝင် သိချင်စိတ်တွေဖြစ်နေမိပါ တယ်။ အာသေ၀နာစဗာလနံ လူမိုက်ကို မပေါင်းနဲ့ ပဏ္ဍိတာနစ္စသေ၀နာ ပညာရှိကို ဆည်းကပ်ပါ စသည်ဖြင့် ငယ်စဉ်ကတည်းက သိထားတဲ့ အပေါ်ယံတွေထက်ပိုမိုနက်နဲတဲ့ အရာတွေကို သိချင်နေမိပါတယ်။ ဘယ်လိုလူကို လူမိုက်လို့ ခေါ်ရမှာလဲ ဗုဒ္ဓဟောကြားခဲ့တဲ့ တရားတော်တွေထဲမှာ လူမိုက်ရဲ့ အဓိပ္ပါယ်ဖွင့်ဆိုချက် (What is the definition of Barla?) တွေ များရှိနေမလား စသည်ဖြင့် လက်လှမ်းမှီရာဆရာတော်တွေမေးကြည့် စာအုပ်တွေရှာဖတ် လုပ်နေမိပါတယ်။ စိတ်က မင်္ဂလာတရားတော် တွေမှာ ညွှတ်နေမိတုန်းမှာပဲ ဖတ်မိတဲ့စာတွေက စာရေးသူကို သိချင်စိတ်ပိုသထက် ပိုလာစေခဲ့ပါတယ်။ အဲဒါတွေကတော့ ဆရာကြီး ဦးဂိုအင်ကာရဲ့ အတ္ထုပတ္တိဖတ်မိတဲ့အခါ ဆရာကြီးနဲ့ သူ့မိသားစုက နေ့စဉ် ဘုရားဝတ်တက်ကြရင် မင်္ဂလသုတ်ကို ပါဠိအသံထွက် ပီပီသသနဲ့ အမြဲရွတ်ဆို ပူဇော်ကြတယ်လို့ရေးထားပြီး ဆရာတော် ရှင်ဆေကိန္ဒ ၂၀၁၀ ဒီဇင်ဘာလတုန်းက ကိုရီးယားကိုကြွလာတော့ ပေးခဲ့တဲ့ The Meditation Practice based on the Blessing Discourse (Mangala Sutta) ဆိုတဲ့ စာအုပ်ငယ်လေးကလည်း စာရေးသူကို သိချင်စိတ်ပိုနှိုးဆွပေးခဲ့ပြန်ပါတယ်။ အစက ထင်ထားတာက မင်္ဂလသုတ်နဲ့ မင်္ဂလာတရားတော် တွေဟာ လောကမှာ မင်္ဂလာရှိအောင် နေနည်း ထိုင်နည်းတွေလို့ပဲ ထင်ထား ခဲ့ရာကနေ မြတ်စွာဘုရား ဟောကြားခဲ့တဲ့ ဓမ္မခန္ဓာပေါင်း ရှစ်သောင်းလေးထောင်သောတရားတွေ အကုန်လုံးဟာ နိဗ္ဗာန်ကို ဆောင်ကြဉ်းနိုင်တယ် ဆိုတဲ့အတိုင်း မင်္ဂလသုတ်ထဲက လမ်းညွှန်ချက်တွေ အတိုင်း ကျင့်ကြံအားထုတ်ရင် လောကီအကျိုးစီးပွားတွေသာမက နိဗ္ဗာန်ချမ်းသာတိုင်အောင် ပို့ဆောင်နိုင်တယ်ဆိုတာ သိရလို့ အလွန်အားတက်ခဲ့ရပြန်ပါတယ်။ စာအုပ်လေး ခေါင်းစဉ်ကကို စာရေးသူကို ဆွဲဆောင်ခဲ့ရုံသာမက အထဲကရှင်းလင်းချက်တွေ ဖတ်ကြည့် လိုက်ပြန်တော့ နှိုက်နှိုက်နှဲနှဲ ထပ်သိသင့်တာတွေပါ ပေါ်လာပြန်ပါရော။ ငယ်ငယ်က အင်္ဂလိပ်စာ စလေ့လာတော့ စာရေးသူရဲ့ အဖေက English-English Dictionary ကိုကြည့်မှ ပိုတိုးတက်မယ်ဆိုလို့ အဖေ့ရဲ့ ဦးထွန်းငြိမ်း English-Myanmar Dictionary ကြီးကို မကိုင်မိအောင်ကြိုးစားရင်း Oxford E-E အဘိဓာန်ကြည့်မှ ကိုယ်သိချင်တဲ့စာလုံးကိုရှင်းပြထားတဲ့ ထဲမှာ မသိတာကပါနေ အဲဒီစာလုံးဘာလဲ ထပ်ရှာတော့ မသိတာကထပ်ပါနေတော့ ထပ်ရှာရင်းနဲ့ ရှေ့မတက်လာတော့ပဲ နောက်ကိုပြန်သွားနေလိုက်တာ တခါတလေ မူလရှာနေတဲ့စာလုံးတောင် ငါဘာရှာနေတာပါလိမ့် မေ့လုကာနီးဖြစ်ခဲ့ ဖူးသလိုပေါ့ အခုလည်း ၀မ်းသာအားရ ဖတ်မယ်ဆိုမှ ဆရာတော်က အတိုချုပ် ရှင်းပြထားတာဖြစ်နေတော့ နောက်ပြီး ကိုယ့် အင်္ဂလိပ်စာကလည်း ဗုဒ္ဓတရားတော်တွေကို အင်္ဂလိပ်လို ဘာသာပြန်ရေးသားတာတွေ အကုန်နာလည်လောက်အောင် မပြည့်ဝလေတော့ ထပ်အခက်အခဲတွေ့ရပြန်ပါတယ်။ တစ်ခါ နားလည်တဲ့ စာသားတွေ (ဥပမာ "To practise developing the four bases of success, the five spiritual faculties and the five spiritual powers, is the highest blessing, the cause of happiness". p28-29) ကျပြန်တော့လည်း ရေးထားတာတွေနားလည်ပြီး the four bases of success ဆိုတာ ဘာလဲ၊ the five spiritual faculties ဆိုတာကရောဘာပါလိမ့် the five spiritual powers ဆိုတာလည်း မသိပြန်ဘူး စသည်ဖြင့် တကယ့်ကို E-E Dictionary ကြည့်နေမိသလို ဖြစ်ရပါတော့တယ်။ ဘူဖျောင်းက ဓမ္မဒူတ ဘုန်းတော်ကြီးကျောင်းရောက်တော့မှ ဆရာတော် ဒေါက်တာနန္ဒက ကိုမေးလျှောက်မိတော့ Four bases of success ဆိုတာ စေးနဲသူကို ပေးကမ်းခြင်းဖြင့်အောင်နိုင်ခြင်း၊ အမျက်ထွက်သူကို သီးခံခြင်းဖြင့် အောင်နိုင်ခြင်း၊ လိမ်ညာလှည့်ဖြားတတ်သူကို မှန်ကန်စွာပြော ဆိုခြင်းဖြင့်အောင်နိုင် ခြင်း နဲ့အဓမ္မကို ဓမ္မဖြင့် (သူတော်ကောင်းတ ရားဖြင့်) အောင်နိုင်ခြင်း တွေဖြစ်တယ် ဆိုတာ သိလာရပါတယ်။ The Five Spiritual Faculties ဆိုတာကတော့ အိနြေ္ဒငါးပါးဖြစ်ပြီး သဒ္ဓိနြေ္ဒ၊ ၀ိရိယိနြေ္ဒ၊ သတိနြေ္ဒ၊ သမာဓိနြေ္ဒ နှင့် ပညိနြေ္ဒ တို့ဖြစ်ပါတယ်တဲ့။ The Five Spiritual Powers ဆိုတာကတော့ ဗိုလ်ငါးပါးကို ဆိုလိုပုံရတယ်လို့ပြောပါတယ်။ ဗိုလ်ငါးပါးဆိုတာတွေကတော့ သဒ္ဓါဗိုလ်၊ ၀ီရိယဗိုလ်၊ သတိဗိုလ်၊ သမာဓိဗိုလ် နဲ့ ပညာဗိုလ်တို့ဖြစ်ပါတယ်တဲ့။ ဒီလိုနဲ့ မေးစရာ သိစရာတွေ အလွန်များနေစဉ်မှာပဲ ဆရာတော် အရှင်ဆေကိန္ဒ ဖေဖော်ဝါရီလမှာ ကြွလာတုန်းက စာရေးသူက ဒယ်ဂူးမှာ ရောက်နေလို့ မရလိုက်သေးတဲ့ မင်္ဂလသုတ္တန်တရားတော်အရ တရားအားထုတ်နည်း ဆိုတဲ့စာအုပ်လေး ဖတ်လိုက်ရတော့မှ သိချင်နေတာတွေ အကုန်ရှင်းလင်းသွားပြီး ရေငတ်နေတုန်းရေတွင်းထဲကျ ဆိုသလို စိတ်ထဲဆာနေတာတွေ ပြည့်သွားပါတော့တယ်။ စာအုပ်လေးက ဓမ္မဒူတ ဇေတ၀န် တောရ စာစဉ်လေး ဖြစ်ပြီး ဆုပြည့်စုံထွန်းစာပေက ၂၀၁၁ ဇန်နာဝါရီလကမှ ပုံနှိပ်ထုတ်ဝေလိုက်တာလေးမို့ အားလုံး အလွယ်တကူဝယ်ထားပြီး အထပ်ထပ်ဖတ်ကြရုံသာမက လက်တွေ့ကျင့်ကြံကြခြင်း ဖြင့် လောကီ လောကုတ် နှစ်ဖြာလုံး အကျိုးရှိမယ့် စာအုပ်လေးဖြစ်ကြောင်း စာအုပ်လေးကို ရည်ညွှန်းရင်းနဲ့ပဲ ကလေးတွေအတွက် ရည်ရွယ်ဖွဲ့ဆို ခဲ့ပုံရတဲ့ ၃၈ ဖြာ မင်္ဂလာဆိုတဲ့ ကဗျာလေးက ကလေးတွေအတွက်သာမက အရွယ်သုံးပါးလုံးကို နိဗ္ဗာန်တိုင်အောင် ဆောင်ကြဉ်းပို့ဆောင်ပေးမယ့် ကဗျာလေးဖြစ်တာမို့ ကဗျာလေးကို တစ်ပိုဒ်ပဲ ရတော့လို့ လိုချင်နေတာ ဆရာတော်က Google မှာရှာကြည့်လိုက်ပါဆိုတဲ့အတိုင်း လို-တ-ရ Google search ကနေတစ်ပါတည်း ရှာဖွေဖော်ပြလိုက်ရပါတယ်။

