"မိတ်ဆွေ သူငယ်ချင်းများအားလုံးကို မင်္ဂလာပါလို့ နှုတ်ခွန်းဆက်သရင်း ဒီစာမျက်နှာလေးမှ နွေးထွေးစွာကြိုဆိုလိုက်ပါတယ်"

Wednesday, August 3, 2011

နေမျိုးရဲ့ ကဗျားများ စုစည်းမှု

နွားပြာကြီးအကြောင်းဖွဲ့ ခေတ်ပေါ်ကဗျာ

နွားပြာကြီးအကြောင်း
ကဗျာကောင်းကောင်းတစ်ပုဒ်လောက်
ငါရေးချင်တယ်
ရှေးအခါက ရှေးဆရာတွေ ရှေးကဗျာနဲ့ဖွဲ့သလို
ခေတ်ပေါ်အခါမှာ ခေတ်ပေါ်ကဗျာနဲ့
နွားပြာကြီးကိုဖွဲ့ဆိုမယ်။
နွားပြာကြီးကိုဖွဲ့ဆိုဖို့
နွားပြာကြီးဆီ ငါသွား
နွားပြာကြီးနားမှာ ငါနေခဲ့
နွားပြာကြီးကဲ့သို့ လမ်းလျှောက်
ရေသောက်ရင်လည်း နွားပြာကြီးလို
သြော် . . .အဲဒီလိုအကြည့်နဲ့ ကမ္ဘာကြီးကို ကြည့်မိလေတော့မှ
ငါဟာ နွားပြာကြီးကိုကောင်းစွာနားလည်ခဲ့ရရဲ့
နွားပြာကြီးမှာ အောက်သွားတွေမရှိတော့ပါဘူးကွယ်
ငါဟာ နွားပြာကြီးရှေ့မှာရပ် ငါမင်းကိုကဗျာစပ်မလို့ကွဲ့လို့
ပြောမိတယ်။
နွားပြာကြီးဟာ စာရွက်ထဲကိုလမ်းလျှောက်
စာရွက်ကိုထွန်ယက်ဖို့ ၀င်ရောက်လာတယ်
ကြမ်းထော်အဖေးတက်နေတဲ့ သူပုခုံးကိုဆတ်ခနဲတွန့်လိုက်
ဆတ်ခနဲ၊ ထပ်ပြီးတော့ ဆတ်ခနဲ
ငါက အကျအန သူ့ကိုကြည့်ရှုပြီး
ဟောဒီလို ကဗျာဖွဲ့တယ်
နွားပြာကြီးရေ မင်းခြေရာခွက်ထဲမှာ
သင်္ဘောတွေ ခုတ်မောင်းနေလေရဲ့
သင်္ဘောထဲမှာ ကိုလံဘတ်အသစ်တစ်ယောက်လည်းပါသကွဲ့
နွားပြာကြီးရေ
ကောက်ရိုးထဲမှာ နှမ်းဖတ်နည်းနည်းပဲပါပေမယ့်
အရသာရှိရဲ့မဟုတ်လား
ကောက်ရိုးထဲမှာ နှမ်းဖတ်မပါတဲ့နေ့တွေ
ရောက်လာလိမ့်မယ်
မင်း မြိန်ယှက်ပါစေကွယ်
နွားပြာကြီးရဲ့ကြမ်းထော်ထော်ပုခုံးဟာ
လှည်းဘီးတွေကိုလည်စေခဲ့တယ်
လှည်နေတဲ့ဘီးတွေဟာ ကျေးလက်နဲ့မြို့ကြီးကို
ချစ်ခင်ရင်းနှီးမှုပိုစေခဲ့
နွားပြာကြီးရေ
ငါ့အဖေဟာ. . .မင်းအရေပြားကို ဗုံကျက်လို့တီးခဲ့တယ်
အဲဒီဗုံသံကြားရင် လူတွေ ကခုန်ကြတယ်
ဗုံထဲမှာ မင်းအရေပြားဟာတုန်ခါလို့
တုန်ခါမှုဟာ ဂီတဖြစ်လို့
ဂီတထဲမှာ ငါတို့မြူးတူးမိကြတယ် အခါခါ
နွားပြာကြီးရေ
မင်းဦးချိုကို လေးခွလုပ်လို့
တွေ့ကရာကို ငါတို့လက်တည့်စမ်းခဲ့ဖူးပေသပေါ့
နွားပြာကြီးရေ
မင်းဦးချိုကို တံပိုးခရာလုပ်
လေတဟူးဟူးလွင်ပြင်ပေါ်မှာရပ်ပြီး
ငါတို့မှုတ်ခဲ့ဖူးပေသပေါ့
နွားပြာကြီးရေ
မင်းနံရိုးငေါငေါတွေဟာ ငါတို့အတွက်
ခွန်အားတွေဘယ်လောက်ထုတ်လုပ်ပေးခဲ့တယ်ဆိုတာ
ထင်ရှားတဲ့အမှတ်အသားတစ်ခုပါပဲ။
နွားပြာကြီးတစ်ကောင်အဖို့
အောက်သွားမရှိတဲ့နေ့ရက်တွေဟာ ရောက်လာစမြဲပါကွာ
ဟုတ်ရဲ့လား နွားပြာကြီးရဲ့
နွားပြာကြီးရေ
မြက်ခင်းစိမ်းစိမ်းကြီးတစ်ခုကို
မင်းအိပ်မက်မက်ခဲ့ဖူးသလား
လာပါ နွားပြာကြီးရဲ့
မင်းနဲ့ငါ အစိမ်းရောင်ကမ္ဘာကြီးဆီသွားကြမကွဲ့။ ။

နေမျိုး

အကောင်းမြင်ဝါဒီတစ်ယောက်ရဲ့ မြို့

နေ့တစ်နေ့
မြို့ ကြီးသို့ သားလီးဓားအပြည့် တင်ဆောင်ထားသော
လော်ရီကားကြီးများ ၀င်ရောက်လာခဲ့သည်။

နောက်တစ်နေ့
မြို့ ကြီးသို့ ခွဲစိတ်ကုဆရာဝန်များ
ရောက်လာခဲ့သည်။

နောက်တစ်နေ့
မြို့ ကြီးသို့ မိန်းမပျက်နှင့် ကဗျာဆရာများ
ရောက်လာခဲ့သည်။

နောက်တစ်နေ့
မြို့ ကြီးသို့ စည်သွတ်ဘူးနှင့် ပူပူနွေးနွေးချက်လက်မှတ်များ
ရောက်လာခဲ့သည်။

နောက်တစ်နေ့
မြို့ ကြီးသို့ "အငမ်းမရဖြစ်ခြင်းနှင့် ကောင်းစွာသေဆုံး
ခြင်း" စာအုပ်အသစ်များ
ရောက်လာခဲ့သည်။

နောက်တစ်နေ့
မြို့ ကြီးသို့ ကောင်းကင်ဘုံက ရိုက်လိုက်တဲ့ သံကြိုးစာ
ရောက်လာခဲ့သည်။

နောက်တစ်နေ့
မြို့ ကြီးသို့ တရားဟောဆရာ(တွေးခေါ်ရှင်) နှင့်
အမဲလိုက်ခွေးများ
ရောက်လာခဲ့သည်။

နောက်တစ်နေ့
မြို့ ကြီးသို့ အိပ်ပျော်ရသော သစ်စေ့ (သူ့အိပ်မက်က
သစ်ပင်တဲ့) နှင့် ပိုးဟပ်များ
ရောက်လာခဲ့သည်။

နောက်တစ်နေ့
မြို့ ကြီးသို့ မီးသတ်သမားနှင့် နတ်ကတော်များ
ရောက်လာခဲ့သည်။

နောက်တစ်နေ့
မြို့ ကြီးသို့ နှိုးစက်နှင့် ဘူဖဲများ
ရောက်လာခဲ့သည်။

နောက်တစ်နေ့
မြို့ ကြီးသို့ နေရောင်ခြည်နှင့် လတ်လတ်ဆတ်ဆတ်
ဆီးနှင်းများ ရောက်လာခဲ့သည်။

နောက်တစ်နေ့
"ကောင်းသောနံနက်ခင်းပါ"
မြို့ ကြီးရဲ့ နှုတ်ခွန်းဆက် သ၀ဏ်လွှာကို
ကျွန်တော်က လူကြီးမင်းထံ ရေးသားပေးပို့လိုက်ပါသည်။

နေမျိုး

ကျွန်တော်နဲ့ မ၀င်းမေ

သူသိတာတစ်ခု ကျွန်တော်သိတာတစ်ခု
ပေါင်းလိုက်တော့ မသိခြင်းတစ်ခု ဖြစ်သွားတယ်
သူ့ငိုသံတစ်ဝက် ကျွန်တော်ငိုသံတစ်ဝက်
ပေါင်းလိုက်တော့ ရယ်သံအသစ်စက်စက် ဖြစ်သွားတယ်
သူ့ပိုက်ဆံတချို့ ကျွန်တော့်ပိုက်ဆံတချို့
ပေါင်းလိုက်တော့ အဝေးက မြို့လေးတစ်မြို့
သူ့အိပ်ခန်းတစ်ခန်း ကျွန်တော့်အိပ်ခန်းတစ်ခန်း
ပေါင်းလိုက်တော့ ဘ၀၏ဇာတ်လမ်းတစ်ပုဒ်ပေါ့။ ။

နေမျိုး
(လူဖြစ်ရတာကောင်းတယ်)



မက်လင်ပင်ကြီးတွေအောက်မှာ

ကွယ်လွန်သွားတဲ့ ဇနီးသည်ရဲ့သေတ္တာကို
ဒီမနက်မှာတဖန်
ဖွင့်ကြည့်လိုက်တော့
မက်လင်ပင်ကြီးများ ပေါက်ရောက်နေတာတွေ့ရ။

ငါလေ
မက်လင်ပင်ကြီးတွေအောက်မှာ
တစ်ယောက်တည်းလျှောက်သွား
စာအုပ်တစ်အုပ်လောက်ရေးဖို့ စဉ်းစားမိ
အဲဒီစာအုပ်စာဟာ ‘အကယ်၍’ ဆိုတဲ့ စကားလုံးမပါတဲ့
စာအုပ်ပေါ့ကွာ

ငါ မက်လင်ပင်ကြီးတွေအောက်မှာ
နာရီပေါင်းများစွာ ကြာမြင့်ခဲ့
ဝါကျတစ်ကျောင်းမှလည်း မရခဲ့ပါဘူး

ချစ်ဇနီးရေ
မက်လင်ပင်ကြီးတွေအောက်မှာ
အမြဲပဲအေးစိမ့်နေတာဟာ
တစ်စုံတစ်ယောက် ငိုကြွေးခဲ့တဲ့မျက်ရည်တွေ
စွတ်စိုယိုစိမ့်နေခဲ့လိုပဲ ဖြစ်မှာပေါ့။ ။

နေမျိုး
(လူဖြစ်ရတာကောင်းတယ်)

လူရွင်တော်

မရယ်ရတဲ့ပြက်လုံးတွေနဲ့ကြီးပြင်းခဲ့ရသူကလေး
ကိုယ်မင်းကို
ရယ်ရွင်ဖွယ်တွေပြောပြမယ်

ကိုယ့်ကဗျာတွေဖတ်ပြီးအနည်းဆုံး
ရယ်မောနိုင်အောင်ပဲဖြစ်ဖြစ်
ကျွန်မမရယ်ဘဲနေမယ်လို့ကတိမပေးနဲ့
ကိုယ်ဟာမင်းအတွက်ရယ်စရာတစ်ခုထက်
ပိုပါတယ် ။

မင်းကိုရယ်စရာတွေပြောပြတဲ့အခါ
နားနှစ်ဖက်ပိတ်ထားချင်ထား
မင်းမကြားနိုင်ပေမယ့်
ရယ်ချင်မှာပါကွာ

ရှေးလူရွင်တော်ကြီးတွေဟာ
ဘာစကားမှမပြောဘဲ
စင်ပေါ်မှာရပ်လို့ငြိမ်နေရင်တောင်
ရယ်စရာကောင်းသတဲ့
ကိုယ်မမြင်ဖူးပေမယ့်
အဲသလို
မင်းကိုရပ်ပြမယ်
အဆွေးသမားကြီးတစ်ယောက်
အိုက်တင်မျိုးနဲ့ပဲဖြစ်ဖြစ်ပေါ့

ကိုယ်ဟာရယ်စရာကောင်းတဲ့ညစာတစ်နပ်ကိုကမ္ဘာမှာ
ပထမဆုံးစားဖူးသူပါ
ဒီအကြောင်းမင်းကိုပြောပြမယ်
ရယ်ရွင်ဖွယ်

မင်းကနားနှစ်ဖက်ကိုပိတ်ချင်ပိတ်ထား
မရယ်ရတဲ့ပြက်လုံးတွေနဲ့ကြီးပြင်းခဲ့ရသူကလေး
မင်းရယ်တာသိပ်လှတယ်လို့
ကိုယ်ကြားဖူးတယ် ။

တစ်ခုပဲကွယ့်
ရယ်ရွင်ဖွယ်တွေကိုယ်က
ပြောပြတဲ့အခါမှာ
ကိုယ့်ကိုကြည့်ပြီး
မင်းမျက်ရည်မလည်စေချင်တာ ။ ။

နေမျိုး

(လူဖြစ်ရတာကောင်းတယ်ကဗျာစာအုပ်မှ)


လူဖြစ်ရတာ ကောင်းတယ် (နေမျိုး)


လူဖြစ်ရတာကောင်းတယ်
လူဖြစ်ရတာဟာ ဒုက္ခဘုံထဲ ရောက်လာတာပဲတဲ့
အဲဒီဒုက္ခဘုံကြီးအကြောင်း ငါတို့
ရေရေလည်လည် သိနိုင်တယ်
ဒါကြောင့် လူဖြစ်ရတာကောင်းတယ်
ငါဒုက္ခရောက်တုန်းက မင်းတို့မှတ်မိကြသေးလား
အေ့း့့  ဒါပေမယ့် လူဖြစ်ရတာကောင်းတယ်
ငါ အစတုန်းက ဒီလောက်မသိဘူး
လူဖြစ်ရတာကောင်းတယ်
ငါတို့အတွက် ခေါင်းကိုက်ပျောက်ဆေးပြားတွေ
လိုသလောက် ထုတ်လုပ်ထားတယ်
ဒါကြောင့်ငါပြောတာပေါ့
လူဖြစ်ရတာကောင်းတယ်
တစ်ခါတစ်လေ ဘ၀င်နည်းနည်းမြင့်၊ တစ်ခါတစ်လေ အရှက်ရ
တစ်ခါတစ်လေ ဆွေး၊ တစ်ခါတစ်လေ သတိရ၊ တစ်ခါတစ်လေ ပျော်ရွှင်
တစ်ခါတစ်လေ စိတ်တို
လူဖြစ်ရတာကောင်းတယ်
သူမဟာ လူသားမိန်းမတစ်ယောက်
ဒါကြောင့် ငါ ရဲရဲကြီးပြောပါတယ်
လူဖြစ်ရတာကောင်းတယ်
ဆေးရုံတက်မလား၊ ရုပ်ရှင်ရိုက်မလား
ဘီယာဆိုင်သွားမလား၊ အပြေးလေ့ကျင့်မလား
အိမ်ထောင်ပြုမလား၊ နေမျိုးကြီးကဗျာတွေဖတ်မလား
လူဖြစ်ရတာကောင်းတယ်
ယဉ်ကျေးပါ၊ သင်ယူပါ၊ ရိုးဖြောင့်ပါ
လူဖြစ်ရတာကောင်းတယ်
လောကကြီးကို အရှူံးပေးခဲ့ပါပြီဆိုပဲ
လူတစ်ယောက်ရဲ့ နောက်ဆုံးဝါကျကို ငါဖတ်ခဲ့ရတယ်
ဒါပေမယ့် လူဖြစ်ရတာကောင်းတယ်
လူဖြစ်ရတာကောင်းတယ်
လူဖြစ်ရတာကောင်းတယ်လို့
ငါပိုသိလာတဲ့အချိန်မှာ ငါဟာ ၀ံပုလွေတစ်ကောင်ဖြစ်နေခဲ့ပြီကွဲ့။


ပင်လယ်

သူမဟာ ပင်လယ်
လှုပ်ရှားတယ်၊ ရှင်သန်တယ်၊ စီးဆင်းတယ်
သူမဟာ ပင်လယ်
ငါ့ကို ငါးတွေပေးတယ်
ငါ့ကို ပုလဲတွေပေးတယ်
ငါ့ကို ဒဏ္ဍာရီထဲက ကျောက်တုံးတွေပေးတယ်
ငါ့ကို သဘောင်္ပျက်တွေပေးတယ်
ငါ့ကို ပင်လယ်ဓားပြအရိုးစုတွေပေးတယ်
ရွှေဒင်္ဂါးလည်း နည်းနည်းပေးတယ်။
သူမဟာ ပင်လယ်
ငါ့ကို လူးလာစုန်ဆန်ကူးခတ်စေတယ်။
ရဲဝံစေတယ်။
နယ်မြေသစ်တွေဆီ ရောက်ရှိစေတယ်။
သူမဟာ ပင်လယ်
တစ်နေ့မှာငါ့ကို နစ်မြုပ်စေတယ်
သူ့ရဲ့နက်ရှိုင်းတဲ့ ရေအောက်ကြမ်းပြင်မှာ။
သူမဟာ ပင်လယ်
ငါ့ကို အမြဲ သိမ်ဆည်းထားလေတယ်။