စာဖတ်သူအားလုံး မင်္ဂလာအပေါင်းနဲ့ပြည့်စုံအောင် ကျင့်ကြံပွားများ အားထုတ်နိုင်ကြပါစေ။ အီဟွာသူ (၂၅-၂-၂၀၁၁)

၃၈ ဖြာ မင်္ဂလာတရားကဗျာများ

(က) မင်္ဂလာနိဒါန်း
သုံးဆယ့်ရှစ်ဖြာ မင်္ဂလာတရားကို
နတ်လူအများ ကြံစည်ပေ။
ဘယ်သင်း ဘယ်ဟာ မင်္ဂလာစစ်ဟု
သေချာဇစ်မြစ် မသိပေ။
ဆယ့်နှစ်နှစ်တိုင် နှုတ်ပြိုင်ငြင်းလို့၊
မင်္ဂလာအခင်း မပြီးပေ။
မင်္ဂလာတရား၊ ၀ါဒများ၊ ကွဲပြား နတ်လူတွေ။
အဲဒါကြောင့် ကြံကြ စည်ကြ ကမ္ဘာမင်္ဂတွေ။

(ခ) သာဝတ္ထိပြည်မွန် ဇေတ၀န်ကျောင်းဝယ်
ကိန်းအောင်းပျော်မွေ့ မြတ်စိန္တေ။
သန်းခေါင်ယံခါ မထင်ရှားသည့်၊
နတ်သားတစ်ယောက် ချဉ်းကပ်လေ။
ချဉ်းကပ်ပြီးသော် မင်္ဂလာသဘောက၊ို
ထင်ရှားဟောဖို့ လျှောက်ပန်ချွေ။
အသေ၀နာ တရား၊ အစထား၊ ဟောကြား မိန့်ခဲ့ပေ။
အဲဒါကြောင့် နာရ ကြားရ ကမ္ဘာ့မင်္ဂလာတွေ။

၁။ ပေါင်းသင်းဆက်ဆံရေး မင်္ဂလာ ၃ ပါး
အသေ၀နာ စ ဂါထာ
လူမိုက်ဆိုလျှင် ရှောင်သွေလွှဲလို့
မမှီဝဲနဲ့ ကင်းအောင်နေ။
ပညာရှိကို အရှည်တွဲလို့
မှီဝဲဆည်းကပ် နည်းယူစေ။
သုံးပါးရတနာ မိဘများနှင့်၊
ဆရာသမားကို ပူဇော်လေ။
ချမ်းသာကိုပေး၊ ဆက်ဆံရေး၊ မျှော်တွေး၊ သုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၂။ နေထိုင်ရေး မင်္ဂလာ ၃ ပါး
ပတိရူပ ဂါထာ
ကုသိုလ်ပညာ ဥစ္စာရဖို့၊
သင့်ရာဒေသ အမြဲနေ။
ရှေးက တင်ကြို ပြုခဲ့ဖူးသည့်၊
ကောင်းမှုအထူး ရှိပါစေ။
မိမိကိုယ်ကို ကောင်းအောင်ထိန်းလို့၊
မတိမ်းစေနဲ့ ဆောက်တည်လေ။
ဥစ္စာကိုပေး၊ နေထိုင်ရေး၊ မျှော်တွေး သုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၃။ သင်ကြားရေး မင်္ဂလာ ၄ ပါး
ဗာဟုသစ္စဉ္စ ဂါထာ
တတ်ကောင်း တတ်ရာ ဟူသမျှကို၊
ကြားမြင်သုတ ရှိပါစေ။
အိုးအိမ်တည်ထောင် ၀မ်းစာရေးနဲ့၊
အသက်မွေးဖို့ အတတ်သင်လေ။
လူနှင့်ဆိုင်ရာ ကျင့်ဝတ်များကို၊
ကောင်းစွာသင်ကြား နားလည်စေ။
မှန်ကန်ယဉ်ကျေး၊ ချိုသာအေး၊ ဆိုရေး တတ်ပါစေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၎။ ပြုစုရေး မင်္ဂလာ ၃ ပါး
မာတာပိတု ဂါထာ
မြင်းမိုရ်ရွှေတောင် မိဘကြွေးကို၊
ကောင်းစွာဆပ်ပေး ၀တ်ကျေကျေ။
ကြွေးသစ်ချကာ သားနှင့်မယား၊
မြှောက်စားချီးမြှင့် ၀တ်ကုန်စေ။
အလုပ်တာဝန် မလစ်ဟင်းနဲ့၊
အပြစ်ကင်းအောင် လုပ်ပါလေ။
စည်းစိမ်ကိုပေး၊ ပြုစုရေး၊ မျှော်တွေး သုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၅။ လိုက်နာကျင့်သုံးရေး မင်္ဂလာ ၄ ပါး
ဒါနဉ္စ ဂါထာ
သုံးတန်စေတနာ ဖြုစင်လန်းလို့၊
ပေးကမ်းဝေမျှ လှုနိုင်စေ။
ကိုယ်နှုတ်စိတ်ကြံ မမိုက်မှားနဲ့၊
သုစရိုက်တရားကို ကျင့်ပါလေ။
ဆွေမျိုးတွေကို ပြင်ပမထားနဲ့၊
သင်္ဂဟတရားနှင့် ချီးမြှောက်လေ။
သန့်စင်ပြစ်မျိုး၊ လူထုကျိုး၊ သယ်ပိုး ဆောင်ရွက်စေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၆။ ရှောင်ကြဉ်ရေး မင်္ဂလာ ၄ ပါး
အာရတီ ၀ိရတီ ဂါထာ
မကောင်းမှုတွေ ဟူသမျှကို၊
မတွေ့ခင်က ရှောင်ကြဉ်လေ။
တွေ့ကြုံလာလျှင် မလွန်ကျူးနဲ့
အထူးသဖြင့် စောင့်စည်းနေ။
အရက်သေစာ မသောက်စားနဲ့
မှောက်မှားတတ်တဲ့ အရာပေ။
လုပ်ကိုင်ပြောကြား၊ သတိထား၊ တရား မမေ့စေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၇။ စိတ်ထားရေး မင်္ဂလာ ၅ ပါး
ဂါရဝေါ စ ဂါထာ
အသက်ဂုဏ်ဝါ ကိုယ့်ထက်ကြီးက၊
ဆည်းကပ် ခစား ရိုသေလေ။
မာနတံခွန် ဂုဏ်မကြွနဲ့၊
ကိုယ့်ကိုယ်နှိမ့်ချ အမြဲနေ။
လောဘအပို လိုမလိုက်နဲ့၊
ကိုယ်ထိုက်တာနဲ့ ကျေနပ်လေ။
ကိုယ့်ပေါ်ပြုဖူး၊ သူ့ကျေးဇူး၊ အထူးသိတတ်စေ။
ကောင်းကျိုးဆင့်ပွား၊ မြတ်တရား၊ နာကြား မပြတ်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၈။ သည်းခံရေး မင်္ဂလာ ၄ ပါး
ခန္တီစ ဂါထာ
ဝတ်စား နေထိုင် ရန်ခပ်သိမ်း၊
စိတ်ကို ချုပ်ထိန်း သည်းခံလေ။
ကျိုးကြောင်းပြညွှန် ဆုံးမစကား၊
ပြောကြားလာက နာလွယ်စေ။
သူမြတ်ပုဂ္ဂိုလ် ဟူသမျှကို၊
မကြာခဏ တွေ့ဆုံလေ။
သဘာဝတွေး၊ မှန်ကန်ရေး၊ ဆွေးနွေး မပြတ်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၉။ ခြိုးခြံရေး မင်္ဂလာ ၄ ပါး
တပေါ စ ဂါထာ
လောကီအာရုံ ဇိမ်ယစ်မူးလို့၊
ပျော်မကြူးနဲ့ ခြိုးခြံလေ။
မေတ္တာဗြဟ္ဓစိုရ် လက်ကိုင်သုံးလို့၊
သူမြတ်ကျင့်ထုံး ယွင်းမသွေ။
လေးပါးသစ္စာ ဉာဏ်မြင်ကြည့်လို့၊
အမှန်သိအောင် ကြိုးစားလေ။
ဒုက္ခလွတ်ကင်း၊ နိဗ္ဗာန်ချဉ်း၊ အလင်း ပေါက်နိုင်စေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၁၀။ စိတ်ဓာတ်ခိုင်ခံ့ရေး မင်္ဂလာ ၄ ပါး
ဖုဋ္ဌဿ ဂါထာ
ဆင်းရဲ ချမ်းသာ သဘာဝ၊
တွေ့ကြုံနေကြ လူတိုင်းပေ။
ကောင်းဆိုးနှစ်တန် အစုံတွဲလို့၊
တလဲစီလှည့် အမြဲနေ။
လောကဓံကြုံ မဖြုံတမ်းပေါ့၊
မတုန်စမ်းနဲ့ စိတ်ခိုင်စေ။
သောကကိုထိန်း၊ ရမ္မက်သိမ်း၊ အေးငြိမ်း ချမ်းသာနေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၁၁။ မင်္ဂလာ၏အကျိုး
သုံးဆယ့်ရှစ်ဖြာ မင်္ဂလာကုံးကို၊
လိုက်နာကျင့်သုံး ပန်သူတွေ။
စီးပွားချမ်းသာ ကျက်သရေတိုးလို့၊
ကောင်းကျိုးစည်ပွင့် တဝေေ၀။
ဘေးကင်းရန်ကွာ ချစ်သူပေါလို့၊
စိတ်ရော ကိုယ်ရော ချမ်းသာမလေ။
ပြောဆိုကြံဆ၊ ဆောင်သမျှ၊ အောင်ရမည် ကိန်းသေ။
အဲဒါကြောင့် ပန်ကြ ဆင်ကြ မင်္ဂလာ့ပန်းခိုင်တွေ။