နေမျိုး
အမှတ် ၆၊ ပန်းအလင်္ကာမဂ္ဂဇင်း




ဒီအကြောင်းတွေကို ငါတို့ပြောတဲ့အခါ (နေမျိုး)

တချို့ငိုလိမ့်မယ် တချို့ရယ်လိမ့်မယ်

ဒီအကြောင်းတွေကို ငါတို့ပြောတဲ့အခါ
ပြီးရင် ဘယ်သူမှယုံကြမှာမဟုတ်ဘူး
ဒီအကြောင်းတွေကို ငါတို့ပြောတဲ့အခါ
ဝံပုလွေအိုကြီးတွေအူလိမ့်မယ်
ဒီအကြောင်းတွေကို ငါတို့ပြောတဲ့အခါ
နီယွန်မီးရောင်တွေ စူးစူးရဲရဲလင်းနေလိမ့်မယ်
ဒီအကြောင်းတွေကို ငါတို့ပြောတဲ့အခါ
မြို့ကြီးပေါ် မိုးတစိမ့်စိမ့်ရွာလိမ့်မယ်
ဒီအကြောင်းတွေကို ငါတို့ပြောတဲ့အခါ
ခွေးသွားစိတ်တွေ တ၀ီဝီလည်လိမ့်မယ်
ဒီအကြောင်းတွေကို ငါတို့ပြောတဲ့အခါ
သော့တွေအားလုံး ပွင့်လိမ့်မယ်
ဒီအကြောင်းတွေကို ငါတို့ပြောတဲ့အခါ
ညနေခင်းကြယ်ကို လူတွေမြင်တွေ့ရလိမ့်မယ်
ဒီအကြောင်းတွေကို ငါတို့ပြောတဲ့အခါ
ဗုံတစ်လုံး (၀က်ဝံအရေပြားနဲ့ ကျက်ထားတာ)
သူ့အလိုလိုမြည်လိမ့်မယ်
ဒီအကြောင်းတွေကို ငါတို့ပြောတဲ့အခါ
သူကတော့ နားနှစ်ဖက်ကိုပိတ်ထားမှာပဲ
ဒီအကြောင်းတွေကို ငါတို့ပြောတဲ့အခါ
ငါတို့ဟာ ငါတို့မဟုတ်တော့ဘူး
ဒီအကြောင်းတွေကို ငါတို့ပြောတဲ့အခါ
အသံလှိုင်းသက်သက်သာ ကျန်ရစ်ခဲ့မယ်
ဒီအကြောင်းတွေကို ငါတို့ပြောတဲ့အခါ

(ကဗျာဆရာဝံပုလွေ – နေမျိုး၊ လင်းသစ်ရောင်စဉ်၊ ၂၀၀၈)

မြို့တစ်မြို့အကြောင်း မိတ်ဆက် (နေမျိုး)


လမ်းပေါ်မှာ ယူစရာသံဝေဂတွေ
ဖွေးဖွေးလှုပ် ပြန့်ကျဲနေတဲ့မြို့
အ၀ါးရခက်တဲ့ပေါင်မုန့်နဲ့ ကဗျာဆရာထွက်တဲ့မြို့ပေါ့
ဘ၀င်မြင့်နေတဲ့ တိမ်တိုက်တွေ
နောင်တရ မျက်ရည်ကျရာမြို့
တယ်လီဖုန်းဝိုင်ယာကြိုးထဲမှာ သူ့ဒဏ်ရာတွေ
တုန်ခါစီးဆင်းနေတဲ့မြို့
ပုရစ်ကြော်၊ ယန်းပေါဆတ်နဲ့ ဘောလုံးပွဲ ကြိုက်နှစ်သက်တဲ့မြို့
ကဖေးဆိုင်၊ အရက်ဆိုင်နဲ့ rotten eggs တွေ စည်ကားရာမြို့
နွားနို့နဲ့ ဖဲချပ်တွေ စာတိုက်က သောကြာနေ့တိုင်းရောက်လာတတ်တဲ့မြို့
မိုက်မဲမှုတွေ အတောင်ပေါက်ကာ ပျံဝဲတဲ့ရာသီဥတု သူ့မှာရှိတဲ့မြို့
အရိုးများတဲ့ အတွေးအခေါ်နဲ့ သင်္ဘောပျက်တွေ အရောင်းအ၀ယ်ဖြစ်ရာမြို့
လကွယ်ညတိုင်း ထရိုဂျင်မြင်းတွေ မှောင်ထဲမှာခုန်ပေါက်မြူးတူးရာမြို့
လူပျောက်ကြော်ငြာထဲမှာ ဘယ်တော့ သူ့နာမည်ပါလာမလဲလို့
စောင့်ဖတ်နေတဲ့မြို့
မြို့တစ်မြို့ဆီ ခရီးထွက်ဖို့ စဉ်းစားနေတဲ့မြို့
သူ့ကိုယ်သူ မြို့မှန်းမသိတော့တဲ့ မြို့ပေါ့
ညအခါ သူအိုတွေ ကျမ်းစာရွတ်ဖတ်ချိန်
တစ္ဆေကြယ်တွေ မှောင်ထဲမှာ ရွေ့လျားရာမြို့
သူ့ဦးခေါင်းထဲကို ကွန်တစ်ချက်ပစ်လိုက်ယုံမျှ
ဆာလောင်နေတဲ့ငါးတွေ တဖျတ်ဖျတ်ရနိုင်ရာမြို့
ဘယ်သူဟာ အပျော်သဘောနဲံ့ ကိုယ့်ကိုယ်ကို နာကျင်အောင်လုပ်မလဲလို့
တွေးခေါ်ခဲ့ဖူးသူမြို့ပေါ့
ပျော်ရွှင်မှုတွေဆီ ခုန်ချလိုက်တိုင်း ဘယ်တော့မှ
လေထီးမပွင့်သူမြို့ (ချိုင်းထောက်နဲ့ပတ်တီးကို မုန်းသတဲ့)
ပြတင်းဝမှာ ညနေတိုင်း
အော်မြည်နေတဲ့ မျက်လုံးတစ်စုံနဲ့ ထိုင်ငေးတတ်သူမြို့ပေါ့
သူ့အထ္ထုပတ္တိကို သူကိုယ်တိုင်ရေးပြီး
မီးရှို့ပစ်ခဲ့သူမြို့
အဲဒီမြို့ဟာ သင့်ဆီကို မတ်လ (၄) ရက်နေ့မှာ
အရောက်ထွက်ခွာလာမှာ ဖြစ်ပါတယ်မိတ်ဆွေ။

(ကဗျာဆရာဝံပုလွေ – နေမျိုး၊ လင်းသစ်ရောင်စဉ်၊ ၂၀၀၈)



ဥာဏ်ပညာထက်မြက်တဲ့မြို့ (နေမျိုး)


ဥာဏ်ပညာထက်မြက်တဲ့မြို့ဟာ ဟိုင်းဝေးလမ်းမကြီးဘေးမှာ
(မိဘမဲ့ကလေးများ)လူငယ်သင်တန်းကျောင်းကိုဖွင့်ထားတယ်
အဲဒီက ခပ်လှမ်းလှမ်းမှာ လူအိုရုံတစ်ရုံကို ဖွင့်လှစ်ထားရှိပြီး
အဲဒီရဲ့ ဟိုဘက်မှာတော့ ဆေးရုံတစ်ရုံကို ဖွင့်လှစ်ထားရဲ့
အင့်း့့့  အဲဒီကနေ ဆက်သွားမယ်ဆိုရင်တော့
မီးသင်္ဂြိုဟ်စက်ကြီးဆီ ရောက်ရှိသွားနိုင်တာပေါ့
ဥာဏ်ပညာထက်မြက်တဲ့မြို့ဟာ သူ့လက်ဖျံပေါ်မှာ
သူ့အမည်ကို ဆေးမင်ကြောင်နဲ့ ရေးထိုးထားတယ်
ဥာဏ်ပညာထက်မြက်တဲ့မြို့ဟာ ၀ံပုလွေတွေရဲ့ဘာသာစကားတတ်တယ်
ကောင်းကင်ဘုံဘာသာစကားလည်း တတ်မြောက်ထားသတဲ့
ဒါပေမယ့် သူက စကားနည်းပါတယ်
ဥာဏ်ပညာထက်မြက်တဲ့မြို့ဟာ ဘယ်တက္ကသိုလ်ကောလိပ်ကမှ
ဘွဲ့ဒီဂရီ မရခဲ့ပါဘူး ဒါပေမယ့် သူဟာ ဥာဏ်ပညာထက်မြက်တဲ့မြို့ပါ
ဥာဏ်ပညာထက်မြက်တဲ့မြို့ဟာ ဦးနှောက်တစ်ခြမ်းက အိပ်နေပြီး
ဦးနှောက်တစ်ခြမ်းက နိုးနေတတ်တယ်
ဥာဏ်ပညာထက်မြက်တဲ့မြို့ဟာ အူဟောင်းလောင်းဖြစ်နေတဲ့
ဘဏ်တိုက်ကြီးတွေကို ၀လင်အောင် အစာမှန်မှန်ကျွေးတယ်
တနင်္ဂနွေတွေမှာဆိုရင် သူဟာ
ရက်စတောရင့်တွေရှိရာဆီ တစ်နေကုန်လျှောက်သွားတတ်တယ်
အဲဒီနေ့တွေဟာ ငါးခေါင်းဟင်းရည်တွေ ရောင်းကောင်းကြတဲ့နေ့ပေါ့
တချို့ တနင်္ဂနွေတွေမှာတော့ သူဟာ
ငါးမျှားမလား ဘုရားသွားမလား စဉ်းစားတယ်
ဒါပေမယ့် နှစ်ခုစလုံး မလုပ်ဖြစ်ဘဲ
ရက်စတောရင့်တွေဆီပဲ ရောက်ရောက်သွားတတ်သူပါ
သူဟာ အစာမစားဘဲ ရက်ပေါင်းများစွာ နေနိုင်သလို
အစားအစာအမြောက်အမြားကိုလည်း တစ်ကြိမ်တည်းနဲ့ကုန်အောင်
စားပစ်နိုင်သတဲ့
ကြယ်တွေကိုရေရင် အူပြတ်တတ်တယ်ဆိုတာကို
ကြားဖူးပေမယ့် ဥာဏ်ပညာထက်မြက်တဲ့မြို့ဟာ
ကြယ်တွေ ရေတွက်တယ်
အဲသလိုရေတွက်ရင်း သူအိပ်ပျော်သွားတာပဲ
(သူ့ဂဏန်းပေါင်းစက်ထဲမှာ ကြယ်တွေအများကြီး)
သူအိပ်ပျော်သွားရင် အိပ်မက်မက်တယ်
အိပ်မက်ထဲမှာ သူဟာ ဘယ်တော့မှ ရထားမမီဘူးတဲ့
ရထားမမီတဲ့ အိပ်မက်တွေကို သူ ခဏခဏ မက်တယ်
အိပ်မက်ထဲမှာ သူဟာ ဘူတာရုံရောက်တော့
ရထားဟာ ထွက်ခွာသွားပြီလေ
ဘာကြောင့်များ သူ ဒီအိပ်မက်ကို ခဏခဏ မက်ပါလိမ့်
သူကြာကြာမစဉ်းစားပါဘူး
ဘာကြောင့်လဲဆိုတော့ မနက်မိုးလင်းပြီဆိုရင်
ရထားတွေ တစ်စင်းပြီးတစ်စင်း သူ့ဆီ ဆိုက်ရောက်လာလို့ပါပဲ။
ဥာဏ်ပညာထက်မြက်တဲ့မြို့ဟာ သူ့ဦးခေါင်းကို
နည်းနည်းချင်းဖဲ့ပြီး ဆာလောင်မွတ်သိပ်နေသူတွေကို ကျွေးတယ်
ဥာဏ်ပညာထက်မြက်တဲ့မြို့ဟာ
မုန်တိုင်းကို ဖန်ပုလင်းထဲထည့်တတ်တယ်
သူ့မှာ ဖန်ပုလင်းတွေ အများကြီးပေါ့
ပြီးတော့ ဥာဏ်ပညာထက်မြက်တဲ့မြို့ဟာ
ကျွမ်းကျင်တဲ့စိုက်ပျိုးရေးသမားတစ်ယောက်ပါ
ဥာဏ်ပညာထက်မြက်တဲ့မြို့ဟာ LUX ဆပ်ပြာကိုကြိုက်တယ်
ဥာဏ်ပညာထက်မြက်တဲ့မြို့ဟာ တစ်ယောက်တည်းဖဲကစားတတ်တယ်
ဥာဏ်ပညာထက်မြက်တဲ့မြို့ဟာ တစ်ခါတစ်လေ (ဗုံတီးသံတွေကြားရင်)
အခန်းတံခါးပိတ်ပြီး ရှိုက်ငိုတယ်
ဥာဏ်ပညာထက်မြက်တဲ့မြို့ဟာ ကွန်ကရစ်တောအုပ်ထဲမှာ
သူ့ကိုယ်ကို ဖျောက်ထားနိုင်တယ်
ဥာဏ်ပညာထက်မြက်တဲ့မြို့ဟာ ပင်လယ်ကြမ်းပြင်အောက်မှာ စွဲလောင်နေတဲ့
မီးကို ငြှိမ်းသတ်ဖို့ တစ်ခုတည်းသောနည်းလမ်းကို
သိသူတွေထဲက တစ်ယောက်ဖြစ်တယ်
ဥာဏ်ပညာထက်မြက်တဲ့မြို့ဟာ ဒီတနင်္ဂနွေမှာ
အပြာရောင်ဂျင်းဂျက်ကက်ကို ၀တ်ပြီး ထရပ်ကားပေါ်ကိုတက်တယ်
ဒရိုင်ဘာကမေးတော့
မင်းမောင်းချင်ရာကိုမောင်းပါ ဝေးချင်သလောက်ဝေးပါစေကွာ တဲ့
ပြီးတော့ ကျွန်တော်ရေးတဲ့ ဒီကဗျာကို
ဇိမ်နဲ့ဖတ်ရင်း လိုက်ပါလာခဲ့ပါတော့တယ်။

(ကဗျာဆရာဝံပုလွေ – နေမျိုး၊ လင်းသစ်ရောင်စဉ်၊ ၂၀၀၈



ဂျက်ကပြောတယ် ...

ဂျက်ကပြောတယ်
မိန်းမချောတွေကို နောက်ဘယ်တော့မှ
သူ မချစ်တော့ဘူးတဲ့

ဂျက်ကပြောတယ်
ကမ္ဘာမှာ မိန်းမတွေမရှိရင်
မဖြစ်ဘူးဆိုပဲ
ဒါပေမယ့် မိန်းမတစ်ယောက်ကို သင်ချစ်မယ်ဆိုရင်
သင်တုန်းဓားကို တစ်ကြိမ်နမ်းသင့်သတဲ့

ဂျက်ကပြောတယ်
ချစ်ခြင်းမေတ္တာ၊ သူရသတ္တိနဲ့ အရိုင်းစိတ်ကို
ခင်းကျင်းပြသဖို့ အကောင်းဆုံးစားပွဲဟာ မိန်းမတွေပဲတဲ့

ဂျက်ကပြောတယ်
အဲဒီ စားပွဲပေါ်မှာ အနှစ် ၄၀ လုံးလုံး ကြာအောင်
ငါပြေးနေခဲ့ဖူးတာပေါ့ ကွာ

ဂျက်ကပြောတယ်
ကြယ်စုံမြူးတဲ့ ညမှာ
ချစ်သ၀ဏ်လွှာတွေ တစ်ညလုံးရေးနေခဲ့တာ
နေနတ်သားရဲ့  တံပိုးခရာသံကြားတဲ့ အထိပါပဲတဲ့
သို့ပါသော်ငြား
ရေးသားခဲ့သမျှ ချစ်သ၀ဏ်လွှာတွေဟာ
ပေါင်မုန့်ကြားထဲ ၀င်ရောက်သွားပြီး
ပြန်မထွက်တတ်ကြတော့
ဘူးတဲ့

ဂျက်ကပြောတယ်
မိန်းမတစ်ယောက်အတွက်
ဒိုင်ဗင်အကြိမ်ကြိမ် ထိုးခဲ့တယ်
ဦးခေါင်းမှာ ချုပ်ရိုးတွေချည်းပဲ

ဂျက်ကပြောတယ်
သိပ်စိတ်ညစ်တာပဲ
အချစ်ကို သက်သေပြဖို့ ငွေကြေးမလုံလောက်
ဘူးတဲ့
ဒါကြောင့်
ကျောက်တုံးကြီးတွေကို ခဏခဏ မပြနေရသတဲ့

ဂျက်ကပြောတယ်
မိန်းမတွေဟာ ဘယ်တော့မှ မမှားဘူးတဲ့
ငါ တို့ က သူ
တို့ ကို ချစ်မိမှာသာ
အမှားအယွင်းတွေ စတင်တော့တာတဲ့
ဒါကြောင့် ဂျက်ကပြောတယ်
မိန်းမတွေနဲ့ မျက်လုံးချင်းဆုံးအောင် မကြည့်နဲ့တဲ့

ဂျက်ကပြောတယ်
မိန်းမတစ်ယောက်ကို ချစ်ရတာဟာ
ဂြိုဟ်ကမ္ဘာတစ်ခုက ပိုးမွှားအသစ်အဆန်းတွေ
ထည့်ထားတဲ့ ဖန်းဘူးနဲ့
တစ်ခန်းတည်း အတူနေရသလိုပဲတဲ့