(ကဗျာလေးကို http://kyawkyawoo81.blogspot.com/2008/07/blog-post_22.html
မှကူးယူဖော်ပြပါသည်)


Tuesday, January 18, 2011

နှစ်သစ်အဖွင့်

၂၀၁၁ မင်္ဂလာနှစ်သစ်မှာ စာဖတ်သူမိတ်ဆွေများအားလုံး မင်္ဂလာပါလို့ ဦးဆုံး နှုတ်ခွန်းဆက်သလိုက်ရပါတယ်။ ကျောင်းဖွင့်ပြီဆိုတာနဲ့ အလုပ်တွေက များတော့ ကိုယ့် ဘလော့ဂ်လေးတောင် ပြစ်ထားတာ ၄လလောက်ရှိသွားပြီ။ ဒီတစ်ခါကျောင်းပိတ်ရင် ရေးချင်နေတာတွေအများကြီးထဲကမှ နှစ်သစ်အဖွင့်ကို ဘာလေးနဲ့စရရင် ကောင်းမလဲစဉ်းစားလိုက်တော့ မင်္ဂလာနှစ်သစ်မှာ မင်္ဂလာအရှိဆုံးအကြောင်းအရာ လေးနဲ့စဖို့စဉ်းစားမိပါတယ်။ စာရေးသူက နှစ်ဟောင်းတစ်ခု ကုန်ဆုံးတော့မယ်ဆို ဒီအတိုင်းသာမန်နေ့တနေ့လို မကုန်ဆုံးလိုက်ချင်ဘူး တခြားနှစ်တွေနဲ့လည်း မတူပဲ ထူးထူးခြားခြားလေးလုပ်တတ်တဲ့ အကျင့်လေးတစ်ခုရှိပါတယ်။ ဘာလေးဖြစ်ဖြစ်ထူးထူးခြားခြားလေးပေါ့။ ဒီနှစ်တော့ အကောင်းဆုံးစဉ်းစားမိတာက နှစ်ဟောင်းကို အကောင်းဆုံးနည်းနဲ့ ကုန်ဆုံးစေပြီး နှစ်သစ်ကို အကောင်းဆုံးနည်းနဲ့ကြိုဆိုဖို့ တရားသွားထိုင်ဖို့ ဆိုတာလေးကိုစဉ်းစားမိပါတယ်။ တရားသွားထိုင်ချင်နေတာတော့ကြာပြီ အကြောင်းတွေကမတိုက် ဆိုင် အခြေအနေတွေက မပေးခဲ့လို့ပါ။ အခုတော့ အသက် ၇၀ အမေက ဒီဇင်ဘာလဆန်း ပျဉ်းမနား မှာဖွင့်ခဲ့တဲ့ ဦးဂိုအင်ကာတရားစခန်း မှာ တစ်နေ့ ၁၁နာရီနီးပါးထိုင်နိုင်ခဲ့တယ်ဆိုတဲ့ သတင်းလေး ကလည်း ကိုယ့်ကိုတွန်းအားဖြစ်စေခဲ့ပါတယ်။ ကိုရီးယားမှာလည်း ဦးဂိုအင်ကာတရားစခန်းရှိတယ် ဆိုတာကြားဘူးလို့ အင်တာနက်မှာရှာကြည့်လိုက်တော့ ၂၀၁၁ အတွက်အစီအစဉ်က ဧပြီလမှစမှာမို့ ကိုယ်ကလောလောဆယ်ထိုင်ချင်နေတာဆိုတော့ မြန်မာသီလရှင်ဆရာလေးတစ်ပါး ရှိတဲ့ ဗောဓိစုဆိုတဲ့ တရားရိပ်သာလေးကိုသတိရတာနဲ့ ချက်ခြင်းကောက်ပြီးဖုန်းဆက်လိုက်တော့ ဆရာလေးက မြန်မာပြည်ပြန်သွားပါပြီတဲ့ ဆရာလေးနဲ့ဆက်သွယ်ချင်ရင် နံပါတ်ပေးပါမယ်ဆို တော့ အခုဖုန်းကိုင်တာ ဘယ်သူပါလဲလို့မေးလိုက်တော့ ဦးဇင်းတစ်ပါးဖြစ်နေ တော့ ရိုရိုသေသေပဲ မတတ်တတတ် ကိုရီးယားစကားလေးရှိသလောက်နဲ့ မရတော့ရင်ဘိုလိုညှပ်ပြီး တပည့်တော်က ဆရာလေးကိုတွေ့ချင်တာထက် တရားလာထိုင်ချင်လို့ အဆင်ပြေမပြေ မေးခြင် စုံစမ်းချင်လို့ပါဘုရားဆိုတော့ ကံကောင်းထောက်မစွာ ဦးဇင်းက ဘိုလို နားလည်းနားလည်ပြီး ပြောလည်း ပြောနိုင်တဲ့သူဖြစ်နေတော့ အားလုံးအဆင်ပြေသွားခဲ့ပါတယ်။ ဦးဇင်းက အချိန်မရွေးလာခဲ့ပါ လောလောဆယ် ထိုင်နေတဲ့သူ သုံးယောက်ရှိတယ်လို့ပြောပါတယ် ဆွမ်းစားရိတ်တစ်နေ့ဘယ်လောက်သွင်းရလဲဆိုတာပါ တစ်ခါတည်းမေးလိုက်တော့ ဘာမှ မပေးရ ပါဘူးတဲ့ တရားလာထိုင်ဖြစ်ဖို့သာအဓိကပါဆိုတော့ မြန်မာပြည်က ကိုယ်အမြဲထိုင်နေကြ သပြေတောင်တောရ မဟာစည်သာသနာ့ရိပ်သာက ဘုန်းဘုန်းကြီးနဲ့ ဘုန်းဘုန်းလေး ညီနောင် နှစ်ပါးကိုပြေးသတိရမိပါသေးတယ်။ တရားသာလာထိုင် ဘုန်းကြီးတို့ ကကျွေးထားမှာလို့ ပြောဖူးတာလေးအမှတ်ရမိလို့ပါ။ အခုတော့ အရင်က တောရရိပ်သာလေး လည်းနေပြည်တော်စီမံကိန်းမှာ တိုးချဲ့ တည်ဆောက်ရေး တွေကြောင့် မဟာသန္တိသုခ ရွှေတိဂုံပုံတူ စေတီတော်ခြေရင်းက မြို့လယ်ကျောင်းဖြစ်သွားခဲ့ပါပြီ။ စကားပြန်ဆက်ရရင် ဦးဇင်းလေးကို တပည့်တော်လုပ်စရာအလုပ်လေးတွေအမြန်ဖြတ်ပြီးတာနဲ့ တပြိုင်နက် လာခဲ့ပါမယ်ဘုရားလို့ ပြောခဲ့လိုက်ပါတယ်။
ဒီတော့ ကိုယ့်ဘက်က လုပ်စရာတွေ အမြန်ဖြတ်ရပါတယ် အဓိကကတော့ ကိုရီးယားရောက် မြန်မာ ကျောင်းသားအသင်း နှစ်ပတ်လည်အစည်းအဝေးပြီးကာစဆိုတော့ ကိုယ်တာဝန်ယူထားတဲ့အပိုင်းလေးတွေကို အရင်ဆုံး လက်စသတ်အောင်လုပ်ရပါတယ် နောက်တော့တခြားကိုယ့် Personal ကိစ္စလေးတွေလည်း စဉ်းစား မမေ့အောင်ချရေးပြီး တစ်ရက်နှစ်ရက်အတွင်း အကုန်ပြီးအောင်လုပ်ရပါတယ်။ သူငယ်ချင်း တွေကိုတော့ question mark လေးပေးခဲ့ချင်လို့ ဘယ်သူ့ကိုမှမပြောပဲသွားမယ်လို့ ဆုံးဖြတ်ခဲ့ပါတယ်။ အရင်ဆုံး အိမ်ကိုဖုန်းဆက် နှစ်ပတ်တရားသွားထိုင်ဖြစ်မယ်ဆိုတာပြောပြီး အကယ်၍ အရေးကြီးကိစ္စပေါ်ပေါက်ခဲ့သော် ဆက်သွယ်ဖို့ဆိုပြီး ကိုယ့် Supervisor ပါမောက္ခရယ် ရုံးကအုပ်ချုပ်သူ အမျိုးသမီးဆီရယ်ကိုတော့ ကိုယ်သွားမယ့်နေရာရယ် ဆက်သွယ်ဖို့ ဖုန်းနံပါတ်ရယ် ပေးခဲ့ပါတယ်။ ရိပ်သာသွားဖို့ အကျဉ်းဆုံးပစ္စည်းလေးတွေထည့်နေတဲ့အချိန်ထိ ယနေ့ခေတ်လူနေမှုဘ၀မှာ မရှိမဖြစ်အရေးပါလှတဲ့ အင်တာနက်နဲ့ အီးမေးလ်ကိုတော့သုံးနေခဲ့ပါ တယ် ကွန်ပျူတာကို ပိတ်ကာနီးလေးမှ သူငယ်ချင်းတွေကို ဆက်သွယ်ရေး ဧရိယာပြင်ပခနသွားမလို့ နောက်နှစ်မှတွေ့မယ်လို့စာပို့ပြီးတာနဲ့ချက်ခြင်း ကွန်ပျူတာကိုပိတ် ဖုန်းထဲက ဓါတ်ခဲကိုလည်း အပြင်ထုတ်လိုက်ပြီး အဆောင်က ထွက်ခဲ့ပါတယ်။ အဆောင်ကထွက်လိုက်တာနဲ့တပြိုင်နက် ထူးခြားတဲ့ခံစားမှုက ပင့်ကူအိမ်ကနေ ရုန်းထွက်လွတ်မြောက်လာတဲ့ ပိုးကောင်လေးလို တကယ်ပဲခံစား ခဲ့ရပါတယ်။ စာရေးသူက ငယ်စဉ်ကတည်းက ကိုယ့်ပတ်ဝန်းကျင်က သဘာဝတရားလေးတွေကို စပ်စုတတ် အတုယူတတ် အားကျတတ် ချစ်မြတ်နိုးတတ်ခဲ့ပါတယ်။ စာရေးသူတို့ငယ်စဉ်က ရှမ်းပြည်မှာနေခဲ့တော့ အိမ်ပတ်ဝန်းကျင်မှာ ပင့်ကူအိမ်စနစ်တကျဖွဲ့စည်းတတ်တဲ့ ပင့်ကူတွေရှိပါတယ်။ အခုတော့ နေတဲ့ဒေသပဲပြောင်းသွားလို့လားမသိပါ အဲလိုပင့်ကူမျိုးထက် ပွရှုပ်နေတဲ့ အိမ်ဖွဲ့တတ်တဲ့ပင့်ကူတွေပဲတွေ့ရတော့လို့ပါ။ ပင့်ကူလေးက သူ့အိမ်ဟောင်းပျက်သွားလို့ဖြစ်စေ အဖျက်ခံရလို့ဖြစ်စေ အသစ်ဆောက်တော့မယ်ဆိုရင် နေရာရွေး ဟိုခုန် ဒီခုန်နဲ့ သူ့ပါးစပ်ထဲက အမျှင်တွေကို ခြေထောက်နဲ့ ကန်ကန်ပြီး ဆက်သင့်တဲ့နေရာတွေကို ဆက်ဆက်ပြီး ပင့်ကူအိမ်ကိုသေချာ ဆောက်ပါတယ် ပင့်ကူအိမ်ပြီးသွားရင် သူက ဗဟိုမှာသွားနေပြီး ပင့်ကူအိမ်ကို ၀င်တိုးမိတဲ့ အင်းဆက်ပိုးမွှားတွေကို လာဖမ်းစားပါတယ် ပင့်ကူအိမ်မှာမိသွားတဲ့ အကောင်လေးတွေက ပင့်ကူအိမ်မှာ ညိသွားတာနဲ့ အန္တရာယ်မှန်း သိပြီး ရုန်းထွက်ဖို့ကြိုးစားကြပါတယ် ပင့်ကူကလည်း သူ့အိမ်မှာ လာမိတဲ့ ပိုးမွှားတွေ ရုန်းထွက်ပြီးလွတ်မသွားခင် မသေမရှင်အဆင့်မှာကို လာပြီးဖမ်းပြီး စားဖို့ကြိုးစားပါတယ်။ တစ်ခါတစ်လေတော့ ပင့်ကူအိမ်မှာ မိသွားတဲ့ အင်းဆက်ပိုးကောင်လေးတွေဟာ ပင့်ကူမလာခင် ရုန်းထွက်လွတ်မြောက်သွားကြပါတယ်။ အဲလိုအချိန်မှာ အဲဒီပိုးကောင်လေးလိုပဲ ကိုယ်ကလိုက်ပျော်ခဲ့ဖူးပါတယ်။ အခုလည်းတကယ့်ကိုပဲ နေ့စဉ်လူမှုဘ၀အရှုပ်အထွေးတွေကြားကနေ ခနလွတ်ရမှာ ပင့်ကူအိမ်က ပိုးကောင်လေးလွတ်လာသလိုခံစားခဲ့ရပါတယ်။ ဒီတော့မှ မြတ်စွာဘုရား တောထွက်စဉ်က လူငယ်ဘ၀ရဲ့ တကယ့်တက်ကြွ လန်းဆန်းပျော်စရာအကောင်းဆုံးအရွယ် အသက် ၂၉ နှစ်မှာ သားစွန့် မယားစွန့် ထီးမွေနန်းမွေနဲ့ စည်းစိမ်ဥစ္စာတွေစွန့်ပြီး တောထွက်ဖို့ မထွက်ခင် စိတ်ထဲမှာလွန်ဆွဲပွဲတွေကို အောင်နိုင်ဖို့ ဘယ်လောက်များခက်ခက်ခဲခဲ ကြိုးပမ်းခဲ့ရမလဲ တွေးကြည့်ပြီး ကြည်ညိုမဆုံးဖြစ်မိပါ တော့တယ်။ ကိုယ့်မှာက ဒီရက်သတ္တနှစ်ပတ် ဆိုတဲ့ကာလလေးကို အင်တာနက်စွန့်၊ cell phone စွန့်၊ သူငယ်ချင်းမိတ်ဆွေတွေ ခနစွန့် ရမှာ တောင် ကိုယ့်အတိုင်းအတာနဲ့ကိုယ်တော့ တကယ့်ကိုကြိုးပမ်းခဲ့လိုက်ရတာပါ။

ရိပ်သာကလည်း ရထားနှစ်ဆင့်စီးပြီး တစ်နာရီလောက်အကြာမှာရောက်သွားလို့ ဘာမှဝေးတယ် မဆိုနိုင်ပါဘူး။ ရိပ်သာလည်းရောက်ရော ဦးဇင်းလေးနဲ့တွေ့တော့မှ ဘူဖျောင်းက မြန်မာဘုန်းတော် ကြီးကျောင်းကထိန်မှာ ခနတွေ့ဖူးခဲ့တဲ့ ကိုရီးယားဦးဇင်းလေးဖြစ်နေတာကိုး။ ဦးဇင်းလေး ကိုလည်း မြင်မြင်ခြင်းမှတ်မိပြီး ဦးဇင်းကလည်းမှတ်မိပါတယ်။ မိတ်ဆက်စကားအကျဉ်းလောက် နဲနဲပြောကြပြီး ရိပ်သာစည်းကမ်းတွေမေးကြည့်ပြီး လိုက်မှတ်မယ်ကြံတော့ ဘာမှအထူးအထွေ ရေးမှတ်နေစရာမရှိပါဘူးတဲ့ မနက် ၃နာရီခွဲအိပ်ယာကထ မနက် ၄နာရီဘုရား ရှိခိုး မနက် ၅ခွဲ အာရုံဆွမ်းစား နေ့လည် ၁၁ နာရီ နေ့လည်စာစား ညနေ ၆နာရီဘုရားရှိခိုး တနေ့တာ တရားရှုမှတ်ခြင်းကတော့ ည ၉နာရီမှာ ပြီးပါတယ်တဲ့။ ဒီတော့ အစကတည်းက မြန်မာ ပြည်က ရိပ်သာတွေစည်းကမ်းနဲ့ဆင်နေတာကို သတိထားခဲ့မိပါတယ်။ တရားထိုင်ချိန် စင်္ကြန်လျှောက်ချိန်တွေကိုတော့ ကိုယ်သန်ရာသန်ရာပိုအားထုတ်နိုင်ပါတယ်တဲ့ နောက် မြန်မာလိုတော့ တရားစစ်တာပေါ့နော် ဒီမှာတော့ အင်တာဗျူးလို့သုံးပါတယ် အင်တာဗျူးကိုတော့ ကိုယ်က ရက်ရှည်အားထုတ်မယ့်သူ ငယ်စဉ်ကတည်းက အားထုတ်လာခဲ့ဖူးသူဆိုတော့ အထူးပြောစရာတွေ မရှိတာမို့ တစ်ရက်ခြားတစ်ခါလို့ သတ်မှတ်လိုက်ပြီး ရောက်တာနဲ့ ပစ္စည်းလေးတွေချထားပြီး အလုပ်စခန်း စ၀င်ခဲ့ပါတော့တယ်။ တရားစထိုင်ထိုင်ခြင်း ပထမ တစ်ရက် နှစ်ရက်ကတော့ ထုံးစံအတိုင်း လောဘ ဒေါသ မောဟတွေထူပြောတဲ့ ကိလေသာတောက လာခဲ့ကြတော့ ရုတ်တရက် အရိယာတို့ ကျက်စားရာနယ်ပယ်နဲ့ အသားမကျဖြစ်တတ်တာ သဘာဝပါ။ အိပ်ချိန် စားချိန်တွေကအစ အကုန်ပြောင်းပြန်။ စာရေးသူတို့က စာဖတ်ရင် ညပိုင်းဖတ်တာ ပိုအားသန်တဲ့သူပီပီ မနက်စော ၃နာရီဆိုတာ အစောဆုံးအိပ်ပါတယ်။ တစ်ခါတစ်လေ မိုးလင်း မနက် ၅နာရီခွဲ စသည်ဖြင့်ရောက်သွား ခနအိပ် မနက် ၉နာရီ ၁၀နာရီမှပြန်ထ ၁၁နာရီ လောက်မှ မနက်စာစား နေ့လည်စာကို ၂နာရီသုံးနာရီလောက်မှစား ညစာကို ည ၈နာရီ ၉နာရီမှ စား စသည်ဖြင့် အလျဉ်းသင့်သလို လုပ်ချင်ရာလုပ်နေခဲ့ရာကနေ အခုရိပ်သာမှာ ကျင့်ရတာတွေနဲ့က အကုန်ပြောင်းပြန်မို့ ပထမ တစ်ရက် နှစ်ရက်က living style ပြောင်းပြန်ဖြစ်သွားတာကို အတော်ကို ကြိုးစားပြီး ညှိခဲ့ရတာပါ။ အိပ်ငိုက်ရတာနဲ့ ညောင်းရတာနဲ့ စိတ်ပြန့်လွင့်ရတာနဲ့ မနဲပဲ စိတ်စုစည်းမှု သမာဓိထူထောင်ဖို့နဲ့ ၀ိပသနာတရားကို ထိထိမိမိအားထုတ်ဖို့ မနဲကို ဇွဲတင်းရ ပါတယ်။ နောက်ရက်တွေမှ အသားကျသွား ပြီးထိထိမိမိ ငြိမ်းချမ်းစွာ အားထုတ်နိုင်ခဲ့ပါတယ်။