ဂျက်ကပြောတယ်
သူဟာ တစ်နေ့တည်း နှစ်ခါ
အသက်ရှင်နေနိုင် သတဲ့
တစ်ကြိမ်က မိန်းမတစ်ယောက်ကို ချစ်မြတ်နိုးဖို့
တစ်ကြိမ်က ကမ္ဘာမြေကြီးကို ချစ်ခင်ဖို့တဲ့

ဂျက်ကပြောတယ်
မိန်းမချောတွေကို နောက်ဘယ်တော့မှ
မချစ်တော့ဘူးတဲ့
အဲဒီနေ့က သူ အိမ်ကိုပြန်မအိပ်ဘူး

ဂျက်ကပြောတယ်
ဂျက်က ခဏခဏပြောတယ်
ဂျက်က တွေ့တဲ့သူတိုင်းကိုပြောတယ်
ဂျက်က မရပ်မနားပြောတယ်
မိန်းမချောတွေကို နောက်ဘယ်တော့မှ
မချစ်တော့ဘူးတဲ့
အဲဒီနေ့က သူချာချာလည်အောင်မူးတယ်

ဂျက်ဆိုတဲ့ လူတစ်ယောက် ရှိခဲ့ဖူးတယ်
သူဘယ်သူလဲ သိပါရဲ့ လား အဆွေငဲ့
လမ်းထိပ်မှာ အမူးလွန်ပြီး အိပ်ပျော်နေတတ်တဲ့
အရက်သမားအဘိုးကြီးကွဲ့ ။ ။

နေမျိုး


သဘောင်္ (နေမျိုး)

လက်ဘက်ရည်ဆိုင်ထဲမှာ
ပင်လယ်ကူးသဘောင်္ကြီးများ
ကျောက်ချရပ်နားပြီ..။
ပေါလော
မလိုင်အတုတွေဖန်ခွက်ထဲမျောလို့
တအိအိ
မုန်တိုင်းမိလာသလိုမျိုး..။
ဝေးလံသောအရပ်မှ
ညများစွာခုတ်မောင်း
နက္ခတ်မှန်ပြောင်းတွေသာမရှိခဲ့ရင်ဖြင့်
အိပ်မက်ဟောင်းကြီးထဲမှာ
ရာစုနှစ်တစ်ခုလုံးပိတ်မိနေခဲ့ကြမှာပဲ..
ရိက္ခာကနည်းနည်းရယ်..။
ဟန်ဆောင်မှုကောင်းကောင်းနဲ့
သူ့ကိုယ်သူဖောင်းကား
စားပွဲတင်ပေါင်မုန့်က
မရှုမလှလှဲလျောင်းလို့
တဝီဝီ
ယင်ကောင်တွေကလည်း
အပ်ကြောင်းထပ်အသံတွေမြည်လို့
စားပွဲပေါ်မှာတော့
ဖောက်လက်စ စကားလုံးစည်သွပ်ဗူးတွေသာ
ပြန့်ကျဲလို့..။
နပိုလီယံတဲ့ ကိုလံဘတ်စ်တဲ့
မဒမ်ဗိုဗာရီ တဲ့ စပီးလ်ဘတ်တဲ့
ဆာ့တ်တဲ့…မော်ဒန်တဲ့
(၂၀ရာစုနောက်ပိုင်းမှာ)
အားလုံးမှိုစော်နံ့နေပေါ့..။
ဝေါ့ကနဲပျို့တက်လာခဲ့
ပြီးတော့ခပ်မြန်မြန်မျိုချလိုက်ရ
ဒီနည်းနဲ့ပဲ အသက်ရှင်နေထိုင်ခဲ့ရ
(နှစ်ဘဝစာ)နောက်တစ်ခါဆို
ဝေလငါးကြီးတစ်ကောင်ရဖို့
ငါးမျှားချိတ်မှာ
မက်ဒေါနားကိုအစာတပ်ထားမယ်..။
ရေဘဝဲတစ်ကောင်
ဟိုထောင့်မှောင်ရိပ်ထဲက
(ပြုံးပြီး..)လက်နှစ်ချောင်းထောင်ပြရဲ့
ဒီလိုဖြစ်ခဲ့ဖူး
ဟောဒီ ကုလားထိုင်ပေါ်မှာ
မျှော်လင့်ချက်မုန်တိုင်းမိစဉ်
မိုးကောင်းကင်ပေါ်
ကိုယ့်အမည်ကို
အကြိမ်ကြိမ်ဟစ်ပြီးအော်ခေါ်ရဲ့…..။
ဒီလိုနဲ့
လှိုင်းလေငြိမ်သက်တဲ့နေ့တစ်နေ့
ကမ်းခြေမြို့ကလေးရဲ့
လက်ဘက်ရည်ဆိုင်မှာ
သံချေးတွေခွာရင်း
(ရေချိုတွေဖြည့်တင်းရင်း)
ကမ္ဘာပတ်မယ့်သဘောင်္
ခု….
ဒီကောင်မောနေပေါ့…။ ။

(ရုပ်ရှင်တေးကဗျာ – စက်တင်ဘာ၊ ၁၉၉၀)

http://sites.google.com/site/poetmyatwai/tlkb/--15
မှကူးယူဖော်ပြပါသည် ။

ထူးအိမ်သင် ကဗျာများ စုစည်းမှု

ထူးအိမ်သင် ကဗျာများ

... အမေ ...
မိန်းမတကာထက်၌ ကျနော်လေးစားမြတ်နိုးမဆုံးသော
အနာဒိအနန္တမေတ္တာရှင် “ ချစ်သော မေမေ ” သို့ ...

အမေ .....
သားတော့ မီးလောင်နေပြီ
လူတွေကတော့ ရယ်မှာပဲ
သားရင်ထဲမှာ
ကဗျာ ...
ကဗျာ ...
ကဗျာ ...
သက်သာရာ ရမလားလို့ပါ
(ဒီတစ်ခါတော့ဖြင့်)
ဝမ်းရေစပ်ရင်လည်း
နည်းနည်းခွင့်လွှတ်ပါအမေ
သားတော့ မီးလောင်နေပြီ။
သျှပ်မှူးကျော်



... မြ ...
အခါတစ်ပါး၌ သူမ၏လက်ဝယ်
ထက် “မြ” သော မြားတစ်စင်းတည်၏။
သို့သော် “တေး” မရှိ။
ထိုအခါ
ငါ၏လက်ဝယ်
ချို ”မြ” သော စောင်းတစ်အိုးတည်၏။
သို့သော် “ကြိုး”မရှိ။
သျှပ်မှူးကျော်၊ မောင်မိုးကျော်၊ အရိုင်းဖြူ
(အဲဒါ သူ့ကလောင်တွေပါ)


... စင်သီယာ ၁ ...
ငါမငိုဖူး
ပြာပုံမှာလူးတဲ့ဘ၀
လွတ်မြောက်ရေး လမ်းစရှာတုန်း
မင်းအမုန်းကိုမေ့လို့
အငွေ့ပျံနေတဲ့မျက်ရည်
လေပွေနဲ့ သစ်ရွက်
ချွေးစက်တွေ ချွေရဦးမယ်
တကယ်ပါ စင်သီယာ
ငါမငိုဖူး ...
ပထမဆုံး မင်းအတွက်ငါ
သေခဲ့တာကြာပြီ
မကြွေနဲ့စင်သီယာ
ငါ ...
သျှပ်မှူးကျော်


... စင်သီယာ ၂ ...
ငါ့ကဗျာ ဘယ်မှာလဲ
မရဲတရဲ မေးခွန်း
တိုးတိတ်လွန်းမှာသိတယ်
နယ်မချဲ့မီနဲ့ ဝေဒနာ
ငါမနေတတ်ဖူး
အရူးတစ်ယောက်ရဲ့ လွမ်းချင်းကို
မင်းဘာကြောင့် နားထောင်ချင်တာလဲ
အသဲမှာစွဲတဲ့ မြှားချက်ဟာ
လူမသိဘဲ အသက်သေစေတယ်
နွေမှာဖြစ်တဲ့ မိုးတိမ်ဟာ
မုတ်သုန်မလာခင် အိပ်စက်ရဦးမယ်
မင်းရဲ့ နောက်ဆုံးရယ်မောသံမှာ
ငါသေခဲ့ပြီ စင်သီယာ
ငါ့ကဗျာဘယ်မှာလဲ။
သျှပ်မှူးကျော်


... စင်သီယာ ၃ ...
ငါမပြောတော့ဖူး
မင်းဦးနှောက်နွံအိုင်တောမှာ
ဘောဂဗေဒဇယားချပ်တွေ
မျက်တောင်ခတ်တဲ့ကိန်းဂဏန်းတွေ
“ငွေ .. ငွေ .. ငွေ ” (မင်းတို့)
ဆိုနေကျ သီချင်းတစ်စမို့
ငါအလွတ်ရနေပြီ
ဒီအမှိုက်ပုံထဲ၊ ငါ့ကိုမဆွဲနဲ့စင်သီယာ ငါမလာနိုင်ဖူး
စူးစူးဝါးဝါးအော်ဟစ်
ချွေးမိုးအောက်နစ်ပါစေ
မင်းပြုံးနေ စင်သီယာ
ငါမပြောတော့ဖူး .. ။
သျှပ်မှူးကျော်



... စင်သီယာ ၄ ...
မင်းမညာနဲ့
ကွန်ပျူတာနှလုံးသားရှေ့
အသံမဲ့နေတဲ့ တိတ်တစ်ခွေ
မင်းငိုနေသလား .. အချစ်
အက်စစ်မျက်ရည်တွေပဲ
ငရဲဆန်လှတယ်
မင်းဘ၀ ... မင်းအသက်
မင်းဟာ စက်ရုပ်ပဲ
မင်းလုပ်သမျှ ဆန္ဒမဲ့တယ်
ယန္တယားရဲ့ လည်ပတ်မှုဖြစ်စဉ်မှာ
ငွေဟာ လောင်စာပဲ စင်သီယာ
မင်းမညာနဲ့ ... ။
သျှပ်မှူးကျော်



... စင်သီယာ ၅ ...
မင်းကို ငါချစ်တယ်
ရာစုနှစ်ပေါင်များစွာမှာ
လူတွေဒါပဲ ပြောကြတယ်
ငါ့အတွက်စကား (၅) လုံး
မင်းအပြုံးက ၀ါးမြိုခဲ့
သရော်တဲ့ နှုတ်ခမ်းတွေ
“ချွင်” “ချွင်” မြည်နေတယ်
မြေကြီးသားဘ၀မှာ
အဇ္ဈတ္တိကမီးပုံကြောင့်
ငါ့ရင်အုံလူသတ်ကွင်းထဲ
သားရဲတွေအစာတောင်းပြီး
အသက်နဲ့အညီအမျှ ကျိန်ဆို
မိုးပြိုတယ် စင်သီယာ
မင်းကို ငါချစ်တယ်
သျှပ်မှူးကျော်


... မနှင်းဖြူ ...
“ တစ် ”
ချစ်သူ
သင့်နှလုံးသားသည်
ပျားသို့ချို၏။
သို့ပြီးတကား
ဓားသွားမူ ထက်စွာ၏ .. ။

“ နှစ် ”
ဆောင်းဦးပေါက်ညများရဲ့
ပွင့်ဦးနှင်းဆီဖြူဟာ၊ ငါ့သခင်မ
ငါ့ဘ၀ရဲ့ ကိုယ်ပွားအသက်ပါ။
မင်းဘ၀နဲ့ ငါရှင်သန်တယ်။
ပျိုရွယ်ခြင်း၊ ချိုမြတဲ့အဆိပ်
အိပ်ရာဝင်ပုံပြင်ထဲက
နတ်သမီးတစ်ပါးရဲ့ အလှကို ငါမှတ်မိခဲ့ပြီ။
ဒီဇင်ဘာမှာ နှင်းကျတယ်
တစ်လလုံးပါပဲ
ပထမဆုံးနှင်းပွင့်ကတော့
သူပေါ့ကွယ်၊ ဆွတ်ဆွတ်ဖြူဖြူ
ငန်းမွှေးတောင်သွင်တူသော
နူးညံ့ချောနုခြင်းနဲ့ ငါ့ရဲ့အသက်
အိပ်မက်အပြုံးရှင်ပေါ့ ၊ သူ ....
“ မနှင်းဖြူ ” လေ။

“ သုံး ”
“ မနှင်းဖြူ ”
မင်းဘယ်သူလဲ ..
ငါကလွဲလို့ ၊ မင်းတောင်မှမသိ
မြတ်နိုးမိသူပါ။ သူဟာ ...
ငါ့ဘ၀ရဲ့ ပထမဦးဆုံး
နှင်းဖုံးတောင်တန်းများရဲ့ နတ်မိမယ်
သံယောဇဉ်အနွယ်များရဲ့ မိခင်
ပွင့်ဦးသခင် ဆိုနိုင်ပါရဲ့။
နွဲ့လျတဲ့ခြေလှမ်းများ
ငါ့နှလုံးသားမှာ ..
ဒဏ်ရာထင်အောင် ပြင်းထန်ခဲ့ ၊ ကဲ ...
ဒီလိုဘယ်သူသိမလဲကွယ်။

“လေး”
ဆောင်းညရဲ့ နှုတ်ခမ်းအစွန်းမှာ
လမ်းများပေါ် “ငါ ” တေးသီခဲ့တယ်
နားမလည်နိုင်တဲ့ ခံစားမှုဘ၀
တေးချင်းမှာ စတည်ခဲ့ပေါ့။
ဖျော့တော့တဲ့လရောင်သွန်းချိန်
မှိန်ပြာပြာ နှင်းစက်ကြွေသံလို
ကောင်းကင်ငိုနေရဲ့ ၊ အို .. အလှ
မင်းကို တမ်းတလို့ ..
“ကိုစောငြိမ်း” ရဲ့ “ပွင့်ဦး”
ငါဆိုခဲ့ဖူးပြီ .. ။

“ငါး”
ဟောသည်မှာ အချစ် ..
ကဗျာလိုလှတဲ့ ပန်းပွင့်၊ သစ်ရွက်
စက်နဲ့လုပ်တာမဟုတ်။
မင်းအတွက်ပဲ သည်မှာ
နုံချာပေမယ့် လတ်ဆတ်တဲ့နှလုံးသား
ဥပက္ခာမထားစေချင်
အရှင် .. သခင် ..
သစ်ခက်ပလ္လင်မှာစံ၍
တေးချင်းကို နာခံ
မိုးယံ၌ပြည့်သော ပီတိနှင့်
တင့်တယ်စေပါမည်။

“ခြောက်”
လုံမရဲ့ အကြည့်
နေထိတဲ့ ပန်းပါပဲ၊
ညိုးလျော်ဆဲအပြုံးဟာ
ပြည့်ဝပါပေရဲ့
စောင့်စားသူ နေပူမှာရပ်လို့
မင်းကို စောင့်ဖို့ ငါအသက်ရှင်တယ်။
သစ်ပင် ၊ တောတောင် ၊ နေရောင် ..
ငါ့သခင် အောင်နိုင်တယ်။
ဘယ်သူငြင်းမလဲ အိုအချင်းတို့
အို .. အမျိုးကောင်းသားတို့
ငါ့အားခွင့်လွတ်ကြပါလေ ..
အချစ်စေကျွန်ဖြစ်တယ်။
ဇာမဏီငှက်၏ တင့်တယ်ခြင်းဖြင့်
ကြယ်ပွင့်တို့ကို နွံ၌နစ်စေသူ ..
ချစ်ခြင်း ၊ မုန်းခြင်း ၊ ဥပက္ခောနှင့် ခံယူမှု
ပန်းနုကျောက်ဆစ်အသွင်
မြင်သူတိုင်းအား အကြည့်ဖြင့်သိမ်းပိုက်သူ .. ။

“ ခုနှစ် ”
အို .. ချစ်သူလုံမ
ပထမဘ၀မှာ တွယ်ငင်သော
သံယောဇဉ်ပိုင်စိုးသူ
နှင်းမြူသည်းပွတ်၊ ဆွတ်ဆွတ်ဖြူစင်၍
အိပ်မက်အငွေအသက်ပမာ
ငါမြတ်နိုးသူ .. ငါ့အား ..
သနားသဖြင့် ဥပက္ခာသစ်ရိပ်မှ
ဖဲကျဉ်ခွင့်ရစေပါ။ ငါ့အား ..
ဝါမျှင်ဂွမ်းစကဲ့သို့ ချီမ၍
သင့်အနမ်း၍ကြွေသော ပန်းပွင့်ရေအိုင်ထက်
သက်စေပါဘိ။
သက်ရွက်လောင်းလှေဦးတွင်
သခင်မစံပါ။
ကဗျာသစ်ခက်ဖြင့်ပြုသော
လှော်တက်ကို ငါကိုင်မည်။
အောင်နိုင်ခြင်းနှင့် ဒဏ်သင့်သောငါ့အား
အသာယာဆုံး တိတ်ဆိတ်ခြင်းဖြစ်သည့်
အချိုမြိန်ဆုံးတေးချင်းကို
ဆိုခွင့်ပြုပါ ၊ ထိုအခါ ..
ကမ္ဘာမြေသည် သခင်မအပြုံး၌ပွင့်သော
ဆည်းဆာပန်းပွင့်သစ်၏
နှစ်ချို့ စပျစ်အရက်ပမာ
ငါမူးယစ်စွာ မွေ့ပျော်စေလိမ့်မည်။

“ ရှစ် ”
အားလုံးပြီးဆုံးသွားခဲ့ပြီ ..
“ မနှင်းဖြူ ”
အားလုံးပြီးဆုံးသွားပြီလေ၊
အခုတော့ ......

“ကိုး”
မြစ်တစ်စင်းမှာ သူ .. ငါ ..
နှစ်ခါရေမချိုးနိုင်
စီးဆင်းနေဆဲ အချိန်စက်ဝန်း
ပုံတူသွန်းလုပ်၊ အရုပ်ဆင်းတု
ပြုစုသူမဲ့ပေရဲ့ .. ။
ပစ္စုပ္ပန်မဲ့သောအခါ
အနာဂတ်မတည်စွမ်းသာ
သည်သို့ .. သံသရာရှိလျှင်အဆုံး၊ ငါမို့ဖြစ်ရင်း
ချစ်ခြင်းအပ မြဲစေ ..
ကျိန်စာဆိုခဲ့လေသလား
အို .. နတ်ဘုရားတို့ ။
အို .. ပိုင်ဆိုင်သူတို့ ။
သျှပ်မှူးကျော်


... အစ၏အဆုံး (သို့မဟုတ်) အဆုံး၏အစ ...
ကမ္ဘာဦးသူတို့သည် ရသပထ၀ီကိုစားကုန်၏။ အချို့အဆင်းလှကုန်၏။
အချို့အဆင်းမလှကုန်။
ထိုသူတို့တွင်
အဆင်းလှသူတို့သည် အဆင်းမလှသူတို့ကို
မထီမဲ့မြင်ပြုကြကုန်၏။
ထိုသို့ပြုသည်ရှိသော် .. ။
(ဦးကုလားရာဇ၀င်)
နှလုံးသားနဲ့ဖတ်ဖို့
(ရင်၌ဖြစ်သော)
ချစ်ဇနီးသို့။
သျှပ်မှူးကျော်



... အသက်သည် အိမ်မက် ...
အိမ်မက်သည်သူ
သူသည် အသက်ဖြစ်စေ
ဆောင်းနှောင်းလျှင် နွေဦး၏။
နွေဦး၌ နှင်းကြွင်းသည်။
နှင်းကြွင်းပြယ်သော်လည်း
သစ္စာကြွင်းစေ။
မြတ်နိုးခြင်း ကြွင်းစေ။
သျှပ်မှူးကျော်



သက်တံ

ညနေခင်းတခု
မိုးစဲလင်းပွင့်ကောင်းကင်မှာ..
ဟာ…..
လှလိုက်တဲ့ သက်တံကြီးတစင်း
စီးဆင်းနေတာတွေ့တယ်။
ရုတ်တရက်ပဲ
ငါ… ကြေကွဲခဲ့ရပေါ့
ဘ၀ဆိုတာ သက်တံလိုပါလား… ။
ရှိတော့ရှိပါရဲ့
ဒါပေမဲ့
အရှိမဲ့ … ။ ၊
ထူးအိမ်သင်




ချောင်းကြည့်ပေါက်များ

သူ့အလို...
အထက်အဆိုပါအကြောင်းများအရ
တွေးဆချက်များမှာ

(၁)
"စကားလုံးများ" ဟာ "အတု" ဖြစ်ပြီး
"စိတ်" သည် "အစစ်အမှန်" ဖြစ်တယ်...တဲ့။
(၂)
"ခြေထောက်တွေ" ဟာ "လမ်း" ဖြစ်ပြီး
"ငါ" သည် "ခရီးဆုံး" ဖြစ်တယ်...တဲ့။
(၃)
ဆိုတော့ကာ...
အဲဒီခြေထောက်အတုတွေနဲ့
အဲဒီစကားလုံး တင်းကြမ်းပြည့်လမ်းကိုပဲ
စီးစီးပြီး သွားနေရတာ... တဲ့
အဲဒီခရီးဆုံးမှ ရောက်ပါ့မလား
အဲဒီအစစ်အမှန်ရော ဟုတ်ပါ့မလား
အဲဒီစိတ်ကြီးကို ကုန်လွန်းလို့
အဲဒီ ငါကဖြင့်...တဲ့
အင်း
ပျင်းတယ်....ဆိုတာကြီးပဲ
ကြိတ်မနိုင် ခဲမရ...
.......။

ရဲသင်ရန် (ထူးအိမ်သင်)
၂၀ဝ၂၊ အောက်တိုဘာ၊ ပန်မဂ္ဂဇင်း

Peepholes

in his wishes...
after above-mentioned reasons
so are the thoughts
(1)
'words' are false and
'mind' is 'real' so said...
(2)
'feet' are 'paths' and
'self'' is 'the end journey' so said...
(3)
then so
with those very false feet
wearing those very words-filled paths
wearing and wearing and going that...
ever reach that very end journey?
ever might be that very real?
so tired of that very mind
'even that very self' said
yeah!
'boring' is the very burden
helplessly, unbearingly...
.........

icy (1-7-2009)

စံပါယ်ဖြူအိပ်မက်


ကိုထူးအိမ်သင်ကိုယ်တိုင်ရေးကဗျာလေးပါ။ ၁၉၈၂ခုနှစ်က ရှုမ၀မဂ္ဂဇင်းမှာ"လင်းထက်"ဆိုတဲ့ကလောင်
နာမည်နဲ့ရေးသားခဲ့ပါတယ်။

စံပါယ်ဖြူအိပ်မက်

လှိုင်းခတ်သံ ဂီတ...
ချိုမြ မပီပြင်၊သည်ရင်မှာ
ကြယ်ပြာ..လပြာ..ကောင်းကင်ပြာ...
ရောင်လွှာ မြူးပြက်၊လျှပ်လက်သလို
အို.....လှလိုက်တာ။

သဲသောင်ခုံလား၊ရေစွယ်လားလေ
ခြေသံဖွဖွ၊ကြားနေရပေါ့
မွှေးမြသန့်စင်၊အာရုံမြင်ရနံ့
သင်းပျံနေဆဲ၊ရင်ထဲမှာ...။

စကားတိုးတိုး၊မြူခိုးဝေေ၀
စံပယ်ရေ..စံပယ်ဖြူ...
ဘယ်သူများလဲ၊မေးလိုက်ဆဲမှာ
သဲသဲလှုပ်လှုပ်၊ငှက်တစ်အုပ်...
ရုတ်ခြည်းပျံပြေး၊ဟိုးအဝေးကို။

သည်အိမ်မက်မှ၊မောင် နိုးထလည်း
တမ်းတတပ်မက်၊ရုန်းမထွက်ချင်
သက်ဦးမြတ်မွန်၊ရွာလွန် ရွက်တိုက်
ပြေးလိုက် ရှာဖွေ..။
စံပယ်ရေ..စံပယ်ဖြူ
ဘယ်သူများလဲ၊ဘယ်မှာလဲကွယ်
ရင်ထဲ မေးမိဆဲပါမေ။

လင်းထက်




မမခင်ဦးစံပယ်သို့ တမ်းချင်း (၂)

မမခင်ဦးစံပယ်ရယ်
မြေကြီးအောက်မှာ ငှက်တကောင်ရှိတယ်။

မြေကြီးအောက်ကငှက်ဟာ
တောင်ပံတဖက်တည်းနဲ့ မြေကြီးကိုယက်ပြီး
ကောင်းကင်ပေါ်တက်လာနိုင်တယ်။

မြေကြီးအောက်ကငှက်ဟာ
တောင်ပံမပါဘဲနဲ့လည်း မြေကြီးထဲကထွက်ပြီး
မိုးပေါ်ကိုတက်လာနိုင်တယ်။

မြေကြီးအောက်ကငှက်ဟာ
ဂစ်တာတလက်နဲ့လည်း ကမ္ဘာမြေငြိမ်းချမ်းဖို့ 
တေးတို့ နိုင်တယ်။
မြေကြီးအောက်ကငှက်ဟာ
ဂစ်တာမပါဘဲနဲ့လည်း ကမ္ဘာပေါ်ကစစ်ပွဲတွေရပ်စဲဖို့ 
တေးညှို့ နိုင်တယ်။

မမခင်ဦးစံပယ်ရဲ့
မြေကြီးအောက်ကငှက်ဟာ
သောင်ရင်းမြစ်ကို ဖြတ်ပြီးတော့လည်း သွားခဲ့ဖူးတယ်
သောင်ရင်းမြစ်ကို ကျော်ပြီးတော့လည်း ပြန်ခဲ့ဖူးတယ်။

မမခင်ဦးစံပယ်ရယ်
မြေကြီးအောက်ကငှက်ဟာ
ချစ်ခြင်းမေတ္ထာနဲ့ဥာဏ်ပညာကိုယုံကြည်သတဲ့။

မြေကြီးအောက်ကငှက်ဟာ
မမခင်ဦးစံပယ်ရဲ့ မိသားစုလူနာဖြစ်ခဲ့ဖူးသလို
ကျွန်တော့်ရဲ့ ရဲဘော်ရဲဘက် လူငယ်လည်းဖြစ်ခဲ့ဖူးတယ်။

မြေကြီးအောက်ကငှက်ဟာ
သီချင်းနဲ့မတောင်းရမ်းခဲ့ဖူးဘူး။

မြေကြီးအောက်ကငှက်ဟာ
မာနမဲ့ ဒူးထောက်အရှံးမပေးခဲ့ဖူးဘူး။

မြေကြီးအောက်ကငှက်-
သူဟာ “အတ္တမဲ့အလင်း”
မြေကြီးအောက်ကငှက်ဟာ
ပေါ်လစီသီချင်းတွေ မဆိုခဲ့သလို
ပေါ်လစီသီချင်းတွေလည်း မရေးခဲ့ဘူး။

ပေါ်လစီစတိတ်ရှိုးစင်ပေါ်ကိုလည်း
ဘယ်တော့မှမတက်ခဲ့ဘူးလေ။

မြေကြီးအောက်ကငှက်ကို
အာဏာ၊ ငွေကြေး ၊ရမ္မက်၊ ဂုဏ်ထူးဆောင်လက်မှတ်တွေနဲ့ 
မြှူဆွယ်လို့ မရဘူးလေ။

မြေကြီးအောက်ကငှက်ဟာ
ကမ္ဘာ့ဒုက္ခနဲ့အသည်းကွဲခဲ့ဖူးသလို
မြန်မာ့ဒုက္ခနဲ့လည်း အသည်းကွဲခဲ့ဖူးသူ။

မြေကြီးအောက်ကငှက်ဟာ
အတောင်ညောင်းလို့ အိပ်စက်ရတဲ့အခါ
ဆရာကြီးမင်းသုဝဏ်နဲ့ ဘေးချင်းယှဉ်ပြီး အိပ်စက်ရတယ်။

မြေကြီးအောက်ကငှက်ဟာ
သေနတ်များကိုလည်းခုံမင်ပြီး
နှင်းဆီပန်းများကိုလည်း စွဲလမ်းသူဖြစ်တယ်။

မြေကြီးအောက်ကငှက်ဟာ
ရှစ်လေးလုံးအရေးတော်ပုံကို ကောင်းကောင်းရင်ခုန်ခဲ့ဖူးတယ်။

အကယ်၍ အသက်ထင်ရှားရှိနေဦးမယ်ဆိုရင်
မြေကြီးအောက်ကငှက်ဟာ
ရွှေဝါရောင်တော်လှန်ရေးကိုလည်း ကျိန်းသေ ရင်ခုန်ဦးမှာပဲ။

ရန်သူနဲ့မိတ်ဆွေ မခွဲခြားနိုင်ဘဲနဲ့ 
တော်လှန်ရေးလုပ်လို့ မရဘူးဆိုရင်
မမခင်ဦးစံပယ်ရဲ့
မြေကြီးအောက်ကငှက်ဟာ
တော်လှန်ရေးသမားစစ်စစ်ပေါ့။

တကယ်တော့ မမခင်ဦးစံပယ်ရယ်
မြေကြီးအောက်ကငှက်ဆိုတာ
ကောင်းကင်ကိုတောင် ငုံ့ကြည့်နိုင်စွမ်းရှိသူပေပဲ။

မြေကြီးအောက်ကငှက်ဟာ
ဘယ်လောက်တောင် ကြီးကျယ်သလဲဆိုရင်
ရာဇာဓိရာဇ် အရေးတော်ပုံကျမ်းကိုတောင်
ရုပ်ရှင်ရိုက်ပြဦးမတဲ့။

မမခင်ဦးစံပယ်ရဲ့
မယုံမရှိနဲ့
မြေကြီးအောက်ကငှက်ဟာ
သီချင်းနဲ့ပုန်ကန်သူ
အနုပညာသူပုန်စိတ်ကြီးသူ။

မမခင်ဦးစံပယ်ရယ်
မြေကြီးအောက်ကငှက်ကို
အနာဂတ်ကလည်း နှစ်လိုပေမယ်။

သူ့ကိုဂုဏ်ပြုဖို့ 
ကျွန်တော်တို့ ဘဝ လုံခြုံအောင်လုပ်ရမယ်။

ဘဝလုံခြုံဖို့ ဆိုရင်
(၁)စစ်အာဏာရှင်စနစ်ပြုတ်ကျမှဖြစ်မယ်
(၂)ဒီမိုကရေစီနဲ့ လူ့အခွင့်အရေးရမှဖြစ်မယ်
(၃)ဒေါ်အောင်ဆန်းစုကြည်အစိုးရ ပေါ်ထွန်းမှဖြစ်မယ်။

မြေကြီးအောက်ကငှက်ကို
လွမ်းတဲ့အခါ
“ရာဇဝင်များရဲ့ သတို့သမီး” သီချင်းနားထောင်ပါ။

အခု ကျွန်တော်သူ့ကိုလွမ်းနေတဲ့အကြောင်း
မြေကြီးအောက်ကငှက်ဆီကို
အီးမေးလ်ပို့လိုက်မယ် မမခင်ဦးစံပယ်။

ပြီးတော့ သူ့ကိုလွမ်းတဲ့အကြောင်းရေးထားတဲ့ဒီကဗျာ
သူ့သမီး မိကွန်ထော ဖတ်ဖို့ 
ဖက်စ်နဲ့ ပို့ရဦးမယ်။
သူ့ဇနီး သွယ်သွယ်ထွေးကိုလည်း
ကျနော်သတိရကြောင်းပြောပြပေးပါ။

မမခင်ဦးစံပယ်
ကျွန်တော်ပြန်လာတဲ့အခါ
မြေကြီးအောက်ကငှက်အမှတ်တရ
ကဗျာရွတ်ဆိုပွဲတခုလုပ်ကြတာပေါ့
သူ့သီချင်းတွေလည်းဆိုကြတာပေါ့
တချိန်ချိန်ပေါ့။

တနေ့တော့
ကျနော်တို့ လုပ်ကိုလုပ်နိုင်ရမယ်။

တနေ့
ကျနော်တို့ မုချ နိုင်ရမယ်။

အခုတော့ မစ်ရှီဂန်မှာ
လွမ်းရုံပဲ လွမ်းနိုင်သေးတာ။

မြေကြီးအောက်ကငှက်ကို အားနာတယ်။
တိုင်းပြည်ကိုလည်း အားနာတယ်။

မမခင်ဦးစံပယ်ရေ
ကောင်းကင်ပေါ်မှာ ငှက်တကောင်ရှိတယ်လေ။ ။

အောင်ဝေး
(ထူးအိမ်သင် ကွယ်လွန်ခြင်း ၄ နှစ်ပြည့်အမှတ်ရ၊ ၁၄ ဩဂုတ် ၂၀၀၈)



နှုတ်ဆက်တေး

ဂွတ်ဘိုင် ကပ္ပတိန် ထူးအိမ်သင်
ငါတို့ အသက်ကယ်လှေပေါ် ရှင်သန်နေဆဲပါ
မင်း သဘောင်္ကြီးနဲ့အတူ ပင်လယ်ထဲ နစ်မြုပ်ခဲ့ရာ
ဂွတ်ဘိုင် ကပ္ပတိန် ထူးအိမ်သင်
မင်းဝိညာဉ် ကမ်းကြည့်ငှက်ကလေး ပြန်လာတဲ့အခါ
ငါတို့တနေ့ အောင်ပွဲနဲ့ ကုန်းမြေကို တွေ့နိုင်တာ။
ဂွတ်ဘိုင် ကပ္ပတိန် ထူးအိမ်သင်
နောင်တချိန် ငါတို့ လွတ်လပ်စွာ မွေးဖွားခွင့်ရှိရင်
ကလေးတွေကို မင်းနာမည်ပေးမှာ အသေအချာ
ဂွတ်ဘိုင် ကပ္ပတိန် ထူးအိမ်သင်။
ဂွတ်ဘိုင် ကပ္ပတိန် ထူးအိမ်သင။်
ဂွတ်ဘိုင် ကပ္ပတိန် ထူးအိမ်သင်။ ။