ဗောဓိစုမှာ စိတ်ကြည်နူးရတာ နောက်တစ်ခုက တစ်နေ့တစ်နေ့မြန်မာဆိုတဲ့စကား ဆယ်ခွန်းလောက်တော့ အနည်းဆုံးကြားရပါတယ်။ ဆရာတော်လေးက ရန်ကုန်က ချမ်းမြေ့ဆရာ တော်ဆီမှာနည်းခံပြီး မြန်မာပြည်မှာ တစ်နှစ်ခွဲနေထိုင် ကျင့်ကြံသင်ယူလာခဲ့တာပါ။ ဆရာတော်ကြီးနောက်တစ်ပါးရှိပါသေးတယ်။ ဆရာတော်ကြီးကတော့ သောကြာနေ့မှဗောဓိစုကို ကြွလာပြီး တနင်္ဂနွေနေ့ဆိုပြန်ကြွပါတယ်။ နှစ်နေရာကျောင်းထိုင်တာပါ နောက်တစ်နေရာကတော့ မေးပြီးမသိမှာစိုးလို့ မမေးမိခဲ့ပါဘူး။ မနှစ်က ဆောင်းတုန်းက မြန်မာဆရာလေး ဒေါ်ဝံသပါလိရှိစဉ်က သူငယ်ချင်းနှစ်ယောက်နဲ့ သွားခဲ့ စဉ်က ဆရာတော်ကြီးနဲ့တစ်ခါဆုံခဲ့ဖူးတာကို ဆရာတော်ကြီးကမှတ်မိပါတယ်။ အခုလည်း တစ်ယောက်တည်းလာထိုင်လို့ ၀မ်းသာစွာပဲ ကြိုဆိုပြီး ကြိုးစားအားထုတ်ပါ လိုတာမှန်သမျှပြောပါလို့ပြော ပါတယ်။ တိုက်ဆိုင်ချင်တော့ ဆရာတော်ကြီးနဲ့ ယောဂီ အပါး၂၀ က ဇန်န၀ါရီ ၃ရက်နေ့ကျရင် မြန်မာပြည်မှာ ချမ်းမြေ့ရိပ်သာမှာ ၂ပတ် တရားစခန်းသွားဝင်ကြမှာပါတဲ့။ ဒီတော့ မြန်မာပြည်လိုက်ကြမယ့် ဒကာ ဒကာမတွေနဲ့ ဆရာတော်ကြီး တွေ့ကြ ဆုံးမသြ၀ါဒပေး မသွားခင်သိသင့်သိထိုက်တဲ့ တရားတွေဟောပြနဲ့ ဆရာတော်ကြီး အလုပ်များနေတဲ့ကာလဖြစ်ပါ တယ်။ ဘုရားရှိခိုးတာနဲ့ တရားဟောတာကတော့ ကိုရီးယားလိုပါ။ ဘုရားရှိခိုး ၀တ်ရွတ်စဉ်စာအုပ် က သားရေဖုံးစာအုပ် ကို အကောင်းစား အခန့်ချုပ်ထားပါတယ်။ ကော်လံ၂ခုခွဲထားပြီး တစ်ဖက်မှာ ပါဠိ တစ်ဖက်မှာ ကိုရီးယား ဘာသာပြန်နဲ့ နေ့စဉ်ဆရာတော်နဲ့အတူရှိခိုးခဲ့ရပါတယ်။ စာရေးသူက ပါဠိလို ဘုရားရှိခိုး နဲ့ ကိုရီးယားစကားအခြေခံကိုသိတော့ ဘုရားရှိခိုးတဲ့ အနက်အဓိပ္ပါယ်နဲ့ ဆရာတော်တွေ တရား ဟောတဲ့အခါ တစ်ဝက်ကျော်ကျော်လောက်နားလည်ပါတယ်။ တရားဟောတဲ့အခါမှာလည်း မြန်မာပြည်မှာဆို ဘယ်လို မြန်မာစကားပုံမှာတော့ ဘယ်လိုလေးသုံး တာပေါ့ စသည်ဖြင့် တရားဟောတဲ့အခါလည်း မြန်မာ မြန်မာဆိုတာ မပါမဖြစ်ကြားနေခဲ့ရတာပါ။ ကိုရီးယားမှာ ထေရ၀ါဒဗုဒ္ဓသာသနာက အတော်ကိုနုနယ်သေးတာမို့ ထေရ၀ါဒဗုဒ္ဓဘာသာအဖြစ် ခံယူလာကြသူအားလုံးရဲ့ စိတ်မှာ မြန်မာပြည်က တကယ့်ကို အထင်ကြီး အားကျစရာပါ။ ဆရာတော်လေးရဲ့ဘွဲ့က Dhiravamsa (ထေရ၀ံသ-လို့မြန်မာလိုအသံထွက်မလားမသိပါ) ဖြစ်ပြီး သပိတ်နဲ့ဆွမ်းဘုန်းပေးပါတယ် တစ်နေ့ကို နေ့လည် ၁၁နာရီမှာ ဆွမ်းတစ်ထပ်သာ ဘုန်းပေးပါ တယ်။ ဘုန်းပေးတဲ့အခါမှာလည်း ဆွမ်း၊ ဆွမ်းဟင်း၊ အချိုပွဲ၊ သစ်သီး စတာတွေကို သင့်ရုံ အလှူခံပြီး သပိတ်ထဲမှာ တစ်ခါတည်းထည့်ပြီး လက်နဲ့ဘုန်းပေးပါတယ်။ ပတ္ထပိုဏ်ဓုတင် ဆောင်တယ်လို့ ခေါ်ရမယ်နဲ့တူပါတယ်။ ဆရာတော်ကြီးလည်း တစ်ထပ်ဆွမ်းပဲ ဘုန်းပေးပါတယ်။ ဒါပေမယ့် ဆရာတော်ကြီးကိုတော့ ဆွမ်း၊ ဆွမ်းဟင်းတွေကို ပန်းကန်လေးတွေနဲ့ ဖွယ်ဖွယ်ရာရာကပ်ရပါတယ်။ ဆရာတော်နှစ်ပါးလုံး စကားပြောတဲ့အခါမှာလည်း သာသာတိုးတိုးပဲ ပြောလေ့ရှိပါတယ်။ ယောဂီတွေလည်း စကားမများကြရပါဘူး စကားနဲစေ တရားမြဲစေဆိုသလိုပဲ အမြဲကြည့်ကြပ်သတိပေးနေတာမို့ ဘုရားရှိခိုးချိန် တရားနာချိန်ကလွဲရင် မြန်မာပြည်ခနပြန်ရောက်သွားသလိုခံစားခဲ့ရပါတယ်။ မနက်စောစာစားပြီး ရင် သန့်ရှင်းရေးလုပ်ရတာကအစ ရန်ကုန်မဟာစည်ရိပ်သာကြီးတွေက စည်းကမ်းအတိုင်းပါပဲ။ အပေါ်မှာပြောခဲ့သလို လာရောက်တရားအားထုတ်ကြတဲ့သူတွေကလည်း အနုအရင့်အစုံမို့ ဆရာတော်တွေခမျာ တကယ့်ကို စိတ်ရှည်လက်ရှည် မမောနိုင် မပမ်းနိုင်ဟောပြောသင်ပြ သာသနာပြုနေကြတာပါ။ တစ်ချို့ကိုဆို ဘုရားကို ဘယ်လိုရှိခိုးရတယ်ကစပြီး ဘုရားစင်ဘက်ကို ခြေဆင်းမထိုင်ရဘူးဆိုတဲ့ အခြေခံကအစသင်ပြရပါတယ်။ တချို့ကလည်း ၀ိပသနာတရားကို လာပြီး စမ်းကြည့်ကြတဲ့ ခရစ်ယန်တွေလည်းပါပါတယ်။ ဆွမ်းစားတုန်း သတိပဌာန်ကိန်းပြီး အစအဆုံးမှတ်ပြီးစားဖို့ သင်ထားတဲ့အတိုင်းလည်း လိုက်လုပ်ကြပါတယ် ဆွမ်းမစားခင်လည်း ခရစ်ဘာသာထုံးစံအတိုင်း နဖူးနဲ့ရင်ဘတ်ကို လက်နဲ့တို့ထိပြီးမှ ထမင်းစစားတဲ့ယောဂီတွေလည်းပါပါတယ်။ စာရေးသူကတော့ နှစ်ပတ်နေခဲ့တာဆိုတော့ ခနတဖြုတ်လာအားထုတ်သူ အတော်များများကို တွေ့ခဲ့ရတာပေါ့။ သောကြာအလုပ်အပြီးကို လာပြီး တနင်္ဂနွေမှာပြန်တဲ့ အဖွဲ့ ၆ယောက်ကတော့ အများဆုံးပါ။ ကျန်တာကတော့ တစ်ဦးစ နှစ်ဦးစလေးတွေပါပဲ။ စကားမပြောရတဲ့ကြားကပဲ စာရေးသူကို မြန်မာပြည်ကမှန်းလဲသိ ငယ်စဉ်ကတည်းက စပြီးတရားထိုင်ဖူးခဲ့တာဆိုတာလည်းသိတော့ အခြင်းခြင်းသိလိုရာလေးတွေ စပ်စုကြပါတယ် ယောဂီအများစုက ကိုရီးယားလိုပဲရတာမို့ စာရေးသူရဲ့ limited Korean လေးနဲ့ သူတို့မေးတာကို ကိုယ်တတ်တဲ့ ဘောင်အတွင်းက မရရအောင်ကြိုးစားဖြေပေးခဲ့ပါတယ်။ ဂန်ဝန်းဒို ပြည်နယ်ကလာတဲ့ယောဂီတစ်ယောက်က ၀ိပသနာအားထုတ်ပါများရင် ဘာဖြစ်လာ သလဲတဲ့။ အတော်ကောင်းတဲ့မေးခွန်းမို့ စာရေးသူက စကားကိုအပြောင်အပျက်နောက်တတ်တဲ့ စိတ်ကလေးကအခံရှိတော့ ၀ိပသနာအားထုတ်ပါများရင် ငုတ်တုတ်အိပ်တာ ကျွမ်းကျင်လာတယ် လို့ စိတ်ထဲမှာ ဟာသနဲ့အရင်ပြောမိပါတယ်။ အပြင်မှာတော့ထုတ်မပြောပါဘူး ကိုယ်နောက်လို့ နောက်မှန်းမသိမှဟုတ်ပေ့ဖြစ်နေမယ်။ ကိုယ့်အတွေးကို ကိုယ်ပြုံးမိတာကို ထိန်းချုပ်ပြီး မြတ်စွာဘုရားကဟောခဲ့တဲ့ နိဗ္ဗာန်ဆိုတာရှိတယ် သိတယ်မို့လားဆိုတော့ သိတယ် Nibbana တဲ့။ ဟုတ်တယ် အဲဒီ Nibbana ကိုရောက်ဖို့ ၀ိပသနာကလွဲရင် တခြားနည်းလမ်း မရှိဘူးလို့ အားထုတ်ပါများရင် ကိုယ်ကမသိပဲနဲ့ သူ့အလိုလို နိဗ္ဗာန်နဲ့ တဖြည်းဖြည်းနီးလာတယ် လို့ အဆင့်တစ်ခုရောက်ရင် ၇ဘ၀ပဲကျန်တယ်လို့ အဲဒီအဆင့် ၄ဆင့်ကို သောတာပန်၊ သကဒါဂမ်၊ အနာဂမ်၊ ရဟန္တာလို့ခေါ်တယ်လို့ပြောပြပြီး မင်းအခု အရက်သောက်လားလို့မေးတော့ နဲနဲသောက်တယ်တဲ့။ အေး-တကယ်လို့ ၀ိပသနာအားထုတ်ပါများလို့ သောတာပန်ဖြစ်သွားရင် ငါးပါးသီလအလိုလိုလုံသွားပြီး အရက်လည်းအလိုလိုမသောက်ချင်ပဲဖြစ်သွားလိမ့်မယ်လို့။ ကျန်တဲ့ နှစ်ဆင့်ကိုတော့ ဘယ်လိုခွဲလည်း ငါလည်းမသိလို့ ရှင်းမပြတတ် ပေမယ့် နောက်ဆုံးဘ၀ ဖြစ်တဲ့ ရဟန္တာဖြစ်သွားရင် သာမန်လူတွေ သေလို့မီးရှို့ရင်ပြာဖြစ်သွားပေမယ့် ရဟန္တာသေလို့ (ခန္ဓာဝန်ချလို့) မီးရှို့ရင်ပြာ မဖြစ်တော့ဘူး ဓါတ်တော်တွေကျလာတယ်လို့ပြောပြခဲ့တာ အကုန်မဟုတ်တောင် နဲနဲတော့ နားလည်သွားပုံရပါတယ်။ (ရဟန္တာတိုင်း ဓါတ်တော်မကျပဲ အဓိဌာန်ပြုခဲ့တဲ့ ရဟန္တာမှသာ ဓါတ်တော် ကျတာ ကြားဖူးပေမယ့်လည်း တကယ့်ကို ဗုဒ္ဓဘာသာအခြေခံ လုံးဝမရှိသလောက် နီးပါး လူတစ် ယောက်ကို အသေးစိတ်တွေပြောပြနေရင် စိတ်ရှုပ်သွားမှာစိုးလို့ အလွယ်ပဲပြောခဲ့လိုက်တာပါ။) သူက စာရေးသူထက်အရင်ရောက်နေတာဖြစ်လို့ ၃ရက်လောက်နေ တော့ပြန်သွားပါတယ် သူ့ဇာတိက အဝေးပြေးဘတ်စကားစီးရင် ၃နာရီခွဲလောက် ကြာတာမို့မနီးလှပါဘူး။ နောက်တော့ ၀မ်းသာစရာကောင်းတာက စာရေးသူ မပြန်ခင် ၃ရက်လောက် အလိုမှာ နောက်တစ်ပတ်ထပ်အားထုတ်မယ်ဆို ပြန်ရောက်လာခဲ့ပါတယ်။
ကိုယ်ပြောပြ ရှင်းပြခဲ့တာ သဘောပေါက်သွားလို့ပြန်လာခဲ့တာဖြစ်ဖြစ် ဘာကြောင့်ပြန်လာခဲ့တာ ဖြစ်ဖြစ် ထေရ၀ါဒဗုဒ္ဓသာသနာဝင်တစ်ဦးတိုးလာတော့မှာမို့ ကြည်နူး ၀မ်းသာခဲ့ရပါတယ်။ သူတို့မှာ အဓိကပြသနာက စာဖတ်ပြီးလေ့လာချင်ပေမယ့် သူတို့ကို ဘ၀င် ကျအောင် ရှင်းပြနိုင်တဲ့ သူတို့ဘာသာစကားနဲ့ရေးသားထုတ်ဝေထားတဲ့ စာကောင်းပေမွန်တွေ နည်းနေသေးတာပါပဲ။ အခုလည်းဗောဓိစုမှာ မဟာစည်ဆရာတော်တွေရဲ့ စာအုပ်တွေကို ကိုရီးယားလိုဘာသာပြန်ထားတဲ့ စာအုပ်တွေ ရောင်းချပေးနေပေမယ့် လူအများဆီပြန့်နှံ့ဖို့ကတော့ တော်တော်မလွယ်သေးတာပါ။ စာရေးသူကို ဗုဒ္ဓဘာသာ ယဉ်ကျေးမှုတွေ ကျောင်းမှာသင်ခဲ့ရတာလားမေးတော့မှ ကိုယ့်ပညာရေးစနစ်နဲ့ လိုအပ်ချက်လေး ကိုပါမြင်လာခဲ့ရပါတယ်။ စာရေးသူတို့ကတော့ ကံကောင်းထောက်မစွာ ဗုဒ္ဓသာသနာထွန်းကားတဲ့ မြန်မာပြည်မှာ ဘာသာရေးကိုင်းရှိုင်းတဲ့မိဘတွေဆီမှာ လူဖြစ်ခွင့်ရခဲ့ပြီး လက်တစ်ကမ်းမှာလည်း ငယ်ငယ်ကစပြီး ဖတ်ခဲ့ရတဲ့ ရွှေသွေးတို့ တေဇတို့ စတဲ့ ကာတွန်းစာစောင်လေးတွေမှာပါတဲ့ တေ၊ ဇ၊ သု၊ နေ၊ မ၊ ဘူ၊ စံ၊ နာ၊ ၀ိ၊ ဝေ ဆိုတဲ့ ဇာတ်တော်ကြီး ဆယ်ဘွဲ့ကို ကာတွန်းလေးတွေနဲ့ ကလေးတွေနားလည်အောင် ပြောပြပေးတဲ့စာပေလေးတွေက စပြီး ဗုဒ္ဓစာပေနဲ့ ယဉ်ကျေးမှုတွေကို ကိုယ့်နီးစပ်ရာ စာပေလေးတွေကနေလိုက်စားခွင့်ရခဲ့တာပါ။ အခုမြန်မာပြည်မှာလည်း တိုးတက်ခေတ်မှီလာသော ဆရာတော်ကြီးတွေကျေးဇူးကြောင့် သာသနာ့ဝန်ထမ်း ရဟန်းတော်တွေအတွက် ကမ္ဘာ့အပြည်ပြည်ဆိုင်ရာ ဗုဒ္ဓတက္ကသိုလ်တွေပေါ်ပေါက်ခဲ့ပြီဖြစ်ပေမယ့် အများစု သာမန်လူတန်းစားတွေ လိမ္မာယဉ်ကျေးလာဖို့ ဗြဟ္မစိုရ်တရားတွေ ပြန်လည်ထွန်းကားလာဖို့ကတော့ ကျောင်းသင်ရိုးမှာ ထည့်သွင်းရေးဆွဲကြဖို့နဲ့ ကမ္ဘာ့တက္ကသိုလ်အတော်များများမှာ Theology ဘာသာရပ်ကို ကျား၊မ မရွေး တက္ကသိုလ်မှာ Ph.D အဆင့်အထိသင်ကြားနိုင်ကြသလို ဗုဒ္ဓယဉ်ကျေးမှု အတွေးအခေါ် စာပေတွေကိုလည်း တက္ကသိုလ်အဆင့်အထူးပြုဘာသာရပ်တွေမှာကို B.A, M.A, Ph.D ဘွဲ့အထိ အဆင့်ဆင့်သင်ကြားနိုင်ဖို့ အထူးအလေးထားစဉ်စားဖို့ အချိန်ကျရောက်နေပြီဆိုတာ သတိထားမိရင်းနဲ့ပဲ ဒီဆောင်းပါးလေးကို အဆုံးသတ်လိုက်ပါတယ်။
ကိုယ်စိတ်နှစ်ဖြာ ကျန်းမာရွှင်လန်းကြပါစေ။
ရွှေမာသန်း
၁၉-၀၁-၂၀၁၁။
အီဟွာအမျိုးသမီးတက္ကသိုလ်
ဆိုးလ်၊ ကိုရီးယား။