နှုတ်ဆက်တေး
အောင်ဝေး
သြဂုတ် ၁၄၊ ၂၀၀၈

http://sites.google.com/site/poetmyatwai/--18/--22
မှကူးယူဖော်ပြပါသည်

Tuesday, August 2, 2011

ဘာမှမရှိခြင်းဥယျာဉ်

ဒီကဗျာလေးကို တစ်နေရာရာမှာဖတ်မိခဲ့ပြီး သဘောကျလို့ သူငယ်ချင်းတွေဆီကိုတောင် Forward mail အဖြစ်ပို့မိခဲ့ပါသေးတယ်။ ထုံးစံအတိုင်း ကြာသွားတော့ ပြန်မရှာတတ်တော့ပြန်ဘူးပေါ့။ ဒီနေ့လည်း ပျင်းပျင်း ရှိတာနဲ့ ဘလော့လေးတွေလျှောက်သွားရင်း ဟန်းဂုရွာဘလော့ စာအုပ်စင် ကဏ္ဍမှာ ကဗျာဆရာနေမျိုးရဲ့ ဘာမှမရှိခြင်းဥယျဉ်ဆိုတဲ့ကဗျာလေးကို အမှတ်တမဲ့ပြန်သွားတွေ့မိလို့ ၀မ်းသာအားရ နောက်တစ်ခါပြန်ဖတ်ရင်း ကိုယ့် ဘလော့ဂ်လေးမှာလည်း ပြန်လည်ဝေမျှရင်းသိမ်းထားဖို့ စိတ်ကူးမိလို့ ကူးလာခဲ့လိုက်ပါတယ်။
မူရင်းကတော့ ဒီမှာရှိပါတယ်။

http://burmainfokorea.blogspot.com/search/label/%E1%80%85%E1%80%AC%E1%80%A1%E1%80%AF%E1%80%95%E1%80%B9%E1%80%85%E1%80%84%E1%80%B9

ဘာမှမရှိခြင်းဥယျာဉ်

လိုက်မလား ခင်
ဘာမှမရှိခြင်းဥယျာဉ်ကို
ပုံပြင်လိုလို တကယ်လိုလို
ကောလာဟလလိုလို ဖြစ်ရပ်မှန်လိုလို
ငါတို့သိခဲ့ကြဖူးတဲ့ ဘာမှမရှိခြင်းဥယျာဉ်ကိုလေ

ဘာမှမရှိခြင်းဥယျာဉ်ဟာ နတ္ထိမြို့မှာရှိသတဲ့
နတ္ထိမြို့ဟာ ကမ္ဘာ့မြေပုံရဲ့ အပေါ်မှာလား
နတ္ထိမြို့ဟာ အဝေးကြီးမှာလား
နတ္ထိမြို့ဟာ နီးနီးကလေးမှာလား

ငါတို့ သွားကြမယ် ခင်
ဘာမှမရှိခြင်းဥယျာဉ်ကို
ဘာမှမရှိခြင်းဥယျာဉ်မှာ တံခါးလည်း မရှိဘူးတဲ့
ဘာမှမရှိခြင်းဥယျာဉ်မှာ ဂိတ်ပေါက်အစောင့်လည်း မရှိဘူးတဲ့
ဘာမှမရှိခြင်းဥယျာဉ်မှာ မရှိပင်တွေရှင်သန်ပေါက်ရောက်သတဲ့
သိပ်လှတာပဲတဲ့ကွယ်
မရှိပင်တွေက မမြင်ရတဲ့ပန်းတွေ ဖူးပွင့်ချိန်ဆို
ဘာမှမရှိခြင်းဥယျာဉ်ဟာ သိပ်ခမ်းနားလာတော့တယ် တဲ့
လေထဲမှာလည်း မွှေးရနံ့တွေ ထုံအီနေလိမ့်မယ်လို့ ထင်မိတယ်
ပန်းချီဆရာ အဘိုးကြီးတစ်ယောက်ဟာ
မမြင်ရတဲ့ပန်းတွေ ဖူးပွင့်ချိန်ဆို
ဘာမှမရှိခြင်းဥယျာဉ်ကို မှန်မှန်ရောက်လာတတ်သတဲ့
ဒြပ်မဲ့ပန်းချီကားတွေဆွဲဖို့လေ
ဘာမှမရှိခြင်းဥယျာဉ်ထဲမှာ
မရေးရသေးတဲ့ ၀တ္ထုတွေထဲကဇာတ်ကောင်တွေ ရောက်ရောက်လာပြီး
ဟိုဟိုဒီဒီ လှည့်လည်သွားလာကျက်စားကြသတဲ့ကွယ်
ဘာမှမရှိခြင်းဥယျာဉ်ထဲမှာ ငှက်ကလေးတွေ
လူးလာပျံသန်းလို့ ငါတို့မြင်တွေ့နိုင်ဖို့မလွယ်ကူနိုင်တဲ့ ငှက်ကလေးတွေပေါ့

ဘာမှမရှိခြင်းဥယျာဉ်ထဲမှာ ငှက်ကလေးတွေ
အော်မြည်လို့ ငါတို့ကြားနိုင်ဖို့မလွယ်ကူတဲ့အသံနဲ့ပေါ့
ဘာမှမရှိခြင်းဥယျာဉ်ရဲ့ လျှို့ဝှက်တဲ့တစ်နေရာမှာ
အဖိုးတန်သေတ္တာတစ်လုံးကို ဘယ်သူမှမသိအောင်
မြှုပ်နှံထားသတဲ့ ဒါပေမယ့်
အဲဒီသေတ္တာထဲမှာ ဘာမှမရှိပါဘူးကွယ်

ဘာမှမရှိခြင်းဥယျာဉ်ဟာ ဘယ်အချိန်ကတည်းက ရှိနေခဲ့တာလဲ
ဘယ်သူမှမသိကြဘူးတဲ့
ဘာမှမရှိခြင်းဥယျာဉ်ကို ဘယ်လိုတည်ဆောက်ခဲ့တာလဲ
ဒါကိုလည်း ဘယ်သူမှသိပ်မသိကြသေးဘူးကွဲ့
ဘာမှမရှိခြင်းဥယျာဉ်မှာ ရယ်စရာတွေမရှိဘူးတဲ့
ဘာမှမရှိခြင်းဥယျာဉ်မှာ ငိုစရာတွေမရှိဘူးတဲ့

ဘာမှမရှိခြင်းဥယျာဉ်မှာ
မရှိပင်တွေက မမြင်ရတဲ့ပန်းတွေဖူးပွင့်ချိန်ရောက်ပြန်ပေါ့
လိုက်မလား ခင်
ဘာမှမရှိခြင်းဥယျာဉ်ကို။

နေမျိုး

Friday, April 1, 2011

ဆီးချိုသွေးချိုအကြောင်းသိကောင်းစရာ

ကိုရီးယားကို နံမည်ကြီးဆရာတော်ကြီးတစ်ပါးကြွလာမှာမို့ ကိုရီးယားအစားအစာဘုန်းမပေးနိုင်လို့ မြန်မာအစားအစာလေးတွေ ချက်ပြီးကပ်ပေးနိုင်မလား မေးလာတာနဲ့ အပျံစားချက်တတ်လို့ တော့မဟုတ်ပေမယ့် ကိုယ့်ဆီတည့်တည့်ရောက်လာတဲ့ အခွင့်အရေးမို့ လက်မလွတ်ရအောင် ကျောင်းဖွင့်နေပေမယ့် အတန်းတွေနဲ့ မအားတဲ့ကြားကပဲ တာဝန်ယူလိုက်ပါတယ်။ နောက်မှသိရတာက ဆရာတော်ကြီးက သက်တော် ၇၀ ကျော်နေပြီး ဆီးချိုသမားမို့ သတ်သတ်လွတ်ပဲဘုန်းပေးတယ်ဆိုတော့ ကျန်းမာရေးနဲ့ ညီညွတ်အောင် ဘယ်လို ဆွမ်း ခဲဘွယ်တွေ ချက်ကပ်ရပါ့မလည်း တော်တော်ဦးဏှောက် ခြောက်သွားခဲ့ပါတယ်။ ချက်တတ်တဲ့ သူငယ်ချင်းတွေနဲ့ စင်္ကာပူမှာနေတဲ့အစ်မတွေကို မေးပြီး ကိုယ်တိုင်လည်း အင်တာနက်မှာ လိုက်ရှာဖတ်လိုက်တာ ဒီရောဂါနဲ့ပါတ်သက်ပြီး တော်တော် ဗဟုသုတလေးတွေ ရသွားတာမို့ တစ်ဆင့်ပြန်လည်ဝေငှလိုက်ရပါတယ်။

ဆီးချိုရောဂါ ကို အင်္ဂလိပ် ဆေးပညာ စကားလုံးနှင့် Diabetes mellitus ဟု ခေါ်သည်။ ဆီးချိုရောဂါ သည် ခန္ဓာကိုယ်အတွင်းရှိ ဂလူးကိုစ့်ဓာတ်(Glucose) များနှင့် ပတ်သက်သော ဇီဝဓာတုမက်တာဘိုးလစ်ဖြစ်စဉ် (metabolism) တစ်ခု ကမောက်ကမ ဖြစ်သည့်အတွက် ဖြစ်ပေါ်ရသော ဝေဒနာစု တစ်ခု ဖြစ်ပါသည်။ ဆီးချို ရောဂါ ဖြစ်လေ့ရှိသော အကြောင်းရင်းနှစ်ချက်မှာ (၁)မျိုးရိုးဗီဇ (Genetic )/မျိုးရိုးလိုက်ခြင်း (hereditary) နှင့် (၂)အနေအထိုင်ဘ၀ ပတ်ဝန်းကျင် တို့ ဖြစ်ပါသည်။
သွေးထဲက သကြားဓာတ် ပမာဏကို တက်စေခြင်းဖြင့် ဖြစ်ပေါ်လာသော အဓိကရောဂါ လက္ခဏာတွေကတော့
  1. ဆီးသွားတာများခြင်း၊
  2. ဆီးသွားများလို့ ရေငတ်ခြင်း ရေအများအပြားသောက်ခြင်း၊
  3. အမြင်အာရုံ ကျဆင်းေ၀၀ါးခြင်း၊
  4. အကြောင်းမဲ့ ပိန်ခြင်း၊
  5. မအီမသာဖြစ်ခြင်း နဲ့
  6. အခြားလက္ခဏာတွေ ပဲဖြစ်ပါတယ်။

ဆီးချို-သွေးချိုရောဂါ Diabetes mellitus (Diabetes) ဆိုတာ အကြမ်းအားဖြင့် ၃ မျိုးရှိပါတယ်။

• အမျိုးအစား (၁) ကိုယ်ခန္ဓာကနေ အချိုဓါတ်ကို ထိန်းညှိပေးတဲ့ သရက်ရွက်ကနေ ထုတ်ပေးရမဲ့ Insulin ဟော်မုန်း မထုတ်နိုင်တာ။ ငယ်သူတွေမှာ ဖြစ်တယ်။
• အမျိုးအစား (၂) (အင်စူလင်) ဟော်မုန်းကို ခံနိုင်ရည်ဖြစ်နေတာ။
• အမျိုးအစား (၃) ကိုယ်ဝန်ဆောင်နေတုံး ဖြစ်တာ။ မွေးရာပါဆီးချို၊ Cystic fibrosis ရောဂါနဲ့တွဲတာ၊ Steroid ဆေးကြောင့်ဖြစ်တာ၊ စသဖြင့် ရှိသေးတယ်။

(၁) နဲ့ (၂) က နာတာရှည်ဖြစ်ပြီး၊ လုံးဝပျောက်တယ်ဆိုတာ မရှိပါ။ (၃) ကတော့ မွေးပြီး ကောင်းသွားတာ များတယ်။ နောက်မှာ အမျိုးအစား (၂) ဖြစ်သွားတတ်တာလဲ ရှိတယ်။

ဆီးချိုကို မကုဘဲထားရင် ရုတ်တရက် သကြားဓါတ် နည်းလွန်းသွားတာ နဲ့ သတိလစ်တာက ရုတ်တရက်ဖြစ်တာတွေပါ။ ရေရှည်ဖြစ်နိုင်တာတွေက နှလုံး-သွေးကြောရောဂါ၊ ကျောက်ကပ် အလုပ်မလုပ်တာ၊ မျက်စိထိခိုက်တာတွေ ဖြစ်နိုင်တယ်။

ဆီးချိုကိုကုတာမှာ သွေးတိုး (သွေးဖိအားများ) တာ၊ ကိုယ်အလေးချိန်ချတာ၊ ဆေးလိပ်ဖြတ်တာတွေနဲ့ တွဲလုပ်ရမယ်။ ကုသရတာ ရေရှည်ပါ။ သွေးထဲက အချိုဓါတ်ကို ပုံမှန်မှာ ရှိနေအောင် လုပ်ပေးနေရတာ ဖြစ်ပါတယ်။

အစားအသောက်ထိန်းတာ နဲ့ ဆေးပေးတာက မလုပ်မနေလုပ်ရပါမယ်။ ဆေးမှာ အမျိုးအစား (၁) ကို (အင်စူလင်) ထိုးဆေး၊ (၂) ကို စားဆေး နဲ့ လိုသေးရင်တော့ ထိုးဆေး ပေးရတယ်။ တချိန်တည်းမှာ လူနာကို ဆီးချိုအကြောင်း သိအောင် ပညာပေးရပါမယ်။ လေ့ကျင့်ခန်းလုပ်ဘို့၊ (ကိုလက်စထော) ချဘို့တွေပါ လုပ်ရမယ်။ ဒီလိုလုပ်တာ Lifestyle နေထိုင်မှုဘ၀ကိုပါ ပြောင်းစေရတာ ဖြစ်ပါတယ်။


အုပ်စု(၁) လုံးဝရှောင်ရမည်. အစားအစာများ

သကြားနှင်. သကြားပါဝင်သော အစားအသောက်အားလုံးကို လုံးဝရှောင်ရမည်၊သကြား၊ ၈လူးကို.စ်၊ကြံသကာ ၊ထန်းလျက်၊ယိုအမျိုးမျိုး ၊ချိုချဉ်၊ ချောက်လက်၊ အိုက်စ်ကရင်၊ လမုန်.၊ထိုးမုန်.၊ မလိုင်မုန်.၊ ကိတ်မုန်.
၊အဖျော်ယမကာ အမျိုးမျိုး ၊စည်သွပ်သီး အမျိုးမျိုး ၊အချိုလွန်သော ဘီစကစ်၊ ပေါင်မုန်.၊ကိတ်မုန်.၊ ချိုသောအသီးအနှံများ၊ ဥပမာ - ဖရဲသီး ၊နာနတ်သီး၊ သရက်သီး၊ သကြား၊နို.ဆီ၊ နို.မှုန်.၊ကော်ဖီမစ် တို.နှင်. ဖျော်သော ကော်ဖီ၊လက်ဖက်ရည်။

အုပ်စု(၂) ကန်.သတ်ရန်မလိုသော အစားအစာများ (ကြိုက်သလောက်စား)

(က) စိမ်းစိုသော ဟင်းရွက်အမျိုးမျိုး
ဘူးရွက်၊ ကန်စွန်းရွက်၊ မန်ကျည်းရွက်၊ ချဉ်ပေါင်ရွက်၊ ဆူးပုပ်ရွက်၊ မြင်းခွာရွက်၊ ဂေါ်ဖီထုပ်၊ ဂေါ်ဖီပွင်.၊ ပန်းမုန်လာ၊ ကိုက်လန်ရွက်၊ မုန်ညှင်းရွက်။

(ခ) မချိုသော အသီးအမြစ်များ
ခရမ်းချဉ်သီး၊ သံပုရာသီး၊ ရှောက်သီး၊ ဆီးဖြူသီး၊ မျှစ်၊ မုန်လာဥဖြူ၊ဘူးသီး၊ ဂေါ်ရခါးသီး၊ ခရမ်းသီး၊ ကင်းပုံသီး၊ခ၀ဲသီး၊ ရုံးပတီသီး ၊ ဂွေးချိုသီး၊ သလဲသီး။

(ဂ) သားငါးများ
ကြက်၊ဘဲ၊ ဆိတ်၊ အမဲ ၊၀က်၊ ငါး၊ ပုစွန်၊ ကြက်ဥ၊ ဘဲဥ၊ ငုံးဥ။

(ဃ) ကော်ဖီ ၊လက်ဖက်ရည်
နွားနို.အစစ်နှင့် ဖျော်ပြီး ဆက်ကရင်နှင့် အချိုတုများနှင်.ဖျော်သော ကော်ဖီ၊ လက်ဖက်ရည် တို.ကို သောက်သုံးနိုင်ပါသည်။
သကြား၊ နို.ဆီ ၊ န်ို.မှုန်. လုံးဝ(လုံးဝ)မသုံးရ။

အုပ်စု(၃) သင်.တင်.သော အတိုင်းအတာအထိသာ စားသင်.သော အစားအစာများ (လျော.စား)
အုပ်စု (၃) အစားအသောက်များသည် ကစီဓတ် (ခေါ်) ကာဘို
ဟိုက်ဒြိတ် ဓတ် အများဆုံးပါရှိသည်။ မိမိနှင်. သင်.တင်သော တစ်နေ.အတွက် ကစီဓာတ်
ယူနစ်ပမာဏ ကို ဆရာဝန်နှင့် တိုင်ပင်ရန် လိုအပ်ပါသည်။

(က) ဆန်နှင့် ပြုလုပ်သောအစားအစာများ
ထမင်း၊ ဆန်ပြုတ် ၊ မုန်.တီ ၊ မုန်.ဟင်းခါး၊ ဆန်ခေါက်ဆွဲ ၊ကောက်ညှင်း။
(ခ) ဂျုံနှင့် ပြုလုပ်သော အစားအစာများ
မချိုသောပေါင်မုန်. နှင်. ဘီစကစ်၊ ခေါက်ဆွဲ ၊နံပြား၊ဂျပါတီ၊ ပူရီ ။အီကြာကွေး၊ ထပ်တရာ၊ ပလာတာ။

(ဂ) ကစီဓာတ်များသော အသီးနှင်.ဥများ
အာလူး၊ ရွှေဖရုံ၊ ကန်စွန်းဥ၊ ပိန်းဥ၊ ခါကြက်ဥ၊ ပဲအမျိုးမျိုး၊ လိမော်သီး၊ ငှက်ပျောသီး၊ မလကာသီး၊ စိမ်းစားဥ ။

အခြားသောမှတ်သားဖွယ်ရာတွေကတော့ နံနက်စောစာကို ကွေကာအုပ်နဲ့ နေ့လည်စာနဲ့ ညစာကို ဆန်လုံးညိုကိုချက်စားသင့်ကြောင်း၊ သစ်ကြပိုးခေါက်ကလည်း သွေးတွင်း သကြားဓါတ်ကိုလျော့စေနိုင်လို့ သစ်ဂျပိုးခေါက်ကို ဟင်းအတွင်းထည့်ချက်လို့ဖြစ်စေ၊ cinnamon tea အဖြစ်ဖြစ်စေ သောက်သုံးသင့်ကြောင်း၊ အစပ်အရသာကလည်း သွေးတွင်းသကြားဓါတ်ကို 29% အထိလျှော့ချပေးနိုင်လို့ အစပ်အရသာများ စားသုံးပေးသင့်ကြောင်း၊ နွားနို့ လိမ္မော်ရည်စတာတွေကလည်း Vitamin D ကြွယ်ဝတဲ့အပြင် အင်ဆူလင် ထုတ်လုပ် မှုကိုအားပေးတာမို့ သောက်သုံးပေးသင့်ကြောင်း၊ Almon (အခွံမာသီးအစေ့)ကိုပုံမှန်သင့်တင့်ရုံ နေ့စဉ်စားသုံးပေးပါက ဆီးချိုနှင့် နှလုံးရောဂါကို ကာကွယ်ပေးနိုင်ကြောင်း၊ ကဖင်းဓါတ်ထုတ်ထားတဲ့ Decaf လို့လည်းခေါ်တဲ့ Decafenated coffee ကိုတစ်နေ့ တစ်ခွက်ခန့် သကြားမပါပဲ သောက်သုံးပါက ဆီးချိုကို ထိန်းထားပေးနိုင်တာ ကော်ဖီချစ်သူတို့အတွက်သတင်းကောင်းဖြစ်ကြောင်း၊ စသည် စသည်ဖြင့် တော်တော် ပြည့်ပြည့်စုံစုံလေး မှတ်သားဖြစ်သွားတာမို့ ဆရာတော်ကြီးကို ဆွမ်းလုပ်ကြွေးခွင့်မရမီကပင် ပုဗ္ဗစေတနာတွေ လည်း တိုးပွားနေတဲ့အပြင် လက်တွေ့ ဗဟုသုတတွေလည်း တိုးပွားခဲ့ရတာမို့ အီဟွာသူရဲ့ စာဖတ်ပရိတ်သတ် များကို ၀မ်းမြောက်စွာ ထပ်ဆင့်ဝေငှပေးလိုက်ရပါတယ်။

ဆီးချိုဝေဒနာရှင်များလည်း အသက်ဥာဏ်စောင့်ပြီး အသက်ရာကျော်ရှည်နိုင်ကြပါစေလို့ ...
အီဟွာသူ
April 1, 2011
11:30 pm

(ကိုးကားဘလော့များ -- အလင်းစေတမန်၊ စိုးမိုးကျော်၊ wikimyanmar, http://www.myanmar-ccg.org/)

Wednesday, March 23, 2011

ဓုတင်ဆရာတော်၏ သြ၀ါဒကထာ

ဒီနေ့ရောက်လာတဲ့ forward mail လေးထဲက အရမ်းကိုအဖိုးတန်တဲ့စာသားလေးမို့ ဘလော့မှာ ပြန်မျှဝေပေးလိုက်ပါတယ်။ စကားအပြောအဆို ဆင်ခြင်ကြရတာပေါ့...

==================
တစ်နေ့သ၌ စာရေးသူသည် နောင်တော်ကြီး ဓုတင်ဆရာတော်ထံ သွားရောက်ဖူးမြင်ခဲ့ရာ မေတ္တာဂရုဏာတရား ကြီးမားလှသော နောင်တော်မထေရ်မြတ်မှ လွန်စွာမှတ်သားဖွယ်ကောင်း၍ လေးနက်လှသော သြ၀ါဒတော်ကို ဤသို့ မိန့်ကြားတော်မူခဲ့ပါသည် ။
"အလိမ္မာကြီး -သန္တကာယော , သန္တ၀ါစော , သန္တမနော - တဲ့ " ကိုယ်ကိုအေးအောင်ထား ၊ နှုတ်ကိုအေးအောင်ထား ၊ စိတ်ကိုအေးအောင်ထား ။ အလုပ်မလောနဲ့ ၊ အပြောမလောနဲ့ ၊ စိတ်မမြန်နဲ့ ၊ကိုယ်နှုတ်စိတ် သိမ်မွေ့ပါစေ ။ မျက်စိနဲ့စူးစမ်း ၊ နားနဲ့စနည်းနာ ၊ စိတ်နဲ့ဆင်ခြင်ပြီး အရာရာကို သတိရှိပါ ။ ဘာလုပ်လုပ် သုံးသပ်ချက်မှန်မှ ဆုံးဖြတ်ချက်မှန်မယ် ။ ဒါကြောင့် ဆင်ခြင်တုံတရား ရှိပါ ။ စကားပြောလောမကြီးနဲ့ ၊ ငါ့စကားနွားရမလုပ်လေနဲ့ ၊ ဒဏ်သင့်တတ်တယ် ။ စကားပြောမယ်ဆိုရင် ပြောထုံး ၊ လုပ်ထုံး ဆယ်လုံးနှစ်လုံးစီသုံးပါ ။ မြဲမြဲမှတ်သားထား ။

ဖန် ၊ မြေ ၊ ကြွေ ၊ ကော် ၊ ကြောက် ၊ ဘုန်းမတောက် ၊
သံ ၊ သွပ် ၊ ဒါန် ၊ ခဲ ၊ ကြီး ၊ ဘုန်းမကြီးတဲ့ ။

ဖန် - ဆိုတာက ဖန်တီးလုပ်ကြံပြီး ပြောတဲ့စကားမျိုး ၊
မြေ - ဆိုတာက မြေခံရလောက်အောင် ကျိန်တွယ်ပြောတဲ့ စကားမျိုး ၊
ကြွေ - ဆိုတာက အထိမခံ ကြွေပန်းကန်ဆိုသလို ဆက်ဆက်ထိမခံ နှုတ်ခမ်းတလန် ပန်းတလန်စကားမျိုး ၊
ကော် - ဆိုတာက ကော်ကပ်ပြီး ငါ့စကားနွားရပြောတဲ့စကားမျိုး ၊
ကြောက် - ဆိုတာက ကြောက်ကန်ကန်ပြီး နှုတ်လှန်ထိုးပြောစကားမျိုးတွေကို မပြောမိစေနဲ့ ။ ဘယ်တော့မှ ဘုန်းမကြီး ကံမကောင်းဘူး ။

နောက် သံ ၊ သွပ် ၊ ဒါန် ၊ ခဲ ၊ ကြီး ဆိုတာက -
သံ - ဆိုတာ တစ်ယူသန် ၊ တဇောက်ကန်း ၊ ကပ်တီးကပ်ဖဲ့ပြောတာမျိုး ၊
သွပ် - ဆိုတာက ပေါ့သွပ်သွပ် ရူးနှမ်းနှမ်း ပေါက်ပန်းလေးဆယ်ပြောတဲ့စကားမျိုး ၊
ဒါန် - ဆိုတာက မောက်မောက်မာမာ ခက်ခက်ထန်ထန် ရိုင်းရိုင်းပျပျနဲ့ ဒဏ်သင့်လောက်တဲ့စကားမျိုး ၊
ခဲ - ဆိုတာက စောင်မဲနရွဲ အံခဲပြီး မထီမဲ့မြင်ပြောတဲ့စကားမျိုး ၊
ကြီး - ဆိုတာက ဘ၀င်မြင့် မာန်မာနထောင်လွှားပြီး လေကြီးမိုးကြီးပြောတဲ့စကားမျိုးတွေကို ရှောင်ကြရမယ် ။

မှတ်သား လိုက်နာ ဆောင်ထားရမှာက ဘော်သာခွာ ငွေဆင်ဖြူစင် အဖိုးမှန် သိင်္ဂီနိက်ရွှေစင်သန့်စင် အဖိုးတန်သတဲ့ ။ အပြစ်အနာအဆာ အညစ်အကြေးကင်းတဲ့ ဘော်သာခွာ ငွေစင်ဟာ အဖိုးမှန် တန်ဖိုးရှိသလို သန့်စင်တဲ့ သိင်္ဂီနိက်ရွှေစင်ဟာလည်း အဖိုးထိုက်တန်တယ် ။ ဒါကြောင့် ကောင်းမြတ်မှန်ကန်တဲ့စကားမျိုး ၊ သန့်စင် ဟုတ်မှန် အကျိုးဖြစ်စေတဲ့စကားမျိုးပြော ။ စကားပြောတဲ့အခါ ချိုချိုသာသာပြော ၊ လေးလေးနက်နက် ပြော ၊ မှန်မှန်ကန်ကန်ပြော ။ ဒါမှ အဖိုးတန်မယ် အလိမ္မာကြီးရေ ။

ပြီးတော့ စကားကြောမရှည်နဲ့ ၊ စကားနိုင်မလုနဲ့ ၊ အငြင်းမသန်နဲ့ ။ အငြင်းပွားလွန်းရင် အမှန်တရားကွယ် တတ်တယ် ။ လူချင်းအလဲမခံရစေနဲ့ ၊ ဘ၀ချင်းအလဲမခံရစေနဲ့ ၊ ဒုက္ခချင်းအလဲမခံရစေနဲ့ ။ မာနက လူချင်း လဲတယ် ၊ တဏှာက ဘ၀ချင်းလဲတယ် ၊ ဒိဋ္ဌိက ဒုက္ခချင်းလဲတယ် ၊ ကြပ်ကြပ်သတိထား ။

ဒီတော့ သိ , ရဲ , ပြေ တည်ထောင်ကြရမယ် ။
သိ - ဆိုတာ အကြောင်းအကျိုး ၊ အကောင်း အဆိုးကို နှိုင်းချိန်သိရှိရမယ် ။
ရဲ - ဆိုတာက မှန်ကန်အကျိုးရှိတဲ့စကားမျိုးကို ရဲရဲဝံ့ဝံ့ ပြောဆိုရမယ် ။
ပြေ - ဆိုတာက ပြေပြေပြစ်ပြစ် ချိုချိုသာသာ သူတစ်ပါး နားဝင်အောင် ပြောဆိုရမယ် ။

ပြီးတော့ ဘုရားရှင်အလိုတော်ကျ ယထ၀ါဒီတထကာရီ ပြောတဲ့အတိုင်းလုပ် ၊ လုပ်တဲ့အတိုင်းပြော ၊ မကြွားနဲ့ ။ ဌာနာဌာနကောသလ္လ္ကဉာဏ်ရှိရမယ် ။ သူ့နေရာနဲ့သူ အံဝင်ခွင်ကျပြောတတ်နေတတ်ရမယ် ။ ထေ့ , ငေါက် , ထောက် , ကပ် ပြီးမပြောရဘူး ။ အငြင်းအခုန်များရင် အမှန်တရားနဲ့ကွာပြီး ချော်သွားတက်တယ် ။ အမှားကြာရင်လည်း အမှန်ထင်သွားတတ်တယ် ။

လောက၀စနံ သစ္စံ နသစ္စံ -တဲ့ ။ လောကစကားဟာ မှန်တာလည်းရှိတယ် ၊ မှားတာလည်းရှိတယ် ။ ဆင်ခြင်သုံးသပ်ပြီးမှပြော ။ အကျိုးမရှိတဲ့ စကားကို ပြောတာထက် ဆိတ်ဆိတ်နေတာကောင်းတယ် ။ လုပြောတာ ၊ လောကြီးပြောတာ ၊အစွန်းမလွတ်မျိုး မပြောရဘူး ။

ဒိပြင် -
လောကညူ - လောကအကြောင်းသိရမယ် ။
ခေတ္တညူ - ခေတ်ကာလအကြောင်းသိရမယ် ။
ဒေသညူ - နေရာဒေသအကြောင်းသိရမယ် ။
ကာလညူ - အချိန်အခါကိုသိရမယ် ။
ဌာနညူ - နေရာဌာနအကြောင်းသိရမယ် ။
ဓမ္မညူ - တရားနည်းလမ်းကျသိရမယ် ။
ပုဂ္ဂလညူ - ပုဂ္ဂိုလ်အကြောင်းသိရမယ် ။

ဒါကို ထပ်မှတ်လိုက်ဦး ။ ဇမ္ဗူဒိပ်ကျွန်းမှာ ပြောဆိုကြတဲ့စကား ( ၆ ) ခွန်းမှာ အမာဝသိ လကွယ်သလို အမှောင်ဖုံးတဲ့ စကားမျိုးကို မပြောမိစေဘဲ ပုဏ္ဏမစန္ဒရ လပြည့်သဖွယ် ပြည့်ဖြိုးတင့်တယ်တဲ့ စကားမျိုး ပြောဆိုရမယ် ။ မဟုတ်မမှန် အကျိုးမရှိ ၊ သူမနှစ်သက်တဲ့ စကားမျိုး ။ ဟုတ်မှန် အကျိုးမရှိ ၊ သူမနှစ်သက်တဲ့ စကားမျိုး ။ မဟုတ် မမှန် အကျိုးမရှိ ၊ သူနှစ်သက်တဲ့ စကားမျိုး ။ ဟုတ်မှန် အကျိုးမရှိ ၊ သူနှစ်သက်တဲ့ စကားမျိုး အဲဒီလေးမျိုးကို ရှောင်ကြဉ်ပြီး - ဟုတ်မှန်အကျိုးရှိ ၊ သူမနှစ်သက်တဲ့ စကားမျိုး ။ ဟုတ်မှန်အကျိုးရှိ ၊ သူနှစ်သက်တဲ့ စကားမျိုး ။ ဒီ ( ၂ ) မျိုးကိုပြောရမယ် ။

ပြီးတော့ တစ်ဦးနဲ့တစ်ဦး မသင့်မြတ်တဲ့အကြောင်းကို မပြောနဲ့ ။ ကိုယ်ပါအကုသိုလ် ကူးစက်တတ်တယ် ။ သူတစ်ပါး ဒုက္ခရောက်နေတာကို ကိုယ်နဲ့မသင့်တင့်သူလို့ ၀မ်းမသာနဲ့ ။ မကြာမှီ မိမိကိုယ်တိုင် ဒုက္ခတွေ့ရတတ် တယ် ။ သီလ , သမာဓိ , ပညာ ရှိသူတို့ရဲ့ ဂုဏ်ကျေးဇူးကို ဟုတ်မှန်အတိုင်း ပြောဆိုပါက မိမိဂုဏ်အလိုလိုပြည့် လာတတ်တယ် ။ ကတိတည်ပါ ၊ ပြတ်သားပါ ၊ မူမှန်ပါ ။ မူပျက်လျှင် လူပျက်တတ်တယ် ။ မူကောင်းလျှင် လူကောင်းတယ် ။ ဒေါသဟာ ဂုဏ်ပျက်တယ် ၊ ခန္တီဟာ ဂုဏ်တက်တယ် ။ သည်းခံခြင်းတရားနဲ့ ကိုယ်ချင်းစာ စိတ်ထား ။

ပြီးတော့ ဒေါသ , မာန်မာန ထောင်လွှားပြီး လှူခြင်း ၊ ဂုဏ်တုဂုဏ်ပြိုင် မလုပ်လေနဲ့ ။ မပြိုင်ထိုက်တဲ့ ကိုယ့်ထက်သာတဲ့ပုဂ္ဂိုလ်နဲ့ ပြိုင်မိရင် ဘ၀နေ၀င်တတ်တယ် ။ ကိုယ်နဲ့ တန်းတူချင်း ပြိုင်မိရင်လည်း ဥသျှစ်သီးနှစ်လုံးဆိုင်ထုသလို ကြေမွသွားတတ်တယ် ။ ကိုယ့်ထက်နိမ့်တဲ့ ပုဂ္ဂိုလ်နဲ့ပြိုင်မိရင်လည်း လူကို ခွေးသတ်သလို ခံစားရတတ်တယ် ။ သူများအပြစ်ကိုမရှုနဲ့ ။ ကိုယ့်ကိုယ်ကိုယ်ကောင်းအောင်လုပ် ။ သူ့အပြစ်ကိုရှုခြင်းမှာ မျက်စိမရှိသလို ကျင့်ရမယ် ။ သူ့အပြစ်ကိုဆိုခြင်းမှာ လျှာမရှိသလို ကျင့်ရမယ် ။ သူ့ကိုပြစ်မှားခြင်းမှာ စိတ်မရှိသလို ကျင့်ရမယ် ။ အလိမ္မာကြီးရေ ကိုယ် , နှုတ် , စိတ် ကိုသတိအမြဲထားပါ ။ ကြမ်းတမ်းတဲ့ကိုယ်အမူအရာဟာ ကြမ်းတမ်းတဲ့နေရာကို ရမယ် ။ ကြမ်းတမ်းတဲ့နှုတ်အမူအရာဟာ ကြမ်းတမ်းတဲ့ အသံကို ကြားရမယ် ။ ကြမ်းတမ်းတဲ့စိတ်မိုက်ဟာ ကြမ်းတမ်းတဲ့တရားကို တွေ့ရမယ် ။ ကြမ်းတမ်းတဲ့တရား ဆိုတာက ဘ၀ပျက်မယ် ၊ မီးလောင်ပြာကျသလို လောင်ကျွမ်းခံရမယ် ။ အစိတ်စိတ်အမြွာမြွာဆုံးရှုံးမယ် ။ ကံဆိုးမိုးမှောင်ကျမယ် ။ ဒါကြောင့် ကိုယ် , နှုတ်မကြမ်းနဲ့ ။ သိမ်မွေ့တဲ့ ကိုယ်အမူအရာဟာ သိမ်မွေ့တဲ့ နေရာကိုရမယ် ။ သိမ်မွေ့တဲ့နှုတ်အမူအရာဟာ သိမ်မွေ့တဲ့အသံကို ကြားရမယ် ။ သိမ်မွေ့တဲ့ စိတ်ကောင်း စိတ်မြတ်က သိမ်မွေ့တဲ့တရားကို တွေ့ရတယ် ။ ဒါကြောင့် သိမ်မွေ့ပါစေ ။