Thursday, September 16, 2010

East Sea Tour (Day Two) Visiting Ullungdo (1)

အရှေ့ပင်လယ်ခရီးစဉ် (ဒုတိယနေ့) မုဂ်ဟိုမှ အူလွန်းဒိုသို့

ဒီခရီးစဉ်ကို မစခင်ကတည်းက အရင်က ပင်လယ်ထဲ နေလုံးကြီးဝင်သွားတဲ့ Sunset in the Sea ကိုပဲမြင်ဘူးခဲ့တာ ကိုရီးယားမှာတော့ ပင်လယ်က အရှေ့မှာလည်းရှိတာမို့ Sunrise from the Sea ရှုခင်းကိုကြည့်ချင်နေခဲ့တာကို ကြည့်ရတော့မှာရယ် ပင်လယ်မှာ သင်္ဘောစီးပြီး ခရီးသွားချင်နေတာရယ် ဆန္ဒနှစ်ခုပြည့်တော့မှာမို့ ပျော်ရွှင်တက်ကြွနေခဲ့တာပါ။ အဲဒီနေ့က ၂၀၁၀ ဇူလိုင်လ ၂၈ ရက်နေ့ (ဗုဒ္ဓဟူးနေ့)ပါ။ မနက်မိုးမလင်းခင်ထပြီး အရှေ့ပင်လယ်ကနေပြီး နေထွက်တာသွားကြည့်ဖို့ ညကတည်းက တက်ကြွစွာနဲ့ reception မှာ အချိန်တွေ နေရာတွေသွားမေးထား သူငယ်ချင်းတွေနဲ့ နိုးတဲ့သူနှိုးကြေးညှိထားပြီး လက်ကိုင်ဖုန်းမှာ နှိုးစက်လည်းပေးပြီး အိပ်ခဲ့တာ နှိုးစက်ကလည်း 5 am လို့ပေးရမှာကို 5 pm လို့မှားပေးထားတာမို့ နိုးလာတော့ ဟာနှိုးစက်လည်းမမြည်ဘူး မိုးတောင်လင်းသွားပြီ နေတောင် အတော်လေးအပေါ်ရောက်နေတော့ စီစဉ်ထားတဲ့အတိုင်း Sunrise မကြည့်လိုက်ရတော့ စိတ်အတော်စိတ်ပျက်အားလျော့သွားပြီး နှိုးပါဆိုပြောထားတဲ့သူငယ်ချင်းကို စိတ်ဆိုးပြီးရစ်မလို့ ဖုန်းဆက်မယ်ဆိုမှ သူက ရွှေ - နိုးပြီလားဆို message လေးပို့ပြီးနှိုးထားတာကိုး။ ဒီ message ရောက်တဲ့အသံ လောက်နဲ့တော့ ဒီကဘယ်နိုးလိမ့်မလဲ။ ကဲသူ့ကိုလည်းစိတ်ဆိုး လို့မရတော့ဘူးဆိုပြီး ရေမိုးချိုး ပစ္စည်းတွေသိမ်း မနက်စာစားပြီး ဟိုတယ်ကနေထွက်ဖို့ ချိန်းထားတဲ့အချိန်ထက်စောပြီး ပြီးနေခဲ့ပါတယ်။ တစ်ညတာ တည်းခိုခဲ့ရာTourist Hotel ဟိုတယ်ကနေ မနက် ၉း၁၅ မှာထွက်ခဲ့ကြပါတယ်။ သင်္ဘောဆိပ် ကို ကားနဲ့ဆိုတော့ ၁၀ မိနစ်လောက်ပဲ လာခဲ့ရပါတယ်။ 묵호(မုဂ်ဟို) ဆိပ် ကမ်းကနေ အူလွန်းဒိုကျွန်းဆီကို အမြန် သင်္ဘောစီးလာခဲ့ကြပါတယ်။ သင်္ဘောကို ရုပ်ရှင်ထဲမှာလို အပြင်မှာ ၀ရံတာ ပတ်လည်နဲ့လို့စိတ်ကူးယဉ်ထားတာ အခုစီး ရတဲ့ နှုန်းမြန်သင်္ဘော ရှပ်ပြေးယဉ်ခေါ်မလားမသိပါဘူး အတော်ကိုမြန်ပါတယ် အထဲမှာလည်း လေယဉ်လိုပဲ လူတွေ အများကြီးဆန့်ပါတယ်။ ထိုင်ခုံနေရာက အလယ်မှာမို့ အစကတော့ ပြတင်းပေါက်လေးနားမှာ မြင်ရသလောက်လေး အပြင်ကိုချောင်းကြည့်ရင်း သူငယ်ချင်း ၂ယောက် သုံးယောက်နဲ့ စကားပြောရင်းစီးလာခဲ့ပေမယ့် သုံးနာရီလောက်စီးရ မှာဆိုတော့ ကြာလာတော့ မတ်တပ်မရပ်နိုင်တော့တာနဲ့ နေရာမှာပြန်သွားထိုင်ပြီး လူကအိပ်လဲမအိပ်ချင်တာနဲ့ ယူလာတဲ့စာလေး ဖတ်ရင်း လိုက်လာခဲ့ပါတယ်။ သုံးနာရီလောက်ကြာမယ်ဆိုပေမယ့် လှိုင်းလေအဆင်ပြေတော့ မနက် ၁၀နာရီကထွက်ခဲ့ ကြတာ အူလွန်းဒိုရောက်တော့ နေ့လည် ၁၂နာရီခွဲပဲရှိပါသေးတယ်။ အားလုံးကို မောလ်မီယာ့ဂ်လို့ခေါ်တဲ့ travel sickness ပျောက်တဲ့ဆေးတွေကြိုသောက်ခိုင်းထားလို့လားမသိပါဘူး အားလုံးနီးပါး လှိုင်းမမူးပဲ ချောမောစွာ ရောက်ရှိ လာခဲ့ကြပါတယ်။







အူလွန်းဒိုရောက်တော့ သင်္ဘောပေါ်ကဆင်းလိုက်တာနဲ့ တိုက်လိုက်တဲ့လေဆိုတာ မပြောပါနဲ့။ မနည်းကို မတ်တပ် ရပ်ယူရပါ တယ်။ ရာသီဥတုဆိုတာ ပြောမရဘူးဆိုဘူး မလိုလဲလိုလဲထည့်လာတဲ့အနွေးထည် အပါးလေးကို ထုတ်ဝတ်ရပါတယ်။ ဒီသင်္ဘောပဲပြန်ထွက်မှာမို့ သင်္ဘောပေါ်တက်ဖို့စောင့်နေတဲ့ခရီးသည်တွေကော ဆင်းလာတဲ့ ခရီးသည်တွေကော ကြိုဆို သူတွေကောဆိုတော့ သင်္ဘောဆိပ်ကလေးက အတော်ကို ရှုပ်ယှက်ခတ် သွားခဲ့ပါတယ်။ လူလည်းစုပြီးတာနဲ့ ကြိုတဲ့သူနဲ့ လည်းဆုံပြီးတော့ နေ့လည်စာစားချိန်ကလည်း ရောက်နေပြီဆိုတော့ သင်္ဘောဆိပ်က ဆိုင်လေးတစ်ဆိုင်မှာပဲ နေ့လည် စာစားခဲ့ကြပါတယ်။ Sea food ကို ထမင်းနဲ့ရောကြော်ထားတာပါ။ ကိုရီးယားဆန် စေးစေးကို ထမင်းကြော်ဆိုတော့ အစကတည်းက ထမင်းကြော်ဆို ဘယ်လိုကြော်ကြော် လာထား ဆိုတဲ့သူဆိုတော့ တော်တော်လေးစားကောင်းခဲ့ပါတယ်။








ထမင်းစားပြီးတာနဲ့ ဟိုတယ်ကိုတန်းမသွားသေးပဲ 봉래폭포 ဆိုတဲ့ ဘုံလယ်ရေတံခွန်ဆီသို့ ချီတက်ခဲ့ကြပါတယ်။ ရေတံခွန်ရောက်ဖို့ တောင်ကုန်းပြေပြေလေးကို မိနစ် ၂၅လောက်တက်ခဲ့ရပါတယ်။ အူလွန်းဒိုကျွန်းမှာ တက်ခဲ့ရတဲ့ ပထမဆုံးတောင်ပေါ့။ အားလုံးသိကြတဲ့အတိုင်း ကျွန်းတစ်ကျွန်းက ရေပတ်လည်ဝိုင်းနေတယ်ဆိုပေမယ့် လူနေလို့ရတဲ့ ကျွန်းဖြစ်လာဖို့ အဓိကလိုအပ်ချက်က ရေချိုရရှိနိုင်မှုပါ။ အခုသွားခဲ့တဲ့ ဘုံလည်ရေတံခွန်ကလေးကတော့ အူလွန်းဒိုကျွန်း သားတွေ အသက်ရှင်နေထိုင်ကြဖို့ တစ်ခုတည်းသော Water resource ဖြစ်ပါတယ်တဲ့။ ရေတံခွန်ကရေကို ရေစစ်ကန် အဆင့်ဆင့်နဲ့ စစ်ပြီး ကျွန်းကိုရေပေးဝေတယ်လို့ဆိုပါတယ်။ ရာသီဥတုကလည်း ရေတံခွန်ဆီရောက်စက ကြည်လင် နေတာကို ဓါတ်ပုံတွေရိုက်ရင်းနဲ့ကို တိမ်မြူခိုးတွေဆင်းလာပြီး ချက်ခြင်းမှောင်သွားခဲ့ပါတယ်။









အပြန်မှာမှ မြန်မာပြည်စတိုင် သစ်သားကွပ်ပစ်လေးမှာလည်း ခနနားခဲ့ပါသေးတယ်။

ဒီအောက်ကဓါတ်ပုံလေးကတော့ သဘာဝလေအေးပေးစက်လို့ ကိုရီးယားလိုရေးထားတဲ့ Natural Air-conditioner ပါ။ အတက်တုန်းကတည်းက အတူပါလာတဲ့ Korean Tourism က၀န်ထမ်းကပြောပြထားလို့ ပြန်အဆင်းမှာမှ မောမောနဲ့ အထဲကို ခန၀င်နားခဲ့ပါသေးတယ်။ အထဲကိုဝင်ကြည့်လိုက်မှ တောင်ရဲ့သဘာဝ အအေးဓါတ်ကို လှိုဏ်ဂူထဲမှာစုထားသလိုဖြစ်နေတာ ကိုးလို့ သဘောပေါက်ခဲ့ရပါတယ်။

ဒါလေးကတော့ ရေတံခွန်အသွားလမ်းပေါ်မှာရှိတဲ့ တည်းခိုအိမ်လေးပါ။
ရေတံခွန်ကပြန်လာတော့ တည်းခိုမည့် Dae-A Resort Hotel ကိုရောက်ရှိခဲ့ကြပါတယ်။ ဟိုတယ်က ပင်လယ်ဖက်ကို မျက်နှာမူပြီး တောင်စောင်းလေးတွေပေါ်မှာ ဘန်ဂလိုလေးတွေကိုဆောက်ထားတာမို့ သဘာဝကျကျနဲ့ တော်တော် သာယာပါတယ်။ သဘာဝကို ခေတ်မှီ Facilities တွေနဲ့ပေါင်းထားတော့ ဘန်ဂလိုအသွားမှာ တောင်တက်ရတာ မတ်တဲ့ နေရာမှာဆို စက်လှေကား Escalator ထားပေးထားပါတယ်။ နဲနဲပြေရင်တော့ ဒီတိုင်းလမ်းလျှောက်ရင်းနဲ့သွားပေါ့။ အညွှန်းတွေအတိုင်းသွားလိုက်တာ ကိုယ့်ဘန်ဂလိုရောက်ဖို့အတော်ကိုသွားယူရပါတယ်။ ပစ္စည်းများများသယ်လာတဲ့ သူဆိုရင်မစားသာပါဘူး။ ကိုယ်ပိုင်ကားနဲ့လာရင်တော့ ကားနဲ့မောင်းတက်လို့ရပါတယ်။ အခန်းရောက်တော့ ပစ္စည်းတွေ ချထားခဲ့ လိုတာလေးပဲပြန်ယူလာပြီး တနေ့တာအတွက် ကျန်သေးတဲ့ခရီးကိုဆက်ဖို့ ပင်မအဆောင်ကို ပြန်ဆင်းလာခဲ့ကြပါတယ်။