ဒါကြောင့် အချုပ်သြ၀ါဒဆိုရရင် အချောင်လိုက်တာ ၊ အခွင့်အရေးယူတာ ၊ မသင့်မတင့်နှလုံးသွင်းတာတွေ ဟာ အကုသိုလ်ဖြစ်ဖို့နီးလို့ သတိထား ရှောင်ကြဉ်ရမယ် ။ အလိမ္မာကြီးရေ - ဒီသြ၀ါဒတွေကို ရိုရိုသေသေ လေးလေးနက်နက် လိုက်နာမှတ်သား ကျင့်ကြံနေထိုင်ပေတော့ ။

ဤကား စာရေသူ၏နောင်တော်ကြီးဖြစ်သော ဓုတင်ဆရာတော်မှ စာရေးသူအား ဆုံးမ သွန်သင်တော်မူခဲ့သော သြ၀ါဒများဖြစ်ပါသည် ။ ထိုသြ၀ါဒတို့ကို စာရေးသူ အလုံးစုံပြည့်စုံအောင် မလိုက်နာနိုင်ငြားသော်လည်း တတ်နိုင်သမျှ သတိထားလိုက်နာမိခြင်းဖြင့်ပင် ကြီးကြီးမားမား ပြဿနာကင်း အမှားရှင်း၍ လူချင်းတူတူ သူချင်းမျှမျှ ဘ၀အခြေလှ၍ လူမူဆက်ဆံရေးနယ်ပယ်၌ ခွသမားဘ၀မှလွတ်မြောက်ကာ ပြေပြစ်သူအဖြစ် ပြောင်းလဲခဲရပါကြောင်း မေတ္တာ ဂရုဏာ ကြီးမားစွာ ဆုံးမသွန်သင် သြ၀ါဒပေးတော်မူခဲ့သော ကျေးဇူးတော်ရှင် နောင်တော်ကြီး ဓုတင်ဆရာတော်၏ သြ၀ါဒတော်တို့ကို ဦးထိပ်ပန်ဆင် ပူဇော် တင်ပြအပ်ပါသည် ။
( သစ္စာဝါဒီ - ဦးမြင့်အောင် )
- မျှဝေပါတယ် ခင်ဗျာ .. ငြိမ်းချမ်းပါစေ ၊

Friday, March 18, 2011

Supermoon Day အမှတ်တရ

အခုတလော သတင်းတွေမှာ Supermoon အမည်ရ လနှင့် ကမ္ဘာ နီးကပ်မှုသည် ၂၀၁၁ မတ်လ ၁၉ ရက်နေ့တွင် ဖြစ်ပေါ်သည့်အခါ မြန်မာအပါအဝင် ကမ္ဘာ့နိုင်ငံများတွင် ရေကြီးခြင်း၊ ငလျင်လှုပ်ခြင်း ဖြစ်နိုင်တယ်ဆိုပြီး မိုးလေဝသနှင့် ဇလဗေဒပညာရှင်အချို့ကခန့်မှန်းပြောဆိုသံတွေကြားနေရပါတယ်။ လဆိုတာ သူ့ပတ်လမ်းမှာ ဘဲဥပုံနဲ့ ပတ်နေတာမို့ ကမ္ဘာနဲ့ အနီးဆုံးတစ်ခါ အဝေးဆုံးတစ်ခါတော့ ၂နှစ် ၃နှစ်မှာ တစ်ကြိမ်လောက် ဖြစ်တတ်တယ်လို့ဆိုပါတယ်။ ၂၀၀၅ ဇန်န၀ါရီလလယ်လောက်တုန်းကလည်း Supermoon Phenomenon ဆိုပြီးဖြစ်ခဲ့ဘူးတာနဲ့ တိုက်ဆိုင်စွာပဲ အဲဒီဖြစ်စဉ်မတိုင်မှီက Asia Tsunami လို့ခေါ်ရလောက်အောင်ကြီး ကျယ်တဲ့ ဆူနာမီရေလှိုင်းလုံးကြီးတွေရဲ့ဖျက်ဆီးမှုကို ၂၀၀၄ ဒီဇင်ဘာ ၂၆ရက်နေ့မှာ ထိုင်း အင်ဒိုနီးရှားစတဲ့ နိုင်ငံတွေမှာခံစားခဲ့ကြရတဲ့နည်းတူ ယနေ့ ၂၀၁၁ မတ်လ ၁၉ရက်နေ့ Supermoon Day မတိုင်မှီ လွန်ခဲ့တဲ့ ၈ရက် ၂၀၁၁ မတ်လ ၁၁ ရက်နေ့ ဂျပန်ပြည်မှာ အင်အား 9.0 Ritchter scale ရှိတဲ့ ကမ္ဘာမှာ ပဉ္စမမြောက် အင်အားအကြီးဆုံးဖြစ်တဲ့ ငလျင်ကြီးလှုပ်အပြီး ချက်ခြင်းဆိုသလို ၁၀ မီတာ ၁၁ မီတာ (မြင်သာ အောင်ပြောရရင် ပေ ၃၀-၃၃ ပေ) ကျော်မြင့်တဲ့လှိုင်းလုံးကြီး တွေ တရိပ်ရိပ်တက်လာပြီး လူနေမြို့ရွာတွေ ပိုင်ဆိုင်မှုတွေကို ဖျက်ဆီးပြစ်လိုက်တာ အားလုံး အမြင်ပါပဲ။

ဒီသတင်းတွေနဲ့ဆက်စပ်စွာပဲ ယုံချင်ယုံ မယုံချင်နေဆိုပြီးပြောနေကြတာကတော့ ကမ္ဘာမှာ အလွန်ရှေးကျတဲ့ မိုင်ယာလူမျိုးစုတွေရဲ့ ပြက္ခဒိန်ကိစ္စပါပဲ။ အဲဒီပြက္ခဒိန်ဟာ နှစ်ပေါင်း ၅၀၀၀ ကျော်ကြာခဲ့ပြီး ၂၀၁၂ ဒီဇင်ဘာ ၂၁ ရက်နေ့အထိပဲရေးဆွဲခဲ့တဲ့အကြောင်းပါပဲ အဲဒါကိုကြည့်ပြီး ပညာရှင်အချို့က အဲဒီရက်စွဲက ကမ္ဘာမြေအတွက် နောက်ဆုံးနေ့ဖြစ်လေမလား တချို့ကလည်း မေယာလူမျိုးပညာရှင်တွေက ပြက္ခဒိန်ကို update မလုပ်ခဲ့တာနဲ့ အဲဒီနေ့က ကမ္ဘာမြေအတွက် နောက်ဆုံးနေ့ ဖြစ်ရတော့မှာလားဆိုပြီး ရယ်သွမ်းသွေးနေကြပါတယ်။ စာရေးသူတို့ကတော့ အဲဒီဘက်မှာ ပညာရှင်တွေမဟုတ်တာမို့ မှားတယ် မှန်တယ် ဝေဘန်နိုင်ဖို့ မတတ်နိုင် တော့လည်း ရေးသားပြောဆိုနေကြ တာတွေကို ဘက်ပေါင်းစုံက လိုက်ဖတ် လိုက်နားထောင်ကြရတာအပြင် ဘာမှသိပ်မတတ်နိုင်ပါဘူး။

သို့ပါသော်လည်း - အဲ - ဆိုသလိုပေါ့ ကမ္ဘာမှာ ရာသီဥတုတွေဖောက်ပြန်ပြီး သဘာဝဘေးအန္တာရယ်တွေ လူတွေ ကာကွယ်နိုင်တာထက်ပိုကြီးတဲ့ အန္တာရယ်ကြီးတွေလစဉ်ဆက်တိုက်ဆိုသလို ကမ္ဘာအနှံ့မှာ ဖြစ်နေတာတွေက အားလုံး မျက်မြင်ပါပဲ။ ပါကစ္စတန်ရေကြီးမှုတွေ၊ ဟေတီငလျင်ကြီး၊ အမေရိကန်မှာ နှင်းမုန်တိုင်းတွေ၊ သြစတြေးလျမှာ ရေတွေကြီးမှုတွေ မုန်တိုင်းကြီးတွေ (Yasi Cyclone)၊ နယူးဇီလန်မှာ ငလျင်ကြီး (ပြင်းအား ၇.၂)တွေ လှုပ်သွားတာမှ ပြောလို့ မဆုံးသေးခင် ယခုဂျပန်မှာ ပြင်းအား ၈.၉ သို့ ၉.၀ လို့ပြောနေကြတဲ့ ငလျင်ကြီးနဲ့အတူ ဆူနာမီလှိုင်းလုံးကြီးတွေ က ဖျက်ဆီးသွားလိုက်တာ ကြောက်ခမန်းလိလိပါပဲ။

ဖြစ်ပျက်နေတဲ့အဖြစ်အပျက်တွေကိုကြည့်ပြီး ရတနာသုံးပါးကို မမေ့မလျော့ကြဖို့ ကောင်းမှုကုသိုလ်တွေ တိုးလုပ် ကြဖို့ကိုပဲ ကိုယ့်ကိုကိုယ်လည်း သတိပေးတဲ့နည်းတူ စပ်မိစပ်ရာမိတ်ဆွေမှန်သမျှကို သတိပေးနေမိပါတယ်။ ဒီနေ့လည်း ကျောင်းလည်းပိတ်လို့ ဆူပါမွန်းလို့ခေါ်ရမယ့် တပေါင်းလပြည့်နေ့လည်းဖြစ်နေလို့ ဥပုသ်စောင့်ဖို့ ကြံစည်လိုက်မိပေမယ့် ၁၂နာရီမထိုးခင် မနက်စာစားဖို့ မစီစဉ်လိုက်နိုင်လို့ ဥပုသ်မစောင့်နိုင်တဲ့အတူတူ အမှတ်တရဆိုပြီး ဒီဆောင်းပါးလေးကို ထိုင်ရေးနေမိပါတယ်။

ဆောင်းပါးလေးကို Natural Disaster တွေ ကမ္ဘာပျက်တော့မယ်ဆိုတဲ့နိမိတ်တွေနဲ့ စလိုက်ရပေမယ့် နဲနဲဖြစ် ဖြစ်တော့မောသွားမယ့် စိတ်လေးကို ပြန်အမောပြေသွားစေဖို့ မြန်မာ စာဆိုပညာရှိကြီးတွေဖွဲ့ဆိုခဲ့တဲ့ ရွတ်ဆိုခံစားကြည့်ရတာ အလွန်အရသာရှိလှတဲ့ ကဗျာလေး နှစ်ပုဒ်ကိုပြန်လည် ကူးယူဖော်ပြလိုက်ရပါတယ် ။

အင်းဝခေတ် ရဟန်းစာဆို ရှင်ဥတ္တမကျော်က သူ၏ တောလား ကဗျာကြီးမှာ တပေါင်းလရဲ့ တင့်တယ်သာယာ ပုံကို - 'လေခ မြေ သက်၊ ဈာန်ဝိတက်သို့၊ သစ်ရွက်ယော်ယီ၊ ဣန္ဒနီဝယ်၊ သိင်္ဂီတ ဝက်၊ ဖက်၍ဆေးစုံ၊ ခြယ်သောပုံသို့၊ ရဂုံမြိုင်တွင်း၊ တောလုံး လင်းသား'ဟု ချီးကျူးဖွဲ့ဆိုခဲ့တဲ့နည်းတူ

ကုန်ဘောင်ခေတ် ပြဇာတ်ဆရာကြီးဦးကြင်ဥ ကလည်း - 'ရှစ်ခွင်တိုင်း၊ မှုန်မှိုင်းတဲ့ပတ်လည်။ ။သဇင်ကြွင်းငယ် နှင့်၊ အင်ကြင်းသန္တာညွန့်ငယ်တို့၊ ဖူးကွန့်ကိုက်စည်။ ။ဘမရာ ရွှေပိတုန်းငယ်တို့၊ ချွေသုံးကြဝတ်ရည်၊ ဆွတ်ကြည်ဘွဲ့ ဖော်ကွဲ။ ။ယင်းသည့်နေ့ဆိုင်၊ ရသေ့သူတော်တိုင်မှ၊ ဉာဏ်မခိုင် ဈာန်ယိုင်လျှောရတယ်၊ ရာသီတွင်ခါညီပြောပေပ၊ ကြော၍သာ မြဲ။' လို့ တပေါင်းလရဲ့သာယာပုံ စာပန်းချီကို လေးတွေကို ရွတ်ဆိုခံစားကြည့်ရင်း ခေတ္တခနစိတ်အပန်းဖြေနိုင်ကြပါစေလို့ဆုမွန်ခြွေရင်း ဒီဆောင်းပါးလေးကို အဆုံးသတ် လိုက်ရပါတယ်။

အပမာဒေန သမ္ပာဒေထ
ဘုရားစကားလိုက်နာပွားတရားလက်မလွတ်ကြပါစေနှင့်

အီဟွာသူ
၁၉-၀၃-၂၀၁၁
တပေါင်းလပြည့်နေ့ (ဆူပါမွန်းနေ့)
နေ့လည် ၃း၂၀

(တပေါင်းလဘွဲ့ကဗျာများကို wikimyanmar မြန်မာ့စွယ်စုံကျမ်း၊ အတွဲ(၄) မှကူးယူဖော်ပြပါသည်။)