ညနေပိုင်းရောက်လို့ နေအတော်စောင်းနေပြီဆိုတော့ Observatory လို့ခေါ်တဲ့ View Point တစ်ခုကိုသွားဖို့ အဖွဲ့သားအားလုံး တောင်ကို ခပ်သုတ်သုတ်တက်ခဲ့ကြပါတယ်။ တောင်တက်လမ်းလေးတောင် အတော်တော့မှောင် နေပါပြီ။ view point လည်းရောက်တော့ ထင်တဲ့အတိုင်းပဲ ဘာ view မှကြည့်လို့မရတော့အောင် မြူတွေပိန်းပိတ် နေပါတယ်။ တောင်ကမြင့်တော့ တိုက်လိုက်တဲ့လေဆိုတာလည်းမပြောပါနဲ့။ ကိုရီးယားလူမျိုးတွေနဲ့ ခရီးသွားရင်းနဲ့ သင်ခန်းစာယူစရာတစ်ခုတွေ့တာက စီစဉ်ထားတာတွေကို မဖြစ်ဖြစ်အောင်လုပ်ကြတာပါ။ ရာသီဥတုကို ဘယ်တော့မှ အရှုံးပေးတာမတွေ့ရပါဘူး။ လုံဝလည်း အပြစ်တင် ညဉ်းညူ စိတ်ပျက်တဲ့အမူအယာတွေ ဘယ်သူ့မှာမှ တွေ့ရလေ့မရှိပါဘူး။ မိုးရွာနေလည်း တစ်မျိုးစီစဉ်လိုက်တာပဲ။ နှင်းကျနေလည်း အပြင်မှာလူတွေချည်းပါပဲ။ ဒီလို ဇွဲတွေကြောင့်လည်း ကမ္ဘာ့အောက်ဆုံးနိုင်ငံတစ်နိုင်ငံက ကမ္ဘာ့ထိပ်ဆုံးနိုင်ငံစာရင်းထဲပါလာနိုင်တာဖြစ်ပါတယ်။ ဘာပဲ ဖြစ်ဖြစ် အူလွန်းဒိုကျွန်းမှာ တစ်ရက်အတွင်း ဒုတိယတောင်တစ်လုံးကိုအောင်မြင်စွာတက်ခဲ့နိုင်လို့ ကိုယ့်ကိုကိုယ်ပဲ Congratulation လုပ်ရင်းပြုံးပြုံးကြီး တောင်ပေါ်ကဆင်းလာခဲ့ပါတယ်။












အဲဒီနောက်တော့ ဒီနေ့အတွက် တတိယအစီအစဉ်ဖြစ်တဲ့ ပင်လယ်ကမ်းခြေမှာ ငါးဖမ်းတဲ့အတွေ့အကြုံယူကြမယ့် အစီအစဉ်ပါ။ နဂိုကတည်းက ငါးဖမ်းတာနဲ့ cleaning ကိုတော့မလုပ်ဘူးလို့ဆုံးဖြတ်ထားတာအတော်ပါပဲ။ ကမ်းစပ်ရောက်တော့ လေတွေကလည်းအရမ်းတိုက်နေတာရယ် နဲနဲလည်းမှောင်နေတာမို့ ငါးစာဘယ်လိုတပ်ပြီး ဘယ်လိုဖမ်းတယ်ဆိုတာ သရုပ်ပြတာပဲကြည့်ပြီး ကြည့်လိုက်တိုင်း နေရာတိုင်းမှာလှနေတဲ့ ကျောက်တုံး ကျောက်ဆောင် တွေ ဇင်ယော်လေးတွေနဲ့ပဲ စိတ်တိုင်းကျ ဓါတ်ပုံတွေရိုက်ပြီး ပြန်တက်လာခဲ့ကြပါတယ်။












အဲဒီနောက်တော့ ကင်းမွန်ခေါ် ပြည်ကြီးငါးတွေကို Cleaning လုပ်တဲ့အတွေ့အကြုံယူတဲ့အစီအစဉ်ပါ။ ငါးကိုင်တယ်လို့ ခေါ်ရမှာပေါ့။ သူတို့ငါးကိုင်တာက တကယ့်အရှင်လတ်လတ်တွေကိုလုပ်တာပါ။ အခုလည်း ရေထဲမှာပြေးနေတဲ့ ကင်းမွန် တစ်ကောင်ကိုဖမ်း လှုပ်နေတဲ့ နှာမောင်းအဖျားတွေကိုဖြတ် လည်ပင်းနားကို အရင် ကန့်လန့်လှီးပြီး အောက်ကိုအတည့် ဓါးနဲ့ခွဲချပြီး ဗိုက်ထဲက ကလီစာတွေကိုဓါးနဲ့ခြစ်ထုတ်လိုက်ပါတယ်။ နောက်တော့ မျက်လုံးနှစ်လုံးကိုဖယ်လိုက်ပြီး ၀ါးတံစို့မှာသီပြီးထိုးလိုက်ပါတယ်။ ကိုရီးယားတွေက ပြည်ကြီးငါးအခြောက်တွေကို ဒီတိုင်းအစိမ်းလိုက်ကော ကင်ပြီးတော့ကော နှစ်သက်စွာစားသုံးကြပါတယ်။ ဗမာငပိဖုတ်ကို မြန်မာလူမျိုးတွေအတွက်မွှေးပေမယ့် ကျန်တဲ့သူတွေ အနံ့မခံနိုင်သလိုမျိုးပဲ သူတို့ပြည်ကြီးငါးခြောက် ကင်တာကို ဘယ်လိုမှအနံ့ခံလို့မရပါဘူး။ နယ်အတော်မျာများက ပြည်ကြီးငါး ငါးခြောက်တွေလုပ်ရောင်းကြပေမယ့် တံစို့ပေါက်ရာ အ၀ိုင်းလေးပါတဲ့ငါးခြောက်ဆိုရင် အူလွန်းဒိုကလာတာ ပဲလို့ လူတိုင်းသိပါတယ်တဲ့။ အဲဒါက ကင်းမွန်ငါးခြောက်။ အခုကတော့ စောစောကစက္ကန့်ပိုင်းလေးအတွင်းကသေသွား တဲ့ ကင်းမွန်ကို ပါးပါးလှီးပြီး Sauce နဲ့တို့ပြီးခုချက်ခြင်းစားကြတာပါ။ စားနိုင်တဲ့သူတွေကိုကြည့်ပြီး ဘယ်လိုများစားနိုင် ကြတာလဲဆိုတာကိုစဉ်းစားလို့ကိုမရပါဘူး။ ထုတ်ထုတ် ထုတ်ထုတ်နဲ့ကောင်းတယ်လို့တော့ပြောတာပါပဲ။ ဒါပေမယ့်တော့ . . ဒါပေမယ့် . . . ပါပဲ။ အဒေါ်ကြီးက နှစ်ကောင်သုံးကောင်လောက်လက်တွေ့လုပ်ပြပြီး ကျောင်းသားထဲက လုပ်ကြည့် ချင်တဲ့သူ ၃ယောက် ၄ယောက်လောက် လက်တွေ့လုပ်ကြည့်ကြပါတယ်။ ပြီးတော့ အနီးက ငါးဈေးလေးကိုလျှောက် ကြည့်ဖြစ်ခဲ့ပါတယ်။











ကဲ-တစ်နေ့တာအတွက်အစီအစဉ်တွေလည်း ပြီးပြီမို့ စောစောကပဲလုပ်ထားတဲ့ငါးစိမ်းလွှာတွေကို ၀ယ်လာပြီး သင်္ဘောဆိပ် နားက စားသောက်ဆိုင်လေးတစ်ဆိုင်ကိုချီတက်ခဲ့ကြပါတယ်။ အဲဒီဆိုင်းမှာ ခုနက ဟွယ်လို့ခေါ်တဲ့ငါးစိမ်း လွှာတွေရယ် အူလွန်းဒိုရဲ့ နံမည်ကြီး Blow fish လို့ခေါ်တဲ့ မျက်လုံးပြူးပြူး ခန္ဓာကိုယ်အပေါ်ပိုင်း၀၀ ရွှေရောင်ငါးတစ်မျိုး ကို အသီးအရွက်တွေနဲ့ပြုတ်ရောင်းတဲ့အစားအစာကို ညစာအဖြစ်စားခဲ့ကြပါတယ်။ တနေ့တာအစီအစဉ်တွေပြီးလို့ ဟိုတယ်ကိုရောက်တော့ ည ၈နာရီခွဲနေပါပြီ။ ရေမိုးချိုး အိမ်ကိုဖုန်းဆက်ပြီး ပင်လယ်ခရီးအကြောင်း အတိုချုံးကြွား (အဲ-အတိုချုံးပြော) ပြီး ဘုရားရှိခိုးပြီးအိပ်ယာဝင်ခဲ့ပါတယ်။ ပင်လယ်ဘက်ကိုမျက်နှာမူထားတဲ့ ၀ရံတာလေးကနေ မနက် ကျရင် ပင်လယ်ထဲက နေထွက်လာတာကို ကြည့်ဦးမှာဆိုပြီး ကျုံးဝါးရင်း နှိုးစက်ကို ဒီတစ်ခါတော့ မနက်/ညမမှားအောင် 5:00 a.m လို့ မှန်အောင်ပေးရင်း အရှေ့ပင်လယ်ခရီးစဉ် ဒုတိယနေ့ကို အဆုံးသတ်ခဲ့ပါတယ်။