Thursday, February 24, 2011

မင်္ဂလာတရားတော်နဲ့အညီ နေထိုင်ကြပါစို့

ခုတစ်လော မင်္ဂလာ တရားတော်တွေအကြောင်းကို ထဲထဲဝင်ဝင် သိချင်စိတ်တွေဖြစ်နေမိပါ တယ်။ အာသေ၀နာစဗာလနံ လူမိုက်ကို မပေါင်းနဲ့ ပဏ္ဍိတာနစ္စသေ၀နာ ပညာရှိကို ဆည်းကပ်ပါ စသည်ဖြင့် ငယ်စဉ်ကတည်းက သိထားတဲ့ အပေါ်ယံတွေထက်ပိုမိုနက်နဲတဲ့ အရာတွေကို သိချင်နေမိပါတယ်။ ဘယ်လိုလူကို လူမိုက်လို့ ခေါ်ရမှာလဲ ဗုဒ္ဓဟောကြားခဲ့တဲ့ တရားတော်တွေထဲမှာ လူမိုက်ရဲ့ အဓိပ္ပါယ်ဖွင့်ဆိုချက် (What is the definition of Barla?) တွေ များရှိနေမလား စသည်ဖြင့် လက်လှမ်းမှီရာဆရာတော်တွေမေးကြည့် စာအုပ်တွေရှာဖတ် လုပ်နေမိပါတယ်။ စိတ်က မင်္ဂလာတရားတော် တွေမှာ ညွှတ်နေမိတုန်းမှာပဲ ဖတ်မိတဲ့စာတွေက စာရေးသူကို သိချင်စိတ်ပိုသထက် ပိုလာစေခဲ့ပါတယ်။ အဲဒါတွေကတော့ ဆရာကြီး ဦးဂိုအင်ကာရဲ့ အတ္ထုပတ္တိဖတ်မိတဲ့အခါ ဆရာကြီးနဲ့ သူ့မိသားစုက နေ့စဉ် ဘုရားဝတ်တက်ကြရင် မင်္ဂလသုတ်ကို ပါဠိအသံထွက် ပီပီသသနဲ့ အမြဲရွတ်ဆို ပူဇော်ကြတယ်လို့ရေးထားပြီး ဆရာတော် ရှင်ဆေကိန္ဒ ၂၀၁၀ ဒီဇင်ဘာလတုန်းက ကိုရီးယားကိုကြွလာတော့ ပေးခဲ့တဲ့ The Meditation Practice based on the Blessing Discourse (Mangala Sutta) ဆိုတဲ့ စာအုပ်ငယ်လေးကလည်း စာရေးသူကို သိချင်စိတ်ပိုနှိုးဆွပေးခဲ့ပြန်ပါတယ်။ အစက ထင်ထားတာက မင်္ဂလသုတ်နဲ့ မင်္ဂလာတရားတော် တွေဟာ လောကမှာ မင်္ဂလာရှိအောင် နေနည်း ထိုင်နည်းတွေလို့ပဲ ထင်ထား ခဲ့ရာကနေ မြတ်စွာဘုရား ဟောကြားခဲ့တဲ့ ဓမ္မခန္ဓာပေါင်း ရှစ်သောင်းလေးထောင်သောတရားတွေ အကုန်လုံးဟာ နိဗ္ဗာန်ကို ဆောင်ကြဉ်းနိုင်တယ် ဆိုတဲ့အတိုင်း မင်္ဂလသုတ်ထဲက လမ်းညွှန်ချက်တွေ အတိုင်း ကျင့်ကြံအားထုတ်ရင် လောကီအကျိုးစီးပွားတွေသာမက နိဗ္ဗာန်ချမ်းသာတိုင်အောင် ပို့ဆောင်နိုင်တယ်ဆိုတာ သိရလို့ အလွန်အားတက်ခဲ့ရပြန်ပါတယ်။ စာအုပ်လေး ခေါင်းစဉ်ကကို စာရေးသူကို ဆွဲဆောင်ခဲ့ရုံသာမက အထဲကရှင်းလင်းချက်တွေ ဖတ်ကြည့် လိုက်ပြန်တော့ နှိုက်နှိုက်နှဲနှဲ ထပ်သိသင့်တာတွေပါ ပေါ်လာပြန်ပါရော။ ငယ်ငယ်က အင်္ဂလိပ်စာ စလေ့လာတော့ စာရေးသူရဲ့ အဖေက English-English Dictionary ကိုကြည့်မှ ပိုတိုးတက်မယ်ဆိုလို့ အဖေ့ရဲ့ ဦးထွန်းငြိမ်း English-Myanmar Dictionary ကြီးကို မကိုင်မိအောင်ကြိုးစားရင်း Oxford E-E အဘိဓာန်ကြည့်မှ ကိုယ်သိချင်တဲ့စာလုံးကိုရှင်းပြထားတဲ့ ထဲမှာ မသိတာကပါနေ အဲဒီစာလုံးဘာလဲ ထပ်ရှာတော့ မသိတာကထပ်ပါနေတော့ ထပ်ရှာရင်းနဲ့ ရှေ့မတက်လာတော့ပဲ နောက်ကိုပြန်သွားနေလိုက်တာ တခါတလေ မူလရှာနေတဲ့စာလုံးတောင် ငါဘာရှာနေတာပါလိမ့် မေ့လုကာနီးဖြစ်ခဲ့ ဖူးသလိုပေါ့ အခုလည်း ၀မ်းသာအားရ ဖတ်မယ်ဆိုမှ ဆရာတော်က အတိုချုပ် ရှင်းပြထားတာဖြစ်နေတော့ နောက်ပြီး ကိုယ့် အင်္ဂလိပ်စာကလည်း ဗုဒ္ဓတရားတော်တွေကို အင်္ဂလိပ်လို ဘာသာပြန်ရေးသားတာတွေ အကုန်နာလည်လောက်အောင် မပြည့်ဝလေတော့ ထပ်အခက်အခဲတွေ့ရပြန်ပါတယ်။ တစ်ခါ နားလည်တဲ့ စာသားတွေ (ဥပမာ "To practise developing the four bases of success, the five spiritual faculties and the five spiritual powers, is the highest blessing, the cause of happiness". p28-29) ကျပြန်တော့လည်း ရေးထားတာတွေနားလည်ပြီး the four bases of success ဆိုတာ ဘာလဲ၊ the five spiritual faculties ဆိုတာကရောဘာပါလိမ့် the five spiritual powers ဆိုတာလည်း မသိပြန်ဘူး စသည်ဖြင့် တကယ့်ကို E-E Dictionary ကြည့်နေမိသလို ဖြစ်ရပါတော့တယ်။ ဘူဖျောင်းက ဓမ္မဒူတ ဘုန်းတော်ကြီးကျောင်းရောက်တော့မှ ဆရာတော် ဒေါက်တာနန္ဒက ကိုမေးလျှောက်မိတော့ Four bases of success ဆိုတာ စေးနဲသူကို ပေးကမ်းခြင်းဖြင့်အောင်နိုင်ခြင်း၊ အမျက်ထွက်သူကို သီးခံခြင်းဖြင့် အောင်နိုင်ခြင်း၊ လိမ်ညာလှည့်ဖြားတတ်သူကို မှန်ကန်စွာပြော ဆိုခြင်းဖြင့်အောင်နိုင် ခြင်း နဲ့အဓမ္မကို ဓမ္မဖြင့် (သူတော်ကောင်းတ ရားဖြင့်) အောင်နိုင်ခြင်း တွေဖြစ်တယ် ဆိုတာ သိလာရပါတယ်။ The Five Spiritual Faculties ဆိုတာကတော့ အိနြေ္ဒငါးပါးဖြစ်ပြီး သဒ္ဓိနြေ္ဒ၊ ၀ိရိယိနြေ္ဒ၊ သတိနြေ္ဒ၊ သမာဓိနြေ္ဒ နှင့် ပညိနြေ္ဒ တို့ဖြစ်ပါတယ်တဲ့။ The Five Spiritual Powers ဆိုတာကတော့ ဗိုလ်ငါးပါးကို ဆိုလိုပုံရတယ်လို့ပြောပါတယ်။ ဗိုလ်ငါးပါးဆိုတာတွေကတော့ သဒ္ဓါဗိုလ်၊ ၀ီရိယဗိုလ်၊ သတိဗိုလ်၊ သမာဓိဗိုလ် နဲ့ ပညာဗိုလ်တို့ဖြစ်ပါတယ်တဲ့။ ဒီလိုနဲ့ မေးစရာ သိစရာတွေ အလွန်များနေစဉ်မှာပဲ ဆရာတော် အရှင်ဆေကိန္ဒ ဖေဖော်ဝါရီလမှာ ကြွလာတုန်းက စာရေးသူက ဒယ်ဂူးမှာ ရောက်နေလို့ မရလိုက်သေးတဲ့ မင်္ဂလသုတ္တန်တရားတော်အရ တရားအားထုတ်နည်း ဆိုတဲ့စာအုပ်လေး ဖတ်လိုက်ရတော့မှ သိချင်နေတာတွေ အကုန်ရှင်းလင်းသွားပြီး ရေငတ်နေတုန်းရေတွင်းထဲကျ ဆိုသလို စိတ်ထဲဆာနေတာတွေ ပြည့်သွားပါတော့တယ်။ စာအုပ်လေးက ဓမ္မဒူတ ဇေတ၀န် တောရ စာစဉ်လေး ဖြစ်ပြီး ဆုပြည့်စုံထွန်းစာပေက ၂၀၁၁ ဇန်နာဝါရီလကမှ ပုံနှိပ်ထုတ်ဝေလိုက်တာလေးမို့ အားလုံး အလွယ်တကူဝယ်ထားပြီး အထပ်ထပ်ဖတ်ကြရုံသာမက လက်တွေ့ကျင့်ကြံကြခြင်း ဖြင့် လောကီ လောကုတ် နှစ်ဖြာလုံး အကျိုးရှိမယ့် စာအုပ်လေးဖြစ်ကြောင်း စာအုပ်လေးကို ရည်ညွှန်းရင်းနဲ့ပဲ ကလေးတွေအတွက် ရည်ရွယ်ဖွဲ့ဆို ခဲ့ပုံရတဲ့ ၃၈ ဖြာ မင်္ဂလာဆိုတဲ့ ကဗျာလေးက ကလေးတွေအတွက်သာမက အရွယ်သုံးပါးလုံးကို နိဗ္ဗာန်တိုင်အောင် ဆောင်ကြဉ်းပို့ဆောင်ပေးမယ့် ကဗျာလေးဖြစ်တာမို့ ကဗျာလေးကို တစ်ပိုဒ်ပဲ ရတော့လို့ လိုချင်နေတာ ဆရာတော်က Google မှာရှာကြည့်လိုက်ပါဆိုတဲ့အတိုင်း လို-တ-ရ Google search ကနေတစ်ပါတည်း ရှာဖွေဖော်ပြလိုက်ရပါတယ်။

စာဖတ်သူအားလုံး မင်္ဂလာအပေါင်းနဲ့ပြည့်စုံအောင် ကျင့်ကြံပွားများ အားထုတ်နိုင်ကြပါစေ။ အီဟွာသူ (၂၅-၂-၂၀၁၁)

၃၈ ဖြာ မင်္ဂလာတရားကဗျာများ

(က) မင်္ဂလာနိဒါန်း
သုံးဆယ့်ရှစ်ဖြာ မင်္ဂလာတရားကို
နတ်လူအများ ကြံစည်ပေ။
ဘယ်သင်း ဘယ်ဟာ မင်္ဂလာစစ်ဟု
သေချာဇစ်မြစ် မသိပေ။
ဆယ့်နှစ်နှစ်တိုင် နှုတ်ပြိုင်ငြင်းလို့၊
မင်္ဂလာအခင်း မပြီးပေ။
မင်္ဂလာတရား၊ ၀ါဒများ၊ ကွဲပြား နတ်လူတွေ။
အဲဒါကြောင့် ကြံကြ စည်ကြ ကမ္ဘာမင်္ဂတွေ။

(ခ) သာဝတ္ထိပြည်မွန် ဇေတ၀န်ကျောင်းဝယ်
ကိန်းအောင်းပျော်မွေ့ မြတ်စိန္တေ။
သန်းခေါင်ယံခါ မထင်ရှားသည့်၊
နတ်သားတစ်ယောက် ချဉ်းကပ်လေ။
ချဉ်းကပ်ပြီးသော် မင်္ဂလာသဘောက၊ို
ထင်ရှားဟောဖို့ လျှောက်ပန်ချွေ။
အသေ၀နာ တရား၊ အစထား၊ ဟောကြား မိန့်ခဲ့ပေ။
အဲဒါကြောင့် နာရ ကြားရ ကမ္ဘာ့မင်္ဂလာတွေ။

၁။ ပေါင်းသင်းဆက်ဆံရေး မင်္ဂလာ ၃ ပါး
အသေ၀နာ စ ဂါထာ
လူမိုက်ဆိုလျှင် ရှောင်သွေလွှဲလို့
မမှီဝဲနဲ့ ကင်းအောင်နေ။
ပညာရှိကို အရှည်တွဲလို့
မှီဝဲဆည်းကပ် နည်းယူစေ။
သုံးပါးရတနာ မိဘများနှင့်၊
ဆရာသမားကို ပူဇော်လေ။
ချမ်းသာကိုပေး၊ ဆက်ဆံရေး၊ မျှော်တွေး၊ သုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၂။ နေထိုင်ရေး မင်္ဂလာ ၃ ပါး
ပတိရူပ ဂါထာ
ကုသိုလ်ပညာ ဥစ္စာရဖို့၊
သင့်ရာဒေသ အမြဲနေ။
ရှေးက တင်ကြို ပြုခဲ့ဖူးသည့်၊
ကောင်းမှုအထူး ရှိပါစေ။
မိမိကိုယ်ကို ကောင်းအောင်ထိန်းလို့၊
မတိမ်းစေနဲ့ ဆောက်တည်လေ။
ဥစ္စာကိုပေး၊ နေထိုင်ရေး၊ မျှော်တွေး သုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၃။ သင်ကြားရေး မင်္ဂလာ ၄ ပါး
ဗာဟုသစ္စဉ္စ ဂါထာ
တတ်ကောင်း တတ်ရာ ဟူသမျှကို၊
ကြားမြင်သုတ ရှိပါစေ။
အိုးအိမ်တည်ထောင် ၀မ်းစာရေးနဲ့၊
အသက်မွေးဖို့ အတတ်သင်လေ။
လူနှင့်ဆိုင်ရာ ကျင့်ဝတ်များကို၊
ကောင်းစွာသင်ကြား နားလည်စေ။
မှန်ကန်ယဉ်ကျေး၊ ချိုသာအေး၊ ဆိုရေး တတ်ပါစေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၎။ ပြုစုရေး မင်္ဂလာ ၃ ပါး
မာတာပိတု ဂါထာ
မြင်းမိုရ်ရွှေတောင် မိဘကြွေးကို၊
ကောင်းစွာဆပ်ပေး ၀တ်ကျေကျေ။
ကြွေးသစ်ချကာ သားနှင့်မယား၊
မြှောက်စားချီးမြှင့် ၀တ်ကုန်စေ။
အလုပ်တာဝန် မလစ်ဟင်းနဲ့၊
အပြစ်ကင်းအောင် လုပ်ပါလေ။
စည်းစိမ်ကိုပေး၊ ပြုစုရေး၊ မျှော်တွေး သုံးချက်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၅။ လိုက်နာကျင့်သုံးရေး မင်္ဂလာ ၄ ပါး
ဒါနဉ္စ ဂါထာ
သုံးတန်စေတနာ ဖြုစင်လန်းလို့၊
ပေးကမ်းဝေမျှ လှုနိုင်စေ။
ကိုယ်နှုတ်စိတ်ကြံ မမိုက်မှားနဲ့၊
သုစရိုက်တရားကို ကျင့်ပါလေ။
ဆွေမျိုးတွေကို ပြင်ပမထားနဲ့၊
သင်္ဂဟတရားနှင့် ချီးမြှောက်လေ။
သန့်စင်ပြစ်မျိုး၊ လူထုကျိုး၊ သယ်ပိုး ဆောင်ရွက်စေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၆။ ရှောင်ကြဉ်ရေး မင်္ဂလာ ၄ ပါး
အာရတီ ၀ိရတီ ဂါထာ
မကောင်းမှုတွေ ဟူသမျှကို၊
မတွေ့ခင်က ရှောင်ကြဉ်လေ။
တွေ့ကြုံလာလျှင် မလွန်ကျူးနဲ့
အထူးသဖြင့် စောင့်စည်းနေ။
အရက်သေစာ မသောက်စားနဲ့
မှောက်မှားတတ်တဲ့ အရာပေ။
လုပ်ကိုင်ပြောကြား၊ သတိထား၊ တရား မမေ့စေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၇။ စိတ်ထားရေး မင်္ဂလာ ၅ ပါး
ဂါရဝေါ စ ဂါထာ
အသက်ဂုဏ်ဝါ ကိုယ့်ထက်ကြီးက၊
ဆည်းကပ် ခစား ရိုသေလေ။
မာနတံခွန် ဂုဏ်မကြွနဲ့၊
ကိုယ့်ကိုယ်နှိမ့်ချ အမြဲနေ။
လောဘအပို လိုမလိုက်နဲ့၊
ကိုယ်ထိုက်တာနဲ့ ကျေနပ်လေ။
ကိုယ့်ပေါ်ပြုဖူး၊ သူ့ကျေးဇူး၊ အထူးသိတတ်စေ။
ကောင်းကျိုးဆင့်ပွား၊ မြတ်တရား၊ နာကြား မပြတ်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၈။ သည်းခံရေး မင်္ဂလာ ၄ ပါး
ခန္တီစ ဂါထာ
ဝတ်စား နေထိုင် ရန်ခပ်သိမ်း၊
စိတ်ကို ချုပ်ထိန်း သည်းခံလေ။
ကျိုးကြောင်းပြညွှန် ဆုံးမစကား၊
ပြောကြားလာက နာလွယ်စေ။
သူမြတ်ပုဂ္ဂိုလ် ဟူသမျှကို၊
မကြာခဏ တွေ့ဆုံလေ။
သဘာဝတွေး၊ မှန်ကန်ရေး၊ ဆွေးနွေး မပြတ်ပေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၉။ ခြိုးခြံရေး မင်္ဂလာ ၄ ပါး
တပေါ စ ဂါထာ
လောကီအာရုံ ဇိမ်ယစ်မူးလို့၊
ပျော်မကြူးနဲ့ ခြိုးခြံလေ။
မေတ္တာဗြဟ္ဓစိုရ် လက်ကိုင်သုံးလို့၊
သူမြတ်ကျင့်ထုံး ယွင်းမသွေ။
လေးပါးသစ္စာ ဉာဏ်မြင်ကြည့်လို့၊
အမှန်သိအောင် ကြိုးစားလေ။
ဒုက္ခလွတ်ကင်း၊ နိဗ္ဗာန်ချဉ်း၊ အလင်း ပေါက်နိုင်စေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၁၀။ စိတ်ဓာတ်ခိုင်ခံ့ရေး မင်္ဂလာ ၄ ပါး
ဖုဋ္ဌဿ ဂါထာ
ဆင်းရဲ ချမ်းသာ သဘာဝ၊
တွေ့ကြုံနေကြ လူတိုင်းပေ။
ကောင်းဆိုးနှစ်တန် အစုံတွဲလို့၊
တလဲစီလှည့် အမြဲနေ။
လောကဓံကြုံ မဖြုံတမ်းပေါ့၊
မတုန်စမ်းနဲ့ စိတ်ခိုင်စေ။
သောကကိုထိန်း၊ ရမ္မက်သိမ်း၊ အေးငြိမ်း ချမ်းသာနေ။
အဲဒါမှ ဗုဒ္ဓ၀ါဒ ကမ္ဘာ့မင်္ဂလာတွေ။

၁၁။ မင်္ဂလာ၏အကျိုး
သုံးဆယ့်ရှစ်ဖြာ မင်္ဂလာကုံးကို၊
လိုက်နာကျင့်သုံး ပန်သူတွေ။
စီးပွားချမ်းသာ ကျက်သရေတိုးလို့၊
ကောင်းကျိုးစည်ပွင့် တဝေေ၀။
ဘေးကင်းရန်ကွာ ချစ်သူပေါလို့၊
စိတ်ရော ကိုယ်ရော ချမ်းသာမလေ။
ပြောဆိုကြံဆ၊ ဆောင်သမျှ၊ အောင်ရမည် ကိန်းသေ။
အဲဒါကြောင့် ပန်ကြ ဆင်ကြ မင်္ဂလာ့ပန်းခိုင်တွေ။


(ကဗျာလေးကို http://kyawkyawoo81.blogspot.com/2008/07/blog-post_22.html
မှကူးယူဖော်ပြပါသည်